ଭୁବନେଶ୍ବର: ପାଣିପାଗ ନେଇ ଆସିଛି ଏକ ବଡ ଖବର। ତାହା ହେଲା ଯେ ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିଝଡ ଏବେ ଲଘୁଚାପ ସୃଷ୍ଟି ହୋଇଛି। ଏହା ଧିରେ ଧିରେ ଶକ୍ତିଶାଳି ହେବାରେ ଲାଗିଛି। ଫଳରେ ବର୍ତ୍ତମାନ ବଙ୍ଗୋପସାଗରରେ ଏହା ଲଘୁଚାପ ଭାବେ ଘୁରି ବୁଳୁଛି। ତେବେ ଆସନ୍ତାକାଲି ଏହା ତୀବ୍ର ରୂପ ନେବ ବୋଲି ପାଣିପାଗ ବିଭାଗ ତରଫରୁ କୁହାଯାଇଛି।
ସୁତ୍ର ଅନୁସାରେ ଏହି ଲଘୁଚାପ ଆସନ୍ତାକାଲି ଅବପାତ ରୂପ ନେବ ଏହାପରେ ତାହା ତାମିଲନାଡୁ ପୁଡୁଚେରୀ ଏବଂ ଦକ୍ଷିଣ ଆନ୍ଧ୍ର ଆଡକୁ ଗତି କରିବ ବୋଲି କୁହାଯାଉଛି। ଏହା ଧିରେଧିରେ ଆହୁରି ଶକ୍ତିଶାଳୀ ହୋଇ ବାତ୍ୟାରେ ପରିଣତ ହେବ ବୋଲି ଅନୁମାନ କରାଯାଉଛି। ଡିସେମ୍ବର 8 ତାରିଖ ବେଳକୁ ଏହା ବାତ୍ୟାରେ ପରିଣତ ହେବାର ସମ୍ଭାବନା ରହିଛି।
ତେବେ ଏହି ବାତ୍ୟାର ନାମ ହେବ ‘ମାନଡ୍ୟୁସ’। ଏହା ଦ୍ବାରା ତାମିଲନାଡୁ, ପୁଡୁଚେରୀ ଏବଂ ଦକ୍ଷିଣ ଆନ୍ଧ୍ରରେ ପ୍ରବଳ ବର୍ଷା ସମ୍ଭାବନା ରହିଛି।
ତେବେ ଏହି ବାତ୍ୟା ଦ୍ବାରା ଓଡିଶାରେ କୌଣସି ବଡ ପ୍ରଭାବ ପଡିବ ନାହିଁ ବୋଲି ଭୁବନେଶ୍ବର ପାଣିପାଗ ବିଭାଗ କହିଛି। ତେବେ ଆଠ ତାରଖ ବେଳକୁ ବର୍ଷା ହେବାର ସମ୍ଭାବନା ରହିଛି ବୋଲି ଜଣାପଡିଛି। ତେବେ ମୌସୁମୀ ବାୟୁ ଅପସରି ଯିବା ପରେ ଏହା ହେଉଛି ଦ୍ବିତୀୟ ବାତ୍ୟା।