Categories
ଆଜିର ଖବର ଜାତୀୟ ଖବର

BENGAL ELECTION: ମୋଦିଙ୍କ ଫଟୋକୁ ନେଇ ନିର୍ବାଚନ କମିଶନରଙ୍କ ନିକଟରେ ଅଭିଯୋଗ କଲା ଟିଏମସି

କୋଲକାତା, ନିର୍ବାଚନ ଯେତିକି ପାଖଉଛି, ପଶ୍ଚିମ ବଂଗ ନିର୍ବାଚନ ସେତିକି ସରଗରମ ହେଉଛି। ଆଜି ନିର୍ବାଚନ କମିଶନରଙ୍କ ନିକଟରେ ମୋଦିଙ୍କ ଫଟୋକୁ ନେଇ ଅଭିଯୋଗ କରିଛି ତୃଣମୂଳ କଂଗ୍ରେସ। ଦଳ କହିଛି ଯେ, ବର୍ତ୍ତମାନ କୋଭିଡ ଟୀକା ଦେବା ପରେ ଏକ ଡିଜିଟାଲ ପ୍ରମାଣ ପତ୍ର ଦିଆଯାଉଛି। ଏହି ପ୍ରମାଣ ପତ୍ରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ରହିଛି। ବର୍ତ୍ତମାନ ରାଜ୍ୟରେ ନିର୍ବାଚନ ଆଚରଣ ବିଧି ଲାଗୁ ହେଉଥିବାରୁ ଏହାକୁ ବନ୍ଦ କରାଯାଉ ବୋଲି ଦଳ ଅଭିଯୋଗ କରିଛି।

ଟିଏମସର ଏକ ପ୍ରତିନିଧି ଦଳ ରାଜ୍ୟ ନିର୍ବାଚନ ଅଧିକାରଙ୍କ ନିକଟରେ ଏହି ଅଭିଯୋଗ କରିଛନ୍ତି। ବର୍ତ୍ତମାନ ପଶ୍ଚିମବଂଗରେ ଆଠଟି ପର୍ଯ୍ୟାୟରେ ନିର୍ବାଚନ ଅନୁଷ୍ଠିତ ହେବ। ସେଥିପାଇଁ ଭାରତ ନିର୍ବାଚନ କମିଶନର ତାରିଖ ଘୋଷଣା କରିସାରିଛନ୍ତି। ସେହିଦିନଠାରୁ ନିର୍ବାଚନ ଆଚରଣ ବିଧି ଲାଗୁ ହୋଇଛି। ଏପରି କ୍ଷେତ୍ରରେ ମୋଦିଙ୍କ ଫଟୋ କିପରି ବ୍ୟବହାର କରାଯାଉଛି ବୋଲି ଟିଏମସି ଅଭିଯୋଗ କରିଛି।