ନୂଆଦିଲ୍ଲୀ : ଚଳିତ ବର୍ଷର ମାର୍ଚ୍ଚ ମାସରେ ମାରୁତି ସୁଜୁକି ପକ୍ଷରୁ ୮୩ ହଜାର ୟୁନିଟ୍ ଗାଡି ବିକ୍ରି କରାଯାଇଛି । ସମଗ୍ର ଦେଶରେ ଲକ୍ଡାଉନ୍ ଜାରି କରାଯାଇଥିବା ବେଳେ ଏହି ସଂଖ୍ୟାକୁ ସନ୍ତୋଷଜନକ ଭାବରେ ଅଭିହିତ କରାଯାଇଛି । ୨୦୧୯ର ମାର୍ଚ୍ଚ ମାସରେ କମ୍ପାନୀ ପକ୍ଷରୁ ୧ ଲକ୍ଷ ୫୮ ହଜାର ୭୬ଟି ଗାଡି ବିକ୍ରୟ କରାଯାଇଥିଲା । ତେବେ ଅଟୋ ମୋବାଇଲ୍ ଶିଳ୍ପରେ ମାନ୍ଦାବସ୍ଥା ଏବଂ କରୋନା ଭାଇରସ୍ ଆତଙ୍କ କାରଣରୁ ଲକ୍ଡାଉନ୍ ଜାରି କରାଯାଇଥିବା ବେଳେ ବିକ୍ରି ସଂଖ୍ୟା ସନ୍ତୋଷଜନକ ବୋଲି ମାରୁତି ସୁଜୁକି ପକ୍ଷରୁ ପ୍ରକାଶ କରାଯାଇଛି । ଏହି ୮୩,୭୯୨ ୟୁନିଟ୍ ମଧ୍ୟରୁ ୭୬୯୭୬ଟି ଗାଡି ଘରୋଇ ବଜାରରେ ବିକ୍ରି କରାଯାଇଥିବା ବେଳେ ୪୭୧୨ଟି ୟୁନିଟ୍ ବିଦେଶକୁ ରପ୍ତାନୀ କରାଯାଇଛି । ସେହିପରି ୨୧୦୪ଟି ଗାଡି ଓଇଏମ୍ ସେଲ୍ରେ ବିକ୍ରି କରାଯାଇଛି ।
