ନୂଆଦିଲ୍ଲୀ, ୧/୧୨ : ଭାରତ ସରକାରଙ୍କ ଦୁର୍ନୀତି ବିରୋଧୀ ସଂସ୍ଥା ଲୋକପାଳ ସ୍ଥାପନକୁ ବର୍ଷେ ପୁରିଲାଣି। ସଂସ୍ଥା ପକ୍ଷରୁ ଏପର୍ଯ୍ୟନ୍ତ ଗୋଟିଏ ବି ମାମଲାର ବିଚାର କରାଯାଇନାହିଁ କିନ୍ତୁ ରହଣି ବାବଦରେ ଖର୍ଚ୍ଚ ହୋଇଛି ୩.୮୫ କୋଟି। ୧୦୦୦ରୁ ଅଧିକ ଦୁର୍ନୀତି ସମ୍ପର୍କିତ ମାମଲା ରୁଜୁ କରାଯାଇଥିବା ବେଳେ ତନ୍ମଧ୍ୟରୁ ଗୋଟିଏ ବି ମାମଲାର ଶୁଣାଣି ହୋଇନାହିଁ। ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ ଅନୁଯାୟୀ ଲୋକପାଳଙ୍କ ରହଣୀ ବାବଦରେ ନୂଆଦିଲ୍ଲୀ ସ୍ଥିତ ଅଶୋକା ହୋଟେଲକୁ ମାଳସିକ ୫୦ ଲକ୍ଷ ଟଙ୍କା ପ୍ରଦାନ କରାଯାଇଥାଏ।
ବର୍ତ୍ତମାନ ସୁଦ୍ଧା ସମୁଦାୟ ୩.୮୫ କୋଟି ଟଙ୍କାର ଭଡା ପ୍ରଦାନ କରାଯାଇସାରିଛି। ସେହିପରି ସୂଚନା ଅଧିକାର ଆଇନରେ ମିଳିଥିବା ତଥ୍ୟ ଅନୁଯାୟୀ ଅକ୍ଟୋବର ୩୧, ୨୦୧୯ ସୁଦ୍ଧା ୧୧୬୦ଟି ମାମଲା ଲୋକପାଳଙ୍କ ନିକଟରେ ପଞ୍ଜୀକୃତ ହୋଇଛି। ଜଣେ ୧୮ ବର୍ଷୀୟ ଛାତ୍ର ଶୁଭମ୍ ଖତ୍ରୀ ସୂଚନା ଅଧିକାର ଆଇନ ବଳରେ ଏହି ତଥ୍ୟ ହାସଲ କରିଥିଲେ। (ଏଜେନ୍ସି)