ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ୍ ଚନ୍ଦ୍ରବାବୁ ନାଇଡୁୂ ମୁଖ୍ୟ ନିର୍ବାଚନ ଅଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି। ସମଗ୍ର ଭାରତ ବର୍ଷରେ ନିର୍ବାଚନ କମିଶନଙ୍କ ବେଆଇନ ଏବଂ ଅଗଣତାନ୍ତ୍ରିକ ନିଷ୍ପତ୍ତି ବିରାେଧରେ ଏହି ଧାରଣାରେ ବସିଛନ୍ତି ଚନ୍ଦ୍ରବାବୁ ନାଇଡୁ। ପ୍ରଥମେ ମୁଖ୍ୟ ନିର୍ବାଚନ ଅଧିକାରୀ ଜି କେ ଦ୍ବିବେଦୀଙ୍କୁ ଅଭିଯୋଗ ପତ୍ର ପ୍ରଦାନ କରିବା ପରେ ଧାରଣାରେ ବସିଥିଲେ। ନାଇଡୁ କହିଛନ୍ତି ନିର୍ବାଚନ କମିଶନ ପ୍ରତ୍ୟେକ ରାଜ୍ୟରେ ଆଇପିଏସ୍ ଏବଂ ଆଇଏଏସ ଅଫିସରଙ୍କୁ ବଦଳି କରିବା ଉପରେ ଏହି ମନ୍ତବ୍ୟ ଦେଇଛନ୍ତି। ନିକଟରେ ନିର୍ବାଚନ କମିଶନ ଜନୈକ ପୋଲିସ ଅଫିସରଙ୍କୁ ବଦଳି କରିଥିଲେ ଯାହାକି ବିପକ୍ଷ ଦଳଙ୍କ ପ୍ରରୋଚନାରେ ହେଉଛି ବୋଲି ନାଇଡୁ ଅଭିଯୋଗ ଆଣିଛନ୍ତି। ରାଜ୍ୟରେ ବିଭିନ୍ନ ବରିଷ୍ଠ ପୋଲିସ ଅଧିକାରୀଙ୍କୁ ବଦଳ କରିବା ସହିତ ମୁଖ୍ୟ ଶାସନ ସଚିବଙ୍କୁ ମଧ୍ୟ ବଦଳାଇଛନ୍ତି। ଏହି ନିଷ୍ପତ୍ତିକୁ ନିର୍ବାଚନ କମିଶନ ନ ବଦଳାଇବା ପର୍ଯ୍ୟନ୍ତ ଧାରଣା ଜାରି ରହିବ ବୋଲି ନାଇଡୁ କହିଛନ୍ତି।
( ମୋବାଇଲରେ ଫଟାଫଟ ଖବର ଜାଣିବା ପାଇଁ ପ୍ଲେ ଷ୍ଟୋରରୁ ଡାଉନଲୋଡ କରନ୍ତୁ sankhipta , ଡାଉନଲୋଡ ପରେ ଟିପରେ ସ୍କ୍ରିନକୁ ତଳୁ ଉପରକୁ ଘଷି ପଢିଚାଲନ୍ତୁ ଖବର ପରେ ଖବର )