Categories
ଆଜିର ଖବର ରାଜ୍ୟ ଖବର

ଓଡିଶା ରାଜ୍ୟ ପଣ୍ୟଗାର ନିଗମ କର୍ମଚାରୀଙ୍କୁ ମାଡ଼: ଜୁନାଗଡ ଥାନାରେ ମାମଲା

ଦୁଷ୍ମନ୍ତ କୁମାର ପଣ୍ଡା

କଳାହାଣ୍ଡି: ଜଣେ କର୍ତ୍ତବ୍ୟରତ କର୍ମଚାରୀଙ୍କୁ ମିଲ ମାଲିକଙ୍କ ପୁଅ ମାଡ଼ ମାରିବା ଘଟଣା ଜିଲ୍ଲାରେ ଆଲୋଚନାର ବିଷୟବସ୍ତୁ ହୋଇଛି। ସୂଚନା ଅନୁଯାୟୀ କଳାହାଣ୍ଡି ଜିଲ୍ଲା ଜୁନାଗଡ ସ୍ଥିତ ଓଡିଶା ରାଜ୍ୟ ପଣ୍ୟଗାର ନିଗମ ଠାରେ କାର୍ଯ୍ୟରତ କର୍ମଚାରୀ ଶଙ୍କର ରାଓ ଜୟପାଟଣା ଏସଏମ ରାଇସ ମିଲ୍ ଯୋଗେଇ ଥିବା ଚାଉଳକୁ ନିମ୍ନ ମାନର ଥିବା କହି ଗ୍ରହଣ କରିବାକୁ ମନା କରିଥିଲେ। ଏଥିରେ ଉତକ୍ଷିପ୍ତ ହୋଇ ଏସଏମ ରାଇସ ମିଲ୍ ମାଲିକଙ୍କ ପୁଅ ସନତ୍ କୁମାର ପଣ୍ଡା ସମ୍ପୃକ୍ତ କର୍ମଚାରୀ ଶ୍ରୀ ରାଓଙ୍କୁ ଅତି ଅସଭ୍ୟ ଭାଷାରେ ଗାଳି ଗୁଲଜ କରିବା ସହ ତାଙ୍କୁ ମାଡ ମାରିଥିବା ସମ୍ପର୍କରେ ଜୁନାଗଡ ଥାନାରେ ଲିଖିତ ଅଭିଯୋଗ ହେବାପରେ ଥାନା ଅଧିକାରୀ ଉତ୍ତମ କୁମାର ସାହୁ ଜୁନାଗଡ ଥାନା ମକଦ୍ଦମା ସଂଖ୍ୟା ୨୮୫/୨୦୨୦ ଅନୁଯାୟୀ ମାମଲା ରୁଜୁ କରି ପୀଡିତଙ୍କୁ ଜୁନାଗଡ଼ ଡାକ୍ତରଖାନାକୁ ପ୍ରେରଣ କରିବା ସହ ଘଟଣାର ତଦନ୍ତ ଆରମ୍ଭ କରିଛନ୍ତି। ଘଟଣାର ସତ୍ୟା ସତ୍ୟ ତଦନ୍ତ ପରେ ଜଣାପଡିବ ବୋଲି ଜୁନାଗଡ଼ ଥାନା ଅଧିକାରୀ ଶ୍ରୀ ସାହୁ କହିଛନ୍ତି।

Categories
ଆଜିର ଖବର ଆଞ୍ଚଳିକ

ବାଣପୁରରେ ମହିଳା ଗ୍ରୁପ ପଇସାକୁ ନେଇ ଆକ୍ରମଣ: ଗିରଫ ହେଲେ ତିନି ଅଭିଯୁକ୍ତ

ସୀତାରାମ ଅଗ୍ରୱାଲ 

ବାଣପୁର: ବାଣପୁର ବ୍ଲକ ପ୍ରତାପ ଗ୍ରାମରେ ମହିଳା ଗ୍ରୁପ ପଇସାକୁ ନେଇ ଆକ୍ରମଣ ଅଭିଯୋଗ। ପ୍ରତାପ ଗ୍ରାମର କୃଷ୍ଣ ନାୟକଙ୍କୁ ଆଜି ସକାଳେ ମରଣାନ୍ତକ ଆକ୍ରମଣ ହୋଇଥିଲା ଏବଂ ଏ ବାବଦକୁ ନେଇ କୃଷ୍ଣ ବାଣପୁର ଥାନାରେ ଏତଲା ଦେଇଥିଲେ।

ଦେଇଥିବା ଏତଲା ଏବଂ ପୋଲିସ ଠାରୁ ମିଳିଥିବା ସୂଚନା ଅନୁଯାୟୀ ଆଜି ଦିବା ୧୦ ଘଟିକାରେ ପ୍ରତାପ ଗ୍ରାମର କୃଷ୍ଣ ନାୟକ(୬୦) ଘରେ ଖାଇବସିଥିବାବେଳେ ଗ୍ରୁପ ପଇସାକୁ ନେଇ ତାଙ୍କ ଦୁଇ ପୁତ୍ରଙ୍କ ସହିତ ଗାଁ ର କିଛି ଲୋକମାନମଧ୍ୟରେ ବଚସା ହୋଇଥିଲା। ପରବର୍ତ୍ତୀ ସମୟରେ ସେହି ଲୋକମାନେ ତାଙ୍କ ଦୁଇ ପୁତ୍ରଙ୍କୁ ଗାଳି ଗୁଲଜ କରିବା ସହ ମାଡ଼ ମାରିଥିଲେ। ଏହା ଦେଖି କୃଷ୍ଣ ଘଟଣାସ୍ଥଳରେ ପହଂଚି ଏହାର ବିରୋଧ କରିବାରୁ ଗାଁ ର ଜଣେ ବ୍ୟକ୍ତି କାଠ ଫାଳିଆରେ ତାଙ୍କ ମୁଣ୍ଡକୁ ମରଣାନ୍ତକ ଆକ୍ରମଣ କରିଥିଲେ। ଘଟଣା ସ୍ଥଳରେ କୃଷ୍ଣ ତଳେ ପଡିଯାଇଥିବା ବେଳେ ଗ୍ରାମର ଆଉ ତିନି ଜଣ ବ୍ୟକ୍ତି ସଙ୍ଘବଦ୍ଧ ଭାବେ କୃଷ୍ଣଙ୍କ ଅଣ୍ଟା ଏବଂ ପିଠି ଉପରେ ଆକ୍ରମଣ କରିଥିଲେ। ଏହି ଆକ୍ରମଣର ପ୍ରତ୍ୟକ୍ଷଦର୍ଶୀ ଭାବେ କୃଷ୍ଣ ତିନି ଜଣ ବ୍ୟକ୍ତିଙ୍କ ନାମ ମଧ୍ୟ ଏତଲାରେ ଉଲ୍ଲେଖ କରିଛନ୍ତି।

ବାଣପୁର ପୋଲିସ ଏହି ଘଟଣାକୁ ତଦନ୍ତ କରିବା ସହିତ କେସ ନମ୍ବର ୨୬୩/୨୦ ଏବଂ ଦଫା ୨୯୪, ୩୦୭, ୩୨୩, ୩୨୫, ୩୪୧, ୫୦୬,୩୪ ଆଧାରରେ ମାମଲା ରୁଜୁ କରି ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି।

Categories
ଆଜିର ଖବର

କଂଗ୍ରେସ ନେତା ଆର୍ଯ୍ୟକୁମାର ଜ୍ଞାନେନ୍ଦ୍ରଙ୍କ ଗାଡ଼ି ଉପରକୁ ଆକ୍ରମଣ

ରାଜ୍ୟରେ ମତଦାନ ଶେଷ ପର୍ଯ୍ୟାୟରେ ପହଞ୍ଚିଛି। ଆସନ୍ତାକାଲି ରାଜ୍ୟରେ ଅନ୍ତିମ ପର୍ଯ୍ୟାୟ ନିର୍ବାଚନ। ତଥାପି ନିର୍ବାଚନୀ ହିଂସା ଥମିବାର ନାଁ ଧରୁ ନାହିଁ। ଚଳିତ ଥର ନିର୍ବାଚନରେ ଅଧିକ ସଂଖ୍ୟା ହିଂସା ଆକ୍ରମଣ ଦେଖାଯାଇଛି। ଭଦ୍ରକ ଜିଲ୍ଲା ବନ୍ତ ଛକରେ ଆଜି କଂଗ୍ରେସ ନେତା ଆର୍ଯ୍ୟକୁମାର ଜ୍ଞାନେନ୍ଦ୍ରଙ୍କ ଉପରେ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ତାଙ୍କ ଗାଡ଼ି ଉପରେ ଆକ୍ରମଣ କରି କାଚ ଭାଙ୍ଗିଦେଇଥିବା ଜଣାପଡ଼ିଛି। ଏହା ସହ ଆର୍ଯ୍ୟଙ୍କୁ ଅଶ୍ଲିଳ ଭାଷାରେ ଗାଳିଗୁଲଜ କରିବା ସହ ଧମକ ଦେଇଥିବା ଅଭିଯୋଗ ମଧ୍ୟ ଆସିଛି।