Categories
ଅପରାଧ ଆଜିର ଖବର ଜାତୀୟ ଖବର

ଚୋରକୁ ଧରି କ୍ବାରେଣ୍ଟାଇନରେ ଗଲେ ବିଚାରପତି ଓ ପୋଲିସ୍‌ କର୍ମୀ

ଲୁଧିଆାନା :  ଚୋରକୁ ଧରିବାକୁ ଯାଇ ବିଚାରପତି, ପୋଲିସ୍‌ କର୍ମୀମାନେ ହୋମ୍‌ କ୍ବାରେଣ୍ଟାଇନ୍‌ ରହିଛନ୍ତି । ପଞ୍ଜାବର ରାଜଧାନୀ ଲୁଧିଆନାର ଏକ ଚୋର ଦେହରେ କରୋନା ପଜିଟିଭ୍‌ ଚିହ୍ନଟ ହେବା ପରେ ପଞ୍ଜାବ ପୁଲିସ୍‌ର ସାତ ଜଣ ଯବାନ ଓ ଜଣେ ବିଚାରପତିଙ୍କ ସମେତ 10 ଜଣଙ୍କୁ କ୍ବାରେଣ୍ଟାଇନ୍‌ରେ ରଖାଯାଇଛି। ମିଳିଥିବା ସୂଚନା ଅନୁସାରେ ଫୋକଲ୍‌ ପଏଣ୍ଟର କିଛି ଅଧିବାସୀ ଦୁଇ ଚୋରଙ୍କୁ ଧରି ପୋଲିସର ଜିମା ଦେଇଥିଲେ । ଚୋରଦ୍ବୟଙ୍କୁ ଗିରଫ କରାଯିବା ପରେ ତାଙ୍କୁ ଅଦାଲତକୁ ନିଆଯାଇଥିଲା । ଦୁଇ ଚୋର ଯାକ ଲଗାତାର ଭାବରେ କାଶୁ ଥିବାରୁ ଅଦାଲତ ତାଙ୍କର ସ୍ବାସ୍ଥ୍ୟ ପରୀକ୍ଷା କରିବା ପାଇଁ ଆଦେଶ ଦେଇଥିଲେ।

ସ୍ବାସ୍ଥ୍ୟ ପରୀକ୍ଷା ସମୟରେ ଦୁଇ ଚୋରଙ୍କ ମଧ୍ୟରୁ ଜଣେ ଫେରାର୍‌ ହୋଇଯାଇଥିବାବେଳେ ଆଉ ଜଣେ କରୋନା ସଂକ୍ରମିତ ହୋଇଥିବାର ସୂଚନା ମିଳିଥିଲା । ଏହାପରେ ସମ୍ପୃକ୍ତ ପୋଲିସ୍‌ ଅଧିକାରୀ ଓ ବିଚାରପତିଙ୍କୁ ହୋମ୍‌ କ୍ବାରେଣ୍ଟାଇନ୍‌ରେ ରଖାଯାଇଛି । ସେହିପରି ଫେରାର୍‌ ହୋଇଥିବା ଚୋରଙ୍କୁ ମଧ୍ୟ ତଲାସ କରାଯାଉଛି । ପଞ୍ଜାବରେ ମୋଟ 130ଟି କରୋନା ସଂକ୍ରମିତ ମାମଲା ସାମ୍ନାକୁ ଆସିଥିବାବେଳେ 11ଜଣଙ୍କ ମୃତ୍ୟୁ ହୋଇଛି । (ଏଜେନ୍ସି)