ନୂଆଦିଲ୍ଲୀ: ରାମ ଜନ୍ମଭୂମୀ ତୀର୍ଥ କ୍ଷେତ୍ର ଟ୍ରଷ୍ଟର ଟ୍ରଷ୍ଟି କାମେଶ୍ୱର ଚୌପାଲଙ୍କ ପରଲୋକ ହୋଇଯାଇଛି। ସେ ଗତ କିଛି ଦିନ ହେବ ଅସୁସ୍ଥ ଥିଲେ। ସେ ୬୮ ବର୍ଷ ବୟସରେ ଦିଲ୍ଲୀର ଗଙ୍ଗାରାମ ହସ୍ପିଟାଲରେ ମୃତ୍ୟୁ ବରଣ କରିଛନ୍ତି। ପ୍ରକାଶ ଯେ, ରାମ ମନ୍ଦିର ନିର୍ମାଣ ପାଇଁ କାମେଶ୍ୱର ଚୌପାଲ ପ୍ରଥମ ଇଟା ରଖିଥିଲେ। ତାଙ୍କ ଦେହାନ୍ତରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ପ୍ରତିକ୍ରିୟା ମଧ୍ୟ ସାମ୍ନାକୁ ଆସିଛି।
କାମେଶ୍ୱର ଚୌପାଲଙ୍କ ଦୁଃଖଦ ମୃତ୍ୟୁ ଉପରେ ମୁଖ୍ୟମନ୍ତ୍ରୀ ଯୋଗୀ ଲେଖିଛନ୍ତି ଯେ, “ବିଶ୍ଵ ହିନ୍ଦୁ ପରିଷଦର କେନ୍ଦ୍ରୀୟ ଉପସଭାପତି, ଶ୍ରୀ ରାମ ଜନ୍ମଭୁମୀ ତୀର୍ଥ କ୍ଷେତ୍ର ଟ୍ରଷ୍ଟର ସଦସ୍ୟ ତଥା ଶ୍ରୀମନ୍ଦିର ମନ୍ଦିର ନିର୍ମାଣରେ ପ୍ରଥମ ପଥର ସ୍ଥାପନ କରିଥିବା ବଡ ରାମ ଭକ୍ତ ଶ୍ରୀ କାମେଶ୍ୱର ଚୌପାଲ ଜୀଙ୍କ ନିଧନ ଅତ୍ୟନ୍ତ ଦୁଃଖଦ ଅଟେ। ତାଙ୍କୁ ବିନମ୍ର ଶ୍ରଦ୍ଧାଞ୍ଜଳି। ଦିବଙ୍ଗତ ପୁଣ୍ୟାତ୍ମାଙ୍କୁ ନିଜର ଚରଣରେ ସ୍ଥାନ ଦେବା ଏବଂ ଶୋକାକୁଳ ପରିବାରକୁ ଦୁଃଖ ସହିବାର ଶକ୍ତି ଦେବା ଲାଗି ପ୍ରଭୁ ଶ୍ରୀରାମଙ୍କ ନିକଟରେ ପ୍ରାର୍ଥନା କରୁଛି।