Categories
ଅପରାଧ ଆଜିର ଖବର ଜାତୀୟ ଖବର

ମିଥ୍ୟା ଖବର ପ୍ରସାରଣ ମାମଲା: ୬ଟି ୟୁଟ୍ୟୁବ୍ ଚ୍ୟାନେଲ ଉପରେ ହେଲା କାର୍ଯ୍ୟାନୁଷ୍ଠାନ

ଦିଲ୍ଲୀ: ସୂଚନା ଓ ପ୍ରସାରଣ ମନ୍ତ୍ରଣାଳୟର ପିଆଇବି ଫ୍ୟାକ୍ଟ ଚେକ୍ ୟୁନିଟ୍ /ସତ୍ୟତା ଯାଂଚ ୟୁନିଟ୍ (ଏଫସିୟୁ) ୬ଟି ୟୁଟ୍ୟୁବ୍ ଚ୍ୟାନେଲର ପର୍ଦ୍ଦାଫାଶ୍ କରିଛନ୍ତି, ଯେଉଁ ଗୁଡିକ ସଂଯୋଜିତ ଭାବରେ କାର୍ଯ୍ୟ କରୁଥିଲେ ଏବଂ ଭାରତରେ ମିଥ୍ୟା ଓ ତଥ୍ୟର ପ୍ରଚାର କରୁଥିଲେ। ଏହି ଚ୍ୟାନେଲ ଗୁଡିକ ଦ୍ୱାରା ପ୍ରସାରିତ ମିଥ୍ୟା ଖବରକୁ ପ୍ରତିହତ କରିବା ପାଇଁ ଫ୍ୟାକ୍ଟ ଚେକ ୟୁନିଟ୍ ୧୦୦ରୁ ଅଧିକ ସତ୍ୟତା ଯାଂଚ କରି ୬ ଟି ପୃଥକ ଟ୍ୱିଟର ସୂତ୍ରକୁ ପ୍ରକାଶ କରିଛନ୍ତି।

ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଅଧୀନରେ ଥିବା ଏହି ୟୁନିଟର ଏହା ହେଉଛି ଏହି ଭଳି ଦ୍ୱିତୀୟ କାର୍ଯ୍ୟାନୁଷ୍ଠାନ, ଯେଉଁଥିରେ ସବୁ ଚ୍ୟାନେଲ ଗୁଡ଼ିକ ଉପରେ ଚଢ଼ାଉ କରାଯାଇଛି।
ଏହି ୬ଟି ୟୁଟ୍ୟୁବ୍ ଚ୍ୟାନେଲ ଗୁଡିକ ଏକ ସଂଯୋଜିତ ନକଲି ସୂଚନା ନେଟୱର୍କର ଅଂଶ ଭାବରେ କାର୍ଯ୍ୟ କରୁଥିବା ଜାଣିବାକୁ ମିଳିଥିଲା, ଯାହାର ପ୍ରାୟ ୨୦ ଲକ୍ଷ ଗ୍ରାହକ ରହିଥିଲେ ଏବଂ ସେମାନଙ୍କ ଭିଡିଓ ଗୁଡିକ ୫୧ କୋଟିରୁ ଅଧିକ ଥର ଦେଖା ଯାଇଥିଲା।

ପିଆଇବି ସତ୍ୟତା ଯାଂଚ ୟୁନିଟ୍ ଦ୍ୱାରା ଚିହ୍ନଟ ହୋଇଥିବା ୟୁଟ୍ୟୁବ୍ ଚ୍ୟାନେଲ ଗୁଡିକ ନିର୍ବାଚନ, ସୁପ୍ରିମକୋର୍ଟର କାର୍ଯ୍ୟ ନିର୍ବାହ ଏବଂ ଭାରତର ସଂସଦରେ ଚାଲିଥିବା ପ୍ରକ୍ରିୟା, ଭାରତ ସରକାରଙ୍କ କାର୍ଯ୍ୟକଳାପ ଇତ୍ୟାଦି ବିଷୟରେ ମିଥ୍ୟା ଖବର ପ୍ରସାରଣ କରିଛନ୍ତି, ଉଦାହରଣ ସ୍ୱରୂପ ଇଲେକ୍ଟ୍ରୋନିକ୍ ଭୋଟିଂ ମେସିନ୍ ଉପରେ ନିଷେଧାଦେଶ ଏବଂ ମିଥ୍ୟା ବିବୃତି ପାଇଁ ଭାରତର ମାନ୍ୟବର ରାଷ୍ଟ୍ରପତି, ମାନ୍ୟବର ପ୍ରଧାନ ବିଚାରପତିଙ୍କ ସମେତ ବରିଷ୍ଠ ସାମ୍ବିଧାନିକ କାର୍ଯ୍ୟକର୍ତ୍ତାଙ୍କୁ ଦାୟୀ କରା ଯାଇଥିବା।

ଚ୍ୟାନେଲ ଗୁଡିକ ଏକ ନକଲି ସମ୍ବାଦ ଅର୍ଥ ବ୍ୟବସ୍ଥାର ଏକ ଅଂଶ ବିଶେଷ, ଯାହା ମିଥ୍ୟା ଖବରର ପ୍ରସାରଣ କରି ଅର୍ଥ ସଂଗ୍ରହରେ ବୃଦ୍ଧି ଘଟାଇ ଥାଏ। ଚ୍ୟାନେଲ୍ ଗୁଡିକ ଜାଲ, କ୍ଲିକ୍ ବେଟ୍ ଏବଂ ସମ୍ବେଦନଶୀଳ ଥମ୍ବ ନେଲ୍ ଏବଂ ଟିଭି ଚ୍ୟାନେଲ ଗୁଡିକର ଟେଲିଭିଜନ୍ ନ୍ୟୁଜ୍ ଆଙ୍କର୍ ମାନଙ୍କର ଛବି ବ୍ୟବହାର କରି ଏହି ଖବର ସତ୍ୟ ଉପରେ ଆଧାରିତ ଅଟେ ବୋଲି ଦର୍ଶକଙ୍କୁ ବିଭ୍ରାନ୍ତ କରିବା ପାଇଁ ବ୍ୟବହାର କରୁଥିଲେ ଏବଂ ସେମାନଙ୍କ ଦ୍ୱାରା ପ୍ରକାଶିତ ଭିଡିଓ ଗୁଡିକର ମୁଦ୍ରାକରଣ କରିବା ପାଇଁ ସେମାନଙ୍କ ଚ୍ୟାନେଲରେ ଦର୍ଶକ ସଂଖ୍ୟା ବୃଦ୍ଧି କରୁଥିଲେ।

ପିଆଇବି ସତ୍ୟତା ଯାଂଚ ୟୁନିଟ୍ ଦ୍ୱାରା ଏହା ହେଉଛି ଦ୍ୱିତୀୟ କାର୍ଯ୍ୟାନୁଷ୍ଠାନ। ଏହା ପୂର୍ବରୁ ଏକ ପ୍ରମୁଖ କାର୍ଯ୍ୟାନୁଷ୍ଠାନରେ, ୨୦ ଡିସେମ୍ବର, ୨୦୨୨ ରେ, ୟୁନିଟ୍ ମିଥ୍ୟା ଖବର ପ୍ରଚାର କରୁଥିବା ତିନୋଟି ଚ୍ୟାନେଲ୍ର ପର୍ଦ୍ଦାଫାଶ କରିଥିଲା।

ପିଆଇବି ସତ୍ୟତା ଯାଂଚ ୟୁନିଟ୍ ଦ୍ୱାରା ପୋଷ୍ଟ କରା ଯାଇଥିବା ଟ୍ୱିଟର ସୂତ୍ର ଗୁଡ଼ିକର ଲିଙ୍କ୍:

୧. ନେସନ ଟିଭିର ଭିଡିଓ ଗୁଡ଼ିକରେ ସତ୍ୟତା ଯାଂଚ:
୨. ସମ୍ବାଦ ଟିଭିର ଭିଡିଓ ଗୁଡିକ ଉପରେ ସତ୍ୟତା ଯାଂଚ:
୩. ସରୋକାର ଭାରତର ଭିଡିଓ ଗୁଡିକ ଉପରେ ସତ୍ୟତା ଯାଂଚ:
୪. ନେସନ ୨୪ ଭିଡିଓ ଗୁଡ଼ିକ ଉପରେ ସତ୍ୟତା ଯାଂଚ:
୫. ସ୍ୱର୍ଣ୍ଣିମ ଭାରତ ଭିଡିଓ ଗୁଡିକ ଉପରେ ସତ୍ୟତା ଯାଂଚ:
୬. ସମ୍ବାଦ ସମାଚାର ଭିଡିଓ ଗୁଡ଼ିକ ଉପରେ ସତ୍ୟତା ଯାଂଚ:

Categories
ବିଶେଷ ଖବର

ପୁଣି ୧୬ ଟି ୟୁଟ୍ୟୁବ୍ ଚ୍ୟାନେଲକୁ ବ୍ଲକ୍ କଲେ କେନ୍ଦ୍ର ସରକାର: ପାକିସ୍ତାନରୁ ହେଉଥିଲା ସଞ୍ଚାଳିତ

ନୂଆଦିଲ୍ଲୀ: ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ୧୬ ଟି ୟୁଟ୍ୟୁବ୍ ନ୍ୟୁଜ୍ ଚ୍ୟାନେଲକୁ ବ୍ଲକ୍ କରିବାକୁ ନିଷ୍ପତ୍ତି ନେଇଛି। ଭାରତର ଜାତୀୟ ସୁରକ୍ଷା, ବୈଦେଶିକ ସମ୍ପର୍କ ଏବଂ ଜନ ଶୃଙ୍ଖଳା ସମ୍ବନ୍ଧୀୟ ମିଥ୍ୟା ଘଟଣାକୁ ପ୍ରଚାର ପ୍ରସାର କରୁଥିବା ଯୋଗୁଁ ଏହି ସବୁ ୟୁଟ୍ୟୁବ୍ ନ୍ୟୁଜ୍ ଚ୍ୟାନେଲ ଉପରେ କାର୍ଯ୍ୟାନୁଷ୍ଠାନ ହୋଇଛି। ଏହି ୧୬ ଟି ୟୁଟ୍ୟୁବ୍ ଚ୍ୟାନେଲ ମଧ୍ୟରୁ ୧୦ ଟି ଭାରତୀୟ ଏବଂ ୬ ଟି ପାକିସ୍ଥାନରୁ କାର୍ଯ୍ୟ କରୁଥିଲା। ଆଇଟି ନିୟମ ୨୦୨୧ ଅନୁଯାୟୀ ଜରୁରୀକାଳୀନ କ୍ଷମତା ପ୍ରୟୋଗ କରି ଭାରତ ସରକାର ଏହି ୟୁଟ୍ୟୁବ ଚ୍ୟାନେଲଗୁଡ଼ିକୁ ଅବରୋଧ କରିଛନ୍ତି। ଏହି ୟୁଟ୍ୟୁବ୍ ଚ୍ୟାନେଲଗୁଡିକ ଜାତୀୟ ବିରୋଧୀ ଦୃଷ୍ଟିକୋଣ, ସାମ୍ପ୍ରଦାୟିକ ଘୃଣା ଏବଂ ଭାରତରେ ଭୟର ବାତାବରଣ ସୃଷ୍ଟି କରିବାକୁ ଚେଷ୍ଟା କରୁଥିଲେ। ଏହି ଚ୍ୟାନେଲଗୁଡିକରେ ୬୮ କୋଟିରୁ ଅଧିକ ସବସ୍କ୍ରାଇବର ଥିଲେ।

ଏହା ପୂର୍ବରୁ ଏପ୍ରିଲ୍ ୫ ତାରିଖରେ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ୨୨ ଟି ୟୁଟ୍ୟୁବ୍ ଚ୍ୟାନେଲ ଉପରେ ପ୍ରତିବନ୍ଧକ ଲଗାଇଥିଲେ। ଏହା ପ୍ରଥମ ଥର ଥିଲା ଯେ, ଆଇଟି ନିୟମ ୨୦୨୧ ଅଧୀନରେ ପ୍ରଥମ ଥର ପାଇଁ ୧୮ ଟି ଭାରତୀୟ ୟୁଟ୍ୟୁବ୍ ନ୍ୟୁଜ୍ ଚ୍ୟାନେଲ୍ କୁ ବ୍ୟାନ କରାଯାଇଥିଲା। ଏହି ସମୟରେ ପାକିସ୍ତାନର ୪ ଟି ୟୁଟ୍ୟୁବ୍ ନ୍ୟୁଜ୍ ଚ୍ୟାନେଲକୁ ମଧ୍ୟ ବନ୍ଦ କରାଯାଇଥିଲା। ଦର୍ଶକଙ୍କୁ ବିଭ୍ରାନ୍ତ କରିବା ପାଇଁ ୟୁଟ୍ୟୁବ୍ ଚ୍ୟାନେଲଗୁଡ଼ିକ ଟିଭି ନ୍ୟୁଜ୍ ଚ୍ୟାନେଲଗୁଡ଼ିକର ଲୋଗୋ ଏବଂ ନକଲି ଥମ୍ବନେଲ ବ୍ୟବହାର କରିଥିଲେ। ଏହା ବ୍ୟତୀତ ୩ ଟି ଟ୍ୱିଟର ଆକାଉଣ୍ଟ, ୧ ଫେସବୁକ୍ ଆକାଉଣ୍ଟ ଏବଂ ଏକ ନ୍ୟୁଜ୍ ୱେବସାଇଟ୍ ମଧ୍ୟ ବ୍ଲକ୍ କରାଯାଇଥିଲା।

ଭାରତ ସରକାର କହିଥିଲେ ଯେ, ଏପ୍ରିଲ୍ ୫ ତାରିଖରେ, ଅବରୋଧିତ ୟୁଟ୍ୟୁବ୍ ଚ୍ୟାନେଲଗୁଡିକର ମୋଟ ଦର୍ଶକଙ୍କ ସଂଖ୍ୟା ୨୬୦ କୋଟିରୁ ଅଧିକ ଥିଲେ। ଜାତୀୟ ନିରାପତ୍ତା, ଭାରତର ବୈଦେଶିକ ସମ୍ପର୍କ ତଥା ଜନ ଶୃଙ୍ଖଳା ଦୃଷ୍ଟିରୁ ସମ୍ବେଦନଶୀଳ ବିଷୟ ଉପରେ ସୋସିଆଲ ମିଡିଆରେ ମିଥ୍ୟା ଖବର ଏବଂ ସୁଚିନ୍ତିତ ପ୍ରଚାର ପ୍ରସାର ପାଇଁ ସେଗୁଡିକୁ ଅପବ୍ୟବହାର କରାଯାଉଥିଲା।

Categories
ଆଜିର ଖବର ଖେଳ ଜାତୀୟ ଖବର

ମୋର କିଛି ବି ହୋଇଥିଲେ, ତୁମକୁ ଜୀବନ୍ତ ଜାଳି ଦେଇଥାନ୍ତେ ଭାରତୀୟ: ଶୋଏବ ଅଖତରଙ୍କୁ କହିଥିଲେ ସଚିନ

ନୂଆଦିଲ୍ଲୀ: ଶୋଏବ ଅଖତର ତାଙ୍କ କ୍ରିକେଟ୍ କାହାଣୀ ପାଇଁ ହେଡଲାଇନରେ ରହିଥା’ନ୍ତି। ତାଙ୍କ ୟୁଟ୍ୟୁବ୍ ଚ୍ୟାନେଲରେ, ସେ ଅନେକ ଥର ଏହିପରି କଥାବାର୍ତ୍ତା ଜାରି ରଖନ୍ତି, ଯାହା ପରଦିନ ହେଡଲାଇନ୍ ହୋଇଯାଏ। ଏଥର ମଧ୍ୟ ଶୋଏବ ଅଖତର ସଚିନ ତେନ୍ଦୁଲକରଙ୍କ ବିଷୟରେ ସମାନ ବିବୃତ୍ତି ଦେଇଛନ୍ତି ଯାହା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।

ଶୋଏବ ଅଖତର ଏପରି ଏକ ବିବୃତ୍ତି ଦେଇଛନ୍ତି, ଯାହା ପରେ ଏକ ହଙ୍ଗାମା ସୃଷ୍ଟି ହୋଇଛି। ବାସ୍ତବରେ, ଷ୍ଟାଣ୍ଡ ଅପ୍ ହାସ୍ୟ ଅଭିନେତା ତନ୍ମୟ ଭଟ ଏବଂ ଜାକିର ଖାନଙ୍କ ସହ ଅନେକ ପରିଚିତ ଚେହେରା ୟୁଟ୍ୟୁବ ଚାଟରେ ଏକାଠି ଥିଲେ। ଏହି ସମୟରେ ସଚିନ ଏବଂ ତାଙ୍କ ସହ ଲକ୍ଷ୍ନୌର ଏକ ଘଟଣା ଅଖତର ସେୟାର କରିଥିଲେ।

ଶୋଏବ ଅଖତର କହିଛନ୍ତି ଯେ, ମୋର ଅନେକ କାହାଣୀ ଅଛି। ଲକ୍ଷ୍ନୌର ଏକ କାହାଣୀ ଅଛି, ଯେଉଁଠାରେ ଆମର ଏକ ମ୍ୟାଚ୍ ଥିଲା। ଗୋଟିଏ ରାତିରେ ଏକ ପାର୍ଟୀ ହୋଇଥିଲା, ଭାରତ ଏବଂ ପାକିସ୍ତାନୀ ଖେଳାଳିମାନେ ଉପସ୍ଥିତ ଥିଲେ। ମୁଁ ସଚିନଙ୍କ ନିକଟକୁ ଯାଇ ତାଙ୍କୁ କହିଲି, ମୋତେ ତୁମ କାନ୍ଧରେ ବୋହି ନେବାକୁ ଦିଅ। ସେ ଉଚ୍ଚତାରେ ଛୋଟ। ତେଣୁ ମୁଁ ଭାବିଲି ଏହା ସହଜ ହେବ। କିନ୍ତୁ ମୁଁ ତାଙ୍କୁ ଉଠାଇବା ମାତ୍ରେ ସେ ଖସିପଡି ତଳେ ପଡ଼ିଗଲେ। ମୁଁ ଭାବିଲି ସେ ବର୍ତ୍ତମାନ ଆହତ ହୋଇଛନ୍ତି, ମୁଁ ତାଙ୍କୁ କ୍ଷମା ମାଗିଲି ଏବଂ ପଚାରିଲି, ସଚିନ୍, ତୁମେ ଠିକ୍ ଅଛ ତ?

ସଚିନ୍ ତେନ୍ଦୁଲକର ଉତ୍ତର ଦେଇ କହିଲେ ଯେ, ଯଦି ମୋ ସହିତ କିଛି ହୋଇଥାନ୍ତା, ତେବେ ଭାରତର ଲୋକମାନେ ଆପଣଙ୍କୁ ଜୀବନ୍ତ ଜାଳି ଦେଇଥାନ୍ତେ। ଏହା ପରେ ଶୋଏବ ଅଖତର ହସିବାକୁ ଲାଗିଲେ ଏବଂ ପରେ ଏହା ମଧ୍ୟ କହିଥିଲେ ଯେ, ସଚିନ ତେନ୍ଦୁଲକର ସବୁ ସମୟର ଶ୍ରେଷ୍ଠ ଖେଳାଳି, ଏଥିରେ କୌଣସି ସନ୍ଦେହ ନାହିଁ।