ଗୁଆଟେମାଲାରେ ଏକ ମର୍ମନ୍ତୁଦ ସଡକ ଦୁର୍ଘଟଣାରେ ଅନ୍ୟୁନ ୩୨ଜଣ ଲୋକଙ୍କ ପ୍ରାଣହାନି ଘଟିଛି। ପଶ୍ଚିମ ଗୁଆଟେମାଲାରେ ବୁଧବାର ସନ୍ଧ୍ୟାରେ ଏକ ଟ୍ରକ ଜନଗହଳି ପୂର୍ଣ୍ଣ ରାସ୍ତାରେ ଲୋକଙ୍କ ଉପରେ ଚଢିଯିବାରୁ ଏହି ଘଟଣା ଘଟିଛି। ରାସ୍ତାରେ ଅନ୍ୟ ଏକ ଦୁର୍ଘଟଣା ଘଟିଥିବା ବେଳେ ଆହତଙ୍କୁ ସାହାଯ୍ୟ କରିବାକୁ ଯାଉଥିବା ଏହି ଲୋକଙ୍କ ଉପରେ ଟ୍ରକ୍ ଚଢିଯିବାରୁ ଏହି ମୃତ୍ୟୁ ଘଟିଥିଲା। ଏହି ଘଟଣାରେ ୯ ଜଣ ଲୋକ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ୯ ଜଣଙ୍କ ମଧ୍ୟରୁ ୪ ଜଣଙ୍କ ଅବସ୍ଥା ଗୁରୁତର ରହିଥିବା ନେଇ ଗୁଆଟେମାଲା ସ୍ବାସ୍ଥ୍ୟ ମନ୍ତ୍ରୀ କାର୍ଲାେସ ସୋଟୋ ସୂଚନା ଦେଇଛନ୍ତି। ଗୁଆଟେମାଲା ରାଷ୍ଟ୍ରପତି ଜିମି ମୋରାଲେସ ଶୋକ ପ୍ରକାଶ କରିବା ସହିତ ମୃତକଙ୍କ ପରିବାରକୁ ସମ୍ପୁର୍ଣ୍ଣ ସହାୟତା କରାଯିବ ବୋଲି ସୋସିଆଲ ମିଡିଆ ଜରିଆରେ ଘୋଷଣା କରିଛନ୍ତି।
Categories
ଗୁଆଟେମାଲା ସଡକ ଦୁର୍ଘଟଣାରେ ୩୨ ମୃତ
