ଭୁବନେଶ୍ବର : ଆଜି କାଳବୈଶାଖୀ ପ୍ରଭାବରେ ବର୍ଷା ଓ ବଜ୍ରପାତ କାରଣରୁ ଦୁଇ ଜଣଙ୍କ ପ୍ରାଣହାନି ଘଟିଛି । ବାଲେଶ୍ବରର ବାଲିଆପାଳ ଏବଂ ଭୋଗରାଇ ଅଞ୍ଚଳରେ ଦୁଇ ଜଣ ବଜ୍ରାଘାତରେ ପ୍ରାଣ ହରାଇଛନ୍ତି । ପଶ୍ଚିମବଙ୍ଗର ଜନୈକ ଯୁବକ ଏକ ଚିଙ୍ଗୁଡି ଘେରିରେ କାମ କରୁଥିବା ବେଳେ ବଜ୍ରପାତରେ ପ୍ରାଣ ହରାଇଥିଲେ । ସେହିପରି ଭୋଗରାଇର ବଡପାହି ଗ୍ରାମରେ ଜଣେ ମହିଳା ବଜ୍ରଘାତରେ ପ୍ରାଣ ହରାଇଛନ୍ତି । ଘର ଉପରେ ବଜ୍ରପାତ ହେବାରୁ ଅନ୍ନପୂର୍ଣ୍ଣା ରଣା ନାମକ ଏହି ମହିଳାଙ୍କ ପ୍ରାଣହାନି ଘଟିଛି ।
