ମାଲ୍କାନଗିରି : ମାଲ୍କାନଗିରି ଜିଲ୍ଲା କରୋନା ମୁକ୍ତ ହୋଇଥିବାର ଜିଲ୍ଲାପାଳ ସୂଚନା ଦେଇଛନ୍ତି । ଜିଲ୍ଲାର ସମସ୍ତ 21 କରୋନା ଆକ୍ରାନ୍ତ ସୁସ୍ଥ ହୋଇଥିବା ନେଇ ଟୁଇଟ୍ କରିଛନ୍ତି । ସୂଚନାଯୋଗ୍ୟ, ରାଜ୍ୟର ସମସ୍ତ 30ଟି ଜିଲ୍ଲାରେ କରୋନା ବ୍ୟାପିସାରିଥିବାବେଳେ ମାଲ୍କାନଗିରି ଜିଲ୍ଲା କରୋନା ମୁକ୍ତ ହୋଇଛି ।
ପୂର୍ବରୁ ମଧ୍ୟ ଜଗତସିଂହପୁର ଓ ଭୁବନେଶ୍ବର କରୋନାମୁକ୍ତ ହୋଇଥିବାବେଳେ ପ୍ରବାସୀଙ୍କ ଆଗମନ ପରେ କରୋନା ଆକ୍ରାନ୍ତ ଚିହ୍ନଟ ହୋଇଥିଲେ । ରାଜ୍ୟରେ ଏପର୍ଯ୍ୟନ୍ତ ମୋଟ୍ ସଂକ୍ରମିତ ମାମଲା 2856 ଥିବାବେଳେ ସକ୍ରିୟ ମାମଲା 951 ରହିଛି । ସେହିପରି ସୁସ୍ଥ ହୋଇଛନ୍ତି 1894 ଜଣ । ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା 9କୁ ବୃଦ୍ଧି ହୋଇଥିବାବେଳେ 2 ଜଣ କରୋନାରେ ଆକ୍ରାନ୍ତ ହୋଇଥିବା ସତ୍ତ୍ବେ ଅନ୍ୟ ରୋଗରେ ମୃତ୍ୟୁବରଣ କରିଥିବାର ସୂଚନା ରହିଛି ।
