ନୂଆଦିଲ୍ଲୀ: ଦିଲ୍ଲୀରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ବିଜେପି ଏକ ବଡ ଅସୁବିଧାର ସମ୍ମୁଖୀନ ହୋଇଛି। ଭାରତୀୟ ଜନତା ପାର୍ଟି ନେତା ବ୍ରହ୍ମା ସିଂ ତନୱର ଆମ୍ ଆଦମୀ ପାର୍ଟିର ଜାତୀୟ ସଂଯୋଜକ ଅରବିନ୍ଦ କେଜ୍ରିୱାଲଙ୍କ ଉପସ୍ଥିତିରେ ‘AAP’ ରେ ଯୋଗ ଦେଇଛନ୍ତି। ଦୀପାବଳି ଦିନ ଆମ୍ ଆଦମୀ ପାର୍ଟିରେ ଯୋଗ ଦେଇଥିବା ପୂର୍ବତନ ବିଜେପି ବିଧାୟକ ବ୍ରହ୍ମା ସିଂ ତନୱରଙ୍କ ଦକ୍ଷିଣ ଦିଲ୍ଲୀ ଏବଂ ଦିଲ୍ଲୀ ଦେହାତରେ ସ୍ୱତନ୍ତ୍ର ପରିଚୟ ରହିଛି। ସେ ତିନିଥର ବିଧାୟକ ହୋଇଛନ୍ତି ଏବଂ ତିନିଥର କାଉନସିଲର ମଧ୍ୟ ରହିଛନ୍ତି।
AAP ରେ ଯୋଗଦେବା ପରେ ସେ କହିଥିଲେ ଯେ, ଅରବିନ୍ଦ କେଜ୍ରିୱାଲଙ୍କ କାର୍ଯ୍ୟ ଶୈଳୀ ମୋତେ ପ୍ରଭାବିତ କରିଛି। ଆଜି ମୁଁ ଭାରତୀୟ ଜନତା ପାର୍ଟି ସହିତ ମୋର ସମ୍ପର୍କ ଭାଙ୍ଗିବା ଏବଂ ଆମ୍ ଆଦମୀ ପାର୍ଟିରେ ଅରବିନ୍ଦ କେଜ୍ରିୱାଲଙ୍କ ସହ କାମ କରିବାକୁ ନିଷ୍ପତ୍ତି ନେଇଛି। ଆଜି ମୁଁ ସେମାନଙ୍କ ସାମ୍ନାରେ ଦଳରେ ଯୋଗଦେବାର ସୌଭାଗ୍ୟ ପାଇଛି।
କେଜ୍ରିୱାଲ ପରିବାରଙ୍କୁ ସେମାନଙ୍କ ପୁରୁଣା ଘରର କର୍ମଚାରୀମାନେ ଲୋତକପୂର୍ଣ୍ଣ ଆଖିରେ ବିଦାୟ ଦେଇଥିଲେ। ସେମାନେ ପୂର୍ବତନ ମୁଖ୍ୟମନ୍ତ୍ରୀ କେଜ୍ରିୱାଲଙ୍କୁ ବେଶ ପ୍ରଶଂସା କରିଥିଲେ। ସୁନୀତା କେଜ୍ରିୱାଲ ଫ୍ଲାଗଷ୍ଟାଫ ବାସଭବନରେ ଚାବି ପକାଇ ସେଠାରେ ଅପେକ୍ଷାରେ ଥିବା ଜଣେ ସରକାରୀ ଅଧିକାରୀଙ୍କୁ ଚାବି ପ୍ରଦାନ କରିଥିଲେ।