ନୂଆଦିଲ୍ଲୀ: ଗୁଜରାଟର ସୁରଟରୁ ୟୁପିର ଅଯୋଧ୍ୟା ଅଭିମୁଖେ ଯାଉଥିବା ଆସ୍ଥା ସ୍ୱତନ୍ତ୍ର ଟ୍ରେନକୁ ମହାରାଷ୍ଟ୍ରର ନନ୍ଦୁରବାରରେ ପଥର ଫିଙ୍ଗା ଯାଇଛି। ପୋଲିସ କହିଛି ଯେ, ଏହି ଆକ୍ରମଣ ରବିବାର ଦିନ ରାତି ପ୍ରାୟ ୧୧ ଟା ସମୟରେ ହୋଇଥିଲା। ଏହି ଆକ୍ରମଣରେ କେହି ଆହତ ହୋଇନାହାଁନ୍ତି।
ନ୍ୟୁଜ୍ ଏଜେନ୍ସି ANI ଅନୁଯାୟୀ, ନନ୍ଦୁରବାରର ଡେପୁଟି ସୁପରିଣ୍ଟେଣ୍ଡେଣ୍ଟ ସଞ୍ଜୟ ମହାଜନ କହିଛନ୍ତି ଯେ, ୧୦.୪୫ ରେ ଆସ୍ଥା ସ୍ୱତନ୍ତ୍ର ଟ୍ରେନକୁ ପଥର ଫିଙ୍ଗା ଯାଇଥିଲା। ଏହା ପରେ ଯାତ୍ରୀମାନେ ଝରକା ବନ୍ଦ କରିଦେଇଥିଲେ, କିନ୍ତୁ କୋଚ ଭିତରକୁ କିଛି ପଥର ଆସିଥିଲା। ନନ୍ଦୁରବାର ରେଳ ଷ୍ଟେସନ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି।