ନୂଆଦିଲ୍ଲୀ: ଶେଷରେ ବହୁ ବିବାଦୀୟ ୱାକଫ୍ ବିଲ୍ ରାଜ୍ୟସଭାରେ ପାଶ ହୋଇଛି। ବିଲ୍ ସପକ୍ଷରେ ୧୨୮ ଏବଂ ବିପକ୍ଷରେ ୯୫ ଭୋଟ୍ ପଡିଥିଲା। ପ୍ରଥମେ ଲୋକସଭାରେ ପାସ ହେବା ପରେ ଏହି ବିଲ୍ ୨୪ ଘଣ୍ଟା ପରେ ରାଜ୍ୟସଭାରେ ମଧ୍ୟ ପହଞ୍ଚିଲା। ଏହା ଉପରେ ଏକ ମାରାଥନ୍ ବିତର୍କ ହୋଇଥିଲା।
ଭୋଟ୍ ଦେବାର କିଛି ଘଣ୍ଟା ପୂର୍ବରୁ ବିଜୁ ଜନତା ଦଳ “ବିବେକ ଭୋଟ୍” ପାଇଁ ଦ୍ୱାର ଖୋଲି ଦେଇଥିଲା ଏବଂ ଏହାର ସାତ ଜଣ ରାଜ୍ୟସଭା ସାଂସଦଙ୍କୁ କହିଥିଲା ଯେ ସେମାନେ ହ୍ୱିପ୍ ଦ୍ୱାରା ଆବଦ୍ଧ ହେବେ ନାହିଁ ଏବଂ ସେମାନେ ଯେକୌଣସି ପକ୍ଷକୁ ଭୋଟ୍ ଦେଇପାରିବେ। ପୂର୍ବରୁ ଏହି ବିଲ୍ କୁ ଦଳ ବିରୋଧ କରିବ ବୋଲି ଘୋଷଣା କରିଥିଲା। ହେଲେ ପରବର୍ତ୍ତି ସମୟରେ ଦଳର ଆଭିମୁଖ୍ୟରେ ପରିବର୍ତ୍ତନ ଘଟିଥିଲା।
ବର୍ତ୍ତମାନ ସଂସଦର ଉଭୟ ଗୃହରେ ଏହି ବିଲ ପାଶ ହେବା ପରେ ରାଷ୍ଟ୍ରପତିଙ୍କ ଅନୁମୋଦନ ପାଇଁ ଯିବ। ଏହାପରେ ଏହି ବିଲ କାର୍ଯ୍ୟକାରୀ କରାଯିବ।