ଭୁବନେଶ୍ବର: ଆଜିଠାରୁ ଅନୁଗୁଳରୁ ରାଉରକେଲାକୁ ହାଇଟେକ୍ ବସ୍ ସେବା ଆରମ୍ଭ ହୋଇଛି। ଓଡିଶା ରାଜ୍ୟ ସଡକ ପରିବହନ ନିଗମ ତରଫରୁ ଏହି ସେବାର ଶୁଭାରମ୍ଭ କରାଯାଇଛି। ବହୁଦିନରୁ ଏହି ରାସ୍ତାରେ ହାଇଟେକ ବସ୍ ସେବା ଯୋଗାଇବା ପାଇଁ ଦାବୀ ହେଉଥିଲା। ଯାହା ବର୍ତ୍ତମାନ ଓଏସଆରଟି ପୂରଣ କରିଛି।
ଏହି ବସ୍ ଟି ପ୍ରତିଦିନ ଅପରାହ୍ନ ପାଞ୍ଚଟାରୁ ଅନୁଗୁଳରୁ ବାହାରି ରାଉରକେଲାରେ ରାତି ଏଗାରଟାରେ ପହଁଚିବ। ବାଟରେ 12ଟି ସ୍ଥାନରେ ରହଣି ବ୍ୟବସ୍ଥା ରହିଛି। ସେହିପରି ରାଉରକେଲାରୁ ଏହି ବସଟି ଭୋର 5 ଟା 45 ମିନିଟରୁ ବାହାରି ଅନୁଗୁଳରେ ଦିନ 12ଟାରେ ପହଁଚିବ। ଯାତ୍ରାମାନେ ଏ ନେଇ ଅନଲାଇନରେ ଟିକେଟ ବୁକିଂ କରିପାରିବେ।