ମୁମ୍ବାଇ,25/11 : ଭାରତୀୟ କ୍ରିକେଟର ଜାହିର ଖାନ 41 ବର୍ଷ ବୟସରେ ପଦାର୍ପଣ କରିଛନ୍ତି । ସୋମବାର 41 ବର୍ଷରେ ପଦାର୍ପଣ କରିଥିବା ଜାହିରଙ୍କୁ ସାଥୀ ଭାରତୀୟ ଖେଳାଳି ମାନେ ଜାହିରଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଜାହିରଙ୍କ ପୂର୍ବତନ ଟିମ୍ମେଟ୍ ଭିଭିଏସ୍ ଲକ୍ଷ୍ମଣ, ଶିଖର ଧଓ୍ବନ୍, ହରଭଜନ ସିଂ ପ୍ରମୁଖ ଜାହିରଙ୍କୁ ଶୁଭେଚ୍ଛା ଜଣାଇଥିଲେ । ଏପରିକି ଜାହିରଙ୍କ ଚିର ପ୍ରତିଦ୍ବନ୍ଦୀ ଗ୍ରେମ୍ ସ୍ମିଥ୍ ମଧ୍ୟ ଜାହିରଙ୍କୁ ଜନ୍ମଦିନର ଶୁଭକାମନା ଜଣାଇଥିଲେ । ଜାହିର ଅକ୍ଟୋବର 2000ରେ କେନିଆ ବିପକ୍ଷରେ କ୍ରିକେଟରେ ପଦାର୍ପଣ କରିଥିଲେ । ଏହାର ଏକ ମାସ ପରେ ଜାହିର ଟେଷ୍ଟ ମ୍ରଶଚ୍ ପଦାର୍ପଣ ମଧ୍ୟ କରିଥିଲେ । ଜାହିର ଭାରତ ପାଇଁ 92ଟି ଟେଷ୍ଟ ଏବଂ 200ଟି ଦିନିକିଆ ମ୍ୟାଚ୍ ଖେଳିଛନ୍ତି । 92 ଟେଷ୍ଟରୁ 311ଟି ଓ୍ବିକେଟ ଏବଂ 200ଟି ଦିନିକିଆରୁ 282 ଓ୍ବିକେଟ ଅକ୍ତିଆର କରିଥିଲେ ଜାହିର । 2011 ବିଶ୍ବକପ୍ରେ ଜାହିର ଯୁଗ୍ମ ସର୍ବାଧିକ ଓ୍ବିକେଟ ହାସଲକାରୀ ରହିଥିବା ବେଳେ ଫାଇନାଲ୍ରେ 3ଟି ମେଡେନ୍ ଓଭର ସହିତ ଦୁଇଟି ଓ୍ବିକେଟ ଅକ୍ତିଆର କରିଥିଲେ । ଜାହିର ଶେଷଥର ପାଇଁ ଓ୍ବେଲିଂଟନ୍ରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଭାରତୀୟ ଜର୍ସିରେ ନଜର ଆସିଥିଲେ । (ଏଜେନ୍ସୀ)
Categories
41 ବର୍ଷରେ ପଦାର୍ପଣ କଲେ ଜାହିର ଖାନ୍
