ମୁମ୍ବାଇ : ବଲିଉଡ୍ରେ ପୁଣିଥରେ ମିଠୁ ବିବାଦ ଦେଖାଦେଇଛି । ଲୋକପ୍ରିୟ ନିର୍ଦ୍ଦେଶକ ଅନୁରାଗ କାଶ୍ୟପଙ୍କ ବିରୋଧରେ ଅଭିନେତ୍ରୀ ପାଏଲ୍ ଘୋଷ ମିଠୁ ଅଭିଯୋଗ ଆଣିଛନ୍ତି । ଯୌନଶୋଷଣ ବିବାଦରେ ଛନ୍ଦି ହୋଇପଡିଥିବା ବଲିଉଡ୍ ନିର୍ଦ୍ଦେଶକ ଅନୁରାଗ କାଶ୍ୟପଙ୍କ ମୁସ୍କିଲ୍ ବଢିବାରେ ଲାଗିଛି । ମିଳିଥିବା ସୂଚନା ଅନୁସାରେ ଅନୁରାଗ କାଶ୍ୟପଙ୍କୁ ମୁମ୍ବାଇ ପୋଲିସ୍ ସମନ ପଠାଇବାର ସମ୍ଭାବନା ରହିଛି ।
ଅଭିନେତ୍ରୀ ପାୟଲ ଘୋଷ ଅନୁରାଗ କାଶ୍ୟପଙ୍କୁ ବିରୋଧରେ ମୁମ୍ବାଇର ବାର୍ସୋବ ପୋଲିସ୍ ଥାନାରେ ଯୌନଶୋଷଣ ଓ ଦୁଷ୍କର୍ମ ମାମଲା ଦାଏର ହୋଇଛି । ଅନୁରାଗ କାଶ୍ୟପଙ୍କ ବିରୋଧରେ ଆଇପିସି ଧାରା 376, 354, 341 ଓ 342 ଆଧାରରରେ ଏଫଆଇଆର ଦାଏର ରହିଛି । କିନ୍ତୁ ଏପର୍ଯ୍ୟନ୍ତ ମୁମ୍ବାଇ ପୋଲିସ୍ କୌଣସି ଆକ୍ସନ ଗ୍ରହଣ କରିନାହିଁ । ଏହାକୁ ନେଇ ଅଭିନେତ୍ରୀ ପାଏଲ୍ ମଧ୍ୟ ନାରାଜ ରହିଛନ୍ତି । ଯଦି ପୋଲିସ୍ ଅନୁରାଗଙ୍କ ବିରୋଧର କାର୍ଯ୍ୟାନୁଷ୍ଠାନ ଗ୍ରହଣ ନ କରନ୍ତି, ତେବେ ସେ ଆମରଣ ଅନଶନ କରିବେ । ରାମଦାସ ଅଠାଓ୍ବଲେ ପାୟଲଙ୍କୁ ସପୋର୍ଟ କରିବା ସହିତ ଏହି ମାମଲାରେ କେନ୍ଦ୍ରୀୟ ମନ୍ତ୍ରୀ ଅମିତ୍ ଶାହାଙ୍କୁ ଚିଠି ଲେଖିବେ ବୋଲି ସୂଚନା ରହିଛି । (ଏଜେନ୍ସି)
