The Samikhsya Odia
କ୍ରମାଗତ ଭାବରେ ଭାରତୀୟ ମୁଦ୍ରା ଭଲ ପ୍ରଦର୍ଶନ କରି ଆସିଛି। ସୋମବାର ଭାରତୀୟ ମୁଦ୍ରା ୬ ପଇସା ଶକ୍ତିଶାଳୀ ରହିଥିବା ବେଳେ ମଙ୍ଗଳବାର ଏହା ପୁନର୍ବାର ଭଲ ପ୍ରଦର୍ଶନ କରିଛି। ମଙ୍ଗଳବାରର ପ୍ରାରମ୍ଭିକ ଟ୍ରେଡ ଅନୁଯାୟୀ ଡଲାର ତୁଳନାରେ ୨୧ ପଇସା ଶକ୍ତିଶାଳୀ ରହିଛି ଭାରତୀୟ ମୁଦ୍ରା। ଗତକାଲିର ମୂଲ୍ୟ ଅପେକ୍ଷା ୨୧ ପଇସା ବୃଦ୍ଧି ପାଇ ଭାରତୀୟ ମୁଦ୍ରା ୬୯.୪୪ ପଇସା ରହିଛି। ଗତକାଲି ଏହା ୬୯.୬୫ ପଇସାରେ ବନ୍ଦ ରହିଥିଲା। ନିକଟରେ ଭାରତୀୟ ବଜାରରେ ୨୧୬.୨୦ କୋଟିର ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ(ଏଫ୍ଡିଆଇ) ଆସିବା ପରେ ଭାରତୀୟ ମୁଦ୍ରା ଶକ୍ତିଶାଳୀ ହୋଇଛି ବୋଲି ଅର୍ଥନୀତିଜ୍ଞ ମତ ପ୍ରକାଶ କରିଛନ୍ତି।
କ୍ରମାଗତ ତୃତୀୟ ଦିନ ପାଇଁ ଦୃଢ ରହିଛି ଭାରତୀୟ ଅର୍ଥନୀତି। କ୍ରମାଗତ ତୃତୀୟ ଦିନ ପାଇଁ ଭାରତୀୟ ମୁଦ୍ରା ଡଲାର ତୁଳନାରେ ଶକ୍ତିଶାଳୀ ରହିଛି। ଗତକାଲି ୩୧ ପଇସା ବଢିଥିବା ବେଳେ ଆଜି ପୁନର୍ବାର ୨୬ ପଇସା ବଢିଛି ଭାରତୀୟ ମୁଦ୍ରାର ମୂଲ୍ୟ। ଗତକାଲି ଡଲାର ତୁଳନାରେ ଟଙ୍କାର ମୂଲ୍ୟ ୬୯.୨୬ ପଇସା ରହିଥିବା ବେଳେ ଆଜି ଏହା ୬୯ ଟଙ୍କାରେ ପହଞ୍ଚିଛି। ଅଶୋଧିତ ତୈଳ ମୂଲ୍ୟରେ ହ୍ରସ ପାଇବା ଯୋଗୁଁ ଏହା ସମ୍ଭବ ହୋଇଛି ବୋଲି ଅର୍ଥନୈତିକ ବିଶେଷଜ୍ଞ ପ୍ରକାଶ କରିଛନ୍ତି। ଜୁନ୍ ୩,୪,ଏବଂ ୬ରେ ଆରବିଆଇର ଅର୍ଥନୈତିକ ସମୀକ୍ଷା ବୈଠକ ଅନୁଷ୍ଠିତ ହେବ। ଏଥିରେ ସୁଧହାର ହ୍ରାସ ହେବା ନେଇ ପୂର୍ବାନୁମାନ ଲଗାଇଛନ୍ତି ବିଶେଷଜ୍ଞ।
ମଧ୍ୟପ୍ରଦେଶ ସରକାର ଅନ୍ୟ ପଛୁଆ ବର୍ଗ (ଓବିସି) ସଂରକ୍ଷଣର ବର୍ତ୍ତମାନର କୋଟାକୁ ବଢାଇ ଦେଇଛନ୍ତି। କମଲନାଥଙ୍କ ସରକାର ଓବିସି ସଂରକ୍ଷଣକୁ ୧୪ ରୁ ୨୭ ପ୍ରତିଶତକୁ ବୃଦ୍ଧି କରିବାକୁ ଅନୁମତି ଦେଇଦେଇଛି। ସୋମବାର ଦିନ ମୁଖ୍ୟମନ୍ତ୍ରୀ କମଲନାଥଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ପ୍ରସ୍ତାବ ପାରିତ ହୋଇଛି। ମଧ୍ୟପ୍ରଦେଶ ବିଧାନସଭାର ମୌସୁମୀ ଅଧିବେଶନରେ ଏହି ପ୍ରସ୍ତାବକୁ ପାରିତ କରାଯିବ ବୋଲି ସୂଚନା ମିଳିଛି। ମଧ୍ୟପ୍ରଦେଶ ଆଇନ ମନ୍ତ୍ରୀ ପିସି ଶର୍ମା କହିଛନ୍ତି ଯେ ନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀ ଓବିସିଙ୍କୁ ୨୭ ପ୍ରତିଶତ ସଂରକ୍ଷଣ ଦେବାକୁ ଘୋଷଣା କରିଥିଲେ। ଏହି ପ୍ରସ୍ତାବକୁ ସୋମବାର କ୍ୟାବିନେଟ ମଞ୍ଜୁରୀ ଦେଇଛି। ଆସନ୍ତା ବିଧାନସଭା ଅଧିବେଶନରେ ଏହାକୁ ପାରିତ କରାଯାଇ ଆଇନ ଅଣାଯିବ।
ସୁଜୁକି ମୋଟର ସାଇକେଲ ଇଣ୍ଡିଆ (ଏସ୍ଏମ୍ଆଇପିଏଲ୍) ପକ୍ଷରୁ ମିଳିଥିବା ସୂଚନା ଅନୁଯାୟୀ ମେ ମାସରେ କମ୍ପାନୀର ଦୁଇ ଚକିଆ ଯାନ ବିକ୍ରିରେ ୧୭.୭୦ ପ୍ରତିଶତର ଅଭିବୃଦ୍ଧି ଘଟିଛି। ଚଳିତ ମାସରେ କମ୍ପାନୀ ପକ୍ଷରୁ ୬୨ ହଜାର ୫୯୬ଟି ଦୁଇ ଚକିଆ ଯାନ ବିକ୍ରି କରାଯାଇଛି। ଗତ ବର୍ଷ ସମାନ ସମୟରେ ୫୩ହଜାର ୧୬୭ଟି ଦୁଇ ଚକିଆ ଯାନ ବିକ୍ରି କରାଯାଇଛି। ସେହିପରି ସୁଜୁକିର ସମୁଦାୟ ଅଭିବୃଦ୍ଧି ୨୨ ପ୍ରତିଶତକୁ ବୃଦ୍ଧି ପାଇଛି। ଅନ୍ତର୍ଜାତୀୟ ରପ୍ତାନୀ ଏବଂ ଘରୋଇ ବିକ୍ରିକୁ ମିଶାଇ ଚଳିତ ବର୍ଷ ୭୧ ହଜାର ୬୪୦ ଦୁଇ ଚକିଆ ଯାନ ବିକ୍ରି ହୋଇଥିବା ବେଳେ ୨୦୧୮ରେ ସମାନ ସମୟରେ ୫୮ ହଜାର ୬୮୨ଟି ଦୁଇ ଚକିଆ ଯାନ ବିକ୍ରି ହୋଇଥିଲା। ଗ୍ରାହକମାନଙ୍କ ମଧ୍ୟରେ ସୁଜୁକି ଆଦୃତ ହେଉଥିବାର ଏହା ଏକ ଉଦାହରଣ ବୋଲି କମ୍ପାନୀର ଉପ ସଭାପତି ଦେବାଶିଷ ହାଣ୍ଡା ପ୍ରକାଶ କରିଛନ୍ତି।