ମୋରାଦାବାଦ : ଅନୈତିକ ସମ୍ପର୍କ କାରଣରୁ ଜଣେ ମହିଳାଙ୍କ ପ୍ରାଣହାନି ଘଟିଛି । ଜଣେ ବିବାହିତ ପୁରୁଷଙ୍କ ସହିତ ସମ୍ପର୍କ କାରଣରୁ ତାଙ୍କୁ ଗୁଳି କରି ହତ୍ୟା କରିଛନ୍ତି ଉକ୍ତ ବ୍ୟକ୍ତିଙ୍କ ସ୍ତ୍ରୀ । ଏହି ଘଟଣାଟି ଉତ୍ତର ପ୍ରଦେଶର ମୋରାଦାବାଦରେ ଘଟିଛି । ମୋରାଦାବାଦ ପୋଲିସ ପକ୍ଷରୁ ମିଳିଥିବା ସୂଚନା ଅନୁଯାୟୀ ହତ୍ୟା କରିଥିବା ମହିଳାଙ୍କ ନାମ ଶବାନା । ଶବାନାଙ୍କ ସ୍ବାମୀ ଦୀର୍ଘ ଦିନ ହେବ ଆଉ ଜଣେ ମହିଳାଙ୍କ ସହିତ ଲିଭ୍ ଇନ୍ରେ ରହୁଥିଲେ । ଏହି ଘଟଣାରେ ଉତ୍କ୍ଷିପ୍ତ ଶବନା ଉକ୍ତ ମହିଳାଙ୍କୁ ଗୁଳି କରିଥିଲେ । ଏହି ଘଟଣା ପରେ ଶବାନାଙ୍କୁ ଗିରଫ କରାଯାଇଥିବା ନେଇ ମୋରାଦାବାଦ ଏସ୍ଏସ୍ପି ଅମିତ ପାଠକ ସୂଚନା ଦେଇଛନ୍ତି । (ଏଜେନ୍ସି)
