ନୂଆଦିଲ୍ଲୀ: ବିଜେପି ବିଧାୟକ ତଥା ପୂର୍ବତନ କେନ୍ଦ୍ର ମନ୍ତ୍ରୀ ନାରାୟଣ ରାଣେଙ୍କ ପୁଅ ନୀତୀଶ ରାଣେ ପୁଣି ଥରେ ବିବାଦୀୟ ବିବୃତ୍ତି ଦେଇଛନ୍ତି। ଗୁରୁବାର ଦିନ ମହାରାଷ୍ଟ୍ରର ସାଙ୍ଗଲିରେ ସେ କହିଛନ୍ତି ଯେ, ପୋଲିସକୁ ୨୪ ଘଣ୍ଟା ଛୁଟିରେ ପଠାଇଦିଅ, ହିନ୍ଦୁମାନେ ନିଜର ଶକ୍ତି ପ୍ରଦର୍ଶନ କରିବେ।
ଅସଦୁଦ୍ଦିନ ଓୱାଇସିଙ୍କ ପାର୍ଟି ଏଆଇଏମ୍ଆଇଏମ୍ ର ନେତା ୱାରିସ୍ ପଠାନ୍ ତାଙ୍କ ବିବୃତ୍ତି ଉପରେ ତୀବ୍ର ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ଜେ, କୁକୁରମାନେ ଭୁକିବାରେ ଲାଗନ୍ତି, ସିଂହମାନେ ଏଥିପ୍ରତି ଦୃଷ୍ଟି ଦିଅନ୍ତି ନାହିଁ। ନୀତୀଶ ରାଣେ କହିଛନ୍ତି ଯେ, ୨୪ ଘଣ୍ଟା ପାଇଁ ପୋଲିସ ହଟାଇଦିଅ, ତାହେଲେ ଆପଣ କଣ କରିବେ? ଯଦି ମୁଁ ଏହି କଥା କହିଥାନ୍ତି, ତେବେ ମୁଁ ବର୍ତ୍ତମାନ ଜେଲରେ ଥା’ନ୍ତି।
ୱାରିସ୍ ପଠାନ୍ କହିଛନ୍ତି ଯେ, ”ମସଜିଦ ଭିତରକୁ ପଶି ମୁସଲମାନମାନଙ୍କୁ ହତ୍ୟା କରିବେ ବୋଲି ନୀତେଶ ରାଣେ କହିଛନ୍ତି, ଆରେ ପ୍ରଥମେ ତ ନିଜ ଦୁଇ ଗୋଡ଼ରେ ଆସ, ଏବଂ ଗଲାବେଳେ ଷ୍ଟ୍ରେଚରରେ ଯିବ। ନିର୍ବାଚନ ସମୟରେ ବିଜେପି ମହାରାଷ୍ଟ୍ରରେ ଦଙ୍ଗା ସୃଷ୍ଟି କରିବାକୁ ଚାହୁଁଛି ଏବଂ ଅନ୍ୟ କିଛି ନୁହେଁ।”
ଏହାପୂର୍ବରୁ ସେପ୍ଟେମ୍ବର ୧ ତାରିଖରେ ଅହମ୍ମଦନଗରରେ ସକଲ ହିନ୍ଦୁ ସମାଜ ଆନ୍ଦୋଳନ ସମୟରେ ନୀତୀଶ ରାଣେ କହିଥିଲେ ଯେ, ଯେଉଁ ଭାଷାରେ ତୁମେ ବୁଝୁଛ, ସେହି ଭାଷାରେ ତୁମକୁ ଚେତାବନୀ ଦେଇ ଯାଉଛି। ଯଦି ତୁମେ ଆମର ରାମଗିରି ମହାରାଜା ବିରୁଦ୍ଧରେ କିଛି କର, ତେବେ ମସଜିଦ ଭିତରକୁ ପଶି ତୁମକୁ ଖୋଜି ଖୋଜି ହତ୍ୟା କରିବୁ, ଏହା ଧ୍ୟାନରେ ରଖିଥାଅ।
ରାଣେଙ୍କ ଏହି ବିବୃତ୍ତି ମହାରାଷ୍ଟ୍ରରେ ଅନେକ ରାଜନୈତିକ ଉତ୍ତେଜନା ସୃଷ୍ଟି କରିଥିଲା। ଏହି ମାମଲାରେ ମହାରାଷ୍ଟ୍ର ପୋଲିସ ଅଭିଯୋଗ ପରେ ଦୁଇଟି ଏଫଆଇଆର ପଞ୍ଜିକରଣ କରିଥିଲା।