ନୂଆଦିଲ୍ଲୀ: ସଂସଦର ବଜେଟ୍ ଅଧିବେଶନ ଆଜିଠାରୁ ଆରମ୍ଭ ହେଉଛି। ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଅଭିଭାଷଣ ପରେ ଅର୍ଥମନ୍ତ୍ରୀ ନିର୍ମଳା ସୀତାରମଣ 2024-25 ଆର୍ଥିକ ବର୍ଷ ପାଇଁ ଲୋକସଭାରେ ଅର୍ଥନୈତିକ ସର୍ଭେ ଉପସ୍ଥାପନ କରିବେ। ଏହି ଅର୍ଥନୈତିକ ସର୍ବେକ୍ଷଣ ବ୍ଲୁ ପ୍ରିଣ୍ଟ ପ୍ରସ୍ତୁତ କରିବାରେ ଏବଂ ଫେବୃଆରୀ 1, 2025 ରେ ଉପସ୍ଥାପିତ ହେବାକୁ ଥିବା ବଜେଟ୍ ପାଇଁ ରାସ୍ତା ଦେଖାଇବାରେ ସାହାଯ୍ୟ କରିବ।
ଅର୍ଥନୈତିକ ସର୍ଭେ କେବେ ଉପସ୍ଥାପିତ ହେବ?:
ରାଷ୍ଟ୍ରପତିଙ୍କ ଅଭିଭାଷଣ ଶେଷ ହେବା ପରେ, ଲୋକସଭା ପ୍ରକ୍ରିୟା ଆରମ୍ଭ ହେବା ମାତ୍ରେ ଅର୍ଥମନ୍ତ୍ରୀ ସୀତାରମଣ ଅପରାହ୍ନ ପ୍ରାୟ 1 ଟାରେ ଲୋକସଭାରେ ଏବଂ ଅପରାହ୍ନ 2 ଟାରେ ରାଜ୍ୟସଭାରେ ଅର୍ଥନୈତିକ ସର୍ଭେ ଉପସ୍ଥାପନ କରିପାରନ୍ତି। ଜାତୀୟ ଗଣମାଧ୍ୟମ କେନ୍ଦ୍ରରେ ଅପରାହ୍ନ 02.30 ରେ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହେବ ଯାହାକୁ ମୁଖ୍ୟ ଅର୍ଥନୈତିକ ପରାମର୍ଶଦାତା ଭି ଅନନ୍ତ ନାଗେଶ୍ୱରନ୍ ତାଙ୍କ ଦଳ ସହିତ ସମ୍ବୋଧିତ କରିବେ।