ଭୁବନେଶ୍ବର : ଦଶମ ଶ୍ରେଣୀ ପାଠ୍ୟ ପୁସ୍ତକରେ ପରିବର୍ତ୍ତନ ନେଇ ସୃଷ୍ଟି ହୋଇଥିବା ଦ୍ବନ୍ଦ୍ବ ପ୍ରସଙ୍ଗରେ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ ପ୍ରତିକ୍ରିୟା ଦେଇଛନ୍ତି । ଦଶମ ଶ୍ରେଣୀ ପୁସ୍ତକରେ ବିଶେଷ ଭାବେ ପରିବର୍ତ୍ତନ ହେଉନି ବୋଲି କହିଛନ୍ତି ମନ୍ତ୍ରୀ । ବୋର୍ଡ ଅନୁସାରେ କିଛି ପୁସ୍ତକର କିଛି ବିଷୟ ପରିବର୍ତ୍ତନ ହେବ। ବହି ବଦଳିବାକୁ ନେଇ ଅଭିଭାବକ ଓ ଛାତ୍ରଛାତ୍ରୀଙ୍କୁ ଅଯଥା ଚିନ୍ତା ନ କରିବାକୁ ପରାମର୍ଶ ଦେଇଛନ୍ତି ମନ୍ତ୍ରୀ ସମୀର ଦାଶ ।
ଗତକାଲି ଦଶମ ଶ୍ରେଣୀ ବହି ବଦଳିବ ବୋଲି ବୋର୍ଡ ତରଫରୁ ସୂଚନା ଜାରି କରାଯାଇଥିଲା। ମୋଟ 14ଟି ବିଷୟରୁ 8ଟି ବିଷୟ ବଦଳିବ ବୋଲି କୁହାଯାଇଥିବାବେଳେ । ଲକଡାଉନ ପରେ ଏହି ବହି ବିକ୍ରି ହେବ ବୋଲି ସୂଚନା ଦିଆଯାଇଥିଲା । ତେବେ ଏହାକୁ ନେଇ ଦ୍ବନ୍ଦ୍ବ ସୃଷ୍ଟି ହେବା ପରେ ମନ୍ତ୍ରୀ ଏହା ସମ୍ପର୍କରେ ସୂଚନା ଦେଇଛନ୍ତି । ରାଜ୍ୟରେ କରୋନା ଯୋଗୁଁ ନବମ ଶ୍ରେଣୀ ପିଲାଙ୍କ ଗୋଟିଏ ପରୀକ୍ଷା ବାକି ରହିଥିବାବେଳେ ଜୁନ୍ 17 ପରେ ବିଦ୍ୟାଳୟ ଖୋଲିବ ବୋଲି ସରକାର ନିଷ୍ପତ୍ତି ନେଇଛନ୍ତି ।