ନୂଆଦିଲ୍ଲୀ: ମିଥୁନ ଚକ୍ରବର୍ତ୍ତି ହସପିଟାଲର ଭର୍ତ୍ତି ହୋଇଛନ୍ତି। ତାଙ୍କ ଦେହ ସାଂଘାତିକ. କେତେବେଳେ କଣ ହେବ କହି ହେବ ନାହିଁ। ଏହିପରି ଲେଖାଥିବା ଏକ ଫଟୋ ଆଜି ସକାଳୁ ସାମାଜିକ ଗଣମାଧ୍ୟମରେ ପ୍ରକାଶ ପାଇବା ପରେ ଚର୍ଚ୍ଚା ଚାଲିଛି। ମିଥୁନଙ୍କ ଫ୍ୟାନମାନେ ବିଚଳିତ ହୋଇପଡିଛନ୍ତି।
କାରଣ ହେଲା ମିଥୁନ ଚକ୍ରବର୍ତ୍ତି ଅଶିଦଶକରେ ହିନ୍ଦି ଚଳଚିତ୍ର ଜଗତରେ ରାଜ କରୁଥିଲେ। ତାଙ୍କର ଆକ୍ସନ ସହିତ ଡ୍ୟାନର ଦର୍ଶକଙ୍କୁ ବେଶ୍ ଆକର୍ଷିତ କରିଥିଲା। ସେହିପରି ତାଙ୍କର ଡାଇଲଗ ଆଜି ପର୍ଯ୍ୟନ୍ତ ସେହି ସମୟର ଦର୍ଶକ ମନେ ରଖିଛନ୍ତି। ଏକଦା ଡିସ୍କୋ ଡ୍ୟାନସ ପରି ଚଳଚିତ୍ରରେ ଅଭିନୟ କରି ମିଥୁନ ବେଶ ଲୋକ ପ୍ରିୟ ହୋଇପଡିଥିଲେ। ସେଥିପାଇଁ ତାଙ୍କର ଅଭିନୟକୁ ଆଜି ପର୍ଯ୍ୟନ୍ତ ଦର୍ଶକଙ୍କୁ ସ୍ମରଣ କରାଇ ଦେଉଛି।
ଫଳରେ ମିଥୁନଙ୍କୁ ହସପିଟାଲ ଫଟୋଟି ସାମାଜିକ ଗଣମାଧ୍ୟମରେ ପ୍ରକାଶ ପାଇବା ପରେ ତାଙ୍କର ଫ୍ୟାନମାନଙ୍କ ମଧ୍ୟରେ ଭାଳେଣି ପଡିଯାଇଛି। ତାଙ୍କର କଣ ହୋଇଛି ବୋଲି ସମସ୍ତେ ଗୁଗୁଲ ସର୍ଚ୍ଚ କରିବାକୁ ଲାଗିଲେ। ହେଲେ କେଉଁଠାରେ କିଛି ମିଳିଲା ନାହିଁ। ପରବର୍ତ୍ତି ସମୟରେ ଦେଖାଦେଲା ଯେ, ଅନେକ ବିଶିଷ୍ଟ ବ୍ୟକ୍ତି ସେହି ଫଟୋରେ ଶିଘ୍ର ଆରୋଗ୍ୟ ଲାଭ ପାଇଁ ପ୍ରାର୍ଥନା କରିବା ଆରମ୍ଭ କଲେ।
ଏସବୁ ପରିସ୍ଥିତି ଦେଖି ବିଜେପି ନେତାମାନେ ମଧ୍ୟ ଶିଘ୍ର ଆରୋଗ୍ୟ ପାଇଁ ପ୍ରାର୍ଥନା କଲେ। ବିଜେପି ନେତା ସଂଜୟ ସିଂହ, ଡ ଅନୁପମ ହଜାରେ ପ୍ରମୁଖ ତାଙ୍କର ଶିଘ୍ର ଆରୋଗ୍ୟ କାମନା କଲେ। ସେମାନଙ୍କ ପ୍ରାର୍ଥନା ଦେଖି ସାଧାରଣ ଲୋକେ ବିଶ୍ବାସ କଲେ ଯେ ମିଥୁନଦାଙ୍କର କଣ କିଛି ହୋଇଛି।
ଧିରେଧିରେ ଏହି ଫଟୋ ଭାଇରାଲ ହେବାରେ ଲାଗିଲା। ଟୁଇଟରର ସହିତ ସବୁ ସାମାଜିକ ଗଣମାଧ୍ୟମରେ ଏହା ଘୁରି ବୁଲିଲା। ଫଳରେ ଏହାକୁ ନେଇ ମିଥୁନଙ୍କ ପୁତ୍ର ମିମୋହ ଚକ୍ରବର୍ତ୍ତି ସ୍ପଷ୍ଟିକରଣ ଦେବାକୁ ବାଧ୍ୟ ହେଲେ। ସେ କହିଲେ ଯେ, ବାବାଙ୍କ କିଡନରେ ପଥର ଜମିଥିବାରୁ ତାହା ଅପେରସନ କରାଯାଇ ବାହାର କରାଯାଇଥିଲା। ବର୍ତ୍ତମାନ ସେ କେବେଠାରୁ ହସପିଟାଲରୁ ଡିସଚାର୍ଯ୍ୟ ହୋଇ ଆସିସାରିଲେଣି। ସେହି ଫଟୋଟି ସେହି ସମୟର ବୋଲି ପୁଅ ଟୁଇଟ କରି ଜଣାଇଲେ।
ଏହାପରେ ମିଥୁନଙ୍କ ଫ୍ୟାନମାନେ ନିଃସ୍ବାସ ମାରିଥିଲେ। ସମସ୍ତେ ସେହି ଟୁଇଟିରେ ହେ ଭଗବାନ ଆପଣଙ୍କୁ ଧନ୍ୟବାଦ ବୋଲି ଉଲ୍ଲେଖ କଲେ।
