Tag: donaldtrump

ୱାସିଂଟନ୍, ଏଣିକି କରୋନା ଭାଇରସକୁ ଭୟ କରିବାର କିଛି ନାହିଁ, ଖୁବ ଶିଘ୍ର ବଜାରକୁ ଆସିବ କୋଭିଡ-19 ନିରାକଣ ଔଷଧ। ଏହା କହିଛନ୍ତି ଆମେରିକା ରାଷ୍ଟ୍ରପତି ଡୋନାଲଡ ଟ୍ରମ୍ପ। ରବିବାର ରାତିରେ ଟ୍ରମ୍ପ ହ୍ବାଇଟ ହାଉସରେ ସମ୍ବୋଧିତ କରି ଏହି ତଥ୍ୟ ପ୍ରଦାନ କରିଛନ୍ତି। ଏହି ରୋଗ ଆସିବା ପରେ ଆମେରିକା ତା ପଛରେ କାମ ଆରମ୍ଭ କରିଦେଇଛି। ତାହା ଶେଷ ପର୍ଯ୍ୟାୟରେ ପହଁଚିଛି।ଆଉ କିଛିଦିନ ଅପେକ୍ଷା ପରେ ଏହା ଉପଲବ୍ଧ ହେବ ବୋଲି ଟ୍ରମ୍ପ ଘୋଷଣା କରିଛନ୍ତି।

ସେ କହିଛନ୍ତି ଯେ, କରୋନା ରୋଗୀଙ୍କୁ ମ୍ୟାଲେରିଆ ଔଷଧ ପ୍ରୟୋଗ କରିବା ପରେ ତାହା ବେଶ୍ ଫଳପ୍ରଦ ହୋଇ ପାରିଛି। ସେସବୁକୁ ଆଧାର କରି ବର୍ତ୍ତମାନ ସ୍ବତନ୍ତ୍ର ଭାବେ ଏହି କୋବିଡ-19 ନିରାକରଣ ଔଷଧ ପ୍ରସ୍ତୁତି ଚାଲିଛି। ଏହି ସମ୍ମିଳନୀରେ ଟ୍ରମ୍ପ ମଧ୍ୟ କହିଛନ୍ତି ଯେ, ୱାସିଂଟନରେ ପ୍ରାୟ ଏକ ହଜାର କରୋନା ରୋଗୀଙ୍କୁ ମ୍ୟାଲେରିଆ ପାଇଁ ଦିଆଯାଉଥିବା କ୍ଲୋରକ୍ୟୁଇନ ବଟିକା ପ୍ରଦାନ କରାଯାଇଥିଲା। ଆଶ୍ଚର୍ଯ୍ୟ ଭାବେ ସେମାନଙ୍କ ଦେହରେ ଫଳପ୍ରଦ ହୋଇପାରିଛି। ଏହାର ଦୁଇଦିନ ପରେ ୟୁଏଏସ ଫୁଡ ଆଣ୍ଡ ଡ୍ରଗ ପ୍ରଶାସନ ଏହି ଔଷଧକୁ ପ୍ରୟୋଗ କରିବା ପାଇଁ ଅନୁମତି ପ୍ରଦାନ କରିଛନ୍ତି।

ସେତିକି ନୁହେଁ ଖୁବ ଶିଘ୍ର ଆମେରିକା ସାନିଟାଇଜଡ୍ ମାସ୍କ ବଜାରକୁ ଆଣିବ। ଏହି ସ୍ବତନ୍ତ୍ର ଧରଣର ମାସ୍କ ବର୍ତ୍ତମାନ ସୁଦ୍ଧା କୈଣସି ଦେଶର ନିର୍ମାଣ କରାଯାଇ ନାହିଁ। ଏହାର ପ୍ରସ୍ତୁତି ମଧ୍ୟ ଶେଷ ପର୍ଯ୍ୟାୟରେ। ଏହି ଦୁଇଟି ଉପଲବ୍ଧ ହେବା ପରେ କରୋନା ଭାଇରସକୁ ସଂପୂର୍ଣ୍ଣ ନିପାତ କରିଦିଆଯିବ ବୋଲି ଟ୍ରମ୍ପ କହିଛନ୍ତି।