ଲକ୍ଷ୍ନୌ: ବହୁଜନ ସମାଜ ପାର୍ଟିରେ ଏକ ବଡ ବିବାଦ ଦେଖାଦେଇଛି। ନିଜ ପୁତୁରା ତଥା ଦଳର ରାଷ୍ଟ୍ରୀୟ ସଂଯୋଜକ ଆକାଶ ଆନନ୍ଦଙ୍କ ଶ୍ୱଶୁରଙ୍କୁ ଦଳରୁ ବିହିଷ୍କାର କରିବା ପାଇଁ ବିଏସପି ମୁଖ୍ୟ ମାୟାବତୀ ନିଷ୍ପତ୍ତି ନେଇଛନ୍ତି। ବିଏସପି ମୁଖ୍ୟ ସୋସିଆଲ ମିଡିଆ ସାଇଟ୍ X ରେ ଏହି ସୂଚନା ଦେଇଛନ୍ତି।
ଅଶୋକଙ୍କ ସହ ନିତିନ ସିଂଙ୍କୁ ମଧ୍ୟ ମାୟାବତୀ ବାହାରର ରାସ୍ତା ଦେଖାଇଛନ୍ତି। ନିତିନ ଅଶୋକଙ୍କ ଘନିଷ୍ଠ ସହଯୋଗୀ ବୋଲି ଦାବି କରାଯାଇଛି।
ଅଶୋକ ସିଦ୍ଧାର୍ଥ କିଏ?:
୨୦୧୯ ପରେ ମାୟାବତୀ ଦଳର ରଣନୀତି ବଦଳାଇ ଅଶୋକ ସିଦ୍ଧାର୍ଥଙ୍କୁ ତିନୋଟି ରାଜ୍ୟ ଦାୟିତ୍ୱରେ ରଖିଥିଲେ। ଅଶୋକଙ୍କ ବିଷୟରେ ଦାବି କରାଯାଇଛି ଯେ, ସେ ପାର୍ଟିରେ ପରଦା ପଛରେ କାମ କରୁଛନ୍ତି।
ସରକାରୀ ଚାକିରି ଛାଡି ବିଏସପିରେ ଯୋଗ ଦେଇଥିବା ଅଶୋକ ବୃତ୍ତିରେ ଜଣେ ଡାକ୍ତର। ବିଏସପି ତାଙ୍କୁ ଏମଏଲସି କରିଥିଲା। ତା’ପରେ ୨୦୧୬ ମସିହାରେ ତାଙ୍କୁ ରାଜ୍ୟସଭାକୁ ପଠାଯାଇଥିଲା। ଯେଉଁଠାରେ ସେ ୨୦୨୨ ପର୍ଯ୍ୟନ୍ତ ସଂସଦରେ ଥିଲେ। ତାଙ୍କ ପତ୍ନୀ ବିଏସପି ସରକାରରେ ୟୁପି ରାଜ୍ୟ ମହିଳା ଆୟୋଗର ଅଧ୍ୟକ୍ଷ ମଧ୍ୟ ରହିଛନ୍ତି।