Tag: blooddonation

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର : ମାର୍‌ୱାଡ଼ି ମହିଳା ସମିତି ତରଫରୁ ଗୁରୁବାର ଧର୍ମନଗର ସ୍ଥିତ ରୋଟାରୀ ହଲ୍ ନିକଟର ଭ୍ରାମ୍ୟମାଣ ରକ୍ତଦାନ ସଂଗ୍ରହ ଗାଡ଼ିରେ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଛି । ଅଖିଳ ଭାରତୀୟ ମାରୱାଡ଼ି ମହିଳା ସମ୍ମିଳନୀ ବ୍ରହ୍ମପୁର ଶାଖା ତରଫରୁ ଆୟୋଜିତ ରକ୍ତଦାନ ଶିବିରରେ ଓଡ଼ିଆ ଚଳଚ୍ଚିତ୍ର ଜଗତର ଖ୍ୟାତନାମା ଅଭିନେତ୍ରୀ ତମନ୍ନା ବ୍ୟାସ ନିଜେ ରକ୍ତଦାନ କରି ଅନ୍ୟମାନଙ୍କୁ ଉତ୍ସାହିତ କରିଥିଲେ । କରୋନା ଏବଂ ଖରାଦିନ ଯୋଗୁଁ ରକ୍ତର ଅଭାବ ରହିଛି । ତେଣୁ ପ୍ରତ୍ୟେକ ବ୍ୟକ୍ତି ରକ୍ତଦାନ କରି ଅନ୍ୟର ଜୀବନ ବଂଚାଇବାକୁ ଅଭିନେତ୍ରୀ ତମନ୍ନା କହିଥିଲେ ।

ଏହି ରକ୍ତଦାନ ଶିବିରରେ ସମୁଦାୟ ୩୧ ୟୁନିଟ ରକ୍ତ ସଂଗ୍ରହ ହୋଇଥିଲା । ତମନ୍ନାଙ୍କ ପିତା ବାସୁଦେବ ବ୍ୟାସ ଓ ମାତା ସୋନୁ ବ୍ୟାସ ମଧ୍ୟ ରକ୍ତଦାନ କରିଥିଲେ । ମାର୍‌ୱାଡ଼ି ମହିଳା ସମିତି ତରଫରୁ ରୁବି ଖେମାନା, ସଂପାଦିକା ସୀମା ଚୌଧୁରୀ, ପୂର୍ବତନ ସଭାନେତ୍ରୀ ମମତା ଚୌଧୁରୀ, ଉପସଭାନେତ୍ରୀ ଶର୍ମିଳା ସରାଫ୍‌, ବୀଣା ବାଗେରିଆ, ସୁମନ ସରଫଙ୍କ ସମେତ ରୋଟାରୀ କ୍ଲବ୍‌ର ବହୁ କର୍ମକର୍ତ୍ତା, ସବୁଜ ବାହିନୀର ସଭାପତି ଶିବରାମ ପାଣିଗ୍ରାହୀ ଓ ଜୟ ଜଗନ୍ନାଥ ଗ୍ରୁପ୍‌ର ସଦସ୍ୟା ରଂଜନା ମିଶ୍ର ସହଯୋଗ କରିଥିଲେ ।

ଦୁଷ୍ମନ୍ତ କୁମାର ପଣ୍ଡା
କଳାହାଣ୍ଡି : କଳାହାଣ୍ଡି ଜିଲ୍ଲା ଆରକ୍ଷୀ ଅଧିକ୍ଷକଙ୍କ ଆନୁକୂଲ୍ୟରେ ଆଜି ରୁପ୍ରା ପଞ୍ଚାୟତ ଅଫିସ୍ ଠାରେ ଏକ ରକ୍ତ ଦାନ ଶିବିର ଅନୁଷ୍ଠିତ ହୋଇଯାଇଛି । ‘ମୋ ସରକାର’ ଯୋଜନା ମାଧ୍ୟମରେ ହେଉଥିବା ଏହି ରକ୍ତ ଦାନ ଶିବିରରେ ଜିଲ୍ଲା ଅତିରିକ୍ତ ଆରକ୍ଷୀ ଅଧିକ୍ଷକ ମନୋଜ କୁମାର ମହାନ୍ତ, କେସିଙ୍ଗା ଥାନା ଅଧିକାରୀ ଅଶୋକ କୁମାର ମହାପାତ୍ର, ପଲମ ଫାଣ୍ଡି ଅଧିକାରୀ ଅସିତ୍ କୁମାର ପଣ୍ଡା, ରୁପ୍ରା ପଞ୍ଚାୟତ ସରପଞ୍ଚ, ସ୍ଥାନୀୟ ନେହେରୁ ଯୁବକେନ୍ଦ୍ରର ସ୍ଵେଚ୍ଛାସେବୀ ପ୍ରମୁଖ ଉପସ୍ଥିତ ଥିଲେ । ଏହି ଶିବିରରେ ସାମାଜିକ ଦୂରତା ବଜାୟ ରଖାଯାଇ ରକ୍ତଦାନ କରାଯାଇଥିଲା ।

ଏହି ରକ୍ତଦାନ ଶିବିରରେ 43 ୟୁନିଟ ରକ୍ତ ସଂଗ୍ରହ କରାଯାଇଛି । ଏହି ଶିବିରରେ ନେହେରୁ ଯୁବ କେନ୍ଦ୍ର ସ୍ଵେଚ୍ଛାସେବୀ ମିଲନ ଭୋଇ, ହେମସାଗର ସାହୁ, ରୁପ୍ରା ପଞ୍ଚାୟତ ସରପଞ୍ଚ ବିଶାଖା ମାଝୀ, ସମାଜସେବୀ କିଶୋର ସାହୁଙ୍କ ସମେତ ଭବାନୀପାଟଣା ରକ୍ତ ଭଣ୍ଡାର କର୍ମଚାରୀ ପ୍ରମୁଖ ପରିଚାଳନା ରେ ସହଯୋଗ କରିଥିଲେ ।

ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର : କରୋନା ସଂକଟକାଳ ଏବଂ ଗ୍ରୀଷ୍ମଋତୁ ପ୍ରଭାବରୁ ରକ୍ତର ଅଭାବ ଦୂର କରିବା ପାଇଁ ଆଜି ବ୍ରହ୍ମପୁର ଟାଉନ୍ ଥାନା ପକ୍ଷରୁ ଏକ ଅଭିନବ ପ୍ରୟାସ କରାଯାଇଛି । ଥାନା ପକ୍ଷରୁ ଏକ ରକ୍ତଦାନ ଶିବିରର ଆୟୋଜନ କରାଯାଇଛି । ଥାନାର ପ୍ରାୟ ୧୫ ଜଣ କର୍ମଚାରୀ ରକ୍ତଦାନ କରିଥିଲେ । ପ୍ରଥମେ ଆଇଆଇସି ସୁରେଶ କୁମାର ତ୍ରିପାଠୀ ରକ୍ତଦାନ କରିବା ପରେ ଅନ୍ୟ ୧୪ ଜଣ କର୍ମଚାରୀ ରକ୍ତଦାନ କରିଥିଲେ । ଏନେଇ ଏକ ରକ୍ତ ସଂଗୃହୀତ ଭ୍ୟାନର ଆୟୋଜନ କରି ରକ୍ତ ସଂଗ୍ରହ କରାଯାଇଥିଲା । ଏହା ସହ ଅଂଚଳର କିଛି ଉତ୍ସାହୀ ଯୁବକ ମଧ୍ୟ ରକ୍ତଦାନ କରି ମହତ୍ କାର୍ଯ୍ୟ କରିଥିଲେ । ସମୁଦାୟ ୩୨ ୟୁନିଟ୍ ରକ୍ତ ସଂଗୃହୀତ ହୋଇଥିଲା । ଥାନା ପକ୍ଷରୁ ଆୟୋଜିତ ଏଭଳି ମହତ୍ କାର୍ଯ୍ୟକୁ ସବୁ ମହଲରେ ପ୍ରଶଂସା କରାଯାଇଛି ।