ମୈନପୁରୀ : ଉତ୍ତରପ୍ରଦେଶର ମୈନପୁରୀଠାରେ ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ସ୍ବାମୀ ସନ୍ଦେହ କରି କୋଦାଳରେ ନିଜ ସ୍ତ୍ରୀର ବେକ କାଟି ହତ୍ୟା କରିଛି । ଘଟଣାସ୍ଥଳରେ ପୋଲିସ୍ ପହଞ୍ଚି ଅଭିଯୁକ୍ତ ସ୍ବାମୀଙ୍କୁ ଅଟକ ରଖି ପଚରାଉଚୁରା ଆରମ୍ଭ କରିଛି ।
ମିଳିଥିବା ସୂଚନା ଅନୁସାରେ ଘିରୋରା ଥାନା ଅଞ୍ଚଳର ଦାରାପୁର ଗ୍ରାମରେ ଏହି ଘଟଣା ଘଟିଛି । ଗ୍ରାମରେ ରଣବୀର ସିଂହ ନିଜ ସ୍ତ୍ରୀ ଗୁଡ୍ଡି ଓରଫ ମୀନା ଦେବୀ ଓ ସନ୍ତାନଙ୍କ ସହିତ ରହୁଥିଲେ । ପ୍ରାୟ ଦ୍ବିପ୍ରହର ଦୁଇଟା ସମୟରେ ଗୁଡ୍ଡୀ କୌଣସି କାମରେ ଘରୁ ବାହାରକୁ ଯାଇଥିଲେ । ଗୁଡ୍ଡୀ ଘରଠାରୁ ଟିକେ ଆଗକୁ ଯାଇଥିବାବେଳେ ରଣବୀର ଏକ କୋଦାଳ ସାହାଯ୍ୟରେ ତାଙ୍କୁ ଆକ୍ରମଣ କରିଥିଲେ। ରଣବୀର କୋଦାଳ ସାହାଯ୍ୟରେ ଗୁଡ୍ଡିଙ୍କ ବେକ କାଟି ଦେଇଥିବାବେଳେ ଘଟଣାସ୍ଥଳରେ ଚିତ୍କାର କରି ଗୁଡ୍ଡି ତଳେ ପଡିଯାଇଥିଲେ । ସ୍ଥାନୀୟ ଗ୍ରାମବାସୀମାନେ ଗୁଡ୍ଡୀଙ୍କୁ ହସ୍ପିଟାଲ ନେବାବେଳେ ରାସ୍ତାରେ ମୃତ୍ୟୁବରଣ କରିଥିଲେ ଗୁଡ୍ଡି ।
ପୋଲିସ ସୂଚନା ପାଇ ଘଟଣାସ୍ଥଲରେ ପହଞ୍ଚି ଶବକୁ ପୋଷ୍ଟମର୍ଟମ କରିବାକୁ ପଠାଇ ଅଭିଯୁ୍ତ ସ୍ବାମୀଙ୍କୁ ଅଟକ ରଖିଛି । ଅପରପକ୍ଷରେ ଗୁଡ୍ଡିଙ୍କ ପୁଅଙ୍କ କହିବାନୁସାରେ ରଣବୀର ଅର୍ଥାତ୍ ତାଙ୍କ ପିତା କିଛି ଦିନ ହେବ ଜଣେ ମାନସିକ ରୋଗୀ ଭାବେ କାର୍ଯ୍ୟ କରୁଛନ୍ତି । ମାନସିକ ଭାରସାମ୍ୟ ହରାଇ ସେ ଏଭଳି କାର୍ଯ୍ୟ କରିଥାଇପାରନ୍ତି ବୋଲି ତାଙ୍କ ପୁତ୍ର କହିଛନ୍ତି । ତେବେ ପୋଲିସ୍ ଏହି ଘଟଣାର ତଦନ୍ତ ଜାରି ରଖିଛି । (ଏଜେନ୍ସି)