ଖ୍ୟାତାନାମା ପ୍ରଯୋଜକ ମଧୁ ମାଣ୍ଟେନା ରାମାୟଣ ଉପରେ ଏକ ଓ୍ବେବ୍ ସିରିଜ୍ କରିବା ନିମନ୍ତେ ଯୋଜନା କରୁଥିବା ନେଇ ଖବର ପ୍ରକାଶ ପାଇଛି । ଏହି ବହୁଚର୍ଚ୍ଚିତ ଓ୍ବେବ୍ ସିରିଜ୍ର ବଜେଟ୍ ୨୫୦ କୋଟି ରହିବ ବୋଲି ଜଣାପଡିଛି । ପୂର୍ବରୁ ନିଜର ସହଯୋଗୀଙ୍କ ସହ ବିବାଦ ଯୋଗୁଁ ଏକ ବର୍ଷ ତଳେ ଫାଣ୍ଟମ୍ ଫିଲ୍ମସ୍ ଛାଡିଥିଲେ ମାଣ୍ଟେନା । ମାଣ୍ଟେନାଙ୍କ ନିକଟତମ ସୂତ୍ରରୁ ପ୍ରାପ୍ତ ସୂଚନା ଅନୁଯାୟୀ ଏହି ପ୍ରକଳ୍ପ ନେଇ ଅନେକ ଚଳଚିତ୍ର ନିର୍ମାତାଙ୍କ ସହିତ ଆଲୋଚନାରେ ବ୍ୟସ୍ତ ରହୁଛନ୍ତି । ନିଜର ଏହି ପ୍ରକଳ୍ପ ପାଇଁ ମାଣ୍ଟେନା କିଛି ହଲିଉଡ୍ ନିର୍ଦ୍ଦେଶକଙ୍କ ସହିତ ଅନେକ ବଲିଉଡ୍ ନିର୍ଦ୍ଦେଶକଙ୍କ ସହିତ ମଧ୍ୟ ଆଲୋଚନାରତ ଅଛନ୍ତି । ଏହି ଓ୍ବେବ୍ ସିରିଜ୍ ବ୍ୟତିତ ମାଣ୍ଟେନା ଅନ୍ୟ ଦୁଇଟି ବଡ ବଜେଟ୍ ଫିଲ୍ମର ପ୍ରଯୋଜନା ମଧ୍ୟ କରୁଛନ୍ତି । ଗଣିତଜ୍ଞ ଆନନ୍ଦ କୁମାରଙ୍କ ଜୀବନି ଉପରେ ଆଧାରିତ ସୁପର ୩୦ଏବଂ କପିଳ ଦେବଙ୍କ ବିଶ୍ବକପ୍ ବିଜୟୀ ଟିମ୍ର କାହାଣୀ ଉପରେ ଆଧାରିତ ୮୩ ପରି ଦୁଇଟି ବଡ ବଜେଟ୍ ଫିଲ୍ମର ପ୍ରଯୋଜନା କରୁଛନ୍ତି ମାଣ୍ଟେନା । ସେହିପରି ମଧୁବାଲାଙ୍କ ଜୀବନି ଉପରେ ଆଧାରିତ ‘ଅନ୍ଭିଲ୍’ ର କାମ ଖୁବ୍ଶୀଘ୍ର ଆରମ୍ଭ ହେବ ବାେଲି ସୂଚନା ଦେଇଥିଲେ ମାଣ୍ଟେନା । ରାମାୟଣ ପ୍ରଶ୍ନକୁ ଏଡାଇ ନଥିଲେ ମଧ୍ୟ ଖୁବ୍ ଶୀଘ୍ର ଏ ସମ୍ପର୍କରେ ଖବର ଆପଣଙ୍କୁ ମିଳିବ ବୋଲି କହିଥିଲେ ମାଣ୍ଟେନା ।
