ମୁମ୍ବାଇ: ଆଜିକାଲି ଅକ୍ଷୟ କୁମାର ତାଙ୍କର ଆଗାମୀ ଚଳଚ୍ଚିତ୍ର ସ୍କାଏ ଫୋର୍ସର ପ୍ରମୋସନରେ ବ୍ୟସ୍ତ ଅଛନ୍ତି। ଏହି ଚଳଚ୍ଚିତ୍ର ଜାନୁଆରୀ ୨୫ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି। ଫିଲ୍ମର ପ୍ରମୋସନ ମଧ୍ୟରେ ଅକ୍ଷୟ ତାଙ୍କର ଆଉ ଏକ ଫିଲ୍ମ ଘୋଷଣା କରିଛନ୍ତି। ଯେଉଁଥିରେ ସେ ଭଗବାନ ଶିବଙ୍କ ଅବତାରରେ ନଜର ଆସିବେ। ଅକ୍ଷୟଙ୍କ ଏହି ଚଳଚ୍ଚିତ୍ରର ନାମ ହେଉଛି କନ୍ନପ୍ପା।
ଫିଲ୍ମର ପୋଷ୍ଟର ସୋସିଆଲ ମିଡିଆରେ ସେୟାର କରି ଅକ୍ଷୟ ଏହି ସୂଚନା ଦେଇଛନ୍ତି। ପୋଷ୍ଟରରେ ଅକ୍ଷୟ କୁମାର ତାଙ୍କ ହାତରେ ଏକ ତ୍ରିଶୂଳ ଏବଂ ଡମ୍ବରୁ ଧରିଥିବାର ନଜର ଆସିଛନ୍ତି। କପାଳରେ ପାଉଁଶ ଲଗାଇ ବେକରେ ରୁଦ୍ରାକ୍ଷ ମାଳ ପିନ୍ଧିଛନ୍ତି। ଭଗବାନ ଶିବଙ୍କ ଅବତାରରେ ଅକ୍ଷୟଙ୍କୁ ଦେଖି ତାଙ୍କ ପ୍ରଶଂସକମାନେ ବହୁତ ଖୁସି ହୋଇଛନ୍ତି।