Tag: hdfc

Categories
ଆଜିର ଖବର ଜାତୀୟ ଖବର ବ୍ୟବସାୟ

ଏଚଡିଏଫସି ଲାଇଫ ଇନସୁରାନ୍ସର ଚେୟାରମ୍ୟାନ୍ ପଦରୁ ଇସ୍ତଫା ଦେଲେ ଦୀପକ ପାରେଖ

ନୂଆଦିଲ୍ଲୀ: ବରିଷ୍ଠ ବ୍ୟାଙ୍କର ଦୀପକ ପାରେଖ HDFC ଲାଇଫ ଇନସୁରାନ୍ସର ଚେୟାରମ୍ୟାନ୍ ଦରୁ ଇସ୍ତଫା ଦେଇଛନ୍ତି। ଆଜି ଏପ୍ରିଲ ୧୮ ତାରିଖରେ ଏକ ଏକ୍ସଚେଞ୍ଜ ଫାଇଲରେ କମ୍ପାନୀ ଏହି ସୂଚନା ଦେଇଛି। କମ୍ପାନୀ କହିଛି ଯେ, ଦୀପକ ଏସ ପାରେଖ ଆଜି HDFC ଲାଇଫ ଇନସୁରାନ୍ସର ଚେୟାରମ୍ୟାନ୍ ପଦରୁ ଇସ୍ତଫା ଦେବାକୁ ନିଷ୍ପତ୍ତି ନେଇଛନ୍ତି।

ପଦ୍ମ ଭୂଷଣ ହାସଲ କରିଛନ୍ତି ଦୀପକ ପାରେଖ:

ଶିଳ୍ପ ଏବଂ ବାଣିଜ୍ୟ କ୍ଷେତ୍ରରେ ୨୦୦୬ ମସିହାରେ ଭାରତ ସରକାରଙ୍କ ଦ୍ଵାରା ଦୀପକ ପାରେଖଙ୍କୁ ପଦ୍ମ ଭୂଷଣ ପ୍ରଦାନ କରାଯାଇଥିଲା। ନିକଟରେ, HDFC ବ୍ୟାଙ୍କର ପୂର୍ବତନ ଅଧ୍ୟକ୍ଷ ତଥା ବ୍ୟାଙ୍କିଙ୍ଗ କ୍ଷେତ୍ରର ବରିଷ୍ଠ ଦୀପକ ପାରେଖଙ୍କ ସମର୍ଥିତ ଏକ କମ୍ପାନୀ ନେଫ୍ରୋ କେୟାର ଇଣ୍ଡିଆ ଲିମିଟେଡ ମଧ୍ୟ ଆଇପିଓ ପାଇଁ ପ୍ରସ୍ତୁତି ଆରମ୍ଭ କରିଛି। କମ୍ପାନୀ ଆଇପିଓ ସହ ଜଡିତ ଡକ୍ୟୁମେଣ୍ଟଗୁଡ଼ିକୁ NSE ଇମର୍ଜରେ ଦାଖଲ କରିଛି।

Categories
ଆଜିର ଖବର ବ୍ୟବସାୟ

ଏଚ୍‌ଡିଏଫ୍‌ସିର ପରବର୍ତ୍ତୀ କାର୍ଯ୍ୟନିର୍ବାହୀ ଅଧିକାରୀ ଭାବେ ଦାୟିତ୍ବ ନେବେ ଶଶୀଧର ଜଗଦୀଶନ୍‌

ମୁମ୍ବାଇ : ଏଚ୍‌ଡିଏଫ୍‌ସି ବ୍ୟାଙ୍କର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଭାବରେ ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି ଶଶୀଧର ଜଗଦୀଶନ । ଅଗଷ୍ଟ 3 ତାରିଖରେ ଆରବିଆଇ ପକ୍ଷରୁ ଜଗଦୀଶନଙ୍କ ନିଯୁକ୍ତିକୁ ମଞ୍ଜୁରୀ ମିଳିଥିବା ନେଇ ଏଚ୍‌ଡିଏଫ୍‌ସି ପକ୍ଷରୁ ଘୋଷଣା କରାଯାଇଛି । ବର୍ତ୍ତମାନ ବ୍ୟାଙ୍କର ଏମ୍‌ଡି ତଥା ସିଇଓ ଆଦିତ୍ୟ ପୁରୀଙ୍କ ସ୍ଥାନରେ ଜଗଦୀଶନ ଦାୟିତ୍ୱ ଗ୍ରହଣ କରିବାକୁ ଯାଉଛନ୍ତି। ଆସନ୍ତା ଅକ୍ଟୋବର 27 ତାରିଖରେ ପୁରୀଙ୍କ କାର୍ଯ୍ୟକାଳ ଶେଷ ହେଉଛି ।

ନିକଟରେ ସମାପିତ ହୋଇଥିବା କମ୍ପାନୀର ବାର୍ଷିକ ସାଧାରଣ ବୈଠକରେ ଜଗଦୀଶନଙ୍କ ନାମ ସୁପାରିଶ କରିଥିଲେ ଆଦିତ୍ୟ ପୁରୀ । 1996ରେ ଫାଇନାନ୍ସ ମ୍ୟାନେଜର ଭାବରେ ଯୋଗ ଦେଇଥିବା ଜଗଦୀଶନ 2008ରୁ ସିଏଫ୍ଓ ଭାବରେ ବିଭିନ୍ନ ବିଭାଗରେ କାର୍ଯ୍ୟ କରିବାର ଅଭିଜ୍ଞତା ରଖିଛନ୍ତି । ଅଗଷ୍ଟ 2019ରେ ଏଚ୍‌ଡିଏଫ୍‌ସି ବ୍ୟାଙ୍କ ବୋର୍ଡ ଜଗଦୀଶନଙ୍କୁ ‘ଚେଞ୍ଚ ଏଜେଣ୍ଟ’ଭାବରେ ପ୍ରଦର୍ଶିତ କରିଥିଲା । ଗତ 25 ବର୍ଷ ଧରି ସେ ବ୍ୟାଙ୍କ ସହ ଜଡିତ ଥିବାରୁ ଆଦିତ୍ୟ ପୁରୀ ଜଗଦୀଶନଙ୍କୁ  ଉ‌ତ୍ତରାଧିକାରୀ ରୂପେ ଚୟନ କରିଥିଲେ ।

କରୋନା ମହାମାରୀ ସଂକଟ ସମୟରେ ଜଗଦୀଶନ୍‌ ଏଚ୍‌ଡିଏଫ୍‌ସିର ଦାୟିତ୍ବ ଗ୍ରହଣ କରୁଛନ୍ତି, ଯାହା ତାଙ୍କ ପାଇଁ ବେଶ୍‌ ଚାଲେଞ୍ଜପୂର୍ଣ୍ଣ ହେବ । ୟତେବେ ନିକଟରେ ଏଚ୍‌ଡିଏଫ୍‌ସି ଜିପିଏସର ବିକ୍ରିକୁ ନେଇ ବିବାଦଘେରକୁ ଆସିଥିଲା । (ଏଜେନ୍ସି)

Categories
ଆଜିର ଖବର ବ୍ୟବସାୟ

ଏଚ୍‌ଡିଏଫ୍‌ସିରେ 1 ପ୍ରତିଶତ ଅଧିଗ୍ରହଣ କରିବ ପିପୁଲ୍‌ସ ବ୍ୟାଙ୍କ ଅଫ୍‌ ଚାଇନା

ନୂଆଦିଲ୍ଲୀ : ଭାରତୀୟ ବ୍ୟାଙ୍କ ଏଚ୍‌ଡିଏଫ୍‌ସିର 1 ପ୍ରତିଶତ ଅଂଶଧନ କିଣିବାକୁ ଯାଉଛି ଏକ ଚାଇନିଜ୍‌ ବ୍ୟାଙ୍କ । ପିପୁଲ୍‌ସ ବ୍ୟାଙ୍କ ଅଫ୍‌ ଚାଇନା ଏଚ୍‌ଡିଏଫ୍‌ସି ବ୍ୟାଙ୍କର 1.01 ପ୍ରତିଶତ ଅଂଶଧନ ଅଧିଗ୍ରହଣ କରିବାକୁ ଯାଉଛି । ସେଣ୍ଟ୍ରାଲ ବ୍ୟାଙ୍କ ଅଫ୍‌ ଚାଇନା ଏଚ୍‌ଡିଏଫ୍‌ସିର 1.75 କୋଟି ଅଂଶଧନ କିଣିବାର ନିଷ୍ପତ୍ତି ନେଇଛି । କରୋନା ଭାଇରସ୍‌ ବିପର୍ଯ୍ୟୟ କାରଣରୁ ବିଗତ ଏକ ମାସ ମଧ୍ୟରେ ଏଚ୍‌ଡିଏଫ୍‌ସି ଅଂଶଧନ ମୂଲ୍ୟରେ ପ୍ରାୟ 25 ପ୍ରତିଶତ ହ୍ରାସ ଘଟିଛି । ବର୍ତ୍ତମାନ ଏଚ୍‌ଡିଏଫ୍‌ସିର ଅଂଶଧନ ମୂଲ୍ୟ 1701.95 ଟଙ୍କା ରହିଛି । (ଏଜେନ୍ସି)