ରଞ୍ଜିତ ପଣ୍ଡା
କୁଜଙ୍ଗ : କୁଜଙ୍ଗ ଥାନା ଅନ୍ତର୍ଗତ ବାଲିତୁଠ ବଜାରରେ ଦୀର୍ଘଦିନ ହେବ ଓ୍ବେଲ୍ଡିଂ ଦୋକାନ କରିଥିବା ହେମନ୍ତ ପାତ୍ର(୫୬)ଙ୍କର ବିଦ୍ୟୁତ ଆଘାତରେ ମୃତ୍ୟୁ ହୋଇଥିବା ଜଣାପଡ଼ିଛି । ମୃତକ ହେମନ୍ତଙ୍କ ଘର କୁଜଙ୍ଗ ବ୍ଲକ୍ର ବାଲିଆ ଗ୍ରାମରେ ବୋଲି ଜଣାପଡିଛି । ବୁଧବାର ଅପରାହ୍ନ ଗୋଟାଏ ସମୟରେ ଏହି ଅଘଟଣ ଘଟିଥିଲା । ଦୋକାନ ମଧ୍ୟରେ ଥିବାବେଳେ କୌଣସି କାରଣରୁ ହେମନ୍ତଙ୍କୁ ବିଦ୍ୟୁତ ଆଘାତ ଲାଗିଥିଲା । ଫଳରେ ସେ ସଜ୍ଞାହୀନ ହୋଇସେଠାରେ ପଡ଼ିଯାଇଥିଲେ । ତୁରନ୍ତ ତାଙ୍କୁ ସ୍ଥାନୀୟ ଲୋକମାନେ କୁଜଙ୍ଗ ଡାକ୍ତରଖାନାକୁ ନେଇଥିଲେ । ମାତ୍ର ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତକଙ୍କ ପରିବାରକୁ ସରକାରୀ ସହାୟତା ପ୍ରଦାନ କରିବାକୁ ସ୍ଥାନୀୟ ଜନସାଧାରଣଙ୍କ ପକ୍ଷରୁ ଦାବି କରାଯାଇଛି ।
