ଲକ୍ଷ୍ନୌ: ଆଜି ଉତ୍ତରପ୍ରଦେଶ ସରକାରର ପଞ୍ଚାୟତିରାଜ ମନ୍ତ୍ରୀ ଭୁପେନ୍ଦ୍ର ଚୌଧୁରୀ ତାଙ୍କ ପଦରୁ ଇସ୍ତଫା ଦେଇଛନ୍ତି। ମିଳିଥିବା ସୂଚନା ଅନୁଯାୟୀ ଚୌଧୁରୀ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିକଟକୁ ଇସ୍ତଫା ପତ୍ର ପ୍ରଦାନ କରିଛନ୍ତି। ନିକଟରେ ଭୁପେନ୍ଦ୍ର ଚୌଧୁରୀଙ୍କୁ ଭାରତୀୟ ଜନତା ପାର୍ଟିର ୟୁପି ୟୁନିଟର ନୂତନ ସଭାପତି କରାଯାଇଛି। ସୋମବାର ଦିନ ରାଜଧାନୀ ଲକ୍ଷ୍ନୌରେ ବିଜେପି କାର୍ଯ୍ୟାଳୟରେ ଚୌଧୁରୀ ଦାୟିତ୍ଵ ଗ୍ରହଣ କରିଥିଲେ।
ଫେସବୁକ ପୋଷ୍ଟରେ ଏ ସମ୍ପର୍କରେ ସୂଚନା ଦେଇ ଭୁପେନ୍ଦ୍ର ଚୌଧୁରୀ ଲେଖିଛନ୍ତି ଯେ, “ଭାରତୀୟ ଜନତା ପାର୍ଟିର ରାଜ୍ୟ ସଭାପତି ଦାୟିତ୍ଵ ତୁଲାଇବା ପାଇଁ ଆଜି କ୍ୟାବିନେଟରୁ ଇସ୍ତଫା ଦେଇଛି।
