ନୂଆଦିଲ୍ଲୀ: ଦେଶରେ କୋଭିଡ -୧୯ ର ଜେଏନ.୧ ସବ୍ ଭାରିଆଣ୍ଟର ମାମଲା ୧୦୦୦ ଅତିକ୍ରମ କରିଛି। ଏବଂ ବର୍ତ୍ତମାନ ଉତ୍ତରପ୍ରଦେଶ ମଧ୍ୟ ସେହି ୧୬ ଟି ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳରେ ଯୋଗ ଦେଇଛି, ଯେଉଁଠାରେ ଏହି ଭାରିଆଣ୍ଟ ଚିହ୍ନଟ ହୋଇଛି। INSACOG ଦ୍ଵାରା ପ୍ରସ୍ତୁତ ତଥ୍ୟ ଅନୁଯାୟୀ କର୍ଣ୍ଣାଟକରେ ସର୍ବାଧିକ ୨୧୪ ଟି ମାମଲା ଚିହ୍ନଟ ହୋଇଥିବାବେଳେ ମହାରାଷ୍ଟ୍ରରେ ୧୭୦ ଜଣ, କେରଳରେ ୧୫୪, ଆନ୍ଧ୍ରପ୍ରଦେଶରେ ୧୮୯, ଗୁଜୁରାଟରେ ୭୬ ଏବଂ ଗୋଆରେ ୬୬ ଜଣ ରୋଗୀ ଚିହ୍ନଟ ହୋଇଛନ୍ତି।
ତେଲେଙ୍ଗାନା ଏବଂ ରାଜସ୍ଥାନରେ ଜେଏନ.୧ ସବ୍ ଭାରିଆଣ୍ଟର ୩୨-୩୨ ମାମଲା ରିପୋର୍ଟ ହୋଇଛି। ଛତିଶଗଡରେ ଜେଏନ.୧ ସବ୍ ଭାରିଆଣ୍ଟର ୨୫ ଜଣ, ତାମିଲନାଡୁରେ ୨୨ ଜଣ, ଦିଲ୍ଲୀରେ ୧୬ ଜଣ, ଉତ୍ତରପ୍ରଦେଶରେ ୬ ଜଣ, ହରିୟାଣାରେ ପାଞ୍ଚ ଜଣ, ଓଡିଶାରେ ତିନିଜଣ, ପଶ୍ଚିମବଙ୍ଗରେ ଦୁଇଜଣ ଏବଂ ଉତ୍ତରାଖଣ୍ଡର ଜଣେ ବ୍ୟକ୍ତି ଏହି ସବ୍ ଭାରିଆଣ୍ଟରେ ଆକ୍ରାନ୍ତ ହୋଇଛନ୍ତି।
ଅଦ୍ୟାବଧି ଦେଶର ୧୬ ଟି ରାଜ୍ୟ ତଥା କେନ୍ଦ୍ର ଶାସିତ ଅଞ୍ଚଳରେ ଜେଏନ୍-୧ ପ୍ରବେଶ କରିଛି। ସମୁଦାୟ ୧୦୧୩ ଟି ସବ୍ ଭାରିଆଣ୍ଟ ମାମଲା ଚିହ୍ନଟ ହୋଇଛି।
