ଶ୍ରୀନଗର: ସୋମବାର ଜାମ୍ମୁ କାଶ୍ମୀର କଠୁଆରେ ଭାରତୀୟ ସେନା ଗାଡି ଉପରେ ହୋଇଥିବା ଆତଙ୍କବାଦୀ ଆକ୍ରମଣରେ ୫ ଯବାନ ସହିଦ ହୋଇଛନ୍ତି। ବର୍ତ୍ତମାନ କାଶ୍ମୀର ଟାଇଗର ନାମକ ଏକ ଆତଙ୍କବାଦୀ ସଂଗଠନ କଠୁଆ ଆତଙ୍କବାଦୀ ଆକ୍ରମଣର ନିଜକୁ ଦାୟୀ କରିଛି। ଆତଙ୍କବାଦୀ ସଂଗଠନ ଦ୍ଵାରା ଜାରି ବିବୃତ୍ତିରେ କୁହାଯାଇଛି ଯେ, ଏହି ଆକ୍ରମଣରେ ସମ୍ପୃକ୍ତ ଆତଙ୍କବାଦୀମାନେ ଏମ୪ ଆକ୍ରମଣକାରୀ ରାଇଫଲ, ଗ୍ରେନେଡ ଏବଂ ଅନ୍ୟାନ୍ୟ ଅସ୍ତ୍ର ବ୍ୟବହାର କରିଛନ୍ତି।
ଆତଙ୍କବାଦୀ ସଂଗଠନ ଆଗାମୀ ଦିନରେ ଅଧିକ ଆକ୍ରମଣ କରିବା ବିଷୟରେ ମଧ୍ୟ ଧମକ ଦେଇଛି। କାଶ୍ମୀର ଟାଇଗର ନାମକ ଆତଙ୍କବାଦୀ ସଂଗଠନ ପକ୍ଷରୁ କୁହାଯାଇଛି ଯେ, ଜୁନ୍ ୨୬ ତାରିଖରେ ଡୋଡାଠାରେ ନିହତ ତିନି ଆତଙ୍କବାଦୀଙ୍କ ମୃତ୍ୟୁ ପାଇଁ ଏହା ପ୍ରତିଶୋଧ ଅଟେ। ଜମ୍ମୁ କାଶ୍ମୀରର କଠୁଆ ଜିଲ୍ଲାର ଏକ ଆକ୍ରମଣରେ ଆତଙ୍କବାଦୀମାନେ ଏକ ସେନା ଗାଡି ଉପରକୁ ଗୁଳି ଚଳାଇ ଗ୍ରେନେଡ ସାହାଯ୍ୟରେ ଆକ୍ରମଣ କରିଥିଲେ। ଏହି ଆକ୍ରମଣରେ ୫ ଯବାନ ସହିଦ ହୋଇଥିବା ବେଳେ ୫ ଯବାନ ଆହତ ହୋଇଥିଲେ।