Categories
ଆଜିର ଖବର ରାଜ୍ୟ ଖବର

ସିବିଏସ୍‌ଇ ପରୀକ୍ଷାରେ ଚଳିତ ବର୍ଷ ଡିଏଭି ପୋଖରୀପୁଟର କଣ ରହିଛି ସଫଳତା

ଭୁବନେଶ୍ୱର: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ ଆନୁକୂଲ୍ୟରେ ପରିଚାଳିତ ଦଶମ ଶ୍ରେଣୀ ପରୀକ୍ଷାରେ ଡିଏଭି ପୋଖରୀପୁଟର ବିଦ୍ୟାର୍ଥୀ ଶତପ୍ରତିଶତ ସଫଳତା ହାସଲ କରି ବିଦ୍ୟାଳୟ ପାଇଁ ଗୌରବ ଆଣିଛନ୍ତି । ବିଦ୍ୟାଳୟର ସାମଗ୍ରିକ ସଫଳତା ୮୭.୩୭ ପ୍ରତିଶତ ରହିଛି । ବିଦ୍ୟାଳୟର ମୋଟ ୧୯୫ ଛାତ୍ରଛାତ୍ରୀଙ୍କ ମଧ୍ୟରୁ ୧୦୦ ଜଣ ବିଦ୍ୟାର୍ଥୀ ୯୦% ରୁ ଊର୍ଦ୍ଧ୍ୱ ନମ୍ବର ରଖି ଉତ୍ତୀର୍ଣ୍ଣ ହୋଇଛନ୍ତି । ସଂବର୍ତ୍ତିକା ଦାଶ ୯୯.୪୦% ନମ୍ବର ସହ ପ୍ରଥମ, ତନ୍ମୟ ରାଉତ ୯୮.୬୦% ରେ ଦ୍ୱିତୀୟ ଏବଂ ୯୮.୪୦% ନମ୍ବର ସହ ଅକ୍ଷିତା ନାୟକ ଓ ଅଭିପ୍ସା ସାମଲ ଉଭୟ ଯୁଗ୍ମ ତୃତୀୟ ସ୍ଥାନ ଅଧିକାର କରିଛନ୍ତି ।

ବିଦ୍ୟାଳୟ ସ୍ତରରେ ପ୍ରଥମ ତିନୋଟି ସ୍ଥାନ ଅଧିକାର କରିଥିବା ବିଦ୍ୟାର୍ଥୀମାନେ ନିଜ ସଫଳତା ପାଇଁ ମାତାପିତା, ଅଧ୍ୟକ୍ଷ ଶ୍ରୀ ବିପିନ କୁମାର ସାହୁ , ସମସ୍ତ ଶିକ୍ଷକ-ଶିକ୍ଷୟିତ୍ରୀ ତଥା ଈଶ୍ୱରଙ୍କ ଆଶୀର୍ବାଦରୁ ଏହା ସମ୍ଭବ ହୋଇଛି ବୋଲି କହିଛନ୍ତି । ଅଧିକାଂଶ ଛାତ୍ରଛାତ୍ରୀ ବିଷୟଭିତ୍ତିକ ଶତପ୍ରତିଶତ ନମ୍ବର ରଖି ନିଜ ଦକ୍ଷତାର ପରିଚୟ ଦେଇଛନ୍ତି । ବିଦ୍ୟାଳୟର ଏହି ସଫଳତା ପାଇଁ ଚେୟାରମ୍ୟାନ୍‍ ଡ. ଅରୁଣ କୁମାର ରଥ , ଡିଏଭି ବିଦ୍ୟାଳୟ ସମୂହ ଓଡ଼ିଶା ଜୋନ୍‌ର ଆଞ୍ଚଳିକ ନିର୍ଦ୍ଦେଶକ ଡ. କେ.ସି. ଶତପଥୀ ଏବଂ ବିଦ୍ୟାଳୟର ଅଧ୍ୟକ୍ଷ ଶ୍ରୀ ବିପିନ କୁମାର ସାହୁ ଛାତ୍ରାଛାତ୍ରୀ, ଅଭିଭାବକ ଓ ଶିକ୍ଷକ ଶିକ୍ଷୟିତ୍ରୀମାନଙ୍କୁ ଅଭିନନ୍ଦନ ଜଣାଇଛନ୍ତି ।

ସିବିଏସ୍‌ଇ ଦ୍ୱାଦଶ ପରୀକ୍ଷାରେ ଡିଏଭି ପୋଖରୀପୁଟର ସଫଳତା

ଭୁବନେଶ୍ୱର ତା. ୧୩-୦୫-୨୦୨୫–କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ ଆନୁକୂଲ୍ୟରେ ପରିଚାଳିତ ଦ୍ୱାଦଶ ଶ୍ରେଣୀ ପରୀକ୍ଷା ଫଳ ପ୍ରକାଶିତ ହୋଇଛି । ଡିଏଭି ପୋଖରୀପୁଟର ୨୫୯ ଛାତ୍ରଛାତ୍ରୀଙ୍କ ମଧ୍ୟରୁ ୪୫ ଜଣ ୯୦ ପ୍ରତିଶତରୁ ଊର୍ଦ୍ଧ୍ୱ ନମ୍ବର ରଖି ଉତ୍ତୀର୍ଣ୍ଣ ହୋଇଛନ୍ତି । ବିଜ୍ଞାନ ବିଭାଗରେ ବିଦ୍ୟାଳୟର ସାମଗ୍ରିକ ହାର ୭୭.୫୧ ପ୍ରତିଶତ ଥିବାବେଳେ ବାଣିଜ୍ୟ ବିଭାଗରେ ୮୨.୯୨ ପ୍ରତିଶତ ଓ କଳା ବିଭାଗରେ ୮୮.୩୨ ପ୍ରତିଶତ ରହିଅଛି । ବିଜ୍ଞାନରେ ପ୍ରଥମ ଦିବ୍ୟଜ୍ୟୋତି ନନ୍ଦ, ଦ୍ୱିତୀୟ ଶ୍ରିଶିକ୍ତା ରଥ, ତୃତୀୟ ଆତ୍ମନ ଦାଶ, ବାଣିଜ୍ୟରେ ପ୍ରଥମ ପୁନ୍ୟାଙ୍କ ମହାପାତ୍ର, ଦ୍ୱିତୀୟ ଶିପିଜ୍ ଜଲନ୍‌, ତୃତୀୟ ପ୍ରିୟରଞ୍ଜନ ସାହୁ ଓ କଳାରେ ସ୍ମରୋଜିତା ମଲିକ ପ୍ରଥମ, ଫୈଜା ଇସରତ୍ ଦ୍ୱିତୀୟ ଓ ବି.ଏସ୍‌. ଶ୍ରୀତି ଶ୍ରୀ ତୃତୀୟ ସ୍ଥାନ ଅଧିକାର କରିଛନ୍ତି ।

ବିଜ୍ଞାନ, ବାଣିଜ୍ୟ ଓ କଳା ବିଭାଗରେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ବିଦ୍ୟାର୍ଥୀମାନେ ଏହି ସଫଳତା ପାଇଁ ଈଶ୍ୱରଙ୍କ ଆଶୀର୍ବାଦ, ମାତାପିତାଙ୍କ ଉଚିତ ପରାମର୍ଶ, ବିଦ୍ୟାଳୟର ଅଧ୍ୟକ୍ଷ ଓ ଶିକ୍ଷକ-ଶିକ୍ଷୟିତ୍ରୀଙ୍କ ପ୍ରତ୍ୟକ୍ଷ ମାର୍ଗଦର୍ଶନ ଦ୍ୱାରା ଏହା ସମ୍ଭବ ହୋଇପାରିଛି ବୋଲି କହିଛନ୍ତି । ଅଧିକାଂଶ ଛାତ୍ରଛାତ୍ରୀ ବିଷୟଭିତ୍ତିକ ଶତପ୍ରତିଶତ ନମ୍ବର ରଖି ନିଜ ଦକ୍ଷତାର ପରିଚୟ ଦେଇଛନ୍ତି ।

ଏହି ସଫଳତା ପାଇଁ ବିଦ୍ୟାଳୟର ପରିଚାଳନା ସମିତିର ଚେୟାରମ୍ୟାନ୍ ଡ. ଅରୁଣ କୁମାର ରଥ, ଡିଏଭି ସମୂହ ଓଡ଼ିଶା ଜୋନ୍‌ର ଆଞ୍ଚଳିକ ଅଧିକାରୀ ଡ. କେଶବ ଚନ୍ଦ୍ର ଶତପଥୀ ଓ ବିଦ୍ୟାଳୟର ଅଧ୍ୟକ୍ଷ ଶ୍ରୀ ବିପିନ କୁମାର ସାହୁ ଏହି ସଫଳତା ପାଇଁ ଛାତ୍ରଛାତ୍ରୀ, ଅଭିଭାବକ ଓ ଶିକ୍ଷକଶିକ୍ଷୟିତ୍ରୀମାନଙ୍କୁ ଅଭିନନ୍ଦନ ଜଣାଇବା ସହ ସେମାନଙ୍କର ଉତ୍ତରୋତ୍ତର ଉନ୍ନତି କାମନା କରିଛନ୍ତି ।

Categories
ଆଜିର ଖବର ଜାତୀୟ ଖବର ରାଜ୍ୟ ଖବର

CBSE Results 2025: ଦଶମ ଓ ଦ୍ୱାଦଶ ପରୀକ୍ଷା ଫଳରେ ଡିଏଭି ଚନ୍ଦ୍ରଶେଖରପୁରର ସଫଳତା

CBSE Results 2025: କେନ୍ଦ୍ରୀୟ ମାଧ୍ୟମିକ ଶିକ୍ଷା ପରିଷଦ ଆନୁକୂଲ୍ୟରେ ପରିଚାଳିତ ବାର୍ଷିକ ଦଶମ ଓ ଦ୍ୱାଦଶ ପରୀକ୍ଷାଫଳ ମଙ୍ଗଳବାର ପ୍ରକାଶ ପାଇଛି । ଏଥିରେ ଡିଏଭି ପବ୍ଲିକ୍‍ ସ୍କୁଲ୍‍, ଚନ୍ଦ୍ରଶେଖରପୁରର ଛାତ୍ରଛାତ୍ରୀମାନେ ପୂର୍ବବର୍ଷମାନଙ୍କ ପରି ଚିତ୍ତାକର୍ଷକ ସାଫଲ୍ୟ ଅର୍ଜନ କରିଛନ୍ତି ।

ଦଶମ ଶ୍ରେଣୀରେ ୨୬୯ ପରୀକ୍ଷାର୍ଥୀଙ୍କ ମଧ୍ୟରୁ ୫୪ଜଣ ୯୫%ରୁ ଊର୍ଦ୍ଧ୍ୱ, ୧୪୧ଜଣ ୯୦%ରୁ ଊର୍ଦ୍ଧ୍ୱ, ୨୦୬ଜଣ ୮୦%ରୁ ଊର୍ଦ୍ଧ୍ୱ ଏବଂ ୨୬୦ ଜଣ ୬୦%ରୁ ଅଧିକ ନମ୍ବର ରଖିଛନ୍ତି । ମିହିକା ମହାନ୍ତି ଓ ଆକାଂକ୍ଷା ସାମଲ ୯୮.୪% ନମ୍ବର ସହ ଯୁଗ୍ମ ପ୍ରଥମ, ଅନୁଷ୍କା ତ୍ରିପାଠୀ, ଶ୍ରୀବିଦ୍ୟା ଦାସ ଓ ରିତି ଆଚାର୍ଯ୍ୟ ୯୮.୨% ନମ୍ବର ସହ ୨ୟ, ଡୋନା ପ୍ରଧାନ ଓ ସମୀକ୍ଷା ମହାନ୍ତି ୯୭.୮% ନମ୍ବର ସହ ବିଦ୍ୟାଳୟରେ ୩ୟ ସ୍ଥାନ ହାସଲ କରିଛନ୍ତି । ଏକାଧିକ ଛାତ୍ରଛାତ୍ରୀ ଗଣିତ, ବିଜ୍ଞାନ, ସାମାଜିକ ବିଜ୍ଞାନ ଓ ସଂସ୍କୃତ ବିଷୟରେ ପୂର୍ଣ୍ଣସଂଖ୍ୟା ୧୦୦ ନମ୍ବର ଲେଖାଏଁ ରଖିଛନ୍ତି ।

ଦ୍ୱାଦଶ ବିଜ୍ଞାନ ବିଭାଗରେ ୩୩୨ ପରୀକ୍ଷାର୍ଥୀଙ୍କ ମଧ୍ୟରୁ ୯୦ ଜଣ ୯୦%ରୁ ଊର୍ଦ୍ଧ୍ୱ, ୨୧୧ ଜଣ ୮୦%ରୁ ଊର୍ଦ୍ଧ୍ୱ ଓ ସମସ୍ତ ଛାତ୍ରଛାତ୍ରୀ ୬୦%ରୁ ଊର୍ଦ୍ଧ୍ୱ ନମ୍ବର ରଖିଛନ୍ତି । ଶ୍ରୀମାନ ବିଷ୍ଣୁ ପ୍ରସାଦ ଶତପଥୀ ୯୮% ନମ୍ବର ସହ ପ୍ରଥମ, ସଞ୍ଜୟ କୁମାର ସାହୁ ୯୭.୮% ନମ୍ବର ସହ ୨ୟ ଏବଂ କେପିଏସ୍‍ ଶ୍ରେୟାସ ୯୭.୬% ନମ୍ବର ସହ ୩ୟ ସ୍ଥାନ ହାସଲ କରିଛନ୍ତି । ରସାୟନ ବିଜ୍ଞାନ, ଗଣିତ ଓ ଚିତ୍ରକଳା ବିଷୟରେ ଏକାଧିକ ଛାତ୍ରଛାତ୍ରୀ ପୂର୍ଣ୍ଣସଂଖ୍ୟା ୧୦୦ ନମ୍ବର ଲେଖାଏଁ ରଖିଛନ୍ତ ।

ବାଣିଜ୍ୟ ବିଭାଗରେ ୪୫ଜଣ ବିଦ୍ୟାର୍ଥୀଙ୍କ ମଧ୍ୟରୁ ୧୦ଜଣ ୯୦%ରୁ ଊର୍ଦ୍ଧ୍ୱ, ୩୪ଜଣ ୮୦%ରୁ ଊର୍ଦ୍ଧ୍ୱ ଓ ସମସ୍ତ ଛାତ୍ରଛାତ୍ରୀ ୬୦%ରୁ ଅଧିକ ନମ୍ବର ରଖିଛନ୍ତି । ପାର୍ଥ ଅଗ୍ରୱାଲ ଓ ବିଭାସ୍ୱାନ ମାହାଲି ୯୭.୨% ନମ୍ବର ସହ ପ୍ରଥମ, ଅନ୍ୱେଷା ମହାରଣା ୯୬.୮% ନମ୍ବର ସହ ଦ୍ୱିତୀୟ ଏବଂ କେଶବ ଅଗ୍ରୱାଲ ୯୫.୮% ନମ୍ବର ସହ ୩ୟ ସ୍ଥାନ ହାସଲ କରିଛନ୍ତି । ଚିତ୍ରକଳାରେ ଏକାଧିକ ଛାତ୍ରଛାତ୍ରୀ ପୂର୍ଣ୍ଣସଂଖ୍ୟା ୧୦୦ ନମ୍ବର ହାସଲ କରିଛନ୍ତି ।

ସେହିପରି କଳା ବିଭାଗରେ, ୩୫ ଜଣଯାକ ଛାତ୍ରଛାତ୍ରୀ ୭୫%ରୁ ଊର୍ଦ୍ଧ୍ୱ ନମ୍ବର ସହ ଉତ୍ତୀର୍ଣ୍ଣ ହୋଇଥିବା ସ୍ଥଳେ ୨୦ଜଣ ୯୦%ରୁ ଊର୍ଦ୍ଧ୍ୱ ଓ ୩୨ଜଣ ୮୦%ରୁ ଊର୍ଦ୍ଧ୍ୱ ନମ୍ବର ରଖିଛନ୍ତି । ଚିନ୍ମୟ ପ୍ରିୟଦର୍ଶିନୀ ଦାସ ୯୬.୮% ନମ୍ବର ସହ ପ୍ରଥମ, ଦେବଦୀପା ତ୍ରିପାଠୀ ୯୬.୬% ନମ୍ବର ସହ ୨ୟ, ରୀଶା ମିଶ୍ର ଓ ଶୁଭଲକ୍ଷ୍ମୀ ପାଢୀ ୯୬.୨% ନମ୍ବର ସହ ବିଦ୍ୟାଳୟରେ ୩ୟ ସ୍ଥାନ ହାସଲ କରିଛନ୍ତି । ରାଜନୀତିବିଜ୍ଞାନ, ଭୂଗୋଳ, ମନୋବିଜ୍ଞାନ ଓ ଚିତ୍ରକଳା ବିଷୟରେ ଏକାଧିକ ଛାତ୍ରଛାତ୍ରୀ ପୂର୍ଣ୍ଣସଂଖ୍ୟା ୧୦୦ ନମ୍ବର ଲେଖାଏଁ ସ୍କୋର କରିଛନ୍ତି ।

ଛାତ୍ରଛାତ୍ରୀଙ୍କ ଉଲ୍ଲେଖନୀୟ କୃତିତ୍ୱ ପ୍ରଦର୍ଶନ ଯୋଗୁ ବିଦ୍ୟାଳୟ ପରିଚାଳନା କର୍ତ୍ତୃପକ୍ଷ, ଅଧ୍ୟକ୍ଷା ଡ. ସୁଜାତା ସାହୁ ପ୍ରମୁଖ ସଂପୃକ୍ତ ବିଦ୍ୟାର୍ଥୀ ଓ ସେମାନଙ୍କ ଅଭିଭାବକଙ୍କୁ ଅଭିନନ୍ଦନ ଜଣାଇଛନ୍ତି ।