ଲକ୍ଷ୍ନୌ : ବେଆଇନ୍ ଦସ୍ତାବିଜ୍ ଦେଖାଇଥିବା ଅଭିଯୋଗରେ ସମାଜବାଦୀ ପାର୍ଟି ସାଂସଦ ଆଜମ୍ ଖାନ୍ ଏବଂ ତାଙ୍କ ପରିବାରକୁ ଜେଲ୍ ଦଣ୍ଡାଦେଶ ପ୍ରଦାନ କରାଯାଇଛି । ବେଆଇନ୍ ଦସ୍ତାବିଜ୍ ମାମଲା ଏବଂ କୋର୍ଟଙ୍କ ନିର୍ଦ୍ଦେଶର ଅବମାନନା କାରଣରୁ ଆଜମ୍ ଖାନ୍ଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । କୋର୍ଟଙ୍କ ନିର୍ଦ୍ଦେଶ ସତ୍ତ୍ବେ କୋର୍ଟରେ ହାଜର ହେଉନଥିବାରୁ ଆଜମ୍ ଖାନ୍ଙ୍କ ସହିତ ତାଙ୍କ ପତ୍ନୀ ଏବଂ ପୁତ୍ରଙ୍କୁ ଜେଲ୍ ପଠାଇ ଦିଆଯାଇଛି । ଆସନ୍ତା ମାର୍ଚ୍ଚ 2 ପର୍ଯ୍ୟନ୍ତ ଆଜମ୍ ଖାନ୍ ଏବଂ ପରିବାର ଜେଲ୍ରେ ବିତାଇବା ନେଇ କୋର୍ଟ ନିର୍ଦ୍ଦେଶ ଦେଇଛନ୍ତି । କୋର୍ଟଙ୍କ ନିଷ୍ପତ୍ତିର ଉପର କୋର୍ଟରେ ଆବେଦନ କରିବା ପାଇଁ ଆଜମ୍ ଖାନ୍ ସୂଚନା ଦେଇଛନ୍ତି । (ଏଜେନ୍ସି)
