The Samikhsya Odia
ନୂଆଦିଲ୍ଲୀ: ଆଜି ୨୦୨୫ ଚାମ୍ପିଅନ୍ସ ଟ୍ରଫିର ମହା ଲଢେଇ ଭାରତ-ନ୍ୟୁଜିଲ୍ୟାଣ୍ଡ ମଧ୍ୟରେ ଜାରି ରହିଛି। ନ୍ୟୁଜିଲ୍ୟାଣ୍ଡ ପ୍ରଥମେ ବ୍ୟାଟିଂ କରି ସାତ ୱିକେଟ ହରାଇ ୨୫୧ ରନ କରିଛି। ତେବେ ଭାରତକୁ ୨୦୨୫ ଚାମ୍ପିଅନ୍ସ ଟ୍ରଫି ହାସଲ କରିବା ପାଇଁ ୫୦ ଓଭରରେ ୨୫୨ ରନ ଆବଶ୍ୟକ।
ନ୍ୟୁଜିଲ୍ୟାଣ୍ଡ ପକ୍ଷରୁ ଡାରେଲ ମିଚେଲ ସର୍ବାଧିକ ୬୩ ରନ କରିଥିବା ବେଳେ ମିଚେଲ ବ୍ରେସୱେଲ ଅପରାଜିତ ୫୩ ରନର ଅର୍ଦ୍ଧଶତକୀୟ ପାଳି ଖେଳିଛନ୍ତି।
ତେବେ ଭାରତ ପକ୍ଷରୁ ବରୁଣ ଚକ୍ରବର୍ତ୍ତୀ ଏବଂ କୁଲଦୀପ ଯାଦବ ଦୁଇଟି ଲେଖାଏଁ ୱିକେଟ ନେଇଥିବା ବେଳେ ମହମ୍ମଦ ଶାମି ଏବଂ ରବୀନ୍ଦ୍ର ଜାଡ଼େଜା ଗୋଟିଏ ଲେଖାଏଁ ୱିକେଟ ନେଇଛନ୍ତି।
ନୂଆଦିଲ୍ଲୀ: ଚାମ୍ପିଅନ୍ସ ଟ୍ରଫିର ଫାଇନାଲ ମ୍ୟାଚ୍ ଆଜି ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯିବ। ଦୁବାଇରେ ହେବାକୁ ଥିବା ଏହି ମ୍ୟାଚ୍ ଦେଖିବା ପାଇଁ ପ୍ରତ୍ୟେକ କ୍ରିକେଟ୍ ପ୍ରେମୀ ଉତ୍ସାହିତ ଅଛନ୍ତି। ଭାରତୀୟ ଦଳର ପ୍ରତ୍ୟେକ ପ୍ରଶଂସକ ଏହି ମ୍ୟାଚ ଜିତିବାକୁ ଆଶା କରୁଛନ୍ତି। କିନ୍ତୁ ସେପଟେ ରୋହିତ ଶର୍ମା କ୍ରମାଗତ ୧୫ ଥର ପାଇଁ ଟସ ହାରିଛନ୍ତି। ତେବେ ନ୍ୟୁଜିଲ୍ୟାଣ୍ଡ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି।
ନୂଆଦିଲ୍ଲୀ: ଚାମ୍ପିଅନ୍ସ ଟ୍ରଫିର ଫାଇନାଲ ମ୍ୟାଚ୍ ରବିବାର ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯିବ। ଦୁବାଇରେ ହେବାକୁ ଥିବା ଏହି ମ୍ୟାଚ୍ ପାଇଁ ପ୍ରତ୍ୟେକ କ୍ରିକେଟ୍ ପ୍ରେମୀ ଉତ୍ସାହିତ ଅଛନ୍ତି। ଭାରତୀୟ ଦଳର ପ୍ରତ୍ୟେକ ପ୍ରଶଂସକ ଏହି ମ୍ୟାଚ ଜିତିବାକୁ ଆଶା କରୁଛନ୍ତି। ଅନେକ ଲୋକ ଏଥିପାଇଁ ମଧ୍ୟ ପୂର୍ବାନୁମାନ କରିଛନ୍ତି। ଆସନ୍ତୁ ଜାଣିବା ଯେ ଯେତେବେଳେ ChatGPT ପରି ବିଭିନ୍ନ ଚାଟବଟରେ ପ୍ରଶ୍ନ ପଚରାଗଲା, ସେମାନେ ଏହି ମ୍ୟାଚର ଫଳାଫଳ ବିଷୟରେ କ’ଣ ପୂର୍ବାନୁମାନ କରିଥିଲେ?
ଏହି ପ୍ରଶ୍ନ ଚାଟବଟକୁ ପଚରାଯାଇଥିଲା:
ଓପନଏଆଇର ଚାଟଜିପିଟି, ଗୁଗୁଲ ଯେମିନି ଏବଂ ମାଇକ୍ରୋସଫ୍ଟ କପିଲଟ ଚାଟବଟକୁ ପଚରାଯାଇଥିଲା ଯେ ଫାଇନାଲ ମ୍ୟାଚରେ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ କେଉଁ ଦଳ ଜିତିବେ ଏବଂ କାହିଁକି? ଏହାର ଜବାବରେ ସମସ୍ତ ଚାଟବଟ୍ ଭାରତର ବିଜୟର ପୂର୍ବାନୁମାନ କରିଛନ୍ତି। ଏଠାରେ ଉଲ୍ଲେଖ କରିବା ଜରୁରୀ ଯେ।, ଚାଟବଟ୍ ଗୁଡିକ ସଠିକ୍ ଉତ୍ତର ଦିଅନ୍ତି ନାହିଁ ଏବଂ ସେମାନଙ୍କ ଉତ୍ତରରେ ତ୍ରୁଟି ଥାଇପାରେ।
ଯେମିନି କଣ କହିଲା?
ଫାଇନାଲ ମ୍ୟାଚରେ ବିଜୟର ପୂର୍ବାନୁମାନ କରିବା କଷ୍ଟସାଧ୍ୟ ବୋଲି ଯେମିନି କହିଛି ଯେ ଉଭୟ ଦଳ ଶକ୍ତିଶାଳୀ, କିନ୍ତୁ ଭାରତୀୟ ଦଳ ଅଧିକ ଶକ୍ତିଶାଳୀ। ଭାରତୀୟ ଦଳର ବ୍ୟାଟିଂରେ ମଜବୁତ ରହିଛି ଏବଂ ରୋହିତ ଶର୍ମା, ବିରାଟ କୋହଲି ଏବଂ କେ.ଏଲ୍ ରାହୁଲ ମ୍ୟାଚ୍ ବିଜେତା ଖେଳାଳି। ଯଦି ଭାରତୀୟ ବୋଲରମାନେ ଅନୁଶାସନ ସହିତ ବୋଲିଂ କରନ୍ତି ତେବେ ଭାରତ ଟ୍ରଫି ଜିତିବ।
ଚାଟ୍ ଜିପିଟି କ’ଣ କହିଲା?:
ଚାଟ୍ ଜିପିଟି କହିଛି ଯେ, ଚାମ୍ପିଅନ୍ସ ଟ୍ରଫିର ଫାଇନାଲ ମ୍ୟାଚ୍ ଭାରତ ଜିତିପାରେ। ଏହାର କାରଣ ବର୍ଣ୍ଣନା କରି ସେ କହିଛନ୍ତି ଯେ, ଦୁବାଇରେ ଭାରତୀୟ ଦଳର ପ୍ରାଧାନ୍ୟ ରହିଛି ଏବଂ ଏହା ପୂର୍ବରୁ ଏହା ମଧ୍ୟ ନ୍ୟୁଜିଲ୍ୟାଣ୍ଡକୁ ପରାସ୍ତ କରିଛି। ବିରାଟ କୋହଲି ଏବଂ ଶ୍ରେୟସ୍ ଆୟରଙ୍କ ଭଳି ଖେଳାଳି ଗୁରୁତ୍ୱପୂର୍ଣ୍ଣ ହୋଇପାରନ୍ତି। ଦୁବାଇର ପାଣିପାଗ ଭାରତ ସପକ୍ଷରେ ଯାଇପାରେ। ତେବେ ସେ ନ୍ୟୁଜିଲ୍ୟାଣ୍ଡକୁ ମଧ୍ୟ କମ କରିନାହାଁନ୍ତି। ଚାଟ୍ ଜିପିଟି କହିଛି ଯେ, ନ୍ୟୁଜିଲ୍ୟାଣ୍ଡ ପାଞ୍ଚଟି ବିଶ୍ୱସ୍ତରୀୟ ଇଭେଣ୍ଟର ଫାଇନାଲରେ ପହଞ୍ଚିଛି। ସେମାନଙ୍କର ସନ୍ତୁଳିତ ଦଳ, ଇନ୍-ଫର୍ମ ୱିଲିୟମ୍ସନ୍ ଏବଂ ରାଚିନ୍ ରବିନ୍ଦ୍ରଙ୍କ ପରି ଖେଳାଳିମାନେ ଏକ ଦୃଢ ଆହେୟା ସୃଷ୍ଟି କରିବେ
ମାଇକ୍ରୋସଫ୍ଟ କପିଲଟ ମଧ୍ୟ ଭାରତର ବିଜୟର ପୂର୍ବାନୁମାନ କରିଛି:
ମାଇକ୍ରୋସଫ୍ଟ କପିଲଟ୍ ମଧ୍ୟ ପୂର୍ବାନୁମାନ କରିଛି ଯେ, ଫାଇନାଲ ମ୍ୟାଚ୍ ଭାରତ ଜିତିପାରେ। ଏହି ଅନୁଯାୟୀ ଭାରତୀୟ ଦଳର ପ୍ରଦର୍ଶନ କ୍ରମାଗତ ଭାବରେ ଉତ୍କୃଷ୍ଟ ଏବଂ ଏହା ଏକ ଶକ୍ତିଶାଳୀ ଦଳ। ଏଥିରେ ବିରାଟ କୋହଲି ଏବଂ ଶୁବମାନ ଗିଲଙ୍କ ଭଳି ବିଶ୍ୱ ସ୍ତରୀୟ ଖେଳାଳି ଏବଂ ମହମ୍ମଦ ଶାମିଙ୍କ ନେତୃତ୍ୱରେ ଏକ ବୋଲିଂ ଆକ୍ରମଣ ରହିଛି। ନ୍ୟୁଜିଲ୍ୟାଣ୍ଡ ଦଳ ଶକ୍ତିଶାଳୀ, କିନ୍ତୁ ଏହା ଭାରତ ବିପକ୍ଷରେ ସଂଘର୍ଷ କରିଛି, ବିଶେଷ କରି ଏସୀୟ ପରିସ୍ଥିତିରେ।