The Samikhsya Odia
ପୁରୀ / ଭୁବନେଶ୍ୱର: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶାରେ ରୋଡ ସୋ ସହିତ ବିଭିନ୍ନ ଜନସଭାକୁ ସମ୍ବୋଧନ କରିବେ। ପ୍ରଥମେ ସେ ଆଜି ପୁରୀରେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିବେ। ଏଥିସହ ବିଜେପିର ନିର୍ବାଚନ ପ୍ରଚାର ପାଇଁ ରୋଡ ଶୋ’ କରିବେ ।
ଆଜି ସେ ପ୍ରଥମେ ସକାଳ ୭ଟାରେ ଶ୍ରୀମନ୍ଦିରରେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଦର୍ଶନ କରିବେ। ତାପରେ ସେବକ, ଗୁରୁଜନମାନଙ୍କ ସାକ୍ଷାତ ପରେ ସିଂହଦ୍ୱାର ନିକଟରୁ ରୋଡ ସୋ ଆରମ୍ଭ କରିବେ। ଏହି ରୋଡ ସୋ’ ମେଡିକାଲ ଛକ ପର୍ଯ୍ୟନ୍ତ ଯିବ। ଏହା ପରେ ସେ ସକାଳ ୯ଟା ୩୦ରେ ଅନୁଗୁଳ ଓ ୧୧ଟା ୩୦ ରେ କଟକ କିଲ୍ଲା ପଡିଆରେ ଜନସଭାକୁ ସମ୍ବୋଧନ କରିବେ।
ଭୁବନେଶ୍ୱର: ଓଡିଶାରେ ବିଜେପି ସଫଳତା ହାସଲ କରିବା ପାଇଁ ଦଳ ପ୍ରବଳ ପ୍ରଚେଷ୍ଠା କରିବାରେ ଲାଗିଛି। କେନ୍ଦ୍ରରୁ ଗଣ୍ଡାଗଣ୍ଡା ମନ୍ତ୍ରୀ ମୁଖ୍ୟମନ୍ତ୍ରୀଙ୍କୁ ଆଣି ଓଡିଶା ପ୍ରଚାରରେ ଲଗାଇଛି। ବିଜେଡିକୁ ମାତ ଦେବା ପାଇଁ ବିଜେପି ତାହାର ଆକ୍ରମଣାତ୍ମକ ରଣନୀତି ତିଆରି କରିଛି।
ଏହି ପରିପ୍ରେକ୍ଷୀରେ ଆଜି ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଆଜି ସଂଧ୍ୟାରେ ଭୁବନେଶ୍ବରରେ ପହଞ୍ଚିବା ପରେ ଦଳୀୟ କାର୍ଯ୍ୟାଳୟ ଯାଇ ସେଠାରେ ନେତାମାନଙ୍କ ସହିତ ଆଲୋଚନା କରିବେ। ଏହାପରେ ସେ ରାଜଭବନରେ ରାତ୍ରିଯାପନ କରିବେ। ସେ ୨୦ ତାରିଖ ଅର୍ଥାତ ସୋମବାର ଦିନ ପୁରୀ ଯାଇ ମହାପ୍ରଭୁ ଜଗନ୍ନାଥଙ୍କ ଆଶୀର୍ବାଦ ନେବେ। ଏହା ପରେ ପୁରୀର ପ୍ରଧାନମନ୍ତ୍ରୀଙ୍କର ରୋଡ ସୋ କାର୍ଯ୍ୟକ୍ରମ ରହିଛି। ଏହା ପରେ ସକାଳ ୯ଟା ୩୦ରେ ଅନୁଗୁଳ ଓ ୧୧ଟା ୩୦ରେ କଟକ କିଲ୍ଲା ପଡିଆରେ ଜନସଭାକୁ ସମ୍ବୋଧନ କରିବେ।
ସେହିପରି ଆଜି ପ୍ରତିରକ୍ଷାମନ୍ତ୍ରୀ ଶ୍ରୀ ରାଜନାଥ ସିଂ ପୂର୍ବାହ୍ନ ୧୦.୦୦ରେ ସମ୍ବଲପୁରର ରେଢ଼ାଖୋଲର ନାକଟିଦେଉଳଠାରେ ଜନସଭାକୁ ସମ୍ବୋଧନ କରିବେ, କେନ୍ଦୁଝରର ପାଟଣାଠାରେ ମଧ୍ୟାହ୍ନ ୧୧. ୪୦ଟାରେ ଜନସଭାକୁ ସମ୍ବୋଧନ କରିବେ ଏବଂ ୧.୩୦ରେ ଖୋର୍ଦ୍ଧାଠାରେ ଜନସଭାକୁ ସମ୍ବୋଧନ କରିବେ। ଏହାପରେ ଭୁବନେଶ୍ୱରରୁ ବିଜୁ ପଟ୍ଟନାୟକ ବିମାନବନ୍ଦରୁ ମଧ୍ୟାହ୍ନ ୨.୫୫ରେ ପ୍ରତ୍ୟାବର୍ତନ କରିବେ।
ଛତିଶଗଡ ମୁଖ୍ୟମନ୍ତ୍ରୀ ବିଷ୍ଣୁଦେଓ ସାଏ ଆସନ୍ତା କାଲି ୧୯ ତାରିଖ ଦିନ ପୂର୍ବାହ୍ନ ୧୦.୫୦ରେ ସମ୍ବଲପୁରର କୁଚିଣ୍ଡା କଲେଜ ପଡିଆରେ ଜନସଭା ସମ୍ବୋଧନ କରିବେ।
କେନ୍ଦ୍ର ଗୃହମନ୍ତ୍ରୀ ଶ୍ରୀ ଅମିତ ଶାହ ୨୧ ତାରିଖ ଦିନ ଓଡିଶା ଆସୁଛନ୍ତି। ସେ ପୂର୍ବାହ୍ନ ୧୨.୫ରେ ସମ୍ବଲପୁରର ରେମେଡ ଗାଁ ପଡିଆ ଜନସଭାକୁ ସମ୍ବୋଧନ କରିବେ। ସେହିଦିନ ସେ ୧.୩୦ରେ କେନ୍ଦୁଝର ମେଡିକାଲ ପଡିଆରେ ଜନସଭା, ମଧ୍ୟାହ୍ନ ୨.୩୫ ଢ଼େଙ୍କାନାଳ ପରଜଙ୍ଗ ବାଟଗାଁ ଖେଳପଡିଆରେ ଜନସଭା, ଅପରାହ୍ନରେ ୩.୪୦ରେ ନୟାଗଡ (ଲାଠିପଡା ଟାଙ୍ଗି ପଡିଆ) ଜନସଭା ସମ୍ବୋଧନ କରିବେ।
ଭୁବନେଶ୍ବର: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡିଶା ପ୍ରଚାରରେ ଆସି ବିଜେଡି ସରକାର ଉପରେ ବେଶ ବର୍ଷିଛନ୍ତି। ସେ ବ୍ରହ୍ମପୁରରେ ଓଡିଶାରେ ଡବଲ ଇଂଜିନି ହେବ ବୋଲି କହିଥିଲେ। ଏପରିକି ବିଜେପି ଆସନ୍ତା ଜୁନ 10 ତାରିଖରେ ଓଡିଶାରେ ସରକାର ପାଇଁ ଶପଥ ନେବ ବୋଲି ଘୋଷଣା ମଧ୍ୟ କରିଦେଇଛନ୍ତି। ଯାହାକୁ ନେଇ ରାଜ୍ୟ ରାଜନୀତିରେ ବେଶ ଚର୍ଚ୍ଚା ଚାଲିଛି।
ସେହିପରି ନବରଙ୍ଗପୁରରେ ମୋଦି ମଧ୍ୟ ଅନୁରୂପ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି। ସେ କହିଛନ୍ତି ଯେ, ଓଡିଶାରେ ବିଜେପି ସରକାର ଗଠନ କରିବ। ବିଜେପିର ଜଣେ ଓଡିଆ ଓଡିଶାର ମୁଖ୍ୟମନ୍ତ୍ରୀ ହେବ। କୌଣସି ବାହାର ବ୍ୟକ୍ତି ନୁହେଁ। ସେ କହିଛନ୍ତି ଯେ, ଓଡିଶା ଜଣେ ଓଡିଆ ଝିଅ ରାଷ୍ଟ୍ରପତି ହୋଇଛନ୍ତି। ସେହିପରି ଓଡିଶାର ଜଣେ ଓଡିଆ ପୁଅ ହେଉ କିମ୍ବା ଝିଅ. ସେ ଆପଣଙ୍କର ମୁଖ୍ୟମନ୍ତ୍ରୀ ହେବ। ପ୍ରଧାନମନ୍ତ୍ରୀ ପରୋକ୍ଷରେ କାର୍ତ୍ତିର ପାଣ୍ଡିଆନଙ୍କୁ ଇଙ୍ଗିତ କରି କହିଲେ ବୋଲି ସ୍ପଷ୍ଟ ହୋଇଛି।
ଭୁବନେଶ୍ବର: ରବିବାର ରାତିରେ ଭୁବନେଶ୍ବରରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ସେ ସ୍ବତନ୍ତ୍ର ବିମାନରେ ଭୁବନେଶ୍ବରରେ ପହଞ୍ଚିବା ପରେ ତାଙ୍କୁ ଦଳ ତରଫରୁ ସ୍ବାଗତ କରାଯାଇଥିଲା। ସେଠାରୁ ସେ ରାଜଭବନ ଆସିବା ରାସ୍ତାରେ ଲୋକଙ୍କୁ ପଦ୍ମ ଚିହ୍ନ ଦେଖାଇ ଭୋଟ ଭିକ୍ଷା କରିଥିଲେ। ସେ ରବିବାରରେ ଭୁବନେଶ୍ବର ରାଜଭବନରେ ରାତ୍ରୀ ଯାପନ କରିବା ପରେ ଆଜି ବ୍ରହ୍ମପୁର ଏବଂ ନବରଗଂପୁର ପ୍ରଚାରରେ ଯିବେ।
ମୋଦୀ ଆଜି ରାଜଭବନରୁ ବାହାରି ପ୍ରଥମେ ପ୍ରଭୃ ଲିଙ୍ଗରାଜଙ୍କ ଦର୍ଶନ କରିବେ। ଏହାପରେ ସେ ବିମାନବନ୍ଦର ଯାଇ ସେଠାରୁ ସ୍ବତନ୍ତ୍ର ହେଲିକାପ୍ଟରରେ ବ୍ରହ୍ମପୁର ପ୍ରଚାରରେ ଯିବେ। ସେଠାରେ ଗୋପାଳପୁର ନିର୍ବାଚନ ମଣ୍ଡଳିର କନିଷା ଠାରେ ଆୟୋଜିତ ଏକ ନିର୍ବାଚନୀ ସଭାରେ ଉଦବୋଧନ ଦେବେ। ସେଠାରେ ବ୍ରହ୍ମପୁର ଏବଂ ଆସ୍କା ଲୋକସଭା ଓ ଏହାର ବିଧାନସଭା ପ୍ରାର୍ଥୀଙ୍କ ପାଇଁ ଭୋଟ ଭିକ୍ଷା କରିବେ। ଏହାପରେ ନବରଂଗପୁରରେ ଆୟୋଜିତ ପ୍ରଚାର କାର୍ଯ୍ୟରେ ମୋଦୀ ଯୋଗ ଦେଇ ଭୁବନେଶ୍ବର ଫେରିଆସି ଓଡିଶାରୁ ପ୍ରତ୍ୟାବର୍ତ୍ତନ କରିବେ।
ଭୁବନେଶ୍ବର: ମୋଦିଙ୍କ ଗସ୍ତ ପୂର୍ବରୁ ଓଡିଶା ବିଜେପିରେ ଯେପରି ଉତ୍ସାହ ଥିଲା, ସେ ଯିବା ପରେ ସେଥିରେ ପୁରା ଭଟ୍ଟା ପଡିଗଲା। ମୋଦିଙ୍କ ଗସ୍ତ ପରେ ବର୍ତ୍ତମାନ ବଡ ଚିନ୍ତାରେ ରହିଛି ଓଡିଶା ବିଜେପି। ସେମାନଙ୍କ ପରିସ୍ଥିତି ଏପରି ହୋଇଛି ଯେ, ସେମାନେ ନା ବାହାରେ ନା ଘର ଭିତରେ କାନ୍ଦି ପାରୁଛନ୍ତି। କର୍ମିଙ୍କୁ ଦେଖାଦେବା ପାଇଁ ଆଉ ବିଜେପି ନେତାଙ୍କ ଭିତରେ ଆଉ ଯୋଶ ନାହିଁ।
ଏହାର କାରଣ ହେଲା ସମ୍ବଲପୁର ସଭାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯେଉଁ ରାଜନୈତିକ ଭାଷଣ ଦେଲେ ସେଥିରେ ସେ ନବୀନଙ୍କ ବିରୋଧରେ କିଛି କହିଲେ ନାହିଁ। ବିଜେପି ସବୁ ନେତା ବଡ ଆଶା କରି ରହିଥିଲେ ଯେ, ଏଥର ମୋଦି ତାଙ୍କ ଭାଷଣରେ ନବୀନଙ୍କୁ ତୀବ୍ର ବିରୋଧ କରିବେ। ଆଗକୁ ନିର୍ବାଚନ ଥିବାରୁ ମୋଦି ନିଶ୍ଚିତ ନବୀନ ଏବଂ ବିଜେଡି ସରକାରଙ୍କ ବିରୋଧରେ ବିଷ ଉଦଗାର କରିବେ।
ହେଲେ ପରିସ୍ଥିତି ଓଲଟା ହେବା ପରେ ସେମାନଙ୍କୁ ଚିନ୍ତା ଘାରିଛି। ରାଜ୍ୟ ବିଜେପି ନେତାଙ୍କର ଗୋଟିଏ ଆୟୁଧ ହେଲା ନବୀନ ସରକାରଙ୍କୁ ସମାଲୋଚନା କରିବା। ରାଜ୍ୟ ସରକାରଙ୍କ ବିଫଳତାକୁ ଲୋକଙ୍କ ପାଖକୁ ନେଇ ତାଙ୍କ ବିପକ୍ଷରେ ହାୱା ତିଆରି କରିବା। ହେଲେ ବର୍ତ୍ତମାନ ମୋଦି କିଛି ନ କହିବା ପରେ ସେମାନେ ନବୀନ ବିରୋଧରେ ଲୋକଙ୍କୁ କେମିତି କହିବେ ତାହା ଚିନ୍ତାର ବିଷୟ ହୋଇଛି। ଯଦିବା ବାଧ୍ୟବାଧକତାରେ କହିଲେ ତେବେ ଲୋକେ ଆଉ ତାହା ଗ୍ରହଣ କରିବେ ନାହିଁ ବୋଲି ବିଜେପି ନେତା ନିଶ୍ଚିତ ହୋଇଗଲେଣି।
ତେବେ ମୋଦିଙ୍କ ସମ୍ବଲପୁର ଗସ୍ତରେ ଯଦି କାହାର ବଡ କ୍ଷତି ହୋଇଛି ସେ ହେଉଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। କାରଣ ସେ ସମ୍ବଲପୁର ଆସନରୁ ପ୍ରତିଦ୍ବନ୍ଦିତା କରିବାକୁ ଯାଉଛନ୍ତି ଏବଂ ସେହି ସ୍ଥାନରେ ମୋଦି ନବୀନଙ୍କୁ କିଛି କହିଲେ ନାହିଁ। ଫଳରେ ଧର୍ମେନ୍ଦ୍ର ନିର୍ବାଚନ ପ୍ରଚାରରେ ନବୀନ ସରକାର ବିରୋଧରେ କେମିତି କହିବେ ତାହାକୁ ନେଇ ସେ ବଡ ଅଡୁଆ ପରିସ୍ଥିତିରେ ପଡିଯାଇଛନ୍ତି।
ତେବେ ସବୁଠାରୁ ବଡ ଗୁରୁତ୍ବପୂର୍ଣ୍ଣ କଥା ହେଲା ମୋଦିଙ୍କ କାର୍ଯ୍ୟକ୍ରମକୁ ଆସିଥିବା ତୃଣମୂଳ ସ୍ତରର କର୍ମିଙ୍କ ମନୋଭାବ। ସେମାନେ ଏହି ସଭାରେ ମୋଦିଙ୍କ ଭାଷଣ ଶୁଣି ଯିବା ପରେ କଣ ଭାବିଥିବେ ତାହା ହିଁ ସବୁଠାରୁ ବଡ ପ୍ରଶ୍ନ। ସାଧାରଣ ବିଜେପି କର୍ମି ଏହି ବୈଠକ ପରେ ଅନୁଭବ କରିସାରିଲେଣି ଯେ, ଓଡିଶା ବିଜେପିର ଆଉ ଶକ୍ତି ନାହିଁ। କେନ୍ଦ୍ର ତାହାକୁ ହରଣ କରି ନେଇ ସାରିଛି। ଫଳରେ ସେମାନେ ଏବେ ବିଜେପିରେ ରହିବା ନା ଆଉ କୁଆଡେ ମୁହାଁଇବେ ସେହି ଚିନ୍ତା କରିବା ଆରମ୍ଭ କଲେଣି।
ଭୁବନେଶ୍ବର: ଓଡ଼ିଶାର ସମ୍ବଲପୁର ଠାରେ ୬୮,୦୦୦ କୋଟିରୁ ଅଧିକ ମୂଲ୍ୟର ବହୁମୁଖୀ ପ୍ରକଳ୍ପ ଗୁଡିକ ଯଥା ସଡକ, ରେଳ, ଉଚ୍ଚଶିକ୍ଷା ଏବଂ ଶକ୍ତି କ୍ଷେତ୍ରକୁ ବୃଦ୍ଧି କରିବା ଲକ୍ଷ୍ୟରେ ବିଦ୍ୟୁତ୍ ଉତ୍ପାଦନ ସହିତ ଜଡିତ ପ୍ରାକୃତିକ ଗ୍ୟାସ, କୋଇଲା କ୍ଷେତ୍ର ଗୁଡିକର ଉଦ୍ଘାଟନ କରିବା ସହିତ ଦେଶକୁ ସମ୍ୱର୍ପ୍ତ କରିଛନ୍ତି ଏବଂ ପ୍ରକଳ୍ପ ଗୁଡିକର ଶିଳାନ୍ୟାସ କରିଛନ୍ତି।
ଏହି ଅବସରରେ ଶ୍ରୀ ମୋଦୀ ଆଇଆଇଏମ୍ ସମ୍ବଲପୁର ମଡେଲର ସମ୍ପର୍କରେ ଅବଗତ ହେବ ସହିତ ପ୍ରଦର୍ଶିତ ଏକ ଫଟୋ ପ୍ରଦର୍ଶନୀ ବୁଲି ଦେଖିଥିଲେ। ଏହି ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ ଆଜି ଓଡ଼ିଶାର ବିକାଶ ଯାତ୍ରା ପାଇଁ ଏକ ମହତ୍ୱପୂର୍ଣ୍ଣ ଦିବସ ହୋଇଥିବାରୁ ଶିକ୍ଷା, ରେଳ, ସଡକ, ବିଦ୍ୟୁତ୍ ଏବଂ ପେଟ୍ରୋଲିୟମ କ୍ଷେତ୍ରରେ ପ୍ରାୟ ୭୦,୦୦୦ କୋଟି ଟଙ୍କାର ବିକାଶମୂଳକ ପ୍ରକଳ୍ପ ଆଜି ଆରମ୍ଭ ହୋଇଛି।
ଏହି ଅବସରରେ ଶ୍ରୀ ମୋଦୀ କହିଛନ୍ତି ଯେ ଓଡ଼ିଶାର ଲୋକମାନେ ବିଶେଷତ୍ୱ ଗରିବ ଶ୍ରେଣୀର, ଶ୍ରମିକ, ଦିନମଜୁରିଆ, ବ୍ୟବସାୟୀ, କୃଷକ ଶ୍ରେଣୀର ଅଟନ୍ତି ଯେଉଁମାନେ ଆଜିର ବିକାଶମୂଳକ ପ୍ରକଳ୍ପର ଲାଭ ପାଇବେ। ସେ ଆହୁରି ମଧ୍ୟ କହିଛନ୍ତି ଯେ ଏହା ଓଡିଶାର ଯୁବକମାନଙ୍କ ପାଇଁ ହଜାର ହଜାର ନୂତନ ନିଯୁକ୍ତି ସୁଯୋଗ ସୃଷ୍ଟି କରିବ।
ଭାରତର ପୂର୍ବତନ ଉପପ୍ରଧାନମନ୍ତ୍ରୀ ଶ୍ରୀ ଲାଲ କୃଷ୍ଣ ଆଡଭାନୀଙ୍କୁ ଭାରତ ରତ୍ନ ସହିତ ସମ୍ମାନିତ କରିବାକୁ ସରକାରଙ୍କ ନିଷ୍ପତ୍ତିକୁ ଘୋଷଣା କରି ପ୍ରଧାନମନ୍ତ୍ରୀ ଆନନ୍ଦ ପ୍ରକାଶ କରିଛନ୍ତି। ଉପ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ତଥା ସୂଚନା ତଥା ପ୍ରସାରଣ ମନ୍ତ୍ରୀ ଭାବରେ ଶ୍ରୀ ଆଡଭାନୀଙ୍କ ଅତୁଳନୀୟ ଅବଦାନକୁ ପ୍ରଧାନମନ୍ତ୍ରୀ ମୋଦୀ ପ୍ରଶଂସା କରିଛନ୍ତି ଏବଂ ବିଶିଷ୍ଟ ତଥା ବିଶ୍ୱସ୍ତ ସାଂସଦ ଭାବରେ ଦଶନ୍ଧିର ଅଭିଜ୍ଞତାକୁ ପ୍ରଶଂସା କରିଛନ୍ତି।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ “ଭାରତ ରତ୍ନ ସହିତ ଆଡଭାନୀ ଜୀଙ୍କୁ ସମ୍ମାନ ଦେବା ହେଉଛି ଏକ ପ୍ରତୀକ ଯାହା ଯେଉଁମାନେ ଦେଶ ସେବାରେ ନିଜ ଜୀବନକୁ ଉତ୍ସର୍ଗ କରନ୍ତି ସେମାନଙ୍କୁ ଦେଶ ଭୁଲିବ ନାହିଁ”। ଶ୍ରୀ ଏଲ୍ କେ ଆଡଭାନୀଙ୍କ ଦ୍ୱାରା ଦେଖାଯାଇଥିବା ପ୍ରେମ, ଆଶୀର୍ବାଦ ଏବଂ ମାର୍ଗଦର୍ଶନ ପାଇଁ ପ୍ରଧାନମନ୍ତ୍ରୀ ତାଙ୍କର ଶୁଭକାମନା ଜଣାଇବା ସହ ସମସ୍ତ ନାଗରିକଙ୍କ ତରଫରୁ ତାଙ୍କୁ ଅଭିନନ୍ଦନ ଜଣାଇବା ସହିତ ତାଙ୍କର ଦୀର୍ଘ ଜୀବନ ପାଇଁ ପ୍ରାର୍ଥନା କରିଥିଲେ।
ପ୍ରଧାନମନ୍ତ୍ରୀ କହିଛନ୍ତି ଯେ ଓଡିଶାକୁ ଶିକ୍ଷାର କେନ୍ଦ୍ର ତଥା ଦକ୍ଷତା ବିକାଶ ପାଇଁ କେନ୍ଦ୍ର ସରକାର ନିରନ୍ତର ଉଦ୍ୟମ ଜାରି ରଖିଛନ୍ତି। ଗତ ଦଶନ୍ଧିରେ NIISER ବ୍ରହ୍ମପୁର ଏବଂ ଭୁବନେଶ୍ୱର ଇନଷ୍ଟିଚ୍ୟୁଟ୍ ଅଫ୍ କେମିକାଲ୍ ଟେକ୍ନୋଲୋଜି ପରି ଆଧୁନିକ ଶିକ୍ଷାନୁଷ୍ଠାନ ଗଠନ ସହିତ ଓଡିଶାର ଯୁବକଙ୍କ ଭାଗ୍ୟ ବଦଳିଛି।
ବର୍ତ୍ତମାନ, ଆଧୁନିକ ପରିଚାଳନା ପ୍ରତିଷ୍ଠାନ ଭାବରେ ଆଇଆଇଏମ୍ ସମ୍ବଲପୁର ପ୍ରତିଷ୍ଠା ହେବା ସହିତ ରାଜ୍ୟର ଭୂମିକା ଆହୁରି ମଜବୁତ ହେଉଛି। ମହାମାରୀ ସମୟରେ ସେ ଆଇଆଇଏମ୍ (ଇଣ୍ଡିଆନ୍ ଇନଷ୍ଟିଚ୍ୟୁଟ୍ ଅଫ୍ ମ୍ୟାନେଜମେଣ୍ଟ) ର ମୂଳଦୁଆ ପକାଇବା କଥା ମନେ ପକାଇଲେ ଏବଂ ସମସ୍ତ ବାଧାବିଘ୍ନ ମଧ୍ୟରେ ଏହାର ସମାପ୍ତି ସହିତ ଜଡିତ ଲୋକଙ୍କୁ ପ୍ରଶଂସା କରିଥିଲେ।
ସମସ୍ତ ରାଜ୍ୟ ବିକଶିତ ହେଲେ ହିଁ ବିକଶିତ ଭାରତର ଲକ୍ଷ୍ୟ ହାସଲ ହୋଇପାରିବ ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଏବଂ ପ୍ରତ୍ୟେକ କ୍ଷେତ୍ରରେ ଓଡିଶାକୁ ସର୍ବାଧିକ ସହାୟତା ପ୍ରଦାନ କରିବା ବିଷୟରେ ସେ କହିଛନ୍ତି। ଗତ ୧୦ ବର୍ଷ ମଧ୍ୟରେ କେନ୍ଦ୍ର ସରକାରଙ୍କ ଉଦ୍ୟମକୁ ଆଲୋକିତ କରି ପ୍ରଧାନମନ୍ତ୍ରୀ ଓଡିଶାର ପେଟ୍ରୋଲିୟମ ଏବଂ ପେଟ୍ରୋକେମିକାଲ୍ସ କ୍ଷେତ୍ର ବିଷୟରେ ପ୍ରାୟ ୧.୨୫ ଲକ୍ଷ କୋଟି ଟଙ୍କାର ପୁଞ୍ଜି ନିବେଶର ଦୃଷ୍ଟାନ୍ତ ରଖିଛନ୍ତି।
ରାଜ୍ୟର ରେଳ ବଜେଟରେ ୧୨ ଗୁଣରୁ ଅଧିକ ବୃଦ୍ଧି ଘଟିଛି। ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନା ଅଧୀନରେ ଓଡ଼ିଶାରେ ୫୦,୦୦୦ କିଲୋମିଟର ରାସ୍ତା ନିର୍ମାଣ କରାଯାଉଅଛି ଯାହାକି ଗ୍ରାମାଞ୍ଚଳରେ ସଡକ ସଂଯୋଗ ଏବଂ ୪,୦୦୦ କିଲୋମିଟର ଜାତୀୟ ରାଜପଥ ଅନ୍ତର୍ଭୁକ୍ତ। ତିନୋଟି ଜାତୀୟ ରାଜପଥ ପ୍ରକଳ୍ପର ଆଜି ଉଦ୍ଘାଟନ ବିଷୟରେ ପ୍ରଧାନମନ୍ତ୍ରୀ ସୂଚନା ଦେଇଛନ୍ତି ଯେ ଯାତ୍ରା ଦୂରତା ସହିତ ଓଡିଶା ଏବଂ ଝାଡଖଣ୍ଡ ମଧ୍ୟରେ ଆନ୍ତରାଜ୍ୟ ସଂଯୋଗ ହ୍ରାସ ପାଇବ।
ଖଣି, ଶକ୍ତି ଏବଂ ଇସ୍ପାତ ଶିଳ୍ପରେ ସମ୍ଭାବନା ପାଇଁ ଓଡିଶା ଜଣାଶୁଣା ବୋଲି ପ୍ରଧାନମନ୍ତ୍ରୀ ମୋଦୀ କହିଛନ୍ତି ଏବଂ ନୂତନ ସଂଯୋଗ ସମଗ୍ର ଅଞ୍ଚଳରେ ନୂତନ ଶିଳ୍ପ ପାଇଁ ସମ୍ଭାବନା ସୃଷ୍ଟି କରିବ ଏବଂ ଏହାଦ୍ୱାରା ହଜାର ହଜାର ନୂତନ ନିଯୁକ୍ତି ସୁଯୋଗ ସୃଷ୍ଟି ହେବ।
ପ୍ରଧାନମନ୍ତ୍ରୀ ଶ୍ରୀ ମୋଦି ସମ୍ବଲପୁର-ତାଳଚେର ଦୋହରୀକରଣ, ଖୋର୍ଦ୍ଧା ରୋଡ଼-ବଲାଙ୍ଗୀର ରେଳ ପ୍ରକଳ୍ପର ଝାରତରଭା ଠାରୁ ସୋନପୁର ପର୍ୟ୍ୟନ୍ତ ନୂତନ ରେଳ ଲାଇନର ଉଦଘାଟନ କରିଛନ୍ତି। ଶ୍ରୀ ମୋଦି କହିଛନ୍ତି ଯେ ପୁରୀ-ସୋନପୁର ଏକ୍ସପ୍ରେସ ମାଧ୍ୟମରେ “ସୁବର୍ଣ୍ଣପୁର ଜିଲ୍ଲା ସଂଯୋଗ ହେଉଛି ଯାହା ଭକ୍ତମାନଙ୍କ ପାଇଁ ଭଗବାନ ଜଗନ୍ନାଥଙ୍କ ଦର୍ଶନ କରିବା ସହଜ ହେବ”। ଶ୍ରୀ ମୋଦୀ ଉଲ୍ଲେଖ କରିଛନ୍ତି ଯେ ଆଜି ଉଦ୍ଘାଟିତ ହୋଇଥିବା ସୁପରକ୍ରିଟିକାଲ୍ ଏବଂ ଅଲ୍ଟ୍ରା-ସୁପରକ୍ରିଟିକାଲ୍ ଥର୍ମାଲ୍ ପ୍ଲାଣ୍ଟ ଓଡିଶାର ପ୍ରତ୍ୟେକ ପରିବାର ପାଇଁ ପର୍ୟ୍ୟାପ୍ତ ତଥା ସୁଲଭ ବିଦ୍ୟୁତ୍ ସୁନିଶ୍ଚିତ କରିବ।
“ଗତ ୧୦ ବର୍ଷ ମଧ୍ୟରେ କେନ୍ଦ୍ର ସରକାର କରିଥିବା ନୀତିରୁ ଓଡିଶା ବହୁ ଉପକୃତ ହୋଇଛି” ବୋଲି ପ୍ରଧାନମନ୍ତ୍ରୀ କହିଛନ୍ତି ଯେ ଖଣି ନୀତିରେ ପରିବର୍ତ୍ତନ ପରେ ଓଡିଶାର ଆୟ ୧୦ ଗୁଣ ବୃଦ୍ଧି ପାଇଛି। ପୂର୍ବ ନୀତି ଯେଉଁଠାରେ ଖଣିଜ ଉତ୍ପାଦନ ହେବାର ଲାଭ ସେହି ଅଞ୍ଚଳ ତଥା ରାଜ୍ୟମାନଙ୍କରେ ଉପଲବ୍ଧ ନଥିଲା ବୋଲି ଦର୍ଶାଇ ପ୍ରଧାନମନ୍ତ୍ରୀ କହିଥିଲେ ଯେ ଜିଲ୍ଲା ଖଣିଜ ଫାଉଣ୍ଡେସନ ଗଠନ ସହିତ ଏହି ସମସ୍ୟାର ସମାଧାନ କରାଯାଇଥିଲା ଯାହା ସମାନ ବିକାଶରେ ବିନିଯୋଗ ସୁନିଶ୍ଚିତ କରିଥିଲା।
ଖଣି ମାଧ୍ୟମରେ ପ୍ରାପ୍ତ ଆୟରୁ କ୍ଷେତ୍ର “ଓଡିଶା ଏ ପର୍ୟ୍ୟନ୍ତ ୨୫,୦୦୦ କୋଟିରୁ ଅଧିକ ଟଙ୍କା ପାଇଛି ଏବଂ ଖଣି ଖନନ କରୁଥିବା ଅଞ୍ଚଳର ଲୋକଙ୍କ କଲ୍ୟାଣ ପାଇଁ ଏହି ଟଙ୍କା ବ୍ୟବହାର କରାଯାଉଛି”। ପ୍ରଧାନମନ୍ତ୍ରୀ ଓଡିଶାବାସୀଙ୍କୁ ଆଶ୍ୱାସନା ଦେଇଛନ୍ତି ଯେ କେନ୍ଦ୍ର ସରକାର ସମାନ ଉତ୍ସର୍ଗୀକୃତ ସହିତ ରାଜ୍ୟର ବିକାଶ ପାଇଁ କାର୍ୟ୍ୟ ଜାରି ରଖିବେ।
ଏହି ଅବସରରେ ଓଡିଶାର ରାଜ୍ୟପାଳ ଶ୍ରୀ ରଘୁବର ଦାସ, ଓଡିଶାର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ, କେନ୍ଦ୍ର ଶିକ୍ଷା ମନ୍ତ୍ରୀ ତଥା ଦକ୍ଷତା ବିକାଶ ତଥା ଉଦ୍ୟୋଗୀ ଶ୍ରୀ ଧର୍ମେନ୍ଦ୍ର ପ୍ରଧାନ ଏବଂ ରେଳ ବିଭାଗର କେନ୍ଦ୍ର ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ଉପସ୍ଥିତ ଥିଲେ।
ପୃଷ୍ଠଭୂମି
ଦେଶର ଶକ୍ତି ନିରାପତ୍ତାକୁ ମଜବୁତ କରିବା ପାଇଁ ପ୍ରଧାନମନ୍ତ୍ରୀଙ୍କ ଦୂରଦୃଷ୍ଟି ଅନୁଯାୟୀ, ଉଦ୍ଘାଟନ, ଦେଶ ପ୍ରତି ଉତ୍ସର୍ଗୀକୃତ ତଥା ଶକ୍ତି କ୍ଷେତ୍ରକୁ ବୃଦ୍ଧି କରିବା ଉଦ୍ଦେଶ୍ୟରେ ଏକାଧିକ ପ୍ରକଳ୍ପର ମୂଳଦୁଆ ପକାଇବା ଓଡ଼ିଶାର ସମ୍ବଲପୁରରେ ସାଧାରଣ କାର୍ୟ୍ୟକ୍ରମରେ କରାଯାଇଥିଲା।
ଏଥିସହ ପ୍ରଧାନମନ୍ତ୍ରୀ ଦେଶ ପାଇଁ ଉତ୍ସର୍ଗୀକୃତ ପ୍ରାୟ ୨୧୪୬ କୋଟି ଟଙ୍କାର ରେଳ ପ୍ରକଳ୍ପର ଶିଳାନ୍ୟାସ କରିଥିଲେ। ସେ ସମ୍ବଲପୁର ରେଳ ଷ୍ଟେସନର ପୁନର୍ବିକାଶ ପାଇଁ ଶିଳାନ୍ୟାସ କରିଥିଲେ ଯାହା ବଲାଙ୍ଗୀର ର ଶୈଳଶ୍ରୀ ରାଜପ୍ରାସାଦ ସ୍ଥାପତ୍ୟ ଦ୍ୱାରା ଅନୁପ୍ରାଣିତ ହୋଇଥିଲା। ସେ ମଧ୍ୟ ସମ୍ବଲପୁର- ତାଳଚେର ଦୋହରୀକରଣ ରେଳ ଲାଇନ (୧୬୮ କିମି) ଏବଂ ଝାରତରଭା-ସୋନେପୁର ନୂତନ ରେଳ ଲାଇନ (୨୧.୭ କିମି) କୁ ଦେଶକୁ ଉତ୍ସର୍ଗ କରି ଏହି ଅଞ୍ଚଳରେ ରେଳ ନେଟୱାର୍କର କ୍ଷମତା ବୃଦ୍ଧି କରିଥିଲେ।
ପ୍ରଧାନମନ୍ତ୍ରୀ ପୁରୀ-ସୋନପୁର-ପୁରୀ ସାପ୍ତାହିକ ଏକ୍ସପ୍ରେସକୁ ମଧ୍ୟ ସବୁଜ ପତାକା ପ୍ରଦର୍ଶନ କରାଇ ଶୁଭାରମ୍ଭ କରିଥିଲେ ଯାହା ଏହି ଅଞ୍ଚଳର ରେଳ ଯାତ୍ରୀମାନଙ୍କ ପାଇଁ ସଂଯୋଗକୁ ସୁଦୃଢ କରିବ। ଏହା ବ୍ୟତୀତ, ପ୍ରଧାନମନ୍ତ୍ରୀ ଆଇଆଇଏମ୍ ସମ୍ବଲପୁରର ସ୍ଥାୟୀ କ୍ୟାମ୍ପସକୁ ମଧ୍ୟ ଉଦଘାଟନ କରିଥିଲେ। ଅଧିକନ୍ତୁ, ସେ ଝାରସୁଗୁଡା ହେଡ୍ ପୋଷ୍ଟ ଅଫିସ୍ ହେରିଟେଜ୍ ବିଲ୍ଡିଂକୁ ଦେଶ ପାଇଁ ଉତ୍ସର୍ଗ କରିଥିଲେ।
ଭୁବନେଶ୍ବର: ରାଜନୈତିକ ସମୀକ୍ଷକମାନେ ଯାହା ଭାବୁଥିଲେ ତାହା ହିଁ ହେଲା। ସମ୍ବଲପୁରରେ ଆୟୋଜିତ ମୋଦି ଗ୍ୟାରେଣ୍ଟି ସମାବେଶରେ ନବୀନଙ୍କୁ ସମାଲୋଚନା କଲେ ନାହିଁ ପ୍ରଧାନମନ୍ତ୍ରୀ। ସେତିକି ନୁହେଁ ସେ ଆଦୌ ନବୀନଙ୍କ ନାମ ମଧ୍ୟ ତାଙ୍କର ଦୀର୍ଘ ଅଭିଭାଷଣରେ ନେଲେ ନାହିଁ। ଯାହାକୁ ନେଇ ରାଜ୍ୟ ବିଜେପି ନେତାମାନେ ପୁରା ହତାଶ ହୋଇପଡିଛନ୍ତି।
ସମ୍ବଲପୁର ଆଇଆଇଏମ ନୂଆ କ୍ୟାମ୍ପସ ଉଦଘାଟନ ବେଳେ ମୋଦି କହିଥିଲେ ଯେ, ଏକ ଖୋଲା ମଇଦାନରେ ବହୁତ କିଛି କହିବାର ଅଛି। ସେଥିପାଇଁ ମୁଁ ଏଠାରେ ବିଶେଷ କିଛି କହୁ ନାହିଁ। ଏହାକୁ ନେଇ ବିଜେପି ନେତା ବେଶ ଉତ୍ସାହିତ ହୋଇପଡିଥିଲେ। ଭାବିଲେ ଯେ, ମୋଦି ଏଥର ବାଣ ଫୁଟାଇବେ। ହେଲେ ରାଜନୈତିକ ସଭାରେ ସେମିତି କିଛି ନ କହିବାରୁ ସେମାନଙ୍କର ଏବେ ଚିନ୍ତା ବଢିଯାଇଛି।
ଆଗକୁ ନିର୍ବାଚନ ଥିବାରୁ ରାଜ୍ୟ ବିଜେପି ନେତା ମୋଦିଙ୍କ ଗସ୍ତକୁ ନେଇ ବେଶ ଉତ୍ସାହିତ ହୋଇପଡିଥିଲେ। ଏଥର ମୋଦି ଦଳିୟ ନେତା ଓ କର୍ମିଙ୍କୁ ଉତ୍ସାହିତ କରିବେ ବୋଲି ଆଶା ବାନ୍ଧି ବସିଥିଲେ। ଯାହା ଫସର ଫାଟିଯାଇଛି। ଫଳରେ ଗତ ନିର୍ବାଚନରେ ବିଜେପିର ଯେଉଁ ପରିସ୍ଥିତି ଥିଲା ବର୍ତ୍ତମାନ ତାହା ଆହୁରି ବିଗିଡି ଗଲା ବୋଲି ସେମାନେ ଅନୁଭବ କରିସାରିଲେଣି।
ଆଉ ଏକ ବିଶେଷ କଥା ଦେଖିବାକୁ ମିଳିଥିଲା। ତାହା ହେଲା ସରକାରୀ କାର୍ଯ୍ୟକ୍ରମରେ ଧର୍ମେନ୍ଦ୍ର ଭାଷଣ ଦେଇଥିଲେ। ହେଲେ ରାଜନୈତିକ ସଭାରେ ଧର୍ମେନ୍ଦ୍ର ଭାଷଣ ଦେଇ ନ ଥିଲେ। ସେ ସେଠାରୁ ପ୍ରାର୍ଥୀ ହେଉଥିବାରୁ ସମସ୍ତେ ଭାବିଥିଲେ ଧର୍ମେନ୍ଦ୍ରଙ୍କୁ ଭାଷଣ ଦେବା ପାଇଁ ସୁଯୋଗ ମିଳିବ। ହେଲେ ତାହା ମଧ୍ୟ ହେଲା ନାହିଁ।
ଏପରିକି ମଞ୍ଚରେ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ସହିତ ମୋଦି କଥାବାର୍ତ୍ତା ହୋଇଥିଲେ ମଧ୍ୟ ଧର୍ମେନ୍ଦ୍ର ଆଡକୁ ଅନେଇଲେ ନାହିଁ। ଯାହାକୁ ନେଇ ସଭା ପରେ ବିଜେପି ନେତା ଓ କର୍ମିଙ୍କ ମହଲରେ ବେଶ ଆଲୋଚନା ହେବାରେ ଲାଗିଛି। ଏପରି କ୍ଷେତ୍ରରେ ସମ୍ବଲପୁରରୁ ଧର୍ମେନ୍ଦ୍ର କିପରି ଭୋଟରଙ୍କୁ ସମାନା କରିବେ ସେ ନେଇ ଉଠିଲାଣି ପ୍ରଶ୍ନ।
ମୋଦିଙ୍କ ଦୀର୍ଘ ଭାଷଣରେ କେବଳ କେନ୍ଦ୍ର ସରକାର ଓଡିଶା ପାଇଁ କଣ କରିଛନ୍ତି, କେତେ ଅନୁଦାନ ଦେଇଛନ୍ତି ତାହାର କେବଳ ହିସାବ ଦେଇଥିଲେ। ଏପରିକି କଂଗ୍ରେସ ସରକାର ବେଳେ ଓଡିଶାର ସ୍ଥିତି କିପରି ଖରାପ ଥିଲା ତାହା ସେ କହିଥିଲେ। ତାଙ୍କର ଏହି ଭାଷଣରେ ସେ କେବେଳ କଂଗ୍ରେସକୁ ହି ସମାଲୋଚନା କରିଥିଲେ। ହେଲେ ବିଜେଡି ସରକାରଙ୍କ ନାଁ ନେଇ ନ ଥିଲେ।
ଆଇଆଇଏମ କାର୍ଯ୍ୟକ୍ରମରେ ମୋଦି ତାଙ୍କର ଭାଷଣ ଆରମ୍ଭ ବେଳେ ନବୀନ ପଟ୍ଟନାୟକଙ୍କୁ ‘ମୋର ମିତ୍ର’ ବୋଲି ସମ୍ବୋଧିତ କରିଥିଲେ। ସେହି ସଭାରେ ନବୀନ ମଧ୍ୟ ମୋଦିଙ୍କୁ ପ୍ରଶଂସା କରିଥିଲେ। ଏପରି ସଂପର୍କ ଭିତରେ ବର୍ତ୍ତମାନ ଆଗାମୀ ନିର୍ବାଚନ ବିଜେପି କିପରି ରାଜ୍ୟରେ ଲଢିବ ବୋଲି ସାଧାରଣରେ ସନ୍ଦେହ ସୃଷ୍ଟି ହେଲାଣି। ସାଧାରଣ ଲୋକେ ଏହା ଅନୁଭବ କଲେଣି ଯେ, ଦେଶରେ ମୋଦି ରାଜ୍ୟରେ ନବୀନ।
ସମ୍ବଲପୁର: ଆଇଆଇଏମ ସମ୍ବଲପୁରର ନୂଆ କ୍ୟାମ୍ପସର ଲୋକାର୍ପଣ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଏହି ଉଦଘାଟନରେ ରାଜ୍ୟପାଳ ରଘୁବର ଦାସ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଅଶ୍ୱିନୀ ବୈଷ୍ଣବ ଏବଂ ବିଶେଶ୍ବର ଟୁଡୁ ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଅଛନ୍ତି।
ପ୍ରଧାନମନ୍ତ୍ରୀ ଉଦଘାଟନ କରିବା ପରେ ସେ ନୂଆ କ୍ୟାମ୍ପସ ବୁଲି ଦେଖିଥିଲେ। ଆଇଆଇଏମ ନିର୍ଦ୍ଦେଶକ ପ୍ରଧାନମନ୍ତ୍ରୀଙ୍କୁ ବିଭିନ୍ନ ପ୍ରକଳ୍ପକୁ ବୁଲି ଦେଖାଇଥିଲେ। ଏହାପରେ ଏକ ସାଧାରଣ ସଭାରେ ସେ ଭାଗ ନେଇଛନ୍ତି। ଏଥିରେ ସ୍ଥାନୀୟ ସାଂସଦ, ବିଧାୟକ ପ୍ରମୁଖ ଉପସ୍ଥିତ ରହିଛନ୍ତି।
ସମ୍ବଲପୁର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିର୍ଦ୍ଧାରିତ ସମୟରେ ଓଡିଶାରେ ପହଞ୍ଚିଛନ୍ତି। ସେ ନୂଆଦିଲ୍ଲୀରୁ ଏକ ସ୍ବତନ୍ତ୍ର ବିମାନରେ ଆସି ଝାରସୁଗୁଡାରେ ପହଞ୍ଚିଛନ୍ତି। ସେଠାରେ ତାଙ୍କୁ ସାଂସଦ ସୁରେଶ ପୂଜାରୀ, ବିଧାୟକ ସାରଦା ନାୟକ ଏବଂ ବରିଷ୍ଠ ଅଧିକାରୀ ସ୍ବାଗତ କରିିଥିଲେ।
ଏହାପରେ ସେଠାରୁ ମୋଦି ସ୍ବତନ୍ତ୍ର ହେଲିକାପ୍ଟରରେ ସମ୍ବଲପୁରରେ ପହଞ୍ଚିଛନ୍ତି। ସେଠାରେ ଆଇଆଇଏମ ସରକାରୀ କାର୍ଯ୍ୟକ୍ରମରେ ଯୋଗଦେବେ। ଏହାପରେ ସେ ଦଳୀୟ କାର୍ଯ୍ୟକ୍ରମରେ ଯୋଗ ଦେଇ ଉଦବୋଧନ ଦେବେ। ସେଠାରେ ସେ ଆସନ୍ତା ନିର୍ବାଚନ ପାଇଁ ବିଗୁଲ ଫୁଙ୍କିବେ ବୋଲି ଅନୁମାନ କରାଯାଇଛି।
ଭୁବନେଶ୍ବର: ଏବେ ଝାରସୁଗୁଡାରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ଏକ ସ୍ବତନ୍ତ୍ର ବିମାନରେ ସେ ଝାରସୁଗୁଡାରେ ପହଞ୍ଚିଛନ୍ତି। ସେଠାରେ ସେ ଏକ ସ୍ବତନ୍ତ୍ର ହେଲିକାପ୍ଟରରେ ସମ୍ବଲପୁରରେ ପହଞ୍ଚିବେ।
ଏ ନେଇ ପ୍ରଧାନମନ୍ତ୍ରୀ ତାଙ୍କ ସାମାଜିକ ଗଣମାଧ୍ୟମରେ ଉଲ୍ଲେଖ କରିଛନ୍ତି। ସେ ଲେଖିଛନ୍ତି ଯେ, On the way to Sambalpur, Odisha. I look forward to being among the people there. It is a matter of immense joy that development works worth over Rs. 68,000 crore will be inaugurated or their foundation stones would be laid. These works are linked to the energy, coal, connectivity, railways and more. The permanent campus of IIM-Sambalpur will also be inaugurated, which will improve educational infrastructure as well.
ଝାରସୁଗୁଡା ବିମାନ ବନ୍ଦରରେ ତାଙ୍କୁ ସ୍ବାଗତ କରିବା ପାଇଁ ଅଛନ୍ତି ବରଗଡ ବିଜେପି ସାଂସଦ ସୁରେଶ ପୂଜାରୀ ଏବଂ ବିଜେଡି ବିଧାୟକ ସାରଦା ନାୟକ।