ରୁଦ୍ରପୁର : ଉତ୍ତରାଖଣ୍ଡର ରୁଦ୍ରପୁରରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ସାମାନ୍ୟ ଜମି ଓ ସମ୍ପତ୍ତି ହଡପ ଉଦ୍ଦେଶ୍ୟରେ ଜଣେ ଜ୍ବାଇଁ ନିଜ ଶାଶୁ –ଶଶୁର ଓ ଦୁଇ ଶାଳୀଙ୍କୁ ହତ୍ୟା କରି ଘରେ ଗାତ ଖୋଳି ପୋତି ଦେଇଛନ୍ତି । ଏପରିକି ଘର ଭିତରେ ପୋତି ନୂଆ ଚଟାଣ ପ୍ରସ୍ତୁତ କରିଛନ୍ତି । ଜ୍ବାଇଁଙ୍କର ଏହି କୁକର୍ମରେ ତାଙ୍କ ସାଥ୍ ଦେଇଛନ୍ତି ତାଙ୍କ ସ୍ତ୍ରୀ ଅର୍ଥାତ୍ ନିଜ ଝିଅ ।
ଜଣେ ସମ୍ପତ୍ତି ପାଇଁ ନିଜ ରକ୍ତର ସମ୍ପର୍କଙ୍କ ସହ ଏପରି କାର୍ଯ୍ୟ କରିବା ସତରେ ଅମାନବୀୟ । ଏହି ମାମଲାର ପର୍ଦ୍ଦାଫାସ ପ୍ରାୟ 16 ମାସରେ ଜଣାପଡିଛି ।
ହତ୍ୟାର 16 ମାସ ପରେ ଏହି ଘଟଣା ସାମ୍ନାକୁ ଆସିଛି । ଝିଅ ଓ ଜ୍ବାଇଁ ୟୁପିର ବରେଲୀ ଜନପଦର ମୀରାଗଞ୍ଜର ମୃତ ହୀରାଲାଲଙ୍କ ମୃତ୍ୟୁ ପ୍ରମାଣପତ୍ର କରିବା ପାଇଁ ଯିବା ସହ ସମ୍ପତ୍ତିକୁ ନିଜ ନାମରେ କରିବାକୁ ଲାଗୁଥିବାବେଳେ ଏହି ଘଟଣାଟି ସାମ୍ନାକୁ ଆସିଥିଲା । ପ୍ରଥେମ ଏହି ଘଟଣାକୁ ନିଖୋଜର ରୂପ ଦେଇଥିବାବେଳେ ପଚରାଉଚୁରା ପରେ ଏହି ଘଟଣା ଉପରୁ ପରଦା ଉଠିଥିଲା ।
ପୋଲିସ୍ ଉଭୟ ଝିଅ ଓ ଜ୍ବାଇଁଙ୍କ ଅଟକ ରଖି ଶକ୍ତ ରୂପେ ଏ ସମ୍ପର୍କରେ ପଚରାଉଚୁରା କରିବାରୁ ଚାରିଜଣଙ୍କ ହତ୍ୟା କରିବା ସହ ଘରେ ସେମାନଙ୍କୁ ପୋତିଥିବାର ସ୍ବୀକାର କରିଥିଲେ । ଏହି ମାମଲାରେ ମାଜିଷ୍ଟ୍ରେଟ୍ ବ୍ୟତୀତ ଫରେନସିକ୍ ଏକ୍ସପର୍ଟ ମଧ୍ୟ ସାମିଲ୍ ରହି ଯାଞ୍ଚ କରୁଛନ୍ତି ।
ପୋଲିସ୍ ଘର ଭିତରେ ଥିବା ଚଟାଣକୁ ଖୋଳିବା ପରେ ଶଶୁର ହୀରାଲାଲ୍, ଶାଶୁ ହେମାବତୀ, ଦୁଇଝିଅ ଦୁର୍ଗା ଓ ପାର୍ବତୀଙ୍କ ଶବକୁ ଉଦ୍ଧାର କରିଛି ।
65 ବର୍ଷୀୟ ହୀରାରାଲ 2006ରେ ପରିବାର ସହିତ ରାଜା କଲୋନୀ ଟ୍ରାଞ୍ଜିଟ୍ କାମ୍ପ୍ରେ ରହୁଥିଲେ । ସେ ତାଙ୍କ ଗ୍ରାମରେ 18 ବିଘା ଜମୀନ୍ ଓ ଘର ରହିଥିଲା । ଗ୍ରାମ ଛାଡିବା ପୂର୍ବରୁ ସେ ପାଞ୍ଚ ବିଘା ଜମି ବିକ୍ରି କରି ସେଇ ପଇସାରେ ଘର ତିଆରି କରିଥିଲେ ।
ଜମି ଓ ଘର ଲୋଭରେ ନିଜ ଝିଅ ସ୍ବାମୀ ସହ ମିଶି ନିଜ ବାପାମା’ ଓ ଭଉଣୀର ହତ୍ୟା କରିଥିବାର ଜଣାପଡିଛି । ପୋଲିସ୍ ହତ୍ୟା ଅଭିଯୋଗରେ ଦୁହିଁଙ୍କୁ ଗିରଫ କରିଥିବାର ଜଣାପଡିଛି । (ଏଜେନ୍ସି)