The Samikhsya Odia
ନୂଆଦିଲ୍ଲୀ : ଅଟୋ ଏକ୍ସପୋ 2020ରେ ଏପ୍ରିଲିଆ ଏସ୍ଏକ୍ସଆର୍ 160 ପ୍ରଦର୍ଶିତ ହୋଇଛି । ଏହି ଇଟାଲିଆନ୍ କମ୍ପାନୀ ପକ୍ଷରୁ ଚଳିତ ଏକ୍ସପୋରେ ଏହି ବାଇକ୍ ପ୍ରଦର୍ଶିତ କରାଯାଇଛି । ପ୍ୟାଜିଓ ଏବଂ ସୁଜୁକି ପରେ ତୃତୀୟ ଦୁଇ ଚକିଆ କମ୍ପାନୀ ଭାବରେ ଏହି ଏକ୍ସ ପୋରେ ଭାଗ ନେଉଛି ଏପ୍ରିଲିଆ । ପ୍ରିମିୟମ୍ ବର୍ଗର ଏହି ସ୍କୁଟରଟି 160 ସିସିର ରହିବ । ପ୍ରଥମ ସ୍କୁଟର ଭାବରେ ଏପ୍ରିଲିଆ ଏହି ବୈଶିଷ୍ଟ୍ୟ ଲଞ୍ଚ କରିବାକୁ ଯାଉଛି । ଏହି ସ୍କୁଟରଟି ଲାଲ,କଳା, ଧଳା ଏବଂ ସବୁଜ ରଙ୍ଗରେ ଉପଲବ୍ଧ ହେବ ।
ମୁମ୍ବାଇ : ଆସନ୍ତା ଅଟୋ ଏକ୍ସପୋ 2020ରେ ଏକକାଳୀନ 14ଟି କାର୍ର ଲଞ୍ଚ କରିବାକୁ ଯାଉଛି । ଚଳିତ ବର୍ଷ ଭାରତୀୟ ବଜାରରେ ଦୁଇଟି ଏସ୍ୟୁଭି କାର ଲଞ୍ଚ କରିଥିବା ଏମ୍ଜି ପକ୍ଷରୁ ଶୁକ୍ରବାର ଏହି ଘୋଷଣା କରିଛି । ଫେବୃୟାରୀରେ ଅନୁଷ୍ଠିତ ହେବାକୁ ଥିବା ଅଟୋ ଏକ୍ସପୋରେ ଏମ୍ଜି ପକ୍ଷରୁ ଏକ ଚାଳକ ବିହୀନ କାର୍ ଲଞ୍ଚ କରାଯିବା ନେଇ ମଧ୍ୟ ଘୋଷଣା କରାଯାଇଛି । 14ଟି ପ୍ରୋଟୋଟାଇପ୍ ମଧ୍ୟରୁ 12ଟି ଏସ୍ୟୁଭି ଏବଂ ବିଳାସପୂର୍ଣ୍ଣ ବର୍ଗର କାର ରହିଥିବା ବେଳେ 2ଟି ସ୍ବୟଂଚାଳିତ ଏମ୍ଭିପି ଶ୍ରେଣୀର କାର ରହିବ । ଏହା ସହିତ ସ୍ବୟଂଚାଳିତ କାର୍ ମଧ୍ୟରୁ ଗୋଟିଏ ଏବଂ ସମୁଦାୟ 7ଟି ବିଦ୍ୟୁତ୍ଚାଳିତ ପ୍ରୋଟୋଟାଇପ୍ ରହିବ । ଉଲ୍ଲେଖଯୋଗ୍ୟ ଯେ, ଚଳିତ ବର୍ଷ ସାଙ୍ଘାଇରେ ବିଶ୍ବ ଅଟୋ ଏକ୍ସପୋ ଅନୁଷ୍ଠିତ ହେବ ।