ନୂଆଦିଲ୍ଲୀ: ଆଜି ସକାଳେ ନେପାଳରେ ୬.୧ ମ୍ୟାଗ୍ନିଚ୍ୟୁଡର ଏକ ଭୂମିକମ୍ପ ଅନୁଭୂତ ହୋଇଛି। ବିହାର, ସିଲିଗୁଡି ଏବଂ ଭାରତର ଅନ୍ୟ ପଡୋଶୀ ଅଞ୍ଚଳରେ ଏହି କମ୍ପନ ଅନୁଭୂତ ହୋଇଥିଲା। ଯାହା ପରେ ଭୟଭୀତ ଲୋକମାନେ ସେମାନଙ୍କ ଘରୁ ବାହାରି ଆସିଥିଲେ। ଜାତୀୟ ଭୂମିକମ୍ପ ମନିଟରିଂ ଏବଂ ରିସର୍ଚ୍ଚ ସେଣ୍ଟର ନିଶ୍ଚିତ କରିଛି ଯେ, କାଠମାଣ୍ଡୁଠାରୁ ପ୍ରାୟ ୬୫ କିଲୋମିଟର ଦୂରରେ ଥିବା ସିନ୍ଧୁପାଲଚୋକ୍ ଜିଲ୍ଲାର ଭୈରବକୁଣ୍ଡାରେ ଏହି ଭୂମିକମ୍ପ ଘଟିଛି।
ସ୍ଥାନୀୟ ସମୟ ରାତି ୨:୫୧ ରେ ଏହି ଭୂମିକମ୍ପ ଘଟି ନେପାଳର ମଧ୍ୟ ଏବଂ ପୂର୍ବ ଅଞ୍ଚଳରେ ଆତଙ୍କ ସୃଷ୍ଟି କରିଥିଲା। ଆଜି ଭୂମିକମ୍ପର ପ୍ରଭାବ ଆକଳନ କରାଯାଉଛି। ତେବେ କ୍ଷୟକ୍ଷତି କିମ୍ବା ଆହତ ହେବାର ଖବର ନାହିଁ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ପାଟନାରେ କୋଠା ଏବଂ ପଙ୍ଖା ଝୁଳୁଥିବା ଦେଖିବାକୁ ମିଳିଛି। ଏହି ସମୟରେ ଭାରତ ଏବଂ ତିବ୍ଦତର ସୀମାନ୍ତବର୍ତ୍ତୀ ଅଞ୍ଚଳବାସୀ ମଧ୍ୟ କମ୍ପନ ଅନୁଭବ କରୁଛନ୍ତି। ତେବେ ଏପର୍ଯ୍ୟନ୍ତ କୌଣସି ମୃତାହତ କିମ୍ବା ପ୍ରାଣହାନି ଘଟିନାହିଁ ବୋଲି ସ୍ଥାନୀୟ ଅଧିକାରୀମାନେ ପରିସ୍ଥିତିର ଆକଳନ କରୁଛନ୍ତି।
ଏହି ସମୟରେ ରିକ୍ଟର ସ୍କେଲରେ ୪.୫ ମ୍ୟାଗ୍ନିଚ୍ୟୁଡର ଆଉ ଏକ ଭୂମିକମ୍ପ ରେକର୍ଡ କରାଯାଇଛି, ଯାହାର କେନ୍ଦ୍ର ପାକିସ୍ଥାନ ଥିଲା। ଆଜି ସକାଳେ ପାକିସ୍ତାନରେ ଏହି ଭୂମିକମ୍ପ ଘଟିଛି। ଏହି ଭୂମିକମ୍ପ କେବଳ ନେପାଳରେ ସୀମିତ ନଥିଲା।
ଉଲ୍ଲେଖ ଯୋଗ୍ୟ ଯେ, ନେପାଳ ହେଉଛି ପୃଥିବୀର ସବୁଠାରୁ ସକ୍ରିୟ ଭୂମିକମ୍ପ ଅଞ୍ଚଳ, ଯେଉଁଠାରେ ଭୂମିକମ୍ପ ହେବାର ଆଶଙ୍କା ସବୁବେଳେ ରହିଥାଏ। ୨୦୧୫ ମସିହାରେ ନେପାଳରେ ୭.୮ ମ୍ୟାଗ୍ନିଚ୍ୟୁଡର ଏକ ଭୂମିକମ୍ପ ଘଟିଥିଲା ଯେଉଁଥିରେ ୯ ହଜାରରୁ ଅଧିକ ଲୋକ ପ୍ରାଣ ହରାଇଥିଲେ।