ନୂଆଦିଲ୍ଲୀ : କରୋନା ସଂକଟ କାରଣରୁ ଦେଶରେ 21 ଦିନିଆ ଲକ୍ ଡାଉନ୍ ଜାରିରହିଛି । ଲକ୍ ଡାଉନ୍ ସମୟରେ ସୋସିଆଲ୍ ଡିଷ୍ଟାନ୍ସିଂ ବା ସାମାଜିକ ଦୂରତ୍ବକୁ ବିଶେଷ ଗୁରୁତ୍ବ ଦିଆଯାଇଛି। ଲକ୍ ଡାଉନ୍ ସମୟରେ କେବଳ ଅତ୍ୟାବଶ୍ୟକ ସାମଗ୍ରୀ ବ୍ୟତୀତ ଅନ୍ୟାନ୍ୟ ସେବା ସୁବିଧା ବନ୍ଦ ରହିଛି। ଲକ୍ ଡାଉନ୍ ସମୟରେ ଚିରାଗ ପାଶଓ୍ବାନ୍ ତାଙ୍କ ପିତା କେନ୍ଦ୍ରୀୟ ମନ୍ତ୍ରୀ ରାମବିଲାସ ପାଶ୍ଓ୍ବାନଙ୍କ ହେୟାର ଟ୍ରିମିଂ କରିଥିବାର ନଜର ଆସିଛନ୍ତି ।
ସାଂସଦ ଚିରାଗ ପାଶଓ୍ବାନ୍ ନିଜ ଟୁଇଟର ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି। ଏହି ଭିଡିଓରେ ଚିରାଗ ନିଜ ପିତା ତଥା କେନ୍ଦ୍ରମନ୍ତ୍ରୀ ରାମବିଲାସ ପାଶଓ୍ବାନଙ୍କ ଦାଢୀକୁ ଟ୍ରିମିଂ କରୁଥିବାର ନଜର ଆସିଛନ୍ତି । ଏହି ଭିଡିଓକୁ ସେୟାର କରି ଚିରାଗ କହିଛନ୍ତି ଯେ, ସମୟ ବହୁତ କଠିନ ରହିଛି। କିନ୍ତୁ ଲକ୍ ଡାଉନ୍ର ଏକ ସୁନ୍ଦର ପକ୍ଷ ମଧ୍ୟ ରହିଛି । କେବେ ଜଣାନଥିଲା ଯେ, ଏହା ବି ଗୋଟେ ଭଲ କୌଶଳ।
Tough times but see #lockdown also has a brighter sides. Never knew had these skills too !
Let’s fight #Corona19 and create beautiful memories too ! #StayHomeStaySafe ? pic.twitter.com/j8IPHxB1Sa
— युवा बिहारी चिराग पासवान (@ichiragpaswan) April 12, 2020
ଦେଶରେ ଜାରି ରହିଥିବା ଲକ୍ ଡାଉନ୍ ଆଜି 19ତମ ଦିବସରେ ପହଞ୍ଚିଛି । ଏହି ଲକ୍ ଡାଉନ୍ ଏପ୍ରିଲ୍ 14 ତାରିଖରେ ଶେଷ ହେବାର ରହିଛି । କିନ୍ତୁ ଏହି ଲକ୍ ଡାଉନ୍ର ଅବଧି ଦୁଇ ସପ୍ତାହ ବୃଦ୍ଧି ହେବା ନେଇ ସମ୍ଭାବନା ରହିଛି । ଶନିବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ସମସ୍ତ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ବୈଠକ କରିଥିଲେ । ଏହି ବୈଠକରେ ଲକ୍ ଡାଉନ୍ ବୃଦ୍ଧି କୁ ନେଇ ଦାବି ରଖିଥିଲେ ପ୍ରାୟ ସମେସ୍ତ । ଏହି କ୍ରମରେ ଦେଶରେ ଲକ୍ ଡାଉନ୍ ପ୍ରକ୍ରିୟାକୁ ବୃଦ୍ଧି କରିବା ନେଇ ଆକଳନ ସୃଷ୍ଟି ହୋଇଛି । ତେବେ ଏ ନେଇ କୌଣସି ଔପଚାରିକ ଘୋଷଣା ହେବାକୁ ବାକି ରହିଛି । (ଏଜେନ୍ସି)