ବରଗଡ- ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଗତକାଲି ବରଗଡରେ ଆୟୋଜିତ ଧନୁଯାତ୍ରା ଉତ୍ସବରେ ଯୋଗଦେଇଥିଲେ। ଏଥିପାଇଁ ତାଙ୍କୁ କଂସ ମହାରାଜ ଅତିଥୀ ଭାବେ ଡାକିଥିଲେ। ଫଳରେ ଅପରାଜିତା ଏକ ସୁସଜ୍ଜିତ ରଥରେ ବରଗଡ ସହରର ପରିକ୍ରମା କରିଥିଲେ।
ଧନୁଯାତ୍ରାର ଏକ ପରଂପରା ରହିଛି କଂସ ମହାରାଜା ଯାହାକୁ ନିମନ୍ତ୍ରଣ କରି ଡାକିବେ ସେ ହେବେ ରାଜ ଅତିଥୀ। ଯଦି ସେହି ରାଜ ଅତିଥୀ ପୁରୁଷ ହୋଇଥିବେ ତେବେ ତାଙ୍କୁ ହାତୀରେ ବସି କଂସଙ୍କ ପାଖକୁ ନେବାର ପରଂପରା ରହିଛି। ହେଲେ ଯଦି ଅତିଥୀ ମହିଳା ହୋଇଥିବେ ତେବେ ସେ ଏକ ରଥରେ ଯାଇ ମହାରାଜଙ୍କ ପାଖରେ ପହଁଚିବେ। ସେହି ପରଂପରା ଅନୁସାରେ ଅପରାଜିତାଙ୍କୁ ଧନୁଯାତ୍ରାର ଏକ ପାରଂପାରିକ ରଥରେ ବସି ନିଆଯାଇଥିଲା। ଏହାକୁ ଦେଖିବା ପାଇଁ ବରଗଡ ସହରରେ ଲୋକଙ୍କର ଭିଡ ମଧ୍ୟ ବେଶ ପରିଲକ୍ଷିତ ହୋଇଥିଲା। ଶେଷରେ ସେ ଧନୁଯାତ୍ରା ମଞ୍ଚ ଉପରକୁ ଯାଇ କଂସ ମହାରାଜାଙ୍କ ପ୍ରଦତ୍ତ ଏକ ପୁରସ୍କାରକୁ ଗ୍ରହଣ କରିଥିଲେ। ଏଥିସହିତ ଅପରାଜିତା ଅନ୍ୟ କଳାକାରମାନଙ୍କ ସହିତ ମଧ୍ୟ ଆଲୋଚନା କରିଥିଲେ। ଗତକାଲି ଅପରାଜିତାଙ୍କ ପରି ଅନ୍ୟ କେତେକ ନେତା ମଧ୍ୟ ରାଜ ଅତିଥୀ ହୋଇଥିଲେ।