ଚଣ୍ଡିଗଡ଼: ଆମେରିକାର ପୂର୍ବତନ ଭାରତୀୟ ରାଷ୍ଟ୍ରଦୂତ ତରଣଜୀତ ସିଂ ସନ୍ଧୁ ଆସନ୍ତା ଲୋକସଭା ନିର୍ବାଚନରେ ଅମୃତସରରୁ ବିଜେପି ଟିକେଟରେ ପ୍ରତିଦ୍ୱନ୍ଦ୍ୱିତା କରୁଛନ୍ତି। ପ୍ରକାଶ ଥାଉକି, ଯେତେବେଳେ ସେ ନିର୍ବାଚନ ପ୍ରଚାର ପାଇଁ ଅମୃତସର ଜିଲ୍ଲାର ଦୁଇଟି ଗାଁ ପରିଦର୍ଶନ କରିଥିଲେ, ସେତେବେଳେ ସେ ଚାଷୀଙ୍କ ବିରୋଧର ସମ୍ମୁଖୀନ ହୋଇଥିଲେ। କୃଷକମାନେ ରାସ୍ତାର ଉଭୟ ପାର୍ଶ୍ୱରେ ଧାଡ଼ି ବାନ୍ଧି କଳା ପତାକା ଦେଖାଇ ସାନ୍ଧୁଙ୍କ ବିରୋଧରେ ସ୍ଲୋଗାନ ଦେଇଥିଲେ।
ଏହି ପ୍ରତିବାଦରେ ତରଣଜିତ ସିଂ ସନ୍ଧୁ କହିଛନ୍ତି ଯେ, “ଗଣତନ୍ତ୍ର ସମସ୍ତଙ୍କୁ ଅଭିବ୍ୟକ୍ତିର ସ୍ଵାଧୀନତା ଦେଇଥାଏ। ସମାନ ଗଣତନ୍ତ୍ର ଯାହା ସେମାନଙ୍କୁ ବିରୋଧ କରିବାକୁ ଅନୁମତି ଦିଏ ତାହା ମଧ୍ୟ ମୋର ଅଭିଯାନ ଚଳାଇବାକୁ ଅନୁମତି ଦେଇଥାଏ। କୃଷକଙ୍କ ଆୟ ବଢାଇବା ପାଇଁ ଆମର ଯୋଜନା ଅଛି।”
ତରଣଜିତ ସିଂ ସାନ୍ଧୁଙ୍କ ରୋଡ ସୋ ବିରୋଧରେ ଅଜନାଲା ତହସିଲର ଗଙ୍ଗୋମାହଲ ଏବଂ କଲୋମହଲ ଗ୍ରାମରେ ଏହି ବିରୋଧ କରାଯାଇଥିଲା। କେନ୍ଦ୍ରର ବର୍ତ୍ତମାନ ରଦ୍ଦ ହୋଇଥିବା କୃଶକ ଆଇନ ବିରୋଧରେ କୃଷକଙ୍କ ଆନ୍ଦୋଳନକୁ ଆଗେଇ ନେଉଥିବା ସଂଯୁକ୍ତ କିସାନ ମୋର୍ଚ୍ଚାର ଆହ୍ଵାନ ଅନୁଯାୟୀ ପଞ୍ଜାବ ଗ୍ରାମରେ ବିଜେପି ନେତାଙ୍କ ବିରୋଧରେ ବିରୋଧ କରିବାକୁ ନିଷ୍ପତ୍ତି ନେଇଛନ୍ତି।
ଜଣେ କୃଷକ କହିଛନ୍ତି ଯେ, “ବିଜେପି କ୍ଷମତାକୁ ଆସିବାକୁ ଚାହୁଁଛି। ଆମେ ସେମାନଙ୍କୁ ଆମ ଗାଁରେ ପ୍ରଚାର କରିବାକୁ ଦେବୁ ନାହିଁ ଏବଂ ସେମାନଙ୍କୁ ଦୃଢ ବିରୋଧ କରିବୁ।” ତରଣଜିତ ସିଂ ସନ୍ଧୁ ଫେବୃଆରୀ ୧ ତାରିଖରେ ଆମେରିକାରେ ଭାରତୀୟ ରାଷ୍ଟ୍ରଦୂତ ଭାବରେ ଅବସର ନେଇଥିଲେ। ମାର୍ଚ୍ଚ ୨୦ ତାରିଖରେ ସେ ବିଜେପିରେ ଯୋଗ ଦେଇଥିଲେ, ଦଶ ଦିନ ପରେ ସେ ଲୋକସଭା ନିର୍ବାଚନ ପାଇଁ ଦଳର ପ୍ରାର୍ଥୀ ତାଲିକାରେ ସ୍ଥାନ ପାଇଥିଲେ।