ଭୁବନେଶ୍ୱର: ଭୁବନେଶ୍ୱର ର କେନ୍ଦ୍ରସ୍ଥଳରେ ଅତ୍ୟାଧୁନିକ ସେବା ସହ ରେସ୍ତୋରାଁରେ ଖାଇବା ପାଇଁ ଆଉ ଏକ ଡେଷ୍ଟିନେସନ୍ ଏଚ୍ଏଚ୍ଆଇ ର କଳସ ରେଷ୍ଟୁରାଣ୍ଟ। କୋରୋନା ତଥା ବିଭିନ୍ନ କାରଣ ପାଇଁ ବନ୍ଦ ଥିବା ଏହି ରେଷ୍ଟୁରାଣ୍ଟର ରୁପାନ୍ତରିକରଣ ହୋଇ ଏକ ଅପୂର୍ବ ଅନୁଭବ ପ୍ରଦାନ କରିବାକୁ ପ୍ରସ୍ତୁତ ରହିଛି।
ବୁଧବାର ଖାରବେଳ ନଗର ସ୍ଥିତ ଭୁବନେଶ୍ଵରର ପ୍ରଥମ ବୁଟିକ୍ ହୋଟେଲ୍ ଏଚ୍ଏଚ୍ଆଇର ଏକ ସ୍ବତନ୍ତ୍ର ୱିଙ୍ଗ୍ ତଥା କଳସ ରେଷ୍ଟୁରାଣ୍ଟର ଶୁଭାରମ୍ଭ ମାର୍ଚ୍ଚ ୨୫ ରୁ ହେବ ବୋଲି ଏଚ ଏଚ ଆଇ ର ମହାପ୍ରବନ୍ଧକ ଅନିର୍ବାଣ ସାନିୟାଲ୍ ଏକ ପ୍ରେସ ବିବୃତିରେ ପ୍ରକାଶ କରିଛନ୍ତି। ସୁସ୍ୱାଦୁ ଖାଦ୍ୟ ସହ ସୁନ୍ଦର ସାଜସଜ୍ଜା ଓ ମନୋରଞ୍ଜନ ପାଇଁ ରହିଛି ଲାଇଭ୍ ଗଜଲ କାର୍ଯ୍ୟକ୍ରମ। ରେଷ୍ଟୁରାଣ୍ଟ କଳସରେ ଗ୍ରାହକ ପାଇପାରିବେ ଉଭୟ ଭେଜ୍ ଓ ନନ୍-ଭେଜ୍ ଭୋଜନ। ଦେଶୀର ସବୁ ପ୍ରକାରର ଗରମା ଗରମ ଖାଦ୍ୟ ଏଠାରେ ଉପଲବ୍ଧ ହେଉଛି । ଶୀଘ୍ର ଖାଇବାକୁ ଚାହୁଁଥିବା ଗ୍ରାହକଙ୍କ ପାଇଁ ଉଚିତ୍ ଦାମ ସହ ରହିଛି ସ୍ପତନ୍ତ୍ର ଥାଳି।
ସାମ୍ବାଦିକ ସମ୍ମିଳନୀରେ ଏଚ୍ ଏଚ୍ ଆଇ ହୋଟେଲ ର ପରିଚାଳନା ନିର୍ଦ୍ଦେଶକ (Operation Manager) ହରି ପ୍ରସନ୍ନ ମଜୁମଦାର ଓ ମାଷ୍ଟର ସେଫ୍ ଗଣେଶ ବେହେରା, ରେଷ୍ଟୁରାଣ୍ଟ ମ୍ୟାନେଜର ବିଶ୍ବଜିତ ହରିଚନ୍ଦନ, ଏଚ ଆର ମ୍ୟାନେଜର ଦିଗବିଜୟ ସେନ୍,ସେଲ୍ସ ମ୍ୟାନେଜର ରବିନ୍ଦ୍ର ନାଏକ ପ୍ରମୁଖ ଉପସ୍ଥିତ ଥିଲେ।