Tag: ୱାର୍ଲ୍ଡ ଟେଷ୍ଟ ଚମ୍ପିୟାନଶିପ୍

ନୂଆଦିଲ୍ଲୀ: ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ୱାର୍ଲ୍ଡ ଟେଷ୍ଟ ଚମ୍ପିୟାନଶିପ ଫାଇନାଲ ମ୍ୟାଚର ପଞ୍ଚମ ଦିନ ଖେଳ ଜାରି ରହିଛି। ସାଉଥେମ୍ପଟନରେ ଚାଲିଥିବା ଏହି ମ୍ୟାଚରେ ନ୍ୟୁଜିଲାଣ୍ଡ ଟସ୍ ଜିତି ଭାରତକୁ ପ୍ରଥମେ ବ୍ୟାଟିଂ କରିବାକୁ ନିମନ୍ତ୍ରଣ କରିଥିଲା। ପ୍ରଥମ ଇନିଂସରେ ଭାରତ ସମସ୍ତ ୱିକେଟ ହରାଇ ମାତ୍ର ୨୧୭ ରନ କରିବାକୁ ସକ୍ଷମ ହୋଇଥିଲା।

ଜବାବରେ ନ୍ୟୁଜିଲାଣ୍ଡ ପ୍ରଥମ ଇନିଂସରେ ସମସ୍ତ ୱିକେଟ ହରାଇ ୨୩୦ ରନ କରିପାରିଥିଲା। ଫଳରେ ନ୍ୟୁଜିଲାଣ୍ଡ ୩୦ ରନରେ ଭରତ ଠାରୁ ଆଗୁଆ ରହିଛି। ନ୍ୟୁଜିଲାଣ୍ଡ ପକ୍ଷରୁ ଡେଭନ କନଭେ ସର୍ବାଧିକ ୫୪ ରନ ସଂଗ୍ରହ କରିଥିବା ବେଳେ ଅଧିନାୟକ କେନ ୱିଲିଅମସନ ୪୯ ରନ କରିଥିଲେ।

ସେହିଭଳି ଭାରତ ପକ୍ଷରୁ ମହମ୍ମଦ ଶାମି ସର୍ବାଧିକ ୪ ଟି ୱିକେଟ ଅକ୍ତିଆର କରିଥିବା ବେଳେ ଇଶାନ୍ତ ଶର୍ମା ୩ ଟି, ରବିଚନ୍ଦ୍ରନ ଅଶ୍ଵିନୀ ୨ ଟି ଏବଂ ରବୀନ୍ଦ୍ର ଜାଡ଼େଜା ୧ ଟି ୱିକେଟ ନେଇଛନ୍ତି।

ନୂଆଦିଲ୍ଲୀ: ନ୍ୟୁଜିଲାଣ୍ଡ ବିରୋଧରେ ୱାର୍ଲ୍ଡ ଟେଷ୍ଟ ଚମ୍ପିୟାନଶିପର ଫାଇନାଲ ମ୍ୟାଚରେ ଭାରତର ତାରକା ଖେଳାଳି ଋଷଭ ପନ୍ତ ବିଫଳ ହୋଇଛନ୍ତି। ସେ ପ୍ରଥମ ପାଳିରେ ମାତ୍ର ୪ ରନରେ ଆଉଟ ହୋଇଯାଇଥିଲେ। ସେ କାଇଲ ଜେମିସନଙ୍କ ଶିକାର ହୋଇଥିଲେ। ପନ୍ତ ଆଉଟ ହେବ ପରେ ଟିମ ଇଣ୍ଡିଆର ବିପଦ ବଢିଯାଇଥିଲା। ସେ ୨୨ ଟି ବଲର ସାମ୍ନା କରିଥିଲେ। ନ୍ୟୁଜିଲାଣ୍ଡର ଦ୍ରୁତ ବୋଲରଙ୍କୁ ସେ ସାମ୍ନା କରିବା ପାଇଁ ସଂଘର୍ଷ କରିଥିବା ଦେଖାଯାଇଥିଲା। ଜେମିସନଙ୍କ ବାହାର ଯାଉଥିବା ବଲକୁ ପନ୍ତ ଖେଳିବା ପାଇଁ ପ୍ରୟାସ କରିଥିଲେ। କିନ୍ତୁ ସ୍ଲିପରେ ଟମ ଲାଥମଙ୍କ ଦ୍ଵାରା ସେ କ୍ୟାଚ ଆଉଟ ହୋଇଯାଇଥିଲେ।

ପନ୍ତଙ୍କ ଆଉଟ ହେବ ପରେ ଭାରତୀୟ ଖେଳପ୍ରେମୀ ନିରାଶ ହୋଇଥିଲେ। ପନ୍ତ କେବଳ ବ୍ୟାଟିଂ ପିଚରେ ଖେଳିପାରିବେ ବୋଲି ଟ୍ବିଟରରେ ଅନେକ ଖେଳପ୍ରେମୀ ଲେଖିଥିଲେ। ସ୍ପାଇଡ଼ର ମ୍ୟାନ ଆସିଲେ ଆଉ ସ୍ପାଇଡ଼ର ମ୍ୟାନ ଫେରିଗଲେ ବୋଲି ଜଣେ ୟୁଜର ଲେଖିଥିଲେ। ରିଷଭ ପନ୍ତ ଆଉଟ ହେବା ପରେ ଏଭଳି ଅନେକ ଖେଳପ୍ରେମୀ ନିରାଶ ହୋଇ ଟ୍ବିଟରରେ ଅସନ୍ତୋଷ ବ୍ୟକ୍ତ କରିଛନ୍ତି।

ଉଲ୍ଲେଖ ଯୋଗ୍ୟ ଯେ, ଟିମ ଇଣ୍ଡିଆ ଏହି ମ୍ୟାଚରେ ପ୍ରଥମରୁ ଭଲ ଖେଳ ଆରମ୍ଭ କରିଥିବା ବେଳେ ଗତକାଲି ଖେଳ ସମାପ୍ତ ହେବା ପର୍ଯ୍ୟନ୍ତ ୩ ଟି ୱିକେଟ ହରାଇ ୧୪୬ ରନ ସଂଗ୍ରହ କରିଥିଲା। କିନ୍ତୁ ଆଜି ଖେଳ ଆରମ୍ଭ ହେବା ପରେ ଭାରତୀୟ ଖେଳାଳି ବ୍ୟାଟିଂରେ ବିଫଳ ହୋଇଥିଲେ। ମାତ୍ର ୨୧୭ ରନରେ ଭାରତୀୟ ଦଳ ସମସ୍ତ ୱିକେଟ ହରାଇଥିଲା।

ନ୍ୟୁଜିଲାଣ୍ଡ ପକ୍ଷରୁ କାଇଲ ଜେମିସନ ସର୍ବାଧିକ ୫ ଟି ୱିକେଟ ଅକ୍ତିଆର କରିଥିଲେ। ତେବେ ଖବର ଲେଖା ହେବା ଯାଏଁ ନ୍ୟୁଜିଲାଣ୍ଡ ଦଳ କୌଣସି ୱିକେଟ ନହରାଇ ୫୭ ସଂଗ୍ରହ କରି ଦଳକୁ ମଜବୁତ ସ୍ଥିତିରେ ରଖିଛି।

ନୂଆଦିଲ୍ଲୀ: ୱାର୍ଲ୍ଡ ଟେଷ୍ଟ ଚମ୍ପିୟାନଶିପର ଫାଇନାଲ ମ୍ୟାଚ ଏବଂ ଇଂଲଣ୍ଡ ବିରୋଧରେ ୫ ମ୍ୟାଚ ବିଶିଷ୍ଟ ଟେଷ୍ଟ ପାଇଁ ୨୦ ଜଣିଆ ଭାରତୀୟ ଦଳ ଘୋଷଣା ହୋଇଛି। ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ସ୍ପିନର କୁଳଦୀପ ଯାଦବକୁ ଏହି ଦଳରେ ସ୍ଥାନ ମିଳିନାହିଁ। ଏହି ଦୁଇ ଖେଳାଳି ଗତ ଇଂଲଣ୍ଡ ସିରିଜରେ ସ୍ଥାନ ପାଇଥିଲେ। ଚାରି ମ୍ୟାଚ ବିଶିଷ୍ଟଏହି ସିରିଜରେ ହାର୍ଦ୍ଦିକ ଗୋଟିଏ ମ୍ୟାଚ ଖେଳିନଥିବା ବେଳେ କୁଳଦୀପଙ୍କୁ ଦ୍ଵିତୀୟ ମ୍ୟାଚରେ ସୁଯୋଗ ମିଳିଥିଲା।

କିନ୍ତୁ ସେହି ମ୍ୟାଚରେ କୁଳଦୀପଙ୍କ ପ୍ରଦର୍ଶନ ଭଲ ନଥିଲା। ଇଂଲଣ୍ଡ ବିରୋଧରେ ଖେଳାଯାଇଥିବା ଦିନିକିଆ ସିରିଜର ପ୍ରଥମ ଦୁଇଟି ମ୍ୟାଚରେ ହାର୍ଦ୍ଦିକଙ୍କୁ ବୋଲିଂ ସୁଯୋଗ ମିଳିନଥିଲା। ଏହାପରେ ଆଇପିଏଲରେ ମଧ୍ୟ ପାଣ୍ଡ୍ୟା ବୋଲିଂ କରିନଥିଲେ। କିନ୍ତୁ ଅଧିକ ଚାପ ଯୋଗୁଁ ପାଣ୍ଡ୍ୟାଙ୍କୁ ବୋଲିଂ ସୁଯୋଗ ଦିଆଯାଉନାହିଁ  ବୋଲି ଭାରତୀୟ ଦଳର ଅଧିନାୟକ ବିରାଟ କୋହିଲି କହିଛନ୍ତି। ହାର୍ଦ୍ଦିକ ପାଣ୍ଡ୍ୟା ବୋଲିଂ ନକରିବା ମହଙ୍ଗା ପଡିଲା। ଯାହା ଫଳରେ ତାଙ୍କୁ ଆଗାମୀ ସିରିଜ ପାଇଁ ମନୋନୀତ କରାଗଲା ନାହିଁ ବୋଲି କୁହାଯାଉଛି।

ମନୋନୀତ ୨୦ ଜଣିଆ ଭାରତୀୟ ଦଳ:

ବିରାଟ କୋହଲୀ (ଅଧିନାୟକ), ଅଜିଙ୍କ୍ୟ ରାହାନେ (ଉପଅଧିନାୟକ), ରୋହିତ ଶର୍ମା, ଶୁବମାନ ଗିଲ, ମୟଙ୍କ ଅଗ୍ରୱାଲ, ଚେତେଶ୍ଵର ପୂଜାରା, ହନୁମା ବିହାରୀ, ଋଷଭ ପନ୍ତ, ଆର. ଅଶ୍ଵିନୀ, ରବୀନ୍ଦ୍ର ଜାଡ଼େଜା, ଅକ୍ଷର ପଟେଲ, ୱାଶିଂଟନ ସୁନ୍ଦର, ଜସପ୍ରିତ ବୁମରା, ଇଶାନ୍ତ ଶର୍ମା, ମୋହମ୍ମଦ ସିରାଜ, ମୋହମ୍ମଦ ଶାମି, ଶ୍ରାଦ୍ଦୁଳ ଠାକୁର, ଉମେଶ ଯାଦବଙ୍କୁ ମନୋନୀତ କରାଯାଇଛି। ଏହାସହ ଫିଟ୍ ହେବା ପରେ କେଏଲ ରାହୁଲ ଏବଂ ଋଦ୍ଦିମାନ ସାହଙ୍କୁ ଦଳରେ ସାମିଲ କରାଯିବ।