The Samikhsya Odia
ଭୁବନେଶ୍ବର: ଆଜି ବ୍ରଜରାଜନଗର ଉପନିର୍ବାଚନ ଶେଷ ପର୍ଯ୍ୟାୟରେ ପହଁଚିଛି। ଓଡିଶା ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ଅନୁସାରେ ଆଜି ସଂଧ୍ୟା ୫ ଟା ସୁଦ୍ଧା ୬୯ ପ୍ରତିଶତ ମତଦାନ ହୋଇଛି। ଆଜି ସକାଳ ସାତଟାରୁ ମତଦାନ ଆରମ୍ଭ ହୋଇଥିଲା। ପ୍ରଥମ ପର୍ଯ୍ୟାୟରେ ଭିଡ ପରିଲକ୍ଷିତ ନ ହୋଇଥିଲେ ମଧ୍ୟ ଦିନରେ ମତଦାନ ଅଧିକ ହୋଇଥିଲା।
ଶାନ୍ତି ଶୃଙ୍ଖଳାର ସହ ମତଦାନ ପାଇଁ ବ୍ରଜରାଜନଗରରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଛି। ଆଜି ମତଦାନ ସରିବା ପରେ ଇଭିଏମଗୁଡିକ ଝାରସୁଗୁଡା ଇଂଜିନିୟରିଂ କଲେଜରେ ରଖାଯିବ। ସେଠାରେ ଷ୍ଟ୍ରଙ୍ଗରୁମ୍ ବ୍ୟବସ୍ଥା କରାଯାଇଛି।
ଭୁବନେଶ୍ବର: ଆଜି ସକାଳ ସାତଟାରୁ ଝାରସୁଗୁଡା ଜିଲ୍ଲା ବ୍ରଜରାଜନଗର ଉପନିର୍ବାଚନ ଶାନ୍ତି ଶୃଙ୍ଖଳାର ସହିତ ଚାଲିଛି। ରାଜ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ଅନୁସାରେ ଆଜି ସକାଳ ନଅଟା ସୁଦ୍ଧା ୧୧ ପ୍ରତିଶତ ମତଦାନ ହୋଇଛି। ଧିରେଧିରେ ଭୋଟରମାନେ ବୁଥକୁ ମତଦାନ କରିବା ପାଇଁ ଆସୁଥିବାର ପରିଲକ୍ଷିତ ହୋଇଛି।
କୋଭିଡ କଟକଣା ଦୃଷ୍ଟିରେ ରଖି ସମସ୍ତ ବୁଥରେ ସାନିଟାଇଜେନସ ବ୍ୟବସ୍ଥା କରାଯାଇଛି। ଏଥର ଭୋଟରମାନଙ୍କ ଗହଳିକୁ ନିୟନ୍ତ୍ରଣ କରିବା ପାଇଁ ୨୭୯ଟି ବୁଥ କରାଯାଇଛି। ସେଥିମଧ୍ୟରୁ ୩୦ଟି ମଡେଲ ପୋଲିଂ ବୁଥ କରାଯାଇଛି । ସେହିପରି ୫ଟି ପିଙ୍କ ବୁଥ ହୋଇଛି, ଯେଉଁଠି କେବଳ ମହିଳା ପୋଲିଂ କର୍ମଚାରୀ ନିୟୋଜିତ ହୋଇଛନ୍ତି।