Tag: narendra modi

Categories
ଆଜିର ଖବର ଜାତୀୟ ଖବର

ଆଜି ପରାକ୍ରମ ଦିବସ ଅବସରରେ ଛାତ୍ରଛାତ୍ରୀଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ

ନୂଆଦିଲ୍ଲୀ: ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ସଂସଦର ସେଣ୍ଟ୍ରାଲ ହଲରେ ଯୁବ ବନ୍ଧୁମାନଙ୍କ ସହ ଆଲୋଚନା କରିଛନ୍ତି। ୨୦୪୭ ସୁଦ୍ଧା ଦେଶର ଲକ୍ଷ୍ୟ କ’ଣ ବୋଲି ପ୍ରଧାନମନ୍ତ୍ରୀ ଛାତ୍ରଛାତ୍ରୀମାନଙ୍କୁ ପଚାରିଥିଲେ, ଯାହାର ଉତ୍ତରରେ ଜଣେ ଛାତ୍ର ପୂର୍ଣ୍ଣ ଆତ୍ମବିଶ୍ୱାସର ସହ କହିଥିଲେ ଯେ ଭାରତକୁ ଏକ ବିକଶିତ ରାଷ୍ଟ୍ର (ବିକଶିତ ଭାରତ)ରେ ପରିଣତ କରିବାକୁ ପଡ଼ିବ। ଯେତେବେଳେ ପ୍ରଧାନମନ୍ତ୍ରୀଙ୍କୁ ପଚରାଯାଇଥିଲା ଯେ କେବଳ ୨୦୪୭ ପର୍ଯ୍ୟନ୍ତ କାହିଁକି, ଅନ୍ୟ ଜଣେ ଛାତ୍ର ଉତ୍ତର ଦେଇଥିଲେ ଯେ ଯେତେବେଳେ ଭାରତ ଏହାର ସ୍ୱାଧୀନତାର ଶତବାର୍ଷିକୀ ପାଳନ କରିବ, ଆମର ବର୍ତ୍ତମାନର ପିଢ଼ି ଦେଶର ସେବା କରିବାକୁ ପ୍ରସ୍ତୁତ ରହିବେ।

ଏହି ଦିବସର ମହତ୍ତ୍ୱ ସମ୍ପର୍କରେ ଶ୍ରୀ ମୋଦୀ ଛାତ୍ରଛାତ୍ରୀମାନଙ୍କୁ ପଚାରିବାରୁ ସେମାନେ କହିଥିଲେ ଯେ ଆଜି ଓଡ଼ିଶାର କଟକରେ ଜନ୍ମଗ୍ରହଣ କରିଥିବା ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମତିଥି। ନେତାଜୀ ବୋଷଙ୍କ ଜୟନ୍ତୀ ଉପଲକ୍ଷେ କଟକରେ ଏକ ଭବ୍ୟ କାର୍ଯ୍ୟକ୍ରମର ଆୟୋଜନ କରାଯାଉଛି। ଏହାପରେ ସେ ଅନ୍ୟ ଜଣେ ଛାତ୍ରଙ୍କୁ ପଚାରିଥିଲେ ଯେ ନେତାଜୀଙ୍କ ସ୍ଲୋଗାନ ମଧ୍ୟରୁ କେଉଁଟି ତାଙ୍କୁ ସବୁଠାରୁ ଅଧିକ ପ୍ରେରଣା ଦେଉଛି, ଯାହାର ଉତ୍ତରରେ ସେ କହିଥିଲେ, “ମୋତେ ରକ୍ତ ଦିଅ ଏବଂ ମୁଁ ତୁମକୁ ସ୍ୱାଧୀନତା ଦେବି”। ନେତାଜୀ ବୋଷ ନିଜ ଦେଶକୁ ସର୍ବଦା ଆଗରେ ରଖି ପ୍ରକୃତ ନେତୃତ୍ୱ ପ୍ରଦର୍ଶନ କରୁଥିଲେ ଏବଂ ଏହି ସମର୍ପଣ ଆମକୁ ବହୁତ ପ୍ରେରଣା ଦେଇଛି। ଏହାପରେ ପ୍ରଧାନମନ୍ତ୍ରୀ ପଚାରିଥିଲେ ଯେ ସେ ଏଥିରୁ କ’ଣ ପ୍ରେରଣା ପାଇଛନ୍ତି, ଯାହାର ଉତ୍ତରରେ ଛାତ୍ରୀ ଜଣକ କହିଥିଲେ ଯେ ସେ ନିରନ୍ତର ବିକାଶ ଲକ୍ଷ୍ୟ (ଏସଡିଜି)ର ଏକ ଅଂଶ ସ୍ୱରୂପ ଦେଶରେ କାର୍ବନ ନିର୍ଗମନ ହ୍ରାସ କରିବାକୁ ପ୍ରେରିତ ହୋଇଛନ୍ତି। ଏହାପରେ ପ୍ରଧାନମନ୍ତ୍ରୀ ଛାତ୍ରଛାତ୍ରୀମାନଙ୍କୁ ପଚାରିଥିଲେ ଯେ କାର୍ବନ ନିର୍ଗମନ ହ୍ରାସ କରିବା ପାଇଁ ଭାରତରେ କ’ଣ ପଦକ୍ଷେପ ନିଆଯାଇଛି, ଯାହାର ଉତ୍ତରରେ ସେ କହିଥିଲେ ଯେ ଇଲେକ୍ଟ୍ରିକ୍ ଯାନ ଏବଂ ବସ୍ ଆରମ୍ଭ ହୋଇଛି। କେନ୍ଦ୍ର ସରକାରଙ୍କ ଦ୍ୱାରା ଯୋଗାଇ ଦିଆଯାଇଥିବା ୧,୨୦୦ରୁ ଅଧିକ ଇଲେକ୍ଟ୍ରିକ୍ ବସ୍ ଦିଲ୍ଲୀରେ ଚାଲୁଛି ଏବଂ ଭବିଷ୍ୟତରେ ଆହୁରି ଅଧିକ ଯୋଡ଼ାଯିବ ବୋଲି ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଥିଲେ ।

ଜଳବାୟୁ ପରିବର୍ତ୍ତନର ମୁକାବିଲା ପାଇଁ ପ୍ରଧାନମନ୍ତ୍ରୀ ସୂର୍ଯ୍ୟଘର ଯୋଜନା ବିଷୟରେ ପ୍ରଧାନମନ୍ତ୍ରୀ ଛାତ୍ରଛାତ୍ରୀମାନଙ୍କୁ କହିଥିଲେ । ଏହି ଯୋଜନାଦ୍ୱାରା ଘରର ଛାତ ଉପରେ ସୋଲାର ପ୍ୟାନେଲ ଲଗାଯାଉଛି, ଯାହା ସୌର ଶକ୍ତିରୁ ବିଜୁଳି ଉତ୍ପାଦନ କରିବ । ଏହାଦ୍ୱାରା ବିଦ୍ୟୁତ ବିଲ୍ ପୈଠ କରିବାର ଆବଶ୍ୟକତା ଦୂର ହେବ। ସେ କହିଛନ୍ତି ଯେ ଉତ୍ପାଦିତ ବିଦ୍ୟୁତ୍ କୁ ଇଲେକ୍ଟ୍ରିକ୍ ଯାନ ଚାର୍ଜ କରିବା ପାଇଁ ବ୍ୟବହାର କରାଯାଇପାରିବ, ଯାହାଦ୍ୱାରା ଜୀବାଶ୍ମ ଇନ୍ଧନ ଉପରେ ଖର୍ଚ୍ଚ ହ୍ରାସ ପାଇବ ଏବଂ ପ୍ରଦୂଷଣକୁ ରୋକାଯାଇପାରିବ। ଘରୋଇ ବ୍ୟବହାର ପରେ ଘରେ ଉତ୍ପାଦିତ ହେଉଥିବା ଅତିରିକ୍ତ ବିଜୁଳିକୁ ସରକାରଙ୍କୁ ବିକ୍ରି କରାଯାଇପାରିବ। ପ୍ରତିବଦଳରେ ସେମାନେ ପାଣ୍ଠି ପ୍ରଦାନ କରିବେ ବୋଲି ଶ୍ରୀ ମୋଦୀ ଛାତ୍ରଛାତ୍ରୀମାନଙ୍କୁ କହିଥିଲେ। ଅର୍ଥାତ୍ ଆପଣ ଘରେ ବସି ବିଜୁଳି ଉତ୍ପାଦନ କରି ବିକ୍ରି କରିପାରିବେ।

Categories
ଆଜିର ଖବର ଜାତୀୟ ଖବର

ନେତାଜୀଙ୍କ ଆଦର୍ଶ ଏବଂ ଭାରତର ସ୍ୱାଧୀନତା ପ୍ରତି ଅତୁଟ ସମର୍ପଣ ଆମକୁ ପ୍ରେରଣା ଦେଇଥାଏ: ପ୍ରଧାନମନ୍ତ୍ରୀ

ନୂଆଦିଲ୍ଲୀ: ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ଉପଲକ୍ଷେ ପାଳନ ହେଉଥିବା ପରାକ୍ରମ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଏକ ଭିଡିଓ ବାର୍ତ୍ତା ମାଧ୍ୟମରେ ଦେଶବାସୀଙ୍କୁ ସମ୍ବୋଧନ କରିଛନ୍ତି। ଏହି ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇ ପ୍ରଧାନମନ୍ତ୍ରୀ କହିଥିଲେ ଯେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ଅବସରରେ ଆଜି ସମଗ୍ର ଦେଶ ତାଙ୍କୁ ସ୍ମରଣ କରୁଛି। ନେତାଜୀ ସୁଭାଷ ବୋଷଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ଶ୍ରୀ ମୋଦୀ କହିଥିଲେ, ଚଳିତ ବର୍ଷ ତାଙ୍କ ଜନ୍ମସ୍ଥାନ ଓଡ଼ିଶାରେ ପରାକ୍ରମ ଦିବସ ପାଳନ କରାଯାଉଛି। ଏହି ଅବସରରେ ସେ ଓଡ଼ିଶାବାସୀ ଓ ସରକାରଙ୍କୁ ଅଭିନନ୍ଦନ ଜଣାଇଥିଲେ। ପ୍ରଧାନମନ୍ତ୍ରୀ କହିଥିଲେ ଯେ ନେତାଜୀଙ୍କ ଜୀବନର ଐତିହ୍ୟ ଉପରେ ଓଡ଼ିଶାର କଟକରେ ଏକ ବିଶାଳ ପ୍ରଦର୍ଶନୀ ଆୟୋଜନ କରାଯାଉଛି । ସେ ଆହୁରି ମଧ୍ୟ କହିଥିଲେ ଯେ ଏହି ପ୍ରଦର୍ଶନୀରେ ଅନେକ କଳାକାର ନେତାଜୀଙ୍କ ଜୀବନ ସହ ଜଡ଼ିତ ଘଟଣାବଳୀକୁ କ୍ୟାନଭାସରେ ଚିତ୍ରଣ କରିଛନ୍ତି। ନେତାଜୀଙ୍କ ଉପରେ ଅନେକ ପୁସ୍ତକ ମଧ୍ୟ ସଂଗ୍ରହ କରାଯାଇଛି ବୋଲି ସେ କହିଥିଲେ। ନେତାଜୀଙ୍କ ଜୀବନ ଯାତ୍ରାର ଏହି ସବୁ ଐତିହ୍ୟ ମୋର ଯୁବ ଭାରତକୁ ଏକ ନୂତନ ଶକ୍ତି ପ୍ରଦାନ କରିବ ବୋଲି ଶ୍ରୀ ମୋଦୀ ବିଶ୍ୱାସ ବ୍ୟକ୍ତ କରିଥିଲେ।

ବିକଶିତ ଭାରତର ସଂକଳ୍ପ ହାସଲ କରିବା ପାଇଁ ଆମେ ପ୍ରୟାସ କରୁଥିବା ବେଳେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୀବନୀ ଆମକୁ ପ୍ରେରଣା ଯୋଗାଇବ। ସେ କହିଛନ୍ତି ଯେ ନେତାଜୀ ସୁଭାଷ ବୋଷଙ୍କର ସବୁଠାରୁ ବଡ ଏବଂ ଗୁରୁତ୍ୱପୂର୍ଣ୍ଣ ଲକ୍ଷ୍ୟ ଥିଲା ଆଜାଦ ହିନ୍ଦ୍। ଶ୍ରୀ ମୋଦୀ କହିଥିଲେ ଯେ ଏହି ସଂକଳ୍ପ ହାସଲ କରିବା ପାଇଁ ସେ ଗୋଟିଏ ମାନଦଣ୍ଡ ଉପରେ ଅଟଳ ରହିଥିଲେ- ଆଜାଦ ହିନ୍ଦ । ନେତାଜୀ ଏକ ସମୃଦ୍ଧ ପରିବାରରେ ଜନ୍ମଗ୍ରହଣ କରିଥିଲେ ଏବଂ ସିଭିଲ୍ ସର୍ଭିସ୍ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ସେ ବ୍ରିଟିଶ ସରକାରଙ୍କ ଜଣେ ବରିଷ୍ଠ ଅଧିକାରୀ ହୋଇ ଆରାମଦାୟକ ଜୀବନ ଯାପନ କରିପାରିଥାନ୍ତେ। କିନ୍ତୁ ନେତାଜୀ କଠିନ ରାସ୍ତାଟି ବାଛିଥିଲେ ଓ ସ୍ୱାଧୀନତା ପ୍ରାପ୍ତି ପାଇଁ ଭାରତ ଓ ଅନ୍ୟାନ୍ୟ ଦେଶ ଘୁରିବୁଲୁଥିଲେ । ନେତାଜୀ ସୁଭାଷ ଆରାମଦାୟକ ଜୀବନରେ ବାନ୍ଧି ହୋଇନଥିଲେ। ଏକ ବିକଶିତ ଭାରତ ଗଠନ ପାଇଁ ଆଜି ଆମେ ସମସ୍ତେ ଆମର ଆରାମଦାୟକ ଜୀବନରୁ ବାହାରକୁ ବାହାରିବା ଦରକାର ବୋଲି ପ୍ରଧାନମନ୍ତ୍ରୀ ଅନୁରୋଧ କରିଥିଲେ। ବିଶ୍ୱସ୍ତରରେ ଶ୍ରେଷ୍ଠ ହେବା, ଉତ୍କର୍ଷତା ବାଛିବା ଏବଂ ଦକ୍ଷତା ଉପରେ ଧ୍ୟାନ ଦେବା ଉପରେ ସେ ଗୁରୁତ୍ୱାରୋପ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ନେତାଜୀ ଦେଶର ସ୍ୱାଧୀନତା ପାଇଁ ଆଜାଦ ହିନ୍ଦ ଫୌଜ ଗଠନ କରିଥିଲେ, ଯେଉଁଥିରେ ପ୍ରତ୍ୟେକ ଅଞ୍ଚଳ ଏବଂ ବର୍ଗର ବୀର ପୁରୁଷ ଏବଂ ମହିଳାଙ୍କୁ ସାମିଲ କରିଥିଲେ । ଭିନ୍ନ ଭିନ୍ନ ଭାଷା ଥିଲେ ମଧ୍ୟ ସେମାନଙ୍କ ଏକ ସାଧାରଣ ଲକ୍ଷ୍ୟ ଥିଲା ଦେଶକୁ ସ୍ବାଧୀନ କରିବା । ଆଜିର ବିକଶିତ ଭାରତ ପାଇଁ ଏହି ଏକତା ଏକ ଗୁରୁତ୍ୱପୂର୍ଣ୍ଣ ଶିକ୍ଷା ବୋଲି ସେ ଗୁରୁତ୍ୱାରୋପ କରିଥିଲେ। ସ୍ୱରାଜ ପାଇଁ ଯେମିତି ଏକତା ଜରୁରୀ ଥିଲା, ଆଜିର ବିକଶିତ ଭାରତ ପାଇଁ ମଧ୍ୟ ଏକତା ଜରୁରୀ ବୋଲି ସେ କହିଥିଲେ। ବିଶ୍ୱ ସ୍ତରରେ ଭାରତର ପ୍ରଗତି ପାଇଁ ଅନୁକୂଳ ବାତାବରଣ ଉପରେ ଆଲୋକପାତ କରି ପ୍ରଧାନମନ୍ତ୍ରୀ କହିଥିଲେ ଯେ ଭାରତ କିପରି ଏକବିଂଶ ଶତାବ୍ଦୀରେ ଆଗେଇଚାଲିଛି ତାହା ଉପରେ ସାରା ବିଶ୍ୱ ନଜର ରଖିଛି । ନେତାଜୀ ସୁଭାଷଙ୍କଠାରୁ ପ୍ରେରଣା ନେଇ ଭାରତର ଏକତା ଉପରେ ଧ୍ୟାନ ଦେବା ଉପରେ ସେ ଗୁରୁତ୍ୱାରୋପ କରିଥିଲେ । ଆହୁରିମଧ୍ୟ ଯେଉଁମାନେ ଦେଶକୁ ଦୁର୍ବଳ କରିବାକୁ ଚେଷ୍ଟା କରୁଛନ୍ତି ଏବଂ ଏହାର ଏକତା ନଷ୍ଟ କରିବାକୁ ଚେଷ୍ଟା କରୁଛନ୍ତି ସେମାନଙ୍କ ପ୍ରତି ସତର୍କ ହେବା ଲାଗି ସେ ଚେତାଇ ଦେଇଥିଲେ ।

ଶ୍ରୀ ମୋଦୀ କହିଥିଲେ ଯେ ନେତାଜୀ ସୁଭାଷ ଭାରତର ଐତିହ୍ୟକୁ ନେଇ ଗର୍ବିତ ଥିଲେ ଏବଂ ଭାରତର ସମୃଦ୍ଧ ଗଣତାନ୍ତ୍ରିକ ଇତିହାସ ବିଷୟରେ ବାରମ୍ବାର କହୁଥିଲେ ଏବଂ ଏଥିରୁ ପ୍ରେରଣା ନେବାକୁ ଲୋକଙ୍କୁ ଉତ୍ସାହିତ କରିଥିଲେ । ସେ ଆଲୋକପାତ କରିଥିଲେ ଯେ ଆଜି ଭାରତ ଔପନିବେଶିକ ମାନସିକତାରୁ ଉପରକୁ ଉଠୁଛି ଏବଂ ଏହାର ଐତିହ୍ୟ ଉପରେ ଗର୍ବର ସହ ବିକାଶ କରିଚାଲିଛି । ଆଜାଦ ହିନ୍ଦ ସରକାରଙ୍କ ୭୫ତମ ବାର୍ଷିକୀ ଅବସରରେ ଲାଲକିଲ୍ଲାରେ ତ୍ରିରଙ୍ଗା ଉତ୍ତୋଳନ କରିବା ଗର୍ବର ବିଷୟ ବୋଲି ପ୍ରକାଶ କରି ପ୍ରଧାନମନ୍ତ୍ରୀ କହିଥିଲେ ଯେ ଏହା ଏକ ଅବିସ୍ମରଣୀୟ ଐତିହାସିକ ଅବସର ଥିଲା । ନେତାଜୀଙ୍କ ପରମ୍ପରାରେ ଅନୁପ୍ରାଣିତ ହୋଇ ସରକାର ୨୦୧୯ରେ ଦିଲ୍ଲୀର ଲାଲକିଲ୍ଲାଠାରେ ନେତାଜୀ ସୁଭାଷଙ୍କୁ ସମର୍ପିତ ଏକ ସଂଗ୍ରହାଳୟ ପ୍ରତିଷ୍ଠା କରିଥିଲେ ଏବଂ ସେହି ବର୍ଷ ସୁଭାଷ ଚନ୍ଦ୍ର ବୋଷ ବିପର୍ଯ୍ୟୟ ପରିଚାଳନା ପୁରସ୍କାର ପ୍ରତିଷ୍ଠା କରିଥିଲେ। ୨୦୨୧ରେ ନେତାଜୀଙ୍କ ଜୟନ୍ତୀକୁ ପରାକ୍ରମ ଦିବସ ଭାବେ ପାଳନ କରିବାକୁ ସରକାର ନିଷ୍ପତ୍ତି ନେଇଥିଲେ। ” ଇଣ୍ଡିଆ ଗେଟ୍ ନିକଟରେ ନେତାଜୀଙ୍କ ଏକ ଭବ୍ୟ ପ୍ରତିମୂର୍ତ୍ତି ସ୍ଥାପନ, ଆଣ୍ଡାମାନର ଏକ ଦ୍ୱୀପକୁ ନେତାଜୀଙ୍କ ନାମରେ ନାମିତ କରିବା ଏବଂ ସାଧାରଣତନ୍ତ୍ର ଦିବସ ପରେଡ୍ରେ ଆଇଏନଏ ସୈନିକମାନଙ୍କୁ ସଲାମ କରିବା ତାଙ୍କ ପରମ୍ପରାକୁ ସମ୍ମାନ ଦେବା ପାଇଁ ସରକାରଙ୍କ ପ୍ରତିବଦ୍ଧତାର ପ୍ରତୀକ ବୋଲି ସେ କହିଥିଲେ।

ସେ କହିଛନ୍ତି ଯେ, ବିଗତ ୧୦ ବର୍ଷ ମଧ୍ୟରେ ଦେଶ ଦେଖାଇଦେଇଛି ଯେ ଦ୍ରୁତ ବିକାଶ ସାଧାରଣ ଲୋକଙ୍କ ଜୀବନକୁ ସହଜ କରିବା ସହ ସାମରିକ ଶକ୍ତି ମଧ୍ୟ ବଢ଼ାଇଥାଏ। ଗତ ଦଶନ୍ଧି ମଧ୍ୟରେ ୨୫୦ ନିୟୁତ ଭାରତୀୟଙ୍କୁ ଦାରିଦ୍ର୍ୟରୁ ମୁକ୍ତ କରାଯାଇଛି, ଯାହା ଏକ ବଡ଼ ସଫଳତା ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀ କହିଥିଲେ ଯେ ଗାଁ ହେଉ କି ସହର ସବୁଠି ଆଧୁନିକ ଭିତ୍ତିଭୂମି ନିର୍ମାଣ କରାଯାଉଛି। ଭାରତୀୟ ସେନାର ଶକ୍ତିରେ ଅଭୂତପୂର୍ବ ବୃଦ୍ଧି ଏବଂ ବିଶ୍ୱ ମଞ୍ଚରେ ଭାରତର ବଢୁଥିବା ଭୂମିକା ଉପରେ ସେ ଗୁରୁତ୍ୱାରୋପ କରିଥିଲେ। ପ୍ରଧାନମନ୍ତ୍ରୀ ବିଶ୍ୱାସ ବ୍ୟକ୍ତ କରିଥିଲେ ଯେ ସେହି ଦିନ ଦୂର ନୁହେଁ ଯେତେବେଳେ ଭାରତ ବିଶ୍ୱର ତୃତୀୟ ବୃହତ୍ତମ ଅର୍ଥନୈତିକ ଶକ୍ତିରେ ପରିଣତ ହେବ। ନେତାଜୀ ସୁଭାଷଙ୍କ ଦ୍ୱାରା ଅନୁପ୍ରାଣିତ ହୋଇ ଗୋଟିଏ ଲକ୍ଷ୍ୟ, ଗୋଟିଏ ଉଦ୍ଦେଶ୍ୟ ନେଇ ଏକ ବିକଶିତ ଭାରତ ପାଇଁ କାର୍ଯ୍ୟ ଜାରି ରଖିବାକୁ ସେ ସମସ୍ତଙ୍କୁ ଅନୁରୋଧ କରିବା ସହ ଏହା ହିଁ ନେତାଜୀଙ୍କ ପ୍ରତି ପ୍ରକୃତ ଶ୍ରଦ୍ଧାଞ୍ଜଳି ହେବ ବୋଲି କହିଥିଲେ। ପ୍ରଧାନମନ୍ତ୍ରୀ ସମସ୍ତଙ୍କୁ ଶୁଭେଚ୍ଛା ଜଣାଇଛନ୍ତି।

Categories
ଆଜିର ଖବର ଜାତୀୟ ଖବର

ଗୋଧ୍ରା ଦଙ୍ଗା ଘଟଣାରେ ପ୍ରଧାନମନ୍ତ୍ରୀ ମୋଦୀ ଦେଲେ ଖୋଲା ଉତ୍ତର, ଜାଣନ୍ତୁ କଣ କହିଲେ?

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରଥମ ପୋଡକାଷ୍ଟ ଶୁକ୍ରବାର ଦିନ ପ୍ରସାରିତ ହୋଇଥିଲା। ସେ ଜେରୋଢା ସହ-ପ୍ରତିଷ୍ଠାତା ନିଖିଲ କାମଥଙ୍କ ୟୁଟ୍ୟୁବ ଚ୍ୟାନେଲରେ ଏହି ପୋଡକାଷ୍ଟ କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ 2002 ର ଗୋଧ୍ରା ଦଙ୍ଗା ଏବଂ 2005 ରେ ଆମେରିକା ଭିସା ମନା କରିବା ସହିତ ଅନେକ ବିବାଦୀୟ ପ୍ରସଙ୍ଗରେ କହିଥିଲେ।

ଗୋଧ୍ରା ଘଟଣା ଏବଂ ଲୋକଙ୍କ ମୃତ୍ୟୁକୁ ମନେ ପକାଇ ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, ସେହି ଯନ୍ତ୍ରଣାଦାୟକ ଦୃଶ୍ୟ ଦେଖିବା ପରେ ମୁଁ ସବୁକିଛି ଅନୁଭବ କଲି। କିନ୍ତୁ ମୋର ଭାବନାକୁ ନିୟନ୍ତ୍ରଣ କରିବା ପାଇଁ ମୁଁ ସମସ୍ତ ପ୍ରକାର ଚେଷ୍ଟା କଲି, କାରଣ ମୁଁ ମୁଖ୍ୟମନ୍ତ୍ରୀ ଥିଲି।

ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ, “24 ଫେବୃଆରୀ 2002 ରେ ମୁଁ ପ୍ରଥମ ଥର ପାଇଁ ଜଣେ ବିଧାୟକ ହୋଇଥିଲି ଏବଂ 27 ଫେବୃଆରୀରେ ମୁଁ ବିଧାନସଭାକୁ ଯାଇଥିଲି। ଗୋଧ୍ରାଠାରେ ଏପରି ଘଟଣା ଘଟିବା ପରେ ମୁଁ ତିନି ଦିନି ପୁରୁଣା ବିଧାୟକ ଥିଲି। ପ୍ରଥମେ ଆମେ ଖବର ପାଇଥିଲୁ। ଟ୍ରେନରେ ନିଆଁ, ତାପରେ ଧୀରେ ଧୀରେ- ଆହତଙ୍କ ଖବର ପାଇବା ଆରମ୍ଭ କଲୁ। ମୁଁ ବାହାରକୁ ଆସିବା ମାତ୍ରେ କହିଲି, ମୁଁ ଗୋଧ୍ରା ଜୀବାକୁ ଚାହୁଁଛି। ସେଠାରେ କେବଳ ଗୋଟିଏ ହେଲିକପ୍ଟର ଥିଲା। ଏହା ONGC ରୁ ଆସିଥିଲା, କିନ୍ତୁ ସେମାନେ କହିଥିଲେ ଯେ, ଏହା ଏକ ଇଞ୍ଜିନ୍ ହେଲିକପ୍ଟର, ତେଣୁ ସେମାନେ ଏଥିରେ କୌଣସି VIP ଅନୁମତି ଦେଇ ପାରିବେ ନାହିଁ। ମୁଁ ସେମାନଙ୍କ ସହ ଯୁକ୍ତି କଲି, ଆଉ କହିଲି ଯେ, ଯାହା ବି କିଛି ହେବ, ସେଥିପାଇଁ ମୁଁ ଦାୟୀ ରହିବି।

“ମୁଁ ଗୋଧ୍ରା ପହଞ୍ଚିଲି ଏବଂ ମୁଁ ସେହି ଯନ୍ତ୍ରଣାଦାୟକ ଦୃଶ୍ୟ ଦେଖିଲି, ସେହି ମୃତ ଶରୀରଗୁଡିକୁ ଦେଖିଲି। ମୁଁ ସବୁକିଛି ଅନୁଭବ କଲି, କିନ୍ତୁ ମୁଁ ଜାଣିଥିଲି ଯେ ମୁଁ ଏପରି ପରିସ୍ଥିତିରେ ବସିଥିଲି ଯେଉଁଠାରେ ମୋତେ ମୋର ଭାବନା ଏବଂ ପ୍ରାକୃତିକ ପ୍ରବୃତ୍ତିଠାରୁ ଦୂରରେ ରହିବାକୁ ପଡ଼ିବ। ମୁଁ ନିଜକୁ ନିୟନ୍ତ୍ରଣ କରିବାକୁ ଯେତିକି ଚେଷ୍ଟା କରିବା କଥା କରିଥିଲି।

Categories
ଆଜିର ଖବର ଜାତୀୟ ଖବର

ପ୍ରଧାନମନ୍ତ୍ରୀଙ୍କୁ ଭେଟିଲେ ଚେସ୍ ଚାମ୍ପିଅନ କୋନେରୁ ହମ୍ପି

ନୂଆଦିଲ୍ଲୀ: ଚେସ୍ ଚାମ୍ପିଅନ୍ କୋନେରୁ ହମ୍ପି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିଛନ୍ତି। ଭାରତ ପାଇଁ ଗୌରବ ଆଣିଥିବାରୁ ପ୍ରଶଂସା କରି ଶ୍ରୀ ମୋଦୀ କହିଛନ୍ତି, ତାଙ୍କର ତୀକ୍ଷ୍ଣ ବୁଦ୍ଧିମତା ଏବଂ ଅତୁଟ ନିର୍ଣ୍ଣୟ କ୍ଷମତା ସ୍ପଷ୍ଟ ପ୍ରତୀୟମାନ।

ଏକ୍ସ ରେ କୋନେରୁ ହମ୍ପି କରିଥିବା ଏକ ପୋଷ୍ଟ ର ପ୍ରତିକ୍ରିୟାରେ ଶ୍ରୀ ମୋଦୀ ଲେଖିଛନ୍ତିି:

“କୋନେରୁ ହମ୍ପି ଏବଂ ତାଙ୍କ ପରିବାରକୁ ଭେଟି ଅତ୍ୟନ୍ତ ଖୁସି। ସେ କ୍ରୀଡ଼ା କ୍ଷେତ୍ରର ଆଇକନ୍ ଏବଂ ଆଶାୟୀ କ୍ରୀଡ଼ାବିତମାନଙ୍କ ପାଇଁ ପ୍ରେରଣାର ସ୍ରୋତ। ତାଙ୍କର ତୀକ୍ଷ୍ଣ ବୁଦ୍ଧିମତା ଏବଂ ଅତୁଟ ନିର୍ଣ୍ଣୟ କ୍ଷମତା ସ୍ପଷ୍ଟ ପ୍ରତୀୟମାନ। ସେ କେବଳ ଭାରତ ପାଇଁ ଗୌରବ ଆଣିଛନ୍ତି ତାହା ନୁହେଁ, ଉତ୍କର୍ଷତା କ’ଣ ତାହା ପ୍ରତିପାଦିତ କରିଛନ୍ତି।”

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ବାଇଡେନଙ୍କ ପତ୍ନୀଙ୍କୁ ସବୁଠାରୁ ମହଙ୍ଗା ହୀରା ଦେଇଥିଲେ ପିଏମ ମୋଦୀ, ମୂଲ୍ୟ ଜାଣିଲେ ହେବେ ଆଶ୍ଚର୍ଯ୍ୟ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ 2023 ମସିହାରେ ଆମେରିକାର ପ୍ରଥମ ଲେଡି ଜିଲ ବାଇଡେନଙ୍କୁ 17 ଲକ୍ଷ ଟଙ୍କା ମୂଲ୍ୟର ହୀରା ଉପହାର ଦେଇଥିଲେ। ସୂଚନା ଅନୁଯାୟୀ, ପିଏମ ମୋଦୀଙ୍କ ଏହି ଉପହାର 2023 ମସିହାରେ ଜିଲ ବାଇଡେନଙ୍କୁ ବିଦେଶୀ ନେତାଙ୍କଠାରୁ ମିଳିଥିବା ସବୁଠାରୁ ମହଙ୍ଗା ଉପହାର ଥିଲା।

2023 ମସିହାରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଏବଂ ତାଙ୍କ ପରିବାରକୁ ବିଶ୍ଵର ବହୁ ବିଦେଶୀ ନେତା ହଜାରେ ଡଲାର ମୂଲ୍ୟର ଉପହାର ପ୍ରଦାନ କରିଥିଲେ ଯେଉଁଥିରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଇଥିବା ଉପହାରର ମୂଲ୍ୟ 20 ହଜାର ଡଲାର ଅର୍ଥାତ୍ 17 ଲକ୍ଷ ଟଙ୍କା ଥିଲା।

ପିଏମ ମୋଦୀ ଦେଇଥିବା 7.5 କ୍ୟାରେଟ ହୀରା 2023 ମସିହାରେ ଜୋ ବାଇଡେନଙ୍କ ପରିବାରର କୌଣସି ସଦସ୍ୟ ଗ୍ରହଣ କରିଥିବା ସବୁଠାରୁ ମହଙ୍ଗା ଉପହାର ଥିଲା। ସ୍ୱରାଷ୍ଟ୍ର ବିଭାଗର ବାର୍ଷିକ ରିପୋର୍ଟ ଅନୁଯାୟୀ, ଆମେରିକାରେ ଥିବା ୟୁକ୍ରେନ ରାଷ୍ଟ୍ରଦୂତ ଜୋ ବାଇଡେନ ଏବଂ ତାଙ୍କ ପରିବାରକୁ 14,063 ଆମେରିକୀୟ ଡଲାର ମୂଲ୍ୟର ଏକ ବ୍ରୋଚ ଏବଂ ବ୍ରେସଲେଟ୍ ଉପହାର ଦେଇଛନ୍ତି। ଇଜିପ୍ଟର ରାଷ୍ଟ୍ରପତି ଏବଂ ପ୍ରଥମ ଲେଡି 4,510 ଆମେରିକୀୟ ଡଲାର ମୂଲ୍ୟର ଏକ ବ୍ରୋଚ୍ ଏବଂ ଫଟୋଗ୍ରାଫ୍ ଆଲବମ୍ ଉପହାର ଦେଇଛନ୍ତି।

ସ୍ୱରାଷ୍ଟ୍ର ବିଭାଗର ସୂଚନାନୁସାରେ, 20,000 ଡଲାର ମୂଲ୍ୟର ଏହି ହୀରାକୁ ସରକାରୀ ଉଦ୍ଦେଶ୍ୟରେ ହ୍ଵାଇଟ ହାଉସର ଇଷ୍ଟ ୱିଙ୍ଗରେ ରଖାଯାଇଛି। ଜୋ ବାଇଡେନ ଏବଂ ଜିଲ ବାଇଡେନଙ୍କ ଦ୍ୱାରା ପ୍ରାପ୍ତ ଅନ୍ୟାନ୍ୟ ଉପହାର ଅଭିଲେଖାଗାରକୁ ପଠାଯାଇଛି।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଭାରତୀୟମାନଙ୍କୁ ଏକ ବଡ ଉପହାର ଦେବେ ଭ୍ଲାଦିମିର ପୁଟିନ, ୨୦୨୫ରୁ ଋଷରେ ମାଗଣା ଭିସା ପ୍ରବେଶ!

ନୂଆଦିଲ୍ଲୀ: ଭାରତ ଏବଂ ଋଷ ମଧ୍ୟରେ ବନ୍ଧୁତ୍ୱପୂର୍ଣ୍ଣ ସମ୍ପର୍କ ଆଜି ସମଗ୍ର ବିଶ୍ୱରେ ଚର୍ଚ୍ଚାର ବିଷୟ ପାଲଟିଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ମଧ୍ୟରେ ଦୁଇ ଦେଶ ମଧ୍ୟରେ ସମ୍ପର୍କକୁ ପୂର୍ବ ଅପେକ୍ଷା ଭଲ ଏବଂ ମଜବୁତ କରିବା ପାଇଁ ଅନେକ ସମୟରେ ଆଲୋଚନା ହୋଇଥାଏ। ବର୍ତ୍ତମାନ ଋଷ ପୁଣି ଥରେ ବନ୍ଧୁତ୍ୱପୂର୍ଣ୍ଣ ସମ୍ପର୍କର ଏକ ଉଦାହରଣ ସୃଷ୍ଟି କରୁଛି ଏବଂ ଭାରତୀୟମାନଙ୍କୁ ଏକ ବଡ଼ ଉପହାର ଦେଉଛି। ୨୦୨୫ ମସିହାରେ ଭାରତୀୟମାନେ ଋଷକୁ ଭିସା ମୁକ୍ତ ଯାତ୍ରା କରିବାକୁ ସମର୍ଥ ହେବେ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଋଷର ନୂତନ ଭିସା ନିୟମ ଲାଗୁ ହେବା ପରେ ଭାରତୀୟମାନେ ବିନା ଭିସାରେ ଋଷ ଯାଇପାରିବେ। ଏହାପୂର୍ବରୁ ଜୁନ୍ ମାସରେ ଋଷ ଏବଂ ଭାରତ ପରସ୍ପର ପାଇଁ ଭିସା ପ୍ରତିବନ୍ଧକକୁ ହ୍ରାସ କରିବା ପାଇଁ ଦ୍ୱିପାକ୍ଷିକ ଚୁକ୍ତି ଉପରେ ଆଲୋଚନା କରିଥିବା ଖବର ପ୍ରକାଶ ପାଇଥିଲା। ଉଲ୍ଲେଖ ଯୋଗ୍ୟ ଯେ, ଅଗଷ୍ଟ ୨୦୨୩ ରୁ ରୁଷିଆ ଯାତ୍ରା କରିବାକୁ ଭାରତୀୟମାନେ ଇ-ଭିସା ପାଇଁ ଯୋଗ୍ୟ ଅଟନ୍ତି। ତେବେ ଇ-ଭିସା ଜାରି କରିବାକୁ ପ୍ରାୟ ଚାରି ଦିନ ସମୟ ଲାଗିଥାଏ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଗତ ବର୍ଷ ଜାରି ହୋଇଥିବା ଇ-ଭିସା ସଂଖ୍ୟା ଦୃଷ୍ଟିରୁ ଭାରତ ମଧ୍ୟ ଶ୍ରେଷ୍ଠ ପାଞ୍ଚଟି ଦେଶ ମଧ୍ୟରେ ସ୍ଥାନ ପାଇଛି। ଭାରତୀୟ ଯାତ୍ରୀମାନଙ୍କୁ ରୁଷ ୯,୫୦୦ ଇ-ଭିସା ଦେଇଛି।

ମୁଖ୍ୟତଃ ଭାରତୀୟମାନେ ବ୍ୟବସାୟ କିମ୍ବା ଯାତ୍ରା ପାଇଁ ଋଷକୁ ଯାଆନ୍ତି। ୨୦୨୩ ମସିହାରେ ୬୦ ହଜାରରୁ ଅଧିକ ଭାରତୀୟ ମସ୍କୋ ପରିଦର୍ଶନ କରିଥିଲେ, ଯାହା ୨୦୨୨ ତୁଳନାରେ ୨୬ ପ୍ରତିଶତ ଅଧିକ। ଅଣ-ସିଆଇଏସ୍ ଦେଶ ମଧ୍ୟରେ ଭାରତ ତୃତୀୟ ସ୍ଥାନରେ ଅଛି ଯେଉଁଠାରୁ ଅଧିକାଂଶ ଲୋକ ଋଷ ଯାତ୍ରା କରନ୍ତି। କେବଳ ୨୦୨୪ ର ପ୍ରଥମ ତ୍ରୟ ମାସରେ ପ୍ରାୟ ୧,୭୦୦ ଇ-ଭିସା ଦିଆଯାଇଥିଲା।

କେଉଁ ଦେଶରେ ବର୍ତ୍ତମାନ ଭିସା ମୁକ୍ତ ପ୍ରବେଶ ଅଛି?:

ଋଷ ବର୍ତ୍ତମାନ ଭିସା ମୁକ୍ତ ପର୍ଯ୍ୟଟନ ବିନିମୟ କାର୍ଯ୍ୟକ୍ରମ ମାଧ୍ୟମରେ ଚୀନ୍ ଏବଂ ଇରାନରୁ ଯାତ୍ରୀମାନଙ୍କୁ ଭିସାମୁକ୍ତ ପ୍ରବେଶ ଅନୁମତି ଦେଇଥାଏ। ବର୍ତ୍ତମାନ ଋଷ ମଧ୍ୟ ଭାରତ ସହିତ ଭିସା ମୁକ୍ତ ଯାତ୍ରା ଉପରେ ବିଚାର କରୁଛି।

ଭାରତ ଏବଂ ଋଷର ବନ୍ଧୁତା ଯୋଗୁଁ ଆମେରିକା କ୍ଷୁବ୍ଧ:

ଭାରତ ଏବଂ ଋଷର ବନ୍ଧୁତାକୁ ନେଇ ଆମେରିକା ସବୁବେଳେ କ୍ରୋଧିତ ହୁଏ। ନିକଟରେ ନିକ୍କି ହେଲି କହିଥିଲେ ଯେ, ଭାରତ ରୁଷ ସହିତ ଅଂଶୀଦାର କାରଣ ସେମାନେ ଆମେରିକାର ନେତୃତ୍ୱ ଉପରେ ବିଶ୍ୱାସ କରେ ନାହିଁ। ହେଲି କହିଛନ୍ତି ଯେ, “ଭାରତ ଆମ ସହ ଅଂଶୀଦାର ହେବାକୁ ଚାହୁଁଛି। ସେମାନେ ଋଷ ସହ ସହଭାଗୀ ହେବାକୁ ଚାହାଁନ୍ତି ନାହିଁ। ସମସ୍ୟା ହେଉଛି ଭାରତ ଆମକୁ ବିଶ୍ଵାସ କରେ ନାହିଁ। ସେମାନେ ଆମର ନେତୃତ୍ୱକୁ ବିଶ୍ଵାସ କରନ୍ତି ନାହିଁ। ସେମାନେ ଆମକୁ ଦୁର୍ବଳ ବୋଲି ଭାବନ୍ତି।”

Categories
ଅନ୍ତରାଷ୍ଟ୍ରୀୟ ଆଜିର ଖବର ଖେଳ ଜାତୀୟ ଖବର

ବିଶ୍ୱ ଚେସ ଚାମ୍ପିୟନ ଡି ଗୁକେଶଙ୍କୁ ଧନ ବର୍ଷା, ଆଇପିଏଲରେ ମିଳେ ନାହିଁ ଏତେ ପରିମାଣର ଟଙ୍କା

ନୂଆଦିଲ୍ଲୀ: ଭାରତୀୟ ଗ୍ରାଣ୍ଡମାଷ୍ଟର ଡି ଗୁକେଶ ଚେସ ଜଗତରେ ଏକ ନୂତନ ଅଧ୍ୟାୟ ଲେଖିଛନ୍ତି। ସିଙ୍ଗାପୁରରେ ଅନୁଷ୍ଠିତ ବିଶ୍ୱ ଚେସ ଚାମ୍ପିଅନସିପ୍ 2024 ରେ ସେ 7.5-6.5 ସ୍କୋରରେ ଚାଇନାର ଡିଙ୍ଗ ଲିରେନଙ୍କୁ ପରାସ୍ତ କରି ବିଶ୍ୱ ଟାଇଟଲ ଜିତିଛନ୍ତି। ଏହି ବିଜୟ ସହିତ 18 ବର୍ଷୀୟ ଗୁକେଶ ବିଶ୍ୱ ଚେସ ଚାମ୍ପିୟନ ହେବାରେ ସବୁଠାରୁ କନିଷ୍ଠ ଖେଳାଳି ହୋଇଛନ୍ତି। ବିଶ୍ୱନାଥ ଆନନ୍ଦଙ୍କ ପରେ ସେ ଏହି ସମ୍ମାନଜନକ ଟାଇଟଲ୍ ଜିତିବାରେ ଦ୍ୱିତୀୟ ଭାରତୀୟ।

ଏହି ବିଜୟ ପାଇଁ ପ୍ରଧାନମନ୍ତ୍ରୀ ମୋଦୀ ଅଭିନନ୍ଦନ ଜଣାଇଛନ୍ତି:

ଆନ୍ତର୍ଜାତୀୟ ଚେସ୍ ଫେଡେରେସନ୍ (FIDE) ଏହାର ଅଫିସିଆଲ୍ ଏକ୍ସ ହ୍ୟାଣ୍ଡେଲରେ ପୋଷ୍ଟ କରିଛି ଜେଇ, “ଡି ଗୁକେଶ ଇତିହାସର ସର୍ବକନିଷ୍ଠ ବିଶ୍ୱ ଚାମ୍ପିଅନ୍!” ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅନ୍ୟ ନେତାମାନେ ତାଙ୍କୁ ଏହି ସଫଳତା ପାଇଁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦୀ ଏହାକୁ ଐତିହାସିକ ଏବଂ ପ୍ରେରଣାଦାୟକ ବୋଲି ବର୍ଣ୍ଣନା କରିଛନ୍ତି ଏବଂ କହିଛନ୍ତି ଯେ, ଏହି ବିଜୟ ଯୁବପିଢୀଙ୍କ ପାଇଁ ଏକ ପ୍ରେରଣାଦାୟକ ଉତ୍ସ।

ଗୁକେଶ କେତେ ପୁରସ୍କାର ରାଶି ପାଇଲେ?:

ଏହି ବିଜୟ ପରେ ଡି ଗୁକେଶଙ୍କ ପୁରସ୍କାର ରାଶି ବିଷୟରେ ଅନେକ ଆଲୋଚନା ହେଉଛି। 18 ବର୍ଷ ବୟସରେ, ଗୁକେଶଙ୍କୁ ଏତେ ପୁରସ୍କାର ରାଶି ମିଳିଛି ଯାହାକି ଆଇପିଏଲର ସବୁଠାରୁ ବଡ ଖେଳାଳିଙ୍କ ଦ୍ୱାରା ପ୍ରାପ୍ତ ପରିମାଣଠାରୁ ଅଧିକ।

FIDE ନିୟମ ଅନୁଯାୟୀ, ପ୍ରତ୍ୟେକ ମ୍ୟାଚ୍ ଜିତିବା ପାଇଁ 200,000 ଡଲାର (ପ୍ରାୟ 1.69 କୋଟି ଟଙ୍କା) ପୁରସ୍କାର ଦିଆଯାଏ। ତିନୋଟି ମ୍ୟାଚ୍ ଜିତି ଗୁକେଶ 600,000 ଡଲାର୍ (ପ୍ରାୟ 5.09 କୋଟି ଟଙ୍କା) ରୋଜଗାର କରିଥିବାବେଳେ ଡିଙ୍ଗ୍ ଲିରେନ୍ ଦୁଇଟି ମ୍ୟାଚ୍ ଜିତି 400,000 ଡଲାର୍ (ପ୍ରାୟ 3.39 କୋଟି ଟଙ୍କା) ଜିତିଥିଲେ।

ମୋଟ ପୁରସ୍କାର ରାଶି 2.5 ମିଲିୟନ୍ ଡଲାର ଥିଲା (ପ୍ରାୟ 21.2 କୋଟି ଟଙ୍କା)। ଏଥିମଧ୍ୟରୁ 1.5 ମିଲିୟନ୍ ଡଲାର୍ (ପ୍ରାୟ 12 କୋଟି ଟଙ୍କା) ଉଭୟ ଖେଳାଳିଙ୍କ ମଧ୍ୟରେ ସମାନ ଭାବରେ ବାଣ୍ଟି ଦିଆଯାଇଥିଲା। ପ୍ରତ୍ୟେକ ଖେଳାଳିଙ୍କୁ 750,000 ଡଲାର (ପ୍ରାୟ 6.36 କୋଟି ଟଙ୍କା) ମିଳିଥିଲା।

ଡି ଗୁକେଶଙ୍କୁ ମୋଟ 1,350,000 ଡଲାର (ପ୍ରାୟ 11.45 କୋଟି ଟଙ୍କା) ମିଳିଥିବାବେଳେ ଡିଙ୍ଗ ଲିରେନ 1,150,000 ଡଲାର (ପ୍ରାୟ 9.75 କୋଟି ଟଙ୍କା) ପାଇଛନ୍ତି।

Categories
ଆଜିର ଖବର ଜାତୀୟ ଖବର

ସାଂସଦଙ୍କୁ ଆଦାନୀ ଏବଂ ମୋଦିଙ୍କ ମୁଖା ପିନ୍ଧାଇ ପ୍ରଶ୍ନ ପଚାରିଲେ ରାହୁଲ ଗାନ୍ଧୀ: ପାଲଟା ଆକ୍ରମଣ କଲା ବିଜେପି

ନୂଆଦିଲ୍ଲୀ: ଆଦାନୀ ଲାଞ୍ଚ ମାମଲାକୁ ନେଇ କଂଗ୍ରେସ ଏବଂ ବିଜେପି ମଧ୍ୟରେ ଲଢେଇ ଏକ ନୂତନ ସ୍ତରରେ ପହଞ୍ଚିଛି। ବାସ୍ତବରେ ସଂସଦରେ ଏହି ପ୍ରସଙ୍ଗରେ ଆଲୋଚନା କରିବାକୁ ଅନୁମତି ଦିଆଯାଇ ନ ଥିବାରୁ କ୍ରୋଧିତ ହୋଇ ସୋମବାର ଦିନ ଏହାକୁ ବିରୋଧ କରିବାର କଂଗ୍ରେସ ଏକ ନୂଆ ଉପାୟ ବାହାର କରିଛି, ଯାହା ଉପରେ ଅନେକ ଚର୍ଚ୍ଚା ହେଉଛି।

ବାସ୍ତବରେ ସୋମବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଟାର୍ଗେଟ କରିବା ଏବଂ କେନ୍ଦ୍ର ସରକାର ଓ ଆଦାନୀ ଗୋଷ୍ଠୀ ମଧ୍ୟରେ ସୁସମ୍ପର୍କ ଅଭିଯୋଗକୁ ଦୋହରାଇବା ପାଇଁ କଂଗ୍ରେସ ଏକ କ୍ଷୁଦ୍ର ଭିଡିଓ ପ୍ରସ୍ତୁତ କରିଛି। ଏହି ଭିଡିଓ ସଂସଦ କମ୍ପ୍ଲେକ୍ସରେ ନିର୍ମିତ ହୋଇଥିଲା ଏବଂ ଏଥିରେ କଂଗ୍ରେସ ସାଂସଦ ଶିବାଜୀ କାଲଗେ ପିଏମ ମୋଦୀଙ୍କ ମୁଖା ପିନ୍ଧିଥିବାବେଳେ କଂଗ୍ରେସର ମାଣିକାମ ଟାଗୋର ଆଦାନୀଙ୍କ ମୁଖା ପିନ୍ଧିଥିଲେ। ସାମ୍ନାରେ ଠିଆ ହୋଇଥିବା ରାହୁଲ ଗାନ୍ଧୀ ଉଭୟଙ୍କୁ ପ୍ରଶ୍ନ ପଚାରୁଥିଲେ।

ରାହୁଲ କ’ଣ ପଚାରିଲେ?:

ରାହୁଲ ଗାନ୍ଧୀ: ଆଜିକାଲି କଣ ଘଟୁଛି ଭାଇ?

ଆଦାନୀ ମୁଖା ପିନ୍ଧିଥିବା ସାଂସଦ: ଆଜିକାଲି ମୁଁ ଯାହା ବି କହିବି, ସେ କରନ୍ତି।

ରାହୁଲ ଗାନ୍ଧୀ: ଆପଣ ପରବର୍ତ୍ତୀ ସମୟରେ କଣ ନେବାକୁ ଚେଷ୍ଟା କରୁଛନ୍ତି?

ଆଦାନୀ ମୁଖା ପିନ୍ଧିଥିବା ସାଂସଦ: ମୁଁ କିଛି ଚାହୁଁଛି। ବିମାନ ବନ୍ଦର ଦରକାର … କିଛି ବି ଦରକାର।

ଆଦାନୀ ମୁଖା ପିନ୍ଧିଥିବା ସାଂସଦ: ମୋଦୀ ମୁଖା ପିନ୍ଧିଥିବା ସାଂସଦଙ୍କ ପିଠିକୁ ଥାପୁଡି … ଆମର ସଭା ଆଜି ସନ୍ଧ୍ୟାରେ। ୟେ ଆମର ଭାଇ।

ରାହୁଲ ଗାନ୍ଧୀ: ସେ ବହୁତ ଗମ୍ଭୀର ମନେହୁଅନ୍ତି, ସେ ଆଜିକାଲି କମ୍ କଥା କୁହନ୍ତି।

ଆଦାନୀ ମୁଖା ପିନ୍ଧିଥିବା ସାଂସଦ: ଆଜିକାଲି ସେ ଟିକେ ଟେନସନରେ ଅଛନ୍ତି।

ରାହୁଲ ଗାନ୍ଧୀ: କେତେ ଦିନ ପର୍ଯ୍ୟନ୍ତ ଆପଣଙ୍କ ସହଭାଗିତା ଚାଲିଛି?

ମୁଖା ପିନ୍ଧିଥିବା ସାଂସଦ: ମୋଦୀ ମୁଖା ପିନ୍ଧି ସାଂସଦଙ୍କ ହାତ ଧରି ସେ କହୁଛନ୍ତି – ବର୍ଷ ବର୍ଷ ଧରି।

ଭିଡିଓ ଦେଖିବା ପରେ ବିଜେପି କଂଗ୍ରେସ ଉପରେ ଆକ୍ରମଣ କରିଥିଲା:

ଏହି ଭିଡିଓ ସାମ୍ନାକୁ ଆସିବା ପରେ ବିଜେପି ମଧ୍ୟ କଂଗ୍ରେସ ଉପରେ ଆକ୍ରମଣ କରୁଛି। ବିଜେପି ସାଂସଦ ଦୀନେଶ ଶର୍ମା କହିଛନ୍ତି ଯେ, ଆଜି ବରିଷ୍ଠ ନେତାମାନେ ମୁଖା ପିନ୍ଧି ସଂସଦରେ ଠିଆ ହୋଇଛନ୍ତି ଏବଂ ପ୍ରଧାନମନ୍ତ୍ରୀଙ୍କ ବିଷୟରେ ଅଶାଳୀନ ଭାଷା ବ୍ୟବହାର କରୁଛନ୍ତି … ସେମାନେ ଦେଶର ଗଣତନ୍ତ୍ରକୁ କିପରି ସମ୍ମାନ କରିବେ ତାହା ଜାଣନ୍ତି ନାହିଁ … କଂଗ୍ରେସ ବର୍ତ୍ତମାନ ନିରାଶ, ହତାଶ, ଥକି ଯାଇଛି ଅବାସ୍ତବ ନେତାଙ୍କ ଗୋଷ୍ଠୀ ଗଠନ ହୋଇଛି ଏବଂ ସେମାନଙ୍କ ସହ ଜଡିତ ବିରୋଧୀ ଦଳ ମଧ୍ୟ ଧୀରେ ଧୀରେ ଅଲଗା ହେଉଛନ୍ତି। ସେମାନେ ଦେଶର ଶିଳ୍ପପତି ଚାହୁଁ ନାହାଁନ୍ତି, ସେମାନେ ବିଦେଶରୁ ଶିଳ୍ପପତି ଚାହୁଁଛନ୍ତି। ସେମାନେ ଚାହୁଁଛନ୍ତି ଜର୍ଜ ସୋରୋସ୍ ଯିଏ ଭାରତରେ ଅସ୍ଥିରତା ସୃଷ୍ଟି କରିବେ।

Categories
ଜାତୀୟ ଖବର ବିଶେଷ ଖବର ରାଜ୍ୟ ଖବର

ଭୁବନେଶ୍ବରରେ ପ୍ରଧାନମନ୍ତ୍ରୀ ମୋଦି, ଓଡିଶାରେ କିପରି ବିଜେପି କଲା ସରକାର, କଲେ ଖୋଲାସା

ଭୁବନେଶ୍ବରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଓଡିଶାରେ କିପରି ବିଜେପି କଲା ସରକାର, କଲେ ଖୋଲାସା

ଭୁବନେଶ୍ବର: ଆଜି ଭୁବନେଶ୍ବରକୁ ତିନିଦିନିଆ ଗସ୍ତରେ ଆସିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେ ଭୁବନେଶ୍ବରେ ଆୟୋଜିତ ହେବାକୁ ଥିବା ସର୍ବଭାରତୀୟ ଡିଜିପି ସମ୍ମିଳନୀରେ ସେ ଯୋଗଦେବେ। ଆଜି ଅପରାହ୍ନରେ ସେ ବିମାନବନ୍ଦରରେ ପହଞ୍ଚିବା ପରେ ବାହାରେ ହୋଇଥିବା ଏକ ମଞ୍ଚରେ ନିଜର ଅଭିଭାଷଣ ରଖିଥିଲେ।

ଏହି ମଞ୍ଚରେ ମୋଦି ପ୍ରଥମେ ଓଡିଆରେ ଭାଷଣ ଆରମ୍ଭ କରିଥିଲେ। ସେ ପ୍ରଥମେ ଜୟଜଗନ୍ନାଥ ବୋଲି କହିଥିଲେ। ଏହାପରେ ଓଡିଶାର ଭାଇ ଓ ଭଉଣୀଙ୍କୁ ମୋର ନମସ୍କାର ଓଡିଆରେ କହି ଅଭିଭାଷଣ ଆରମ୍ଭ କରିଥିଲେ। ଆଜି ପ୍ରଭୃ ଲିଙ୍ଗରାଜଙ୍କ ଧାମକୁ ଆସି ନିଜକୁ ଧନ୍ୟ ମନେ କରୁଛି ବୋଲି ପ୍ରଧାନମନ୍ତ୍ରୀ କହିଥିଲେ।

ପ୍ରଧାନମନ୍ତ୍ରୀ ତାଙ୍କ ଭାଷଣରେ ନିକଟରେ ନୂଆଦିଲ୍ଲୀରେ ହୋଇଥିବା ଓଡିଶା ପର୍ବରେ ଯୋଗ ଦେଇଥିବା କଥା କହିଥିଲେ। ସେଠାରେ ସେ ମସଲା ଚାହା ପିଇ ବେଶ ସନ୍ତୁଷ୍ଠ ହୋଇଥିଲେ ବୋଲି କହିଥିଲେ। ସେହି ଉତ୍ସବରେ ସେ ଓଡିଶାର ପରଂପରା ଏବଂ ସଂସ୍କୃତିକୁ ଉଦଜିବିତ କରିଥିଲା ବୋଲି କହିଥିଲେ। ସେହିପରି ନିକଟରେ କଟକ ବାଲିଯାତ୍ରା ଉପରେ ମଧ୍ୟ ମୋଦି ତାଙ୍କ ଭାଷଣରେ ଉଲ୍ଲେଖ କରିଥିଲେ।

ତେବେ ସେହି ମଞ୍ଚରେ ପ୍ରଧାନମନ୍ତ୍ରୀ ବିରୋଧୀ କଂଗ୍ରେସକୁ ଟାର୍ଗେଟ କରିଥିଲେ। ସେ କହିଥିଲେ ଯେ, ସର୍ବଭାରତୀୟ ଡିଜିପି ସମ୍ମିଳନୀ କାହିଁ କେଉଁ କାଳରୁ ଆୟୋଜିତ ହୋଇ ଆସୁଛି। ହେଲେ କେବେ ଓଡିଶାରେ ଏହା କରାଯାଇଛି କି ବୋଲି ପ୍ରଶ୍ନ କରିଥିଲେ। ସେ କହିଥିଲେ ଯେ, ପ୍ରଥମ ଥର ପାଇଁ ଓଡିଶାରେ ଏହି ସମ୍ମିଳନୀ କରାଯାଉଛି। ସବୁ ରାଜ୍ୟର ଡିଜିପିମାନେ ଜଗନ୍ନାଥଙ୍କ ଆର୍ଶିବାଦ ନେଇ ଯିବେ ବୋଲି ସେ କହିଥିଲେ।

ତେବେ ରାଜନୈତିକ ପୃଷ୍ଠଭୂମି ନେଇ ମୋଦି କହିଥିଲେ ଯେ, ଓଡିଶାରେ ଆମେ ପୂର୍ବ ସରକାରକୁ ସମର୍ଥନ କରିଥିଲୁ। ଏହାକୁ ନେଇ ଦଳ ଭିତରେ ମତଭେଦ ରହୁଥିଲା। ହେଲେ ତାହାକୁ ଆମେ ଖାତିର ନ କରି ଓଡିଶାର ବିକାଶ କାର୍ଯ୍ୟରେ ସମସ୍ତ ସହଯୋଗ ଦେଇଥିଲୁ। ସେମାନେ ଆମ ଯୋଜନାର ନାମ ପରିବର୍ତ୍ତନ କରି ନିଜ ନାମରେ ପ୍ରଚାର କରୁଥିଲେ। ତଥାପି ଆମେ ଲୋକଙ୍କ ବିକାଶ କରୁଥିଲୁ। ଆଉ ସେହି ଲୋକଙ୍କ ଆର୍ଶିବାଦରେ ଆଜି ଓଡିଶାରେ ବିଜେପି ସରକାର ଗଠନ କରିପାରିଛି।

ପ୍ରଧାନମନ୍ତ୍ରୀ ଓଡିଶା ସରକାର ଏବଂ ମୁଖ୍ୟମନ୍ତ୍ରୀ ମୋହନ ମାଝୀଙ୍କୁ ବେଶ ପ୍ରଶାଂସା କରିଥିଲେ। ସେ କହିଥିଲେ ଯେ, ମୁଖ୍ୟମନ୍ତ୍ରୀ ରାଜ୍ୟର ବିଭିନ୍ନ ସ୍ଥାନକୁ ଯାଉଛନ୍ତି। ଗାଁର ଲୋକେ ଅନୁଭବ କଲେଣି ଯେ, ମୁଖ୍ୟମନ୍ତ୍ରୀ ଆମ ପାଖକୁ ଆସିଛନ୍ତି। ପୂର୍ବରୁ ଏହା କେବେ ହେଉ ନ ଥିଲା ବୋଲି ପ୍ରଧାନମନ୍ତ୍ରୀ କହିଥିଲେ। ସେହିପରି ଓଡିଶା ସରକାରଙ୍କ ଧାନ ସହାୟକ ମୂଲ୍ୟ, ସୁଭଦ୍ରା ଯୋଜନା ପ୍ରଭୃତିକୁ ବେଶ ପ୍ରଶଂସା କରିଥିଲେ।

ପ୍ରଧାନମନ୍ତ୍ରୀ ଆହୁରି କହିଥିଲେ ଯେ, ଓଡିଶାର ପ୍ରଥମ ଥର ପାଇଁ ଡିଜି ସମ୍ମିଳନୀ ଆୟୋଜନ ହେଲା, ଏହାପରେେ ପୁରୀରେ ଡିସେମ୍ବର ଚାରି ତାରିଖରେ ନୈସେନା ଦିବସ ହେବ, ସେହିପରି ଜାନୁୟାରୀରେ ଭୁବନେଶ୍ବରରେ ହେବ ପ୍ରବାସୀ ଓଡିଶା ଦିବସ। ଏହାଦ୍ବାରା ଓଡିଶାର ନାମ ବିଶ୍ବ ସ୍ତରରେ ବେଶ ପ୍ରଚାର ପ୍ରସାର ହେବ। ଓଡିଶାର ଗୌରବ ବୃଦ୍ଧି ପାଇବ ବୋଲି ପ୍ରଧାନମନ୍ତ୍ରୀ କହିଥିଲେ।

ଏହା ସଭାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଜୁଏଲ ଓରାମ, ଅଶ୍ବନୀ ବୈଷ୍ଣବ, ସାଂସଦ ବୈଜୟନ୍ତ ପଣ୍ଡା, ସଭାପତି ମନମୋହନ ସାମଲ, ସାଂସଦ ଅପରାଜିତା ଷଡଙ୍ଗୀ ଏବଂ ଏକାମ୍ର ବିଧାୟକ ବାବୁ ସିଂ ପ୍ରମୁଖ ଯୋଗଦେଇଥିଲେ। ଏହାପରେ ମୋଦି ଭୁବନେଶ୍ବରରେ ବିଭିନ୍ନ ସ୍ଥାନ ବୁଲି କାର ଭିତରେ ଲୋକଙ୍କ ଅଭିବାଦନ ଗ୍ରହଣ କରି ରାଜଭବନରେ ପହଞ୍ଚିଛନ୍ତି।

Categories
ଆଜିର ଖବର ଜାତୀୟ ଖବର

‘ଭାରତ କୋ ଜାନିୟେ’ କ୍ୱିଜରେ ଅଂଶ ଗ୍ରହଣ କରିବାକୁ ପ୍ରବାସୀ ଭାରତୀୟଙ୍କୁ ପ୍ରଧାନମନ୍ତ୍ରୀଙ୍କ ଆହ୍ୱାନ

ନୂଆଦିଲ୍ଲୀ: ‘ଭାରତ କୋ ଜାନିୟେ’ (Know India) କ୍ୱିଜରେ ଅଂଶ ଗ୍ରହଣ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରବାସୀ ଭାରତୀୟ ଏବଂ ବିଭିନ୍ନ ଦେଶର ବନ୍ଧୁମାନଙ୍କୁ ଆହ୍ୱାନ କରିଛନ୍ତି। ସେ କହିଛନ୍ତି ଏହି କ୍ୱିଜ୍ ଭାରତ ଏବଂ ବିଶ୍ୱବ୍ୟାପୀ ଥିବା ପ୍ରବାସୀ ଭାରତୀୟଙ୍କ ମଧ୍ୟରେ ସମ୍ପର୍କକୁ ଗଭୀର କରିବ। ଏହା ମଧ୍ୟ ଭାରତର ସମୃଦ୍ଧ ଐତିହ୍ୟ ଏବଂ ବିବିଧ ସଂସ୍କୃତିକୁ ପୁନଃଖୋଜିବାର ଏକ ଚମତ୍କାର ଉପାୟ।

ଏକ୍ସ ର ଏକ ପୋଷ୍ଟରେ ସେ ଲେଖିଛନ୍ତି:

“ପ୍ରବାସୀଙ୍କ ସହ ଆମର ସମ୍ପର୍କକୁ ଦୃଢ଼ କରୁଛୁ!

ବିଦେଶରେ ଥିବା ଭାରତୀୟ ସମୁଦାୟଙ୍କୁ ଏବଂ ଅନ୍ୟାନ୍ୟ ଦେଶରେ ଥିବା ବନ୍ଧୁମାନଙ୍କୁ ଏଥିରେ ଅଂଶ ଗ୍ରହଣ କରିବାକୁ ଅନୁରୋଧ କରୁଛି #BharatKoJaniye Quiz! bkjquiz.com

ଏହି କ୍ୱିଜ୍ ଭାରତ ଏବଂ ବିଶ୍ୱବ୍ୟାପୀ ଥିବା ପ୍ରବାସୀଙ୍କ ମଧ୍ୟରେ ସମ୍ପର୍କକୁ ଗଭୀର କରୁଛି। ଏହା ମଧ୍ୟ ଭାରତର ସମୃଦ୍ଧ ଐତିହ୍ୟ ଏବଂ ବିବିଧ ସଂସ୍କୃତିକୁ ପୁନଃଖୋଜିବାର ଏକ ଚମତ୍କାର ଉପାୟ।

ବିଜେତାମାନେ ଇନକ୍ରେଡିବଲଇଣ୍ଡିଆ#IncredibleIndia.ର ବିସ୍ମୟକର ଅଭିଜ୍ଞତା ଆହରଣ କରିବାକୁ ସୁଯୋଗ ପାଇବେ।”

Categories
ଅନ୍ତରାଷ୍ଟ୍ରୀୟ ଆଜିର ଖବର

ଭାରତୀୟ ଆଗମନ ସ୍ମାରକ ବୁଲିଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଜର୍ଜଟାଉନର ମନୁମେଣ୍ଟ ଗାର୍ଡେନରେ ଥିବା ଇଣ୍ଡିଆନ ଆରାଇଭାଲ ମନୁମେଣ୍ଟ (ଭାରତୀୟ ଆଗମନ ସ୍ମାରକ) ବୁଲି ଦେଖିଛନ୍ତି । ତାଙ୍କ ସହ ଏହି ଅବସରରେ ଗୁୟାନାର ପ୍ରଧାନମନ୍ତ୍ରୀ ବ୍ରିଗେଡ଼ିୟର(ଅବସରପ୍ରାପ୍ତ) ମାର୍କ ଫିଲିପ୍ସ ଉପସ୍ଥିତ ଥିଲେ। ଟାସା ଡ୍ରମ ବାଦକଙ୍କ ଏକ ଦଳ ତାଙ୍କୁ ସ୍ୱାଗତ କରିଥିଲେ ଏବଂ ପ୍ରଧାନମନ୍ତ୍ରୀ ଆରାଇଭାଲ ମନୁମେଣ୍ଟରେ   ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଜଣାଇଥିଲେ। ପ୍ରଧାନମନ୍ତ୍ରୀ ସ୍ମାରକରେ ଶ୍ରଦ୍ଧାଞ୍ଜଳି ଜଣାଇ ଗୁୟାନାରେ ଭାରତୀୟ ସଂସ୍କୃତି ଓ ପରମ୍ପରାକୁ ବଞ୍ଚାଇ ରଖିବା ଲାଗି ପ୍ରବାସୀ ଭାରତୀୟମାନେ କରିଥିବା ସଂଗ୍ରାମ ଓ ଏ ଦିଗରେ ଥିବା ସେମାନଙ୍କର ଗୁରୁତ୍ୱପୂର୍ଣ୍ଣ ଭୂମିକାକୁ ସ୍ମରଣ କରିଥିଲେ । ସ୍ମାରକରେ ସେ ଏକ ବେଲ ପତ୍ର ଚାରା ରୋପଣ କରିଥିଲେ।

ସ୍ମାରକଟି ୧୮୩୮ ମସିହାରେ ଭାରତରୁ ପ୍ରବାସୀମାନଙ୍କୁ ଧରି ଗୁୟାନା ଆସିଥିବା ପ୍ରଥମ ଜାହାଜର ଏକ ପ୍ରତିକୃତି। ୧୯୯୧ରେ ଭାରତ ପକ୍ଷରୁ ଗୁୟାନାବାସୀଙ୍କ ଉପହାର ଭାବେ ଏହା ପ୍ରଦାନ କରାଯାଇଥିଲା।

Categories
ଆଜିର ଖବର ଜାତୀୟ ଖବର

‘୨୦୨୯ ନିର୍ବାଚନରେ ​​ଜିତିବା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି ପ୍ରଧାନମନ୍ତ୍ରୀ ମୋଦୀ’: ଚନ୍ଦ୍ରବାବୁ ନାଇଡୁଙ୍କ ବଡ ଦାବି

ନୂଆଦିଲ୍ଲୀ: ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ଶନିବାର ଦିନ ପ୍ରଧାନମନ୍ତ୍ରୀଙ୍କ ରାଜନୀତି ଶୈଳୀ ଉପରେ ମନ୍ତବ୍ୟ ଦେଇ କହିଛନ୍ତି ଯେ, ୨୦୨୯ ରେ ହେବାକୁ ଥିବା ସାଧାରଣ ନିର୍ବାଚନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୋଜନା ପ୍ରସ୍ତୁତ କରିସାରିଛନ୍ତି।

୨୦୨୪ ଏଚଟି ନେତୃତ୍ୱ ସମ୍ମିଳନୀରେ ଯୋଗ ଦେଇ ନାଇଡୁ କହିଛନ୍ତି ଯେ, “ସେ (ମୋଦୀ) ପରବର୍ତ୍ତୀ ନିର୍ବାଚନ ପାଇଁ ସର୍ବଦା କାର୍ଯ୍ୟ କରୁଛନ୍ତି। ସେ ଏହା ପୂର୍ବରୁ ଯୋଜନା କରିସାରିଛନ୍ତି ଏବଂ ଦେଶର ହିତ ପାଇଁ ତାଙ୍କ ସହଯୋଗୀମାନଙ୍କ ସହ ଘନିଷ୍ଠ ଭାବରେ କାର୍ଯ୍ୟ କରୁଛନ୍ତି। ସେ ଏହିପରି ମିଶନ ମୋଡରେ କାର୍ଯ୍ୟ କରୁଛନ୍ତି।” ତେଲୁଗୁ ଦେଶମ ପାର୍ଟି (ଟିଡିପି) ସଭାପତି କହିଛନ୍ତି ଯେ, ନିଷ୍ପତ୍ତି ନେବାରେ କେନ୍ଦ୍ରକୁ ପ୍ରଭାବିତ କରିବା ନୁହେଁ, ବରଂ ଏହା ସହ ଘନିଷ୍ଠ ଭାବରେ କାର୍ଯ୍ୟ କରିବା।

ସହକର୍ମୀଙ୍କ ମତକୁ ସମ୍ମାନ ଦେଇଥିବାରୁ ନାଇଡୁ ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିଥିଲେ। ସେ କହିଛନ୍ତି ଯେ, “ଆଧୁନିକ ଏବଂ ପ୍ରଗତିଶୀଳ ଚିନ୍ତାଧାରା ସହିତ ସେ ଜଣେ ଶକ୍ତିଶାଳୀ ନେତା। ଶପଥ ଗ୍ରହଣ ସମାରୋହ ପରେ ଆମକୁ କୁହାଯାଇଥିଲା ଯେ, ଆମେ ମେଣ୍ଟ ଛାଡିଦେବୁ। ତା’ପରେ ଆମକୁ କୁହାଯାଇଥିଲା ଯେ, ସେମାନେ ଏନଡିଏର ସମସ୍ତ ମୁଖ୍ୟମନ୍ତ୍ରୀଙ୍କୁ ଭେଟିବେ। ତା’ପରେ ସେ ଚାରି ଘଣ୍ଟା ପାଇଁ ବୈଠକ କରିଥିଲେ।
ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ କହିଛନ୍ତି ଯେ, ଜଣେ ରାଜନେତା ଭାବରେ ତାଙ୍କର ପ୍ରଥମ ବର୍ଷରେ ସେ ମୁଖ୍ୟତଃ ଶାସନ ଏବଂ ନୀତି ଉପରେ ଧ୍ୟାନ ଦେଇଥିଲେ, କିନ୍ତୁ ସେ ହୃଦୟଙ୍ଗମ କରିଥିଲେ ଯେ, ସେ ଲୋକଙ୍କ ନିକଟରେ ପହଞ୍ଚିବା ମଧ୍ୟ ଜରୁରୀ ଅଟେ। ସେ (ମୋଦୀ) ତାହା କରୁଛନ୍ତି। ସେ ଲୋକଙ୍କୁ ସାଙ୍ଗରେ ନେଉଛନ୍ତି।

ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱାଧୀନ ଶାସକ ଦଳର ଏକ ଅଂଶ ବୋଲି ସେ କିପରି ଅନୁଭବ କରୁଛନ୍ତି ବୋଲି ପଚରାଯିବାରୁ ଟିଡିପି ନେତା କହିଛନ୍ତି ଯେ, ପ୍ରଧାନମନ୍ତ୍ରୀ ସମସ୍ତଙ୍କ କଥା ଶୁଣୁଛନ୍ତି। ଏହା ହେଉଛି ନେତୃତ୍ୱ।

Categories
ଆଜିର ଖବର ଜାତୀୟ ଖବର

‘ଶକ୍ତି ଅଛି ତ ପାକିସ୍ଥାନ ଏବଂ ବାଂଲାଦେଶକୁ ଭାରତ ସହ ମିଶାନ୍ତୁ’: ପ୍ରଧାନମନ୍ତ୍ରୀଙ୍କୁ ତୌକୀର ରଜାଙ୍କ ଚ୍ୟାଲେଞ୍ଜ

ନୂଆଦିଲ୍ଲୀ: ଆଜିକାଲି ରାଜନୀତିରେ ରାଜନୈତିକ ଦଳର ସ୍ଲୋଗାନ ଉପରେ ବ୍ୟାପକ ଆଲୋଚନା ହେଉଛି। ଆଜିକାଲି ନିର୍ବାଚନ ପ୍ରଚାରରେ ସ୍ଲୋଗାନଗୁଡ଼ିକ ଶବ୍ଦ ଯୁଦ୍ଧର କାରଣ ପାଲଟିଛି। ବିଶେଷକରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସ୍ଲୋଗାନ ଉପରେ ବ୍ୟାପକ ଆଲୋଚନା ହେଉଛି। କିନ୍ତୁ ବିରୋଧୀ ଦଳମାନେ ଏମାନଙ୍କୁ ପ୍ରତିବାଦ କରୁଛନ୍ତି। ଏହି କ୍ରମରେ ତୌକୀର ରଜା ବର୍ତ୍ତମାନ ପିଏମ ମୋଦୀଙ୍କ ସ୍ଲୋଗାନ ‘ଏକ ହେ ତୋ ଶେଫ ହେ’ ଉପରେ ପାଲଟା ଆକ୍ରମଣ କରିଛନ୍ତି।

ଇତ୍ତେହାଦ-ଏ-ମିଲ୍ଲତ କାଉନସିଲ (ଆଇଏମସି) ମୁଖ୍ୟ ମୌଲାନା ତୌକୀର ରଜା ପ୍ରଧାନମନ୍ତ୍ରୀ ମୋଦୀଙ୍କ ସ୍ଲୋଗାନରେ କହିଛନ୍ତି ଯେ, ‘ ମୁଁ ରାଜନୈତିକ ପ୍ରସଙ୍ଗରେ ଯିବାକୁ ଚାହୁଁ ନାହିଁ। ମୁଁ କହୁଛି ଅଖଣ୍ଡ ଭାରତରେ ବାଂଲାଦେଶ ଏବଂ ପାକିସ୍ତାନ ଆମର ଦେଶର ଅଂଶ ଥିଲେ। “ଯଦି ଭାରତର ଏତେ କ୍ଷମତା ଏବଂ ଶକ୍ତି ଅଛି ତେବେ ସେମାନେ ଭାରତରେ ପାକିସ୍ତାନ ଏବଂ ବାଂଲାଦେଶକୁ ଅନ୍ତର୍ଭୁକ୍ତ କରିବା ଉଚିତ୍।”

ପିଏମ ମୋଦୀଙ୍କ ବ୍ୟତୀତ ସିଏମ ଯୋଗୀଙ୍କ ସ୍ଲୋଗାନ ‘ବଟେଙ୍ଗେ ତୋ କଟେଙ୍ଗେ’ ଉପରେ ଆଜିକାଲି ଆଲୋଚନା ହେଉଛି। ବାଂଲାଦେଶରେ ହିଂସା ପରେ ଏକ ରାଲିକୁ ସମ୍ବୋଧିତ କରିବାବେଳେ ସେ ଏହି ସ୍ଲୋଗାନ ଦେଇଛନ୍ତି। ବର୍ତ୍ତମାନ ଏହି ସ୍ଲୋଗାନଗୁଡିକର ଜବାବରେ ଲକ୍ଷ୍ନୌର ସମାଜବାଦୀ ପାର୍ଟି ନେତାଙ୍କ ପକ୍ଷରୁ ପୋଷ୍ଟର ମଧ୍ୟ ଲଗାଯାଉଛି। ଅନ୍ୟ ଦଳର ନେତାମାନେ ମଧ୍ୟ ଏହି ସ୍ଲୋଗାନ ବିରୋଧରେ ବିବୃତ୍ତି ଦେଉଛନ୍ତି।

Categories
ଜାତୀୟ ଖବର ବିଶେଷ ଖବର

ଶ୍ରୀ ରତନ ଟାଟାଙ୍କ ବ୍ୟକ୍ତିତ୍ୱ ଅନେକ ପିଢ଼ି ପାଇଁ ପ୍ରେରଣା: ପ୍ରଧାନମନ୍ତ୍ରୀ

ratantata

ଶ୍ରୀ ରତନ ଟାଟା ଆମକୁ ଛାଡ଼ି ଚାଲିଯିବାର ଗୋଟିଏ ମାସ ବିତିଗଲାଣି। କୋଳାହଳପୂର୍ଣ୍ଣ ମହାନଗର ଓ ଛୋଟ ସହର ଠାରୁ ଆରମ୍ଭ କରି ଗାଁ ପର୍ଯ୍ୟନ୍ତ, ତାଙ୍କର ଅନୁପସ୍ଥିତି ସମାଜର ପ୍ରତ୍ୟେକ ସ୍ତରରେ ଅନୁଭୂତ ହେଉଛି। ବିଶିଷ୍ଟ ଶିଳ୍ପପତି, ଯୁବ ଉଦ୍ୟୋଗୀ ଏବଂ କଠିନ ପରିଶ୍ରମ କରୁଥିବା ପେସାଦାରମାନେ ତାଙ୍କ ବିୟୋଗରେ ଶୋକାଭିଭୂତ ହୋଇପଡ଼ିଛନ୍ତି। ପରିବେଶକୁ ନେଇ ଯତ୍ନଶୀଳ ଏବଂ ଦାନପୂଣ୍ୟରେ ଆଗ୍ରହୀ ଥିବା ଲୋକମାନେ ମଧ୍ୟ ଅନୁରୂପ ଭାବେ ଦୁଃଖିତ। ତାଙ୍କର ଅନୁପସ୍ଥିତି କେବଳ ଦେଶରେ ନୁହେଁ ବରଂ ସାରା ବିଶ୍ୱରେ ଗଭୀର ଭାବେ ଅନୁଭୂତ ହେଉଛି।

ଯୁବପିଢ଼ିଙ୍କ ପାଇଁ ଶ୍ରୀ ରତନ ନାନା ଏକ ପ୍ରେରଣା ଥିଲେ। ସ୍ୱପ୍ନକୁ ସାକାର କରିବା ସମ୍ଭବ ଏବଂ କରୁଣା ଓ ବିନମ୍ରତାର ସହ ସଫଳତା ହାସଲ କରାଯାଇପାରିବ, ଏହା ସେ ଶିଖାଇଥିଲେ। ଅନ୍ୟମାନଙ୍କ ପାଇଁ ସେ ଭାରତୀୟ ଉଦ୍ୟୋଗ ଜଗତର ଶ୍ରେଷ୍ଠ ପରମ୍ପରାକୁ ପ୍ରତିନିଧିତ୍ୱ କରୁଥିଲେ। ସଚ୍ଚୋଟତା, ଉତ୍କର୍ଷ ଏବଂ ସେବା ମୂଲ୍ୟବୋଧ ପ୍ରତି ତାଙ୍କର ଦୃଢ଼ ପ୍ରତିବଦ୍ଧତା ପାଇଁ ସେ ପରିଚିତ। ତାଙ୍କ ନେତୃତ୍ୱରେ, ଟାଟା ଗ୍ରୁପ୍‌ ନୂଆ ଉଚ୍ଚତା ଛୁଇଁଥିଲା ଏବଂ ସାରା ବିଶ୍ୱରେ ସମ୍ମାନ, ସଚ୍ଚୋଟତା ଓ ବିଶ୍ୱସନୀୟତାର ପ୍ରତୀକ ପାଲଟିଥିଲା। ଏହା ସତ୍ତ୍ୱେ ସେ ବିନମ୍ରତା ଓ ଉଦାରତା ସହିତ ନିଜର ସଫଳତାକୁ ଅତି ହାଲୁକା ଭାବେ ନେଇଥିଲେ।

ଅନ୍ୟମାନଙ୍କ ସ୍ୱପ୍ନ ପ୍ରତି ଶ୍ରୀ ରତନ ଟାଟାଙ୍କ ଅତୁଟ ସମର୍ଥନ ତାଙ୍କର ସବୁଠୁ ଶ୍ରେଷ୍ଠ ଗୁଣ ଥିଲା। ଗତ କିଛି ବର୍ଷ ମଧ୍ୟରେ ସେ ଭାରତୀୟ ଷ୍ଟାର୍ଟଅପ୍‌ ଇକୋସିଷ୍ଟମକୁ ମାର୍ଗଦର୍ଶନ କରିଥିଲେ ଏବଂ ଅନେକ ସମ୍ଭାବନାପୂର୍ଣ୍ଣ ଉପକ୍ରମରେ ନିବେଶ କରିଥିଲେ। ସେ ଯୁବ ଉଦ୍ୟୋଗୀଙ୍କ ଆଶା ଓ ଆକାଂକ୍ଷାକୁ ବୁଝିଥିଲେ ଏବଂ ଭାରତର ଭବିଷ୍ୟତକୁ ଆକାର ଦେବାରେ ସେମାନଙ୍କର କ୍ଷମତାକୁ ଜାଣିପାରିଥିଲେ। ସେମାନଙ୍କ ପ୍ରୟାସକୁ ସମର୍ଥନ କରି ସେ ସ୍ୱପ୍ନ ଦେଖୁଥିବା ନୂଆ ପିଢ଼ିକୁ ସାହସିକ ପଦକ୍ଷେପ ନେବା ଏବଂ ଚିରାଚରିତ ସୀମା ଠାରୁ ଆଗକୁ ବଢ଼ିବା ପାଇଁ ସଶକ୍ତ କରିଥିଲେ। ତାଙ୍କର ସମର୍ଥନ ନବସୃଜନ ଓ ଉଦ୍ୟମିତାର ସଂସ୍କୃତି ଗଢ଼ିବାରେ ଏକ ଲମ୍ବା ରାସ୍ତା ନିର୍ଦ୍ଧାରଣ କରିସାରିଛି। ଆଗାମୀ ଦଶନ୍ଧିରେ ଭାରତ ଉପରେ ଏହାର ସକାରାତ୍ମକ ପ୍ରଭାବ ପଡ଼ିବ ବୋଲି ମୋର ବିଶ୍ୱାସ ରହିଛି।

ସେ କ୍ରମାଗତ ଭାବରେ ଉତ୍କର୍ଷତାକୁ ସମର୍ଥନ କରିଥିଲେ ଏବଂ ଭାରତୀୟ ଉଦ୍ୟୋଗଗୁଡ଼ିକୁ ବିଶ୍ୱସ୍ତରୀୟ ମାନଦଣ୍ଡ ସ୍ଥାପିତ କରିବାକୁ ଅନୁରୋଧ କରୁଥିଲେ। ମୁଁ ଆଶା କରୁଛି ଯେ ଏହି ଦୃଷ୍ଟିକୋଣ ଆମର ଭବିଷ୍ୟତର ନେତାମାନଙ୍କୁ ଭାରତକୁ ବିଶ୍ୱସ୍ତରୀୟ ଗୁଣବତ୍ତାର ସମକକ୍ଷ କରିବା ପାଇଁ ପ୍ରେରଣା ଯୋଗାଇବ।

କେବଳ ବୋର୍ଡ ରୁମ୍ କିମ୍ବା ସାଥୀ ମଣିଷଙ୍କୁ ସାହାଯ୍ୟ କରିବାରେ ତାଙ୍କର ମହାନତା ସୀମିତ ନଥିଲା। ତାଙ୍କର କରୁଣାଭାବ ସମସ୍ତ ଜୀବଜଗତଙ୍କ ପାଇଁ ବିସ୍ତାରିତ ହୋଇଥିଲା। ପ୍ରାଣୀମାନଙ୍କ ପ୍ରତି ତାଙ୍କର ଗଭୀର ଭଲପାଇବା ବିଷୟରେ ସମସ୍ତେ ଜାଣନ୍ତି ଏବଂ ପ୍ରାଣୀଙ୍କ କଲ୍ୟାଣ ଉପରେ କେନ୍ଦ୍ରିତ ପ୍ରତ୍ୟେକ ସମ୍ଭାବ୍ୟ ପ୍ରୟାସକୁ ସେ ସମର୍ଥନ କରିଥିଲେ । ସେ ପ୍ରାୟତଃ ତାଙ୍କ ପୋଷା କୁକୁରମାନଙ୍କର ଫଟୋ ସେୟାର କରନ୍ତି, ଯେଉଁମାନେ ଯେକୌଣସି ବ୍ୟବସାୟିକ ଉଦ୍ୟୋଗ ପରି ତାଙ୍କ ଜୀବନର ଏକ ଅଂଶ ଥିଲେ। ପ୍ରକୃତ ନେତୃତ୍ୱ କେବଳ କାହାର ସଫଳତା ଦ୍ୱାରା ନୁହେଁ, ବରଂ ସବୁଠାରୁ ଦୁର୍ବଳ ଲୋକଙ୍କ ପ୍ରତି ଧ୍ୟାନ ଦେବାର ଦକ୍ଷତା ଆଧାରରେ ମାପ କରାଯାଇଥାଏ, ତାଙ୍କ ଜୀବନ ଆମ ସମସ୍ତଙ୍କୁ ଏହି ଶିକ୍ଷା ଦେଇଥିଲା।

କୋଟି କୋଟି ଭାରତୀୟଙ୍କ ପାଇଁ ଶ୍ରୀ ରତନ ଟାଟାଙ୍କ ଦେଶପ୍ରେମ ସଙ୍କଟ ସମୟରେ ଉଜ୍ଜ୍ୱଳ ହୋଇ ଉଠିଥିଲା। ୨୬/୧୧ ଆତଙ୍କବାଦୀ ଆକ୍ରମଣ ସମୟରେ ସେ ତୁରନ୍ତ ମୁମ୍ବାଇର ତାଜ୍‌ ହୋଟେଲ୍‌ ଖୋଲିଥିଲେ। ଦେଶ ଆଗରେ ରହିଥିବା ଆହ୍ୱାନର ସେ ଦୃଢ଼ ଜବାବ ଦେଇଥିଲେ। ଭାରତ ଆତଙ୍କବାଦ ଆଗରେ ମୁଣ୍ଡ ନୁଆଁଇଲା ନାହିଁ ନିଜର ଏକତା ଶକ୍ତି ପ୍ରଦର୍ଶନ କଲା।

ବ୍ୟକ୍ତିଗତ ଦୃଷ୍ଟିକୋଣରୁ କହିବାକୁ ଗଲେ, ବର୍ଷ ବର୍ଷ ଧରି ତାଙ୍କୁ ଅତି ନିକଟରୁ ଜାଣିବାର ସୌଭାଗ୍ୟ ମୁଁ ପାଇଥିଲି। ଆମେ ଗୁଜରାଟରେ ଘନିଷ୍ଠ ଭାବରେ କାମ କରିଥିଲୁ, ଯେଉଁଠାରେ ସେ ବ୍ୟାପକ ପୁଞ୍ଜିନିବେଶ କରିଥିଲେ ଏବଂ ଅନେକ ପ୍ରକଳ୍ପକୁ ନେଇ ସେ ବହୁତ ଉତ୍ସାହୀ ଥିଲେ। କିଛି ସପ୍ତାହ ତଳେ, ମୁଁ ସ୍ପେନ୍ ରାଷ୍ଟ୍ରପତି ଶ୍ରୀ ପେଡ୍ରୋ ସାଞ୍ଚେଜ୍ ଙ୍କ ସହ ଭଦୋଦରାରେ ଥିଲି ଏବଂ ଆମେ ମିଳିତ ଭାବେ ଏକ ବିମାନ କମ୍ପ୍ଲେକ୍ସ ଉଦଘାଟନ କରିଥିଲୁ। ଏହି ସ୍ଥାନରେ ହିଁ ପ୍ରଥମ ଥର ପାଇଁ ଭାରତରେ ସି-୨୯୫ ବିମାନ ନିର୍ମିତ ହେବ। ଶ୍ରୀ ରତନ ଟାଟା ହିଁ ଏହା ଉପରେ କାମ ଆରମ୍ଭ କରିଥିଲେ। କହିବା ବାହୁଲ୍ୟ ଯେ ଶ୍ରୀ ରତନ ଟାଟାଙ୍କ ଅନୁପସ୍ଥିତି ଏଠାରେ ଖୁବ୍‌ ଗଭୀର ଭାବେ ଅନୁଭୂତ ହୋଇଥିଲା।

ନିୟମିତ ଭାବେ ଚିଠି ଲେଖୁଥିବା ଜଣେ ବ୍ୟକ୍ତି ଭାବେ ମୁଁ ଶ୍ରୀ ରତନ ଟାଟାଙ୍କୁ ସ୍ମରଣ କରୁଛି। କେବେ ଶାସନ ପ୍ରସଙ୍ଗରେ ହେଉ କିମ୍ବା ସରକାରୀ ସହାୟତାକୁ ପ୍ରଶଂସା କରି ହେଉ ଅଥବା ନିର୍ବାଚନ ବିଜୟ ପରେ ଅଭିନନ୍ଦନ ଜଣାଇବା ହେଉ, ସେ ମୋତେ ବିଭିନ୍ନ ପ୍ରସଙ୍ଗରେ ନିୟମିତ ଚିଠି ଲେଖୁଥିଲେ।

ମୁଁ କେନ୍ଦ୍ରକୁ ଆସିବା ପରେ ଆମର ଘନିଷ୍ଠ ସମ୍ପର୍କ ଜାରି ରହିଲା ଏବଂ ସେ ଆମ ରାଷ୍ଟ୍ର ନିର୍ମାଣ ପ୍ରୟାସରେ ଜଣେ ପ୍ରତିଶ୍ରୁତିବଦ୍ଧ ଅଂଶୀଦାର ଥିଲେ। ବିଶେଷ କରି, ସ୍ୱଚ୍ଛ ଭାରତ ମିଶନ ପାଇଁ ଶ୍ରୀ ରତନ ଟାଟାଙ୍କ ସମର୍ଥନ ମୋ ହୃଦୟର ଅତି ନିକଟତର ଥିଲା।

ସ୍ୱଚ୍ଛ ଭାରତ ମିଶନ ପାଇଁ ଶ୍ରୀ ରତନ ଟାଟାଙ୍କ ସମର୍ଥନ ମୋ ହୃଦୟର ଅତି ନିକଟତର ଥିଲା। ଭାରତର ପ୍ରଗତି ପାଇଁ ସ୍ୱଚ୍ଛତା, ପରିଚ୍ଛନ୍ନତା ଏବଂ ପରିମଳ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରି ସେ ଏହି ଜନ ଆନ୍ଦୋଳନର ଜଣେ ଦୃଢ଼ ସମର୍ଥକ ଥିଲେ। ଅକ୍ଟୋବର ଆରମ୍ଭରେ ସ୍ୱଚ୍ଛ ଭାରତ ମିଶନର ଦଶମ ବାର୍ଷିକୀ ଅବସରରେ ତାଙ୍କ ହୃଦୟସ୍ପର୍ଶୀ ଭିଡିଓ ବାର୍ତ୍ତା ମୋର ଆଜି ବି ମନେ ଅଛି। ଏଥିରେ ଶେଷଥର ପାଇଁ ସେ ସର୍ବସମ୍ମୁଖକୁ ଆସିଥିଲେ।

ଆଉ ଏକ ମହତ କାର୍ଯ୍ୟ ତାଙ୍କ ହୃଦୟର ନିକଟତର ଥିଲା, ତାହା ହେଉଛି ସ୍ୱାସ୍ଥ୍ୟସେବା।  ବିଶେଷ କରି କର୍କଟ ବିରୋଧୀ ସଂଗ୍ରାମରେ ଯୋଗଦାନ ପାଇଁ ସେ ସବୁଦିନ ସ୍ମରଣୀୟ ହୋଇରହିବେ। ମୋର ମନେ ଅଛି, ଦୁଇ ବର୍ଷ ପୂର୍ବେ ଆସାମରେ ହୋଇଥିବା କାର୍ଯ୍ୟକ୍ରମ, ଯେଉଁଠାରେ ଆମେ ମିଳିତ ଭାବେ ରାଜ୍ୟର ଏକାଧିକ କର୍କଟ ଚିକିତ୍ସାଳୟକୁ ଉଦଘାଟନ କରିଥିଲୁ। ସେହି ସମୟରେ ସେ ତାଙ୍କ ବକ୍ତବ୍ୟରେ ସ୍ପଷ୍ଟ ଭାବେ କହିଥିଲେ ଯେ ସେ ତାଙ୍କର ଶେଷ ବର୍ଷଗୁଡ଼ିକୁ ସ୍ୱାସ୍ଥ୍ୟସେବା ପାଇଁ ଉତ୍ସର୍ଗ କରିବାକୁ ଚାହୁଁଛନ୍ତି। ସ୍ୱାସ୍ଥ୍ୟସେବା ଓ କର୍କଟ ଚିକିତ୍ସାକୁ ଶସ୍ତା ଓ ସୁଲଭ କରିବା ପାଇଁ ତାଙ୍କର ପ୍ରୟାସ ପଛରେ ମୂଳ ଉଦ୍ଦେଶ୍ୟ ଥିଲା- ରୋଗ ସହ ଲଢୁଥିବା ଲୋକଙ୍କ ପ୍ରତି ଗଭୀର ସହାନୁଭୂତି ପ୍ରଦର୍ଶନ କରିବା। ସବୁଠାରୁ ଅସୁରକ୍ଷିତ ଲୋକଙ୍କ ସହ ଛିଡ଼ା ହୋଇଥିବା ସମାଜ ହିଁ ପ୍ରକୃତରେ ନ୍ୟାୟପୂର୍ଣ୍ଣ ସମାଜ ବୋଲି ସେ ବିଶ୍ୱାସ କରୁଥିଲେ।

ଆଜି ଆମେ ଯେତେବେଳେ ତାଙ୍କୁ ସ୍ମରଣ କରୁଛୁ, ତାଙ୍କ ପରିକଳ୍ପିତ ସମାଜ କଥା ଆମ ମନକୁ ଆସୁଛି, ଯେଉଁଠି ବ୍ୟବସାୟକୁ କଲ୍ୟାଣର ଶକ୍ତି ରୂପେ ବିନିଯୋଗ କରିହେବ, ପ୍ରତ୍ୟେକ ବ୍ୟକ୍ତିର ସମ୍ଭାବନାକୁ ଗୁରୁତ୍ୱ ମିଳୁଥିବ ଏବଂ ସମସ୍ତଙ୍କ କଲ୍ୟାଣ ଓ ଖୁସିର ମାପଦଣ୍ଡ ଆଧାରରେ ପ୍ରଗତିକୁ ମାପିବା ସମ୍ଭବ ହୋଇପାରିବ। ତାଙ୍କ ସଂସ୍ପର୍ଶରେ ଆସିଥିବା ଅଗଣିତ ଲୋକଙ୍କ ଜୀବନରେ ଏବଂ ତାଙ୍କ ଦ୍ୱାରା ପ୍ରୋତ୍ସାହିତ ଅନେକ ସ୍ୱପ୍ନରେ ସେ ସବୁବେଳେ ଜୀବନ୍ତ ରହିବେ। ଭାରତକୁ ଅଧିକ ଉନ୍ନତ, ଦୟାପୂର୍ଣ୍ଣ ଏବଂ ଆଶାବାଦୀ ସ୍ଥାନରେ ପରିଣତ କରିଥିବାରୁ ଅନେକ ପିଢ଼ି ତାଙ୍କ ନିକଟରେ କୃତଜ୍ଞ ହୋଇ ରହିବେ।

Categories
ଆଜିର ଖବର ଜାତୀୟ ଖବର ବ୍ୟବସାୟ

‘ଓଲା ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ’: ନିତିନ ଗଡକରୀଙ୍କୁ ନିବେଦନ କଲେ କୃଣାଲ କାମ୍ରା

ନୂଆଦିଲ୍ଲୀ: ଓଲା ଇଲେକ୍ଟ୍ରିକ୍ ସିଇଓ ଭବିଷ ଅଗ୍ରୱାଲ ଏବଂ ହାସ୍ୟ ଅଭିନେତା କୃଣାଲ କାମ୍ରାଙ୍କ ମଧ୍ୟରେ ଆରମ୍ଭ ହୋଇଥିବା ଶବ୍ଦ ଯୁଦ୍ଧ ଏବେବି ଜାରି ରହିଛି। ସୋସିଆଲ ମିଡିଆରେ ଦୁହିଁଙ୍କ ମଧ୍ୟରେ ବିତର୍କ ଏକ ଭିନ୍ନ ସ୍ତରରେ ପହଞ୍ଚିଛି। ଏବେ କୃଣାଲ କାମ୍ରା ପୁଣି ଥରେ ଭବିଷ ଅଗ୍ରୱାଲ ଏବଂ ଓଲା ଇଲେକ୍ଟ୍ରିକକୁ ଟାର୍ଗେଟ କରିଛନ୍ତି। ଓଲା ସ୍କୁଟରର ଅବସ୍ଥା ଖରାପ ଏବଂ ଗ୍ରାହକଙ୍କ ସମସ୍ୟାକୁ ନେଇ ସେ ଏଥିନେଇ ପଦକ୍ଷେପ ନେବାକୁ କେନ୍ଦ୍ର ମନ୍ତ୍ରୀ ନିତିନ ଗଡକରୀଙ୍କୁ ନିବେଦନ କରିଛନ୍ତି।

ସୋସିଆଲ ମିଡିଆ ପ୍ଲାଟଫର୍ମ X ରେ କୃଣାଲ କାମ୍ରା ତାଙ୍କ ପୋଷ୍ଟରେ ଲେଖିଛନ୍ତି ଯେ, ଓଲା ଇଲେକ୍ଟ୍ରିକ୍ ସ୍କୁଟର ଉପରେ ଗ୍ରାହକ ଅସନ୍ତୋଷ ପ୍ରକାଶ କରିଛନ୍ତି। ଓଲା ଦ୍ୱାରା କୌଣସି ସ୍ୱଚ୍ଛତା ରହୁନାହିଁ। ଯେଉଁମାନେ ଋଣ ନେଇ ଓଲା ସ୍କୁଟର କିଣିଛନ୍ତି ସେମାନେ ବର୍ତ୍ତମାନ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। କମ୍ପାନୀ ଏହାର ଦାୟିତ୍ୱରୁ ଦୂରେଇ ଯାଉଛି ବୋଲି କୃଣାଲ କାମ୍ରା ଅଭିଯୋଗ କରିଛନ୍ତି। ଗ୍ରାହକଙ୍କ ଅଭିଯୋଗର ୯୯.୧ ପ୍ରତିଶତ ସମାଧାନ ହୋଇଛି ବୋଲି ଓଲା ଇଲେକ୍ଟ୍ରିକ୍ ନିକଟରେ କେନ୍ଦ୍ରୀୟ ଉପଭୋକ୍ତା ସୁରକ୍ଷା ପ୍ରାଧିକରଣକୁ ସୂଚନା ଦେଇଛି।

ଭବିଷ ଅଗ୍ରୱାଲଙ୍କ ବ୍ୟତୀତ କୃଣାଲ କାମ୍ରା ମଧ୍ୟ ତାଙ୍କ ପଦରେ ନିତିନ ଗଡକରୀ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟ୍ୟାଗ କରିଛନ୍ତି। ସେ ସୋଲାପୁରର ଜଣେ ଗ୍ରାହକଙ୍କ ପୋଷ୍ଟରେ ଲେଖିଛନ୍ତି ଯେ, ଓଲା ସ୍କୁଟରକୁ ସେବା କରିବା ଏକ କଷ୍ଟସାଧ୍ୟ କାର୍ଯ୍ୟ ହୋଇଛି। ଜଣେ ଉପଭୋକ୍ତା ଏହି ପୋଷ୍ଟରେ ଲେଖିଛନ୍ତି ଯେ, ମୁଁ ମଧ୍ୟ ସୋଲାପୁରର ଏବଂ ଏହି ଦୃଶ୍ୟ ସେଠାରେ ସାଧାରଣ ହୋଇଗଲାଣି। ଏଠାରେ ଓଲା ଇଲେକ୍ଟ୍ରିକ୍ ଗ୍ରାହକଙ୍କୁ ଭଲ ବ୍ୟବହାର କରାଯାଉନାହିଁ।

CCPA ମଧ୍ୟ ଓଲା ବିରୋଧରେ ତଦନ୍ତ କରୁଛି। କମ୍ପାନୀ ବିରୋଧରେ ୧୦ ହଜାରରୁ ଅଧିକ ଅଭିଯୋଗ ଆସିବା ପରେ ଏହି ବିଜ୍ଞପ୍ତି ଜାରି କରାଯାଇଛି। ଅନ୍ୟପକ୍ଷରେ, HSBC ଓଲା ଇଲେକ୍ଟ୍ରିକ୍ ଷ୍ଟକର ଧାର୍ଯ୍ୟ ମୂଲ୍ୟ ୧୪୦ ରୁ ୧୧୦ ଟଙ୍କାକୁ ହ୍ରାସ କରିଛି।

Categories
ଆଜିର ଖବର ଜାତୀୟ ଖବର

ଭାରତରେ ଉତ୍ପାଦନ ହେବ C-295 ବିମାନ: ପ୍ରଧାନମନ୍ତ୍ରୀ ମୋଦୀ ଏବଂ ସ୍ପେନର ରାଷ୍ଟ୍ରପତି କଲେ ଉଦଘାଟନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ସ୍ପେନର ରାଷ୍ଟ୍ରପତି ପେଡ୍ରୋ ସାଞ୍ଚେଜ ମିଳିତ ଭାବେ ଭଦୋଦରାସ୍ଥିତ ଟାଟା ଆଡଭାନ୍ସଡ ସିଷ୍ଟମ ଲିମିଟେଡ (TASL) କ୍ୟାମ୍ପସରେ C-295 ବିମାନ ଉତ୍ପାଦନ ପାଇଁ ଟାଟା ବିମାନ କମ୍ପ୍ଲେକ୍ସକୁ ଉଦଘାଟନ କରିଛନ୍ତି। ଉଦ୍ଘାଟନ ପରେ ଲୋକଙ୍କୁ ସମ୍ବୋଧିତ କରି ଶ୍ରୀ ମୋଦୀ କହିଥିଲେ ଯେ କିଛି ସମୟ ପୂର୍ବରୁ ଦେଶ ନିଜର ମହାନ ପୁଅ ରତନ ଟାଟାଙ୍କୁ ହରାଇଥିଲା। ଯଦି ଆଜି ରତନ ଟାଟା ଆମ ମଧ୍ୟରେ ଥାଆନ୍ତେ, ସେ ବହୁତ ଖୁସି ହୋଇଥାନ୍ତେ। ଆଜି ଭାରତ ଏହି ଯୋଜନାକୁ ଦ୍ରୁତ ବେଗରେ କାମ କରୁଛି। ଏହି ଯୋଜନାକୁ କାର୍ଯ୍ୟକାରୀ କରିବାରେ କୌଣସି ବିଳମ୍ବ ହେବା ଉଚିତ୍ ନୁହେଁ। ଏଠାରୁ ନିର୍ମିତ ବିମାନ ଅନ୍ୟ ଦେଶକୁ ମଧ୍ୟ ଦିଆଯିବ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ, “ଆଜି ଭାରତରେ ପ୍ରତିରକ୍ଷା ଉତ୍ପାଦନ ଇକୋସିଷ୍ଟମ୍ ନୂତନ ଉଚ୍ଚତାକୁ ଛୁଇଁଛି। ଯଦି ଆମେ 10 ବର୍ଷ ପୂର୍ବେ ଠୋସ୍ ପଦକ୍ଷେପ ନେଇ ନଥାନ୍ତେ, ତେବେ ଆଜି ଏହି ସ୍ତରରେ ପହଞ୍ଚିବା ଅସମ୍ଭବ ହୋଇଥାନ୍ତା। ସେତେବେଳେ କେହି ଏହା କଳ୍ପନା ମଧ୍ୟ କରି ନଥାନ୍ତେ। ଭାରତ ପ୍ରତିରକ୍ଷା ସମ୍ବନ୍ଧୀୟ ସାମଗ୍ରୀ ଭାରତରେ ଏତେ ପରିମାଣରେ ଉତ୍ପାଦନ ହୋଇପାରିବ, କିନ୍ତୁ ଆମେ ଏକ ନୂତନ ପଥରେ ଚାଲିବାକୁ ସ୍ଥିର କରିଛୁ, ନିଜ ପାଇଁ ଏକ ନୂତନ ଲକ୍ଷ୍ୟ ସ୍ଥିର କରିଛୁ ଏବଂ ଆଜି ଏହାର ଫଳାଫଳ ହେଉଛି ଯେ ପ୍ରତିରକ୍ଷା ଉତ୍ପାଦନରେ ଘରୋଇ କ୍ଷେତ୍ରର ଅଂଶଗ୍ରହଣକୁ ଆମେ ବିସ୍ତାର କରିଛୁ, ସାର୍ବଜନୀନ କ୍ଷେତ୍ରକୁ କାର୍ଯ୍ୟକ୍ଷମ କରାଇଛୁ, ଅର୍ଡିନାନ୍ସ କାରଖାନାଗୁଡ଼ିକୁ ସାତଟି ବଡ କମ୍ପାନୀରେ ପରିଣତ କରିଛେ, DRDO ଏବଂ HAL କୁ ଶକ୍ତିଶାଳୀ କରିଛେ, ୟୁପି ଏବଂ ତାମିଲନାଡୁରେ ଦୁଇଟି ବଡ ପ୍ରତିରକ୍ଷା କରିଡର ସୃଷ୍ଟି ହୋଇଛି। ଏହିପରି ଅନେକ ନିଷ୍ପତ୍ତି ପ୍ରତିରକ୍ଷା କ୍ଷେତ୍ରକୁ ନୂତନ ଶକ୍ତିରେ ପରିପୂର୍ଣ୍ଣ କରିଛି।

ମୋଦୀ ଆହୁରି କହିଛନ୍ତି ଯେ, ଗତ ଦଶନ୍ଧିରେ ଆପଣ ସମସ୍ତେ ଭାରତର ବିମାନ ଚଳାଚଳ କ୍ଷେତ୍ରରେ ଅଦ୍ଭୁତପୂର୍ବ ଅଭିବୃଦ୍ଧି ଏବଂ ପରିବର୍ତ୍ତନ ଦେଖିଛନ୍ତି। ଏହି ପ୍ଲାଣ୍ଟ ମେଡ୍ ଇନ୍ ଇଣ୍ଡିଆ ବିମାନ ପାଇଁ ରାସ୍ତା ଖୋଲିବ। ବିଭିନ୍ନ ଭାରତୀୟ ବିମାନ କମ୍ପାନୀଗୁଡିକ 1200 ନୂତନ ବିମାନ ପାଇଁ ଅର୍ଡର ଦେଇଛନ୍ତି। ଏହି କାରଖାନା ଭାରତ ଏବଂ ବିଶ୍ଵର ଭବିଷ୍ୟତର ଆବଶ୍ୟକତା ପୂରଣ ପାଇଁ ସିଭିଲ୍ ବିମାନର ଡିଜାଇନ୍ ଏବଂ ଉତ୍ପାଦନରେ ଏକ ପ୍ରମୁଖ ଭୂମିକା ଗ୍ରହଣ କରିବାକୁ ଯାଉଛି।

ସ୍ପେନର ରାଷ୍ଟ୍ରପତି ପେଡ୍ରୋ ସାଞ୍ଚେଜ କହିଛନ୍ତି ଯେ, 1960 ଦଶକର ଶେଷ ଭାଗରେ ପ୍ରତିଭାଶାଳୀ ପାକୋ ଡି ଲୁସିଆ ଏବଂ ମହାନ ଭାରତୀୟ ସଙ୍ଗୀତକାର ରବି ଶଙ୍କର ଆମ ଦୁଇ ଦେଶକୁ ସଙ୍ଗୀତ ମାଧ୍ୟମରେ ନିକଟତର କରିଥିଲେ। ବୋଧହୁଏ ସେମାନେ ସେତେବେଳେ ଏହା ଅନୁଭବ କରିନଥିଲେ, କିନ୍ତୁ ସେମାନେ ସଂସ୍କୃତି ମଧ୍ୟରେ ଏକ ସେତୁ ନିର୍ମାଣ କରୁଥିଲେ ଯାହା ଭବିଷ୍ୟତ ପାଇଁ ବାଟ ଖୋଲିବ। ଏହା ଏଭଳି ଏକ ଭବିଷ୍ୟତ, ଯାହା ଏହି ପ୍ରକଳ୍ପର ଚେହେରା। ଏହି ଉଦ୍ଭିଦ ଶିଳ୍ପ ଉତ୍କର୍ଷର ପ୍ରତୀକ, ଅଭିବୃଦ୍ଧିର ଏକ ଇଞ୍ଜିନ ଏବଂ ଏକ ଘନିଷ୍ଠ ଏବଂ ବଢୁଥିବା ବନ୍ଧୁତ୍ୱର ପ୍ରମାଣ ହେବ।

Categories
ଅନ୍ତରାଷ୍ଟ୍ରୀୟ ଆଜିର ଖବର ଜାତୀୟ ଖବର

ଦୁଇ ଦିନିଆ ରୁଷ ଗସ୍ତ ପାଇଁ ଯାତ୍ରା ଆରମ୍ଭ କଲେ ପ୍ରଧାନମନ୍ତ୍ରୀ: ବ୍ରିକ୍ସ ଶିଖର ସମ୍ମିଳନୀରେ ନେବେ ଭାଗ

ନୂଆଦିଲ୍ଲୀ: ବ୍ରିକ୍ସ ଶିଖର ସମ୍ମିଳନୀରେ ଭାଗ ନେବାକୁ ପ୍ରଧାନମନ୍ତ୍ରୀ ମୋଦୀ ରୁଷ ଯାତ୍ରା କରିଛନ୍ତି। ଅନେକ ଦେଶର ନେତା ରୁଷର କଜାନରେ ଗୋଟିଏ ମଞ୍ଚରେ ଏକାଠି ହେବେ। ବ୍ରିକ୍ସ ଶିଖର ସମ୍ମିଳନୀରେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସମେତ ଅନେକ ନେତାଙ୍କ ସହ ପ୍ରଧାନମନ୍ତ୍ରୀ ମୋଦୀ ଦ୍ୱିପାକ୍ଷିକ ଆଲୋଚନା କରିବେ। ୧୬ ତମ ବ୍ରିକ୍ସ ଶିଖର ସମ୍ମିଳନୀରେ ଭାଗ ନେବାକୁ ପ୍ରଧାନମନ୍ତ୍ରୀ ମୋଦିଙ୍କ ଏହା ଦୁଇ ଦିନିଆ ଗସ୍ତ।

ବ୍ରିକ୍ସ ଦେଶର ନେତାଙ୍କ ସହ ଦ୍ୱିପାକ୍ଷିକ ବୈଠକ

ଏଥର ବ୍ରିକ୍ସ ସମ୍ମିଳନୀରେ ଆର୍ଥିକ ସହଯୋଗ, ଜଳବାୟୁ ପରିବର୍ତ୍ତନ ଏବଂ ଆନ୍ତର୍ଜାତୀୟ ନିରାପତ୍ତା ଭଳି ବିଶ୍ୱସ୍ତରୀୟ ଆହ୍ଵାନର ମୁକାବିଲା ଉପରେ ଧ୍ୟାନ ଦିଆଯିବ। ଏହି ସମୟ ମଧ୍ୟରେ ପ୍ରଧାନମନ୍ତ୍ରୀ ମୋଦୀ ବ୍ରିକ୍ସ ସଦସ୍ୟ ଦେଶର ନେତାଙ୍କ ସହ ଦ୍ୱିପାକ୍ଷିକ ବୈଠକ ମଧ୍ୟ କରିବେ। ସୂଚନା ଅନୁଯାୟୀ ରୁଷର କଜାନ ସହରରେ ପ୍ରଧାନମନ୍ତ୍ରୀ ମୋଦୀଙ୍କୁ ସ୍ୱାଗତ କରିବା ପାଇଁ ପ୍ରସ୍ତୁତି ଚାଲିଛି। ଭାରତୀୟ ସମ୍ପ୍ରଦାୟର ଲୋକଙ୍କ ମଧ୍ୟରେ ବହୁତ ଉତ୍ସାହ ଦେଖିବାକୁ ମିଳୁଛି।

Categories
ଆଜିର ଖବର ଜାତୀୟ ଖବର

ମୋଦୀ ସରକାରରେ ଶିବରାଜ ସିଂ ଚୌହାନଙ୍କ ବଢିଲା ଗୁରୁତ୍ଵ!: ବଡ ଦାୟିତ୍ଵ ଦେଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: କେନ୍ଦ୍ର କୃଷି, କୃଷକ କଲ୍ୟାଣ ତଥା ଗ୍ରାମ୍ୟ ଉନ୍ନୟନ ମନ୍ତ୍ରୀ ଶିବରାଜ ସିଂ ଚୌହାନଙ୍କ ଅଧ୍ୟକ୍ଷତାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ମନିଟରିଂ ଗ୍ରୁପ ଗଠନ କରିଛନ୍ତି, ଯାହା ପ୍ରଧାନମନ୍ତ୍ରୀ ଘୋଷଣା କରିଥିବା ଯୋଜନା ଏବଂ କେନ୍ଦ୍ର ବଜେଟ୍ ଏବଂ ପ୍ରକଳ୍ପର କାର୍ଯ୍ୟକାରିତା ଉପରେ ସମୀକ୍ଷା କରିବ।

ଏହି ମନିଟରିଂ ଗ୍ରୁପର ପ୍ରଥମ ବୈଠକ ଅକ୍ଟୋବର ୧୮ ତାରିଖରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଅନୁଷ୍ଠିତ ହୋଇଥିଲା ଯେଉଁଥିରେ ରେଳବାଇ ବୋର୍ଡର ଚେୟାରମ୍ୟାନ୍ ଙ୍କ ସମେତ ଭାରତ ସରକାରଙ୍କ ସମସ୍ତ ସଚିବମାନେ ହାଇବ୍ରିଡ ମୋଡରେ ଏହି ବୈଠକରେ ଯୋଗ ଦେଇଥିଲେ। ଶିବରାଜ ସିଂ ଚୌହାନଙ୍କ ଅଧ୍ୟକ୍ଷତାରେ ମନିଟରିଂ ଗ୍ରୁପ ପ୍ରତି ମାସରେ ଦକ୍ଷିଣ ବ୍ଲକରେ ଅବସ୍ଥିତ PMO ରେ ବୈଠକ କରିବେ ଯେଉଁଥିରେ ସମସ୍ତ ସରକାରୀ ଯୋଜନା ସମୀକ୍ଷା କରାଯାଇ କାର୍ଯ୍ୟକାରୀ କରାଯିବ।

ଏହି ପ୍ରକଳ୍ପଗୁଡିକ ଉପରେ ନଜର ରଖିବେ ଶିବରାଜ ସିଂ ଚୌହାନ:

ଏହି ବୈଠକରେ ଯୋଗ ଦେଇଥିବା ଅଧିକାରୀଙ୍କ ଅନୁଯାୟୀ ପ୍ରଧାନମନ୍ତ୍ରୀ ମୋଦୀ ଶିବରାଜ ସିଂ ଚୌହାନଙ୍କୁ ୨୦୧୪ରେ ତାଙ୍କ ନେତୃତ୍ୱରେ ପ୍ରଥମ ଏନଡିଏ ସରକାର ଗଠନ ପରଠାରୁ ଘୋଷିତ ପ୍ରକଳ୍ପଗୁଡିକ ଉପରେ ନଜର ରଖିବାର ଦାୟିତ୍ଵ ଦେଇଛନ୍ତି। ହିନ୍ଦୁସ୍ତାନ ଟାଇମ୍ସ ରିପୋର୍ଟ ଅନୁଯାୟୀ, ପ୍ରଧାନମନ୍ତ୍ରୀ ଘୋଷଣା କରିଥିବା ବିଭିନ୍ନ ଯୋଜନା ପାଇଁ ନୋଡାଲ ଅଫିସର ଭାବେ କାର୍ଯ୍ୟ କରୁଥିବା ଅଧିକାରୀମାନଙ୍କୁ ମଧ୍ୟ ଏହି ବୈଠକରେ ଯୋଗଦେବାକୁ କୁହାଯାଇଛି।

ମନିଟରିଂ ଗ୍ରୁପ୍ ଏହି ପ୍ରକଳ୍ପଗୁଡିକ ଉପରେ ନଜର ରଖିବ:

ଏହି ମନିଟରିଂ ଗ୍ରୁପ୍ ସମ୍ପର୍କରେ ସରକାର ଏପର୍ଯ୍ୟନ୍ତ କୌଣସି ସରକାରୀ ବିବୃତ୍ତି ଦେଇନାହାଁନ୍ତି। କିନ୍ତୁ ପ୍ରଧାନମନ୍ତ୍ରୀଙ୍କ ପୋର୍ଟାଲରେ ଉପଲବ୍ଧ ପ୍ରତ୍ୟେକ ଯୋଜନା ଉପରେ ଶିବରାଜ ସିଂ ଚୌହାନ ନଜର ରଖିବେ। ଏହି ସମୟ ମଧ୍ୟରେ ସଚିବ ଶିବରାଜ ସିଂ ଚୌହାନଙ୍କୁ ମଧ୍ୟ ସେହି ପ୍ରକଳ୍ପଗୁଡିକ ବିଷୟରେ ସୂଚନା ଦେବେ। ଏହା ବ୍ୟତୀତ, ସେଗୁଡିକର ଉନ୍ନତି ପାଇଁ ଆଉ କ’ଣ କରାଯାଇପାରିବ, ତାହା ଉପରେ ଧ୍ୟାନ ଦେବେ।

ସୂଚନାନୁସାରେ, ପ୍ରଧାନମନ୍ତ୍ରୀ ମୋଦୀ ଦିନକୁ ଦିନ ପ୍ରଶାସନ ତଥା ବିଶ୍ୱ ବ୍ୟାପାରରେ ଜଡିତ ଥିବାରୁ ସରକାରୀ ଯୋଜନା କାର୍ଯ୍ୟକାରୀ କରିବାରେ ବିଳମ୍ବକୁ ନେଇ ଚିନ୍ତିତ ଅଛନ୍ତି। ଅନେକ ସଭାରେ ସେ ଏହା କହିଛନ୍ତି।

Categories
ଆଜିର ଖବର ଜାତୀୟ ଖବର

ଧୌଲପୁରରେ ହୋଇଥିବା ସଡକ ଦୁର୍ଘଟଣାରେ ଶୋକ ପ୍ରକାଶ କଲେ ପ୍ରଧାନମନ୍ତ୍ରୀ: ସହାୟତା ରାଶି ଘୋଷଣା

ନୁଆଦିଲ୍ଲୀ: ଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରାଜସ୍ଥାନର ଧୌଲପୁର ସଡକ ଦୁର୍ଘଟଣାରେ ହୋଇଥିବା ପ୍ରାଣହାନୀ ଘଟଣାରେ ଶୋକ ପ୍ରକାଶ କରିଛନ୍ତି। ରାଜ୍ୟ ସରକାରଙ୍କ ତତ୍ତ୍ୱାବଧାନରେ ସ୍ଥାନୀୟ ପ୍ରଶାସନ ପୀଡିତମାନଙ୍କୁ ସମସ୍ତ ପ୍ରକାର ସାହାଯ୍ୟ କରିବାରେ ନିୟୋଜିତ ଅଛନ୍ତି ବୋଲି ସେ ନିଶ୍ଚିତ କରିଛନ୍ତି।

ଏକ୍ସର ଏକ ପୋଷ୍ଟରେ ସେ ଲେଖିଛନ୍ତି:

“ରାଜସ୍ଥାନର ଧୌଲପୁରରେ ଘଟିଥିବା ଦୁର୍ଘଟଣା ହୃଦୟ ବିଦାରକ। ନିରୀହ ପିଲାମାନଙ୍କ ସମେତ ପ୍ରାଣ ହରାଇଥିବା ମୃତକଙ୍କ ଶୋକସନ୍ତପ୍ତ ପରିବାର ପ୍ରତି ମୋର ସମବେଦନା। ଭଗବାନ ସେମାନଙ୍କୁ ଏହି ଯନ୍ତ୍ରଣା ସହିବାକୁ ଶକ୍ତି ଦିଅନ୍ତୁ। ଏଥିସହ ମୁଁ ସମସ୍ତ ଆହତମାନଙ୍କର ଶୀଘ୍ର ଆରୋଗ୍ୟ କାମନା କରୁଛି। ରାଜ୍ୟ ସରକାରଙ୍କ ତତ୍ତ୍ୱାବଧାନରେ ସ୍ଥାନୀୟ ପ୍ରଶାସନ ପୀଡିତମାନଙ୍କୁ ସମସ୍ତ ସମ୍ଭାବ୍ୟ ସହାୟତା ଯୋଗାଇବାରେ ନିୟୋଜିତ ଅଛନ୍ତି।”

ରାଜସ୍ଥାନର ଧୌଲପୁରରେ ଘଟିଥିବା ଦୁର୍ଘଟଣାରେ ପ୍ରତ୍ୟେକ ମୃତକଙ୍କ ସମ୍ପର୍କୀୟଙ୍କ ପାଇଁ ଶ୍ରୀ ମୋଦୀ ପିଏମ୍‌ଏନ୍‌ଆରଏଫ୍‌ରୁ ୨ ଲକ୍ଷ ଟଙ୍କାର ସହାୟତା ଘୋଷଣା କରିଛନ୍ତି। ଏହାଛଡା ଆହତମାନଙ୍କୁ ୫୦ ହଜାର ଟଙ୍କା ଲେଖାଏଁ ସହାୟତା ଦିଆଯିବ ବୋଲି ସେ କହିଛନ୍ତି।

ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମ୍‌ଓ) ପକ୍ଷରୁ ଏକ୍ସରେ ପୋଷ୍ଟ କରାଯାଇଛି:

“ପ୍ରଧାନମନ୍ତ୍ରୀ ରାଜସ୍ଥାନର ଧୌଲପୁରରେ ଘଟିଥିବା ଦୁର୍ଘଟଣାରେ ପ୍ରାଣ ହରାଇଥିବା ପ୍ରତ୍ୟେକ ମୃତକଙ୍କ ସମ୍ପର୍କୀୟଙ୍କ ପାଇଁ ପିଏମ୍‌ଏନ୍‌ଆର୍‌ଫ୍‌ରୁ ୨ ଲକ୍ଷ ଟଙ୍କାର ସହାୟତା ଘୋଷଣା କରିଛନ୍ତି। ଆହତମାନଙ୍କ ପାଇଁ ମଧ୍ୟ ୫୦,୦୦୦ ଟଙ୍କାର ସହାୟତା ଘୋଷଣା କରାଯାଇଛି।”

Categories
ଆଜିର ଖବର ଜାତୀୟ ଖବର

ଏନ୍‌ଡିଏ ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀଙ୍କ ବୈଠକରେ ଅଧ୍ୟକ୍ଷତା କଲେ ପ୍ରଧାନମନ୍ତ୍ରୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏନ୍‌ଡିଏ ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀମାନଙ୍କର ଏକ ବୈଠକରେ ଅଧ୍ୟକ୍ଷତା କରିଛନ୍ତି। ଜାତୀୟ ପ୍ରଗତିକୁ ଆଗକୁ ବଢ଼ାଇବା ଏବଂ ଗରିବ ତଥା ଦଳିତମାନଙ୍କୁ ସଶକ୍ତ କରିବା ପାଇଁ ପ୍ରତିବଦ୍ଧତାକୁ ସେ ନିଶ୍ଚିତ କରିଛନ୍ତି।

ପ୍ରଧାନମନ୍ତ୍ରୀ ଏକ୍ସରେ ପୋଷ୍ଟ କରିଛନ୍ତି:

“ଏନ୍‌ଡିଏ ମୁଖ୍ୟମନ୍ତ୍ରୀ ଏବଂ ଉପମୁଖ୍ୟମନ୍ତ୍ରୀମାନଙ୍କର ଏକ ବୈଠକରେ ଅଧ୍ୟକ୍ଷତା କଲି। ଉତ୍ତମ ଶାସନ ତଥା ଲୋକମାନଙ୍କର ଜୀବନରେ ଉନ୍ନତି ଆଣିବା ପାଇଁ ଆମର ବ୍ୟାପକ ଆଲୋଚନା ହୋଇଥିଲା। ଜାତୀୟ ପ୍ରଗତିକୁ ଆଗକୁ ବଢ଼ାଇବା ଏବଂ ଗରିବ ତଥା ଦଳିତମାନଙ୍କୁ ସଶକ୍ତ କରିବା ପାଇଁ ଆମ ଗଠବନ୍ଧନ ପ୍ରତିବଦ୍ଧ।”

Categories
ଜାତୀୟ ଖବର ବିଶେଷ ଖବର

‘ସବକି ଯୋଜନା ସବ୍ କା ବିକାଶ’ ଅଭିଯାନ: ସକ୍ରିୟ ଭାବେ ଅଂଶଗ୍ରହଣ କରିବାକୁ ପ୍ରଧାନମନ୍ତ୍ରୀଙ୍କ ଅନୁରୋଧ

ଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମଗ୍ର ଦେଶର ଗ୍ରାମୀଣ ବାସିନ୍ଦା ଏବଂ ଅଂଶୀଦାରମାନଙ୍କୁ ଏକ ନିବେଦନ ଜାରି କରି ‘ସବକି ଯୋଜନା ସବକା ବିକାଶ’ ଅଭିଯାନ – ପିପୁଲ୍ସ ପ୍ଲାନ୍ କ୍ୟାମ୍ପେନ୍ (୨୦୨୪-୨୫)ରେ ସକ୍ରିୟ ଭୂମିକା ଗ୍ରହଣ କରିବାକୁ ଅନୁରୋଧ କରିଛନ୍ତି। ଅକ୍ଟୋବର ୧, ୨୦୨୪ରେ ଏକ ଚିଠିରେ ପ୍ରଧାନମନ୍ତ୍ରୀ ୨୦୨୫-୨୬ ବର୍ଷ ପାଇଁ ଗ୍ରାମ ପଞ୍ଚାୟତ ଉନ୍ନୟନ ଯୋଜନା (ଜିପିଡିପି) ପ୍ରସ୍ତୁତିରେ ଉତ୍ସାହୀ ଏବଂ ପ୍ରତିଶ୍ରୁତିବଦ୍ଧ ଅଂଶଗ୍ରହଣ ଉପରେ ଗୁରୁତ୍ୱାରୋପ କରିଥିଲେ।

ପ୍ରାଚୀନ ବୈଦିକ ଶବ୍ଦରୁ ପ୍ରେରଣା ନେଇ ପ୍ରଧାନମନ୍ତ୍ରୀ ଉଲ୍ଲେଖ କରିଥିଲେ, “विश्वं पृष्टं ग्रामे अस्मिन् अनातुरम्” , ଯାହାର ଅର୍ଥ ହେଉଛି, ଯେମିତି ବିଶ୍ୱ ନିଜ ଭିତରେ ସମ୍ପୂର୍ଣ୍ଣ, ଠିକ୍ ସେମିତି ଆମ ଗାଁ ଗୁଡ଼ିକ ମଧ୍ୟ ସକ୍ଷମ, ସଶକ୍ତ ଓ ସମୃଦ୍ଧ ହେବା ଉଚିତ,” ପ୍ରଧାନମନ୍ତ୍ରୀ ଆତ୍ମନିର୍ଭରଶୀଳ ଏବଂ ସ୍ଥାୟୀ ଗ୍ରାମ ଗଠନ ଉପରେ ଗୁରୁତ୍ୱାରୋପ କରିଥିଲେ । ଗ୍ରାମୀଣ ଭାରତର ସାମଗ୍ରିକ ଏବଂ ନିରନ୍ତର ବିକାଶର କେନ୍ଦ୍ରବିନ୍ଦୁ ଜିପିଡିପିରେ ସେମାନଙ୍କ ଅବଦାନ ମାଧ୍ୟମରେ ପ୍ରତ୍ୟେକ ନାଗରିକ ଏବଂ ଅଂଶୀଦାରଙ୍କ ଗୁରୁତ୍ୱପୂର୍ଣ୍ଣ ଭୂମିକା ଉପରେ ସେ ଆଲୋକପାତ କରିଥିଲେ । ପ୍ରଧାନମନ୍ତ୍ରୀ ତାଙ୍କ ବାର୍ତ୍ତା ମାଧ୍ୟମରେ ବ୍ୟାପକ ଅଂଶଗ୍ରହଣ ପାଇଁ ଆହ୍ୱାନ ଦେଇଛନ୍ତି ଏବଂ ସମସ୍ତଙ୍କୁ ଅନୁରୋଧ କରିଛନ୍ତି ଯେ ସେମାନେ ସେମାନଙ୍କ ପଞ୍ଚାୟତଗୁଡ଼ିକୁ ଅଭିବୃଦ୍ଧି ଏବଂ ପ୍ରଗତିର ସମୃଦ୍ଧ କେନ୍ଦ୍ରରେ ପରିଣତ କରିବାରେ ସାହାଯ୍ୟ କରନ୍ତୁ । ସମସ୍ତଙ୍କ ପାଇଁ ଅନ୍ତର୍ଭୁକ୍ତ ଏବଂ ସ୍ଥାୟୀ ଅଭିବୃଦ୍ଧି ସୁନିଶ୍ଚିତ କରିବା ଲକ୍ଷ୍ୟରେ ସାମୂହିକ ପ୍ରୟାସ ଉପରେ ଏହି ପଦକ୍ଷେପର ସଫଳତା ନିର୍ଭର କରେ ବୋଲି ସେ ଦୋହରାଇଥିଲେ । ଏକ ଶକ୍ତିଶାଳୀ, ଆତ୍ମନିର୍ଭରଶୀଳ, ବିକଶିତ ଏବଂ ଅଧିକ ସମୃଦ୍ଧ ଭାରତ ପାଇଁ ‘ସବକି ଯୋଜନା ସବକା ବିକାଶ’ ଅଭିଯାନ – ପିପୁଲ୍ସ ପ୍ଲାନ୍ କ୍ୟାମ୍ପେନ୍ ରେ ଅଂଶଗ୍ରହଣ କରିବାକୁ ସମସ୍ତଙ୍କୁ ପ୍ରେରଣା ଦେବା ସହ ଏହି ବାର୍ତ୍ତାକୁ ଦେଶର କୋଣ ଅନୁକୋଣରେ ପହଞ୍ଚାଇବାକୁ ପଞ୍ଚାୟତିରାଜ ମନ୍ତ୍ରଣାଳୟ ସମସ୍ତ ପଞ୍ଚାୟତିରାଜ ଅନୁଷ୍ଠାନ / ଗ୍ରାମୀଣ ସ୍ଥାନୀୟ ସଂସ୍ଥାଗୁଡ଼ିକୁ ଅନୁରୋଧ କରିଛି ।

କେନ୍ଦ୍ର ପଞ୍ଚାୟତିରାଜ ମନ୍ତ୍ରୀ ଶ୍ରୀ ରାଜୀବ ରଞ୍ଜନ ସିଂହ ଓରଫ ଲଲନ ସିଂହ ଏକ ବିକଶିତ ଭାରତ ଏବଂ ଆତ୍ମନିର୍ଭର ଭାରତର ଲକ୍ଷ୍ୟ ସହିତ ଅଭିଯାନର ସଂଯୋଗ ଉପରେ ଗୁରୁତ୍ୱାରୋପ କରିଛନ୍ତି । ସାମଗ୍ରିକ ବିକାଶ ଲକ୍ଷ୍ୟ ହାସଲରେ ଏକତା ଉପରେ ଗୁରୁତ୍ୱାରୋପ କରିବା ସହ ସରପଞ୍ଚ, ପଂଚାୟତ ସଭ୍ୟ ଓ ବାସିନ୍ଦାମାନେ ଉତ୍ସାହର ସହ ଏଥିରେ ଅଂଶଗ୍ରହଣ କରିବାକୁ ନିବେଦନ କରିଛନ୍ତି । ବିକାଶ ପ୍ରକ୍ରିୟାରେ ପ୍ରତ୍ୟେକ ସ୍ୱର ଓ ଚିନ୍ତାଧାରା ଗୁରୁତ୍ୱପୂର୍ଣ୍ଣ ବୋଲି କେନ୍ଦ୍ରମନ୍ତ୍ରୀ ଆଲୋକପାତ କରିଛନ୍ତି । କେନ୍ଦ୍ର ପଞ୍ଚାୟତିରାଜ ରାଷ୍ଟ୍ରମନ୍ତ୍ରୀ ପ୍ରଫେସର ଏସ୍ ପି ସିଂହ ବାଘେଲ ପିପୁଲ୍ସ ପ୍ଲାନ୍ ଅଭିଯାନକୁ ଗଣତନ୍ତ୍ରର ମୂଳଦୁଆକୁ ସୁଦୃଢ଼ କରିବା ପାଇଁ ଏକ ନିଆରା ପ୍ରୟାସ ବୋଲି ବର୍ଣ୍ଣନା କରିଛନ୍ତି । ଗ୍ରାମର ବିକାଶ ପାଇଁ ଯୋଜନା କରିବା ନିମନ୍ତେ ନାଗରିକମାନଙ୍କ ସଶକ୍ତୀକରଣ ଉପରେ ସେ ଗୁରୁତ୍ୱାରୋପ କରିଥିଲେ ଏବଂ ପ୍ରକୃତ ଆବଶ୍ୟକତାକୁ ପୂରଣ କରିବା ପାଇଁ ଯୋଜନା ପ୍ରସ୍ତୁତ କରିବା ଲାଗି ଗ୍ରାମସଭାରେ ସକ୍ରିୟ ଅଂଶଗ୍ରହଣକୁ ଉତ୍ସାହିତ କରିଥିଲେ । ରାଷ୍ଟ୍ରମନ୍ତ୍ରୀ ନିରନ୍ତର ବିକାଶ ଲକ୍ଷ୍ୟ ସହିତ ଏହି ଅଭିଯାନର ଲିଙ୍କ୍ ବିଷୟରେ ମଧ୍ୟ ଉଲ୍ଲେଖ କରିଛନ୍ତି ଏବଂ ବ୍ୟାପକ ସୂଚନା ପ୍ରସାରଣ ପାଇଁ ବିଭିନ୍ନ ସଂରେଖୀୟ ବିଭାଗର ଆଗଧାଡ଼ିର କର୍ମୀମାନଙ୍କୁ ଗ୍ରାମସଭାରେ ଯୋଗ ଦେବା ପାଇଁ ଦିଆଯାଇଥିବା ନିମନ୍ତ୍ରଣ ବିଷୟରେ ଉଲ୍ଲେଖ କରିଛନ୍ତି ।

ଆଜି (ଅକ୍ଟୋବର ୨) ୨୦୨୫-୨୬ ପାଇଁ ପଞ୍ଚାୟତ ଉନ୍ନୟନ ଯୋଜନା (ପିଡିପି) ପ୍ରସ୍ତୁତି ନିମନ୍ତେ ଜନଯୋଜନା ଅଭିଯାନର ଦେଶବ୍ୟାପୀ ଶୁଭାରମ୍ଭ ହୋଇଛି । ଭାରତ ସରକାରଙ୍କ ପଞ୍ଚାୟତିରାଜ ମନ୍ତ୍ରଣାଳୟ ଦେଶର ସମସ୍ତ ପଞ୍ଚାୟତ ଏବଂ ଅଂଶୀଦାରମାନଙ୍କୁ ନିବେଦନ କରି ଏହି ଗୁରୁତ୍ୱପୂର୍ଣ୍ଣ “ପିପୁଲ୍ସ ପ୍ଲାନ କ୍ୟାମ୍ପେନ୍ ” (୨୦୨୪-୨୫)ରେ ସକ୍ରିୟ ଭାବରେ ଅଂଶଗ୍ରହଣ କରିବାକୁ ଅନୁରୋଧ କରିଛି । ‘ସବକି ଯୋଜନା ସବକା ବିକାଶ’ର ଭାବନାକୁ ପ୍ରତିଫଳିତ କରୁଥିବା ପିପୁଲ୍ସ ପ୍ଲାନ୍ କ୍ୟାମ୍ପେନ୍ (ଜନ ଯୋଜନା ଅଭିଯାନ) ହେଉଛି ତୃଣମୂଳ ସ୍ତରର ଗଣତନ୍ତ୍ରକୁ ସୁଦୃଢ଼ କରିବା ଏବଂ ଗ୍ରାମୀଣ ଭାରତରେ ସମାବେଶୀ ବିକାଶକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହା ଗ୍ରାମୀଣ ନାଗରିକମାନଙ୍କୁ ସ୍ଥାନୀୟ ବିକାଶ ପାଇଁ ଯୋଜନା ପ୍ରକ୍ରିୟାରେ ଅଂଶଗ୍ରହଣ କରି ସେମାନଙ୍କ ଗ୍ରାମର ଭବିଷ୍ୟତ ଗଠନରେ ସକ୍ରିୟ ଭୂମିକା ଗ୍ରହଣ କରିବାକୁ ସଶକ୍ତ କରିଥାଏ ।

ଏହି ଗୁରୁତ୍ୱପୂର୍ଣ୍ଣ ପଦକ୍ଷେପକୁ ସମର୍ଥନ କରି ବ୍ୟାପକ ଅଂଶଗ୍ରହଣକୁ ପ୍ରୋତ୍ସାହିତ କରିବା ପାଇଁ ଅନେକ ବିଶିଷ୍ଟ ବ୍ୟକ୍ତି ଆଗେଇ ଆସିଛନ୍ତି । ପଞ୍ଚାୟତିରାଜ ମନ୍ତ୍ରଣାଳୟ (https://www.youtube.com/playlist?list=PLr1WFeVzpoLu2lw_Dq-SeCV7vujuKBXDW)ର ୟୁଟ୍ୟୁବ୍ ଚ୍ୟାନେଲରେ ଉପଲବ୍ଧ ସ୍ୱତନ୍ତ୍ର ଭାବେ ରେକର୍ଡ ହୋଇଥିବା ଭିଡିଓ ବାର୍ତ୍ତା ମାଧ୍ୟମରେ ସେମାନେ ଉଭୟ ପଞ୍ଚାୟତ ଓ ଜନସାଧାରଣଙ୍କୁ ପିପୁଲ୍ସ ପ୍ଲାନ୍ କ୍ୟାମ୍ପେନ୍ ରେ ସାମିଲ ହେବାକୁ ନିବେଦନ କରିଛନ୍ତି ।

ଏହି ପ୍ରସଙ୍ଗରେ ସ୍ୱର ଯୋଡିଥିବା ଅନ୍ୟ ବିଶିଷ୍ଟ ବ୍ୟକ୍ତିମାନଙ୍କ ମଧ୍ୟରେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶ୍ରୀ (ଡ. ) ମୋହନ ଯାଦବ ; ରାଜସ୍ଥାନ ମୁଖ୍ୟମନ୍ତ୍ରୀ ଶ୍ରୀ ଭଜନ ଲାଲ ଶର୍ମା ; ତ୍ରିପୁରା ମୁଖ୍ୟମନ୍ତ୍ରୀ ପ୍ରଫେସର (ଡ.) ମାଣିକ ଶାହା,; ଏବଂ ବିହାରର ପଞ୍ଚାୟତିରାଜ ମନ୍ତ୍ରୀ ଶ୍ରୀ କେଦାର ପ୍ରସାଦ ଗୁପ୍ତା , ଛତିଶଗଡ ମୁଖ୍ୟମନ୍ତ୍ରୀ ଶ୍ରୀ ବିଷ୍ଣୁ ଦେଓ ସାଏ ଲିଖିତ ବାର୍ତ୍ତା ମାଧ୍ୟମରେ ପଞ୍ଚାୟତ ଏବଂ ସ୍ଥାନୀୟ ବାସିନ୍ଦାଙ୍କୁ ପିପୁଲ୍ସ ପ୍ଲାନ ଅଭିଯାନରେ ସକ୍ରିୟ ଭାବରେ ଅଂଶଗ୍ରହଣ କରିବାକୁ ଅନୁରୋଧ କରିଛନ୍ତି । ଏହି ପଦକ୍ଷେପ ଗ୍ରାମାଞ୍ଚଳରେ ଗୋଷ୍ଠୀ ନିୟୋଜନ ଏବଂ ବିକାଶକୁ ପ୍ରୋତ୍ସାହିତ କରିବା ପାଇଁ ନେତୃତ୍ୱର ପ୍ରତିବଦ୍ଧତାକୁ ଆଲୋକପାତ କରେ । ଏହା ମଧ୍ୟ ଉଲ୍ଲେଖନୀୟ ଯେ ଶ୍ରୀ ବିଷ୍ଣୁ ଦେଓ ସାଏ, ଶ୍ରୀ ଭଜନ ଲାଲ ଶର୍ମା ଏବଂ ଶ୍ରୀ କେଦାର ପ୍ରସାଦ ଗୁପ୍ତା ସରପଞ୍ଚ / ମୁଖିଆ ଭାବରେ ସେମାନଙ୍କର ରାଜନୈତିକ ଯାତ୍ରା ଆରମ୍ଭ କରିଥିଲେ, ଯାହା ସ୍ଥାନୀୟ ସ୍ୱୟଂ ଶାସନରେ ଏକ ଗୁରୁତ୍ୱପୂର୍ଣ୍ଣ ଅଧ୍ୟାୟ ।

ଚଳିତ ବର୍ଷ ‘ସବକି ଯୋଜନା ସବକା ବିକାଶ’ ଅଭିଯାନ ଅନେକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ ଛୁଇଁଛି, ଯେଉଁଥିରେ ୨ ଅକ୍ଟୋବର ୨୦୨୪ରେ ସ୍ୱତନ୍ତ୍ର ଗ୍ରାମସଭା ମାଧ୍ୟମରେ ଭାରତୀୟ ଗଣତନ୍ତ୍ରର ୭୫ତମ ବାର୍ଷିକୀ ପାଳନ ପାଇଁ ଏକ ସ୍ୱତନ୍ତ୍ର ପଦକ୍ଷେପ ଅନ୍ତର୍ଭୁକ୍ତ । ଏହି ଗ୍ରାମସଭାଗୁଡ଼ିକ ୨୦୨୫-୨୬ ଆର୍ଥିକ ବର୍ଷ ପାଇଁ ସେମାନଙ୍କ ପଞ୍ଚାୟତ ଉନ୍ନୟନ ଯୋଜନା (ପିଡିପି) ପ୍ରସ୍ତୁତ କରିବା, ୨.୫୫ ଲକ୍ଷରୁ ଅଧିକ ଗ୍ରାମ ପଞ୍ଚାୟତ, ୬,୭୦୦ ବ୍ଲକ ପଞ୍ଚାୟତ ଏବଂ ୬୬୫ ଟି ଜିଲ୍ଲା ପଞ୍ଚାୟତକୁ ନିୟୋଜିତ କରିବା ଦିଗରେ ଗ୍ରାମ ପଞ୍ଚାୟତଗୁଡ଼ିକୁ ପ୍ରୋତ୍ସାହିତ କରିବା ଉପରେ ଗୁରୁତ୍ୱ ଦେବେ । ପଞ୍ଚାୟତିରାଜ ମନ୍ତ୍ରଣାଳୟର ଅଧିକାରୀ ଏବଂ ପରାମର୍ଶଦାତାମାନଙ୍କୁ ଅକ୍ଟୋବର ୨, ୨୦୨୪ ରେ ସ୍ୱତନ୍ତ୍ର ଗ୍ରାମସଭାର ଆୟୋଜନର ତଦାରଖ ଏବଂ ଯାଂଚ କରିବା ପାଇଁ ବିଭିନ୍ନ ରାଜ୍ୟ/ କେନ୍ଦ୍ରଶାସିତ ଅଞ୍ଚଳରେ ମନୋନୀତ ଗ୍ରାମ ପଞ୍ଚାୟତଗୁଡିକୁ ନିୟୋଜିତ କରାଯାଇଛି । ଉଚ୍ଚମାନର ପଞ୍ଚାୟତ ଉନ୍ନୟନ ଯୋଜନାର ବିକାଶ ପାଇଁ ଏକ ଅଧିକ ଶୃଙ୍ଖଳିତ, ସମାବେଶୀ ଏବଂ ଗଠନମୂଳକ ପ୍ରକ୍ରିୟା ସୁନିଶ୍ଚିତ କରିବା ସହିତ ମୂଲ୍ୟବାନ ବୁଝାମଣା ଏବଂ ମାର୍ଗଦର୍ଶନ ପ୍ରଦାନ କରିବା ସେମାନଙ୍କ ଉପସ୍ଥିତିର ଲକ୍ଷ୍ୟ ।

ଏହି ଅଭିଯାନର ଏକ ଅଂଶ ଭାବରେ ୨.୫୫ ଲକ୍ଷରୁ ଅଧିକ ଗ୍ରାମ ପଞ୍ଚାୟତରେ ସ୍ୱତନ୍ତ୍ର ଗ୍ରାମସଭା ଆୟୋଜନ କରାଯାଉଛି । ଏହି ସ୍ୱତନ୍ତ୍ର ଭାବରେ ଡକାଯାଇଥିବା ଏବଂ ସୁପରିକଳ୍ପିତ ଗ୍ରାମସଭା ନାଗରିକମାନଙ୍କ ପାଇଁ ସେମାନଙ୍କ ମତାମତ ରଖିବା, ସେମାନଙ୍କର ଆବଶ୍ୟକତା ବାଣ୍ଟିବା ଏବଂ ସେମାନଙ୍କ ଅଞ୍ଚଳର ବିକାଶ ଯୋଜନାରେ ସକ୍ରିୟ ଭାବରେ ଯୋଗଦାନ କରିବା ପାଇଁ ପ୍ଲାଟଫର୍ମ ଭାବରେ କାର୍ଯ୍ୟ କରେ । ପିପୁଲ୍ସ ପ୍ଲାନ୍ ଅଭିଯାନ ଭାରତରେ ସମାବେଶୀ ଏବଂ ଅଂଶୀଦାର ଗ୍ରାମୀଣ ବିକାଶ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ । ଏହାର ଉଦ୍ଦେଶ୍ୟ ହେଉଛି , ଯୋଜନା ପ୍ରକ୍ରିୟାରେ ଗ୍ରାମୀଣ ନାଗରିକଙ୍କ ସକ୍ରିୟ ଅଂଶଗ୍ରହଣକୁ ପ୍ରୋତ୍ସାହିତ କରି, ବିକାଶ ଯୋଜନା ସୃଷ୍ଟି କରିବା ଯାହା ପ୍ରକୃତରେ ସ୍ଥାନୀୟ ଆବଶ୍ୟକତା ଏବଂ ଆକାଂକ୍ଷାକୁ ପ୍ରତିଫଳିତ କରେ । ଏହି ପଦକ୍ଷେପର ସଫଳତା ପାଇଁ ଏବଂ ଗ୍ରାମର ଶକ୍ତିରେ ଆଧାରିତ ଏକ ବିକଶିତ ଭାରତର ସ୍ୱପ୍ନକୁ ସାକାର କରିବା ପାଇଁ ପଞ୍ଚାୟତିରାଜ ଅନୁଷ୍ଠାନ ଏବଂ ଗ୍ରାମୀଣ ସ୍ଥାନୀୟ ସଂସ୍ଥାଗୁଡ଼ିକର ସମର୍ଥନ ଏବଂ ଯୋଗଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଏହି ଅଭିଯାନ ଆଗକୁ ବଢ଼ୁଥିବା ବେଳେ ଏହା ଗ୍ରାମୀଣ ସମୁଦାୟମାନଙ୍କ ମଧ୍ୟରେ ସେମାନଙ୍କ ବିକାଶ ପ୍ରକ୍ରିୟା ପ୍ରତି ସ୍ୱାମିତ୍ୱ ଭାବନାକୁ ପ୍ରୋତ୍ସାହିତ କରିବ ଏବଂ ୨୦୨୫- ୨୬ ବର୍ଷ ପାଇଁ ଅଧିକ ପ୍ରଭାବଶାଳୀ ଏବଂ ସ୍ଥାନୀୟ ସ୍ତରରେ ପ୍ରାସଙ୍ଗିକ ପଞ୍ଚାୟତ ଉନ୍ନୟନ ଯୋଜନା ସୃଷ୍ଟି କରିବ ବୋଲି ଆଶା କରାଯାଉଛି । ଆଇଆଇଟି ଦିଲ୍ଲୀ ଦ୍ୱାରା ସମନ୍ୱିତ ଉନ୍ନତ ଭାରତ ଅଭିଯାନ (ୟୁବିଏ) ଚଳିତ ବର୍ଷ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ, ଯେଉଁଥିରେ ‘ସବକି ଯୋଜନା ସବକା ବିକାଶ’ ଅଭିଯାନ ନାମରେ ଜଣାଶୁଣା ପିପୁଲ୍ସ ପ୍ଲାନ୍ କ୍ୟାମ୍ପେନ୍ ରେ ଉଚ୍ଚ ଶିକ୍ଷାନୁଷ୍ଠାନ (ଏଚ୍‌ଇଆଇ) ଏବଂ ଉନ୍ନତ ଭାରତ ଅଭିଯାନର ୧୫,୦୦୦ ରୁ ଅଧିକ ଛାତ୍ରଛାତ୍ରୀଙ୍କୁ ସାମିଲ କରାଯିବ ।

ଏହି ଛାତ୍ରଛାତ୍ରୀମାନେ କେବଳ ଅକ୍ଟୋବର ୨, ୨୦୨୪ରେ ସ୍ୱତନ୍ତ୍ର ଗ୍ରାମସଭାରେ ଅଂଶଗ୍ରହଣ କରିବେ ନାହିଁ, ବରଂ ବିଭିନ୍ନ ଗ୍ରାମ ପଞ୍ଚାୟତରେ ଜିପିଡିପିକୁ ସହାୟତା କରିବେ ଏବଂ ପ୍ରସ୍ତୁତିରେ ମଧ୍ୟ ସହଯୋଗ କରିବେ ।  ୟୁବିଏ ଏବଂ ପଞ୍ଚାୟତିରାଜ ମନ୍ତ୍ରଣାଳୟ ମଧ୍ୟରେ ଏହି ଭାଗିଦାରୀର ଉଦ୍ଦେଶ୍ୟ ହେଉଛି ତୃଣମୂଳ ସ୍ତରର ଯୋଜନାରେ ଯୁବ ମନକୁ ସାମିଲ କରିବା, ଯାହା ଏହି ଅଭିଯାନର ଇତିହାସରେ ପ୍ରଥମ ।  ଏହାବ୍ୟତୀତ ମଡେଲ ଗ୍ରାମ ପଞ୍ଚାୟତ କ୍ଲଷ୍ଟର (ପିସିଏମଜିପିସି) ସୃଷ୍ଟି ପ୍ରକଳ୍ପ ଅଧୀନରେ କାର୍ଯ୍ୟ କରୁଥିବା ଯୁବ ଫେଲୋ ଏବଂ ପିରାମଲ ଫାଉଣ୍ଡେସନ, ଆକାଂକ୍ଷୀ ଭାରତ ସହଯୋଗୀ (ଏବିସି) ଏବଂ ଟ୍ରାନ୍ସଫର୍ମିଂ ରୁରାଲ ଇଣ୍ଡିଆ ଫାଉଣ୍ଡେସନ (ଟିଆରଆଇଏଫ)ର ଫେଲୋମାନେ ଅକ୍ଟୋବର ୨ ତାରିଖ ଗ୍ରାମସଭାର ସହ-ସହାୟକ ହେବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ । ସେମାନେ ସରପଞ୍ଚଙ୍କୁ ଏଲଏସଡିଜି ଉପରେ ପ୍ରାକ୍ ଯୋଜନା ଏବଂ ଅଭିମୁଖୀକରଣରେ ସମର୍ଥନ କରିବେ, ପିଡିଆଇ ସ୍କୋର ଏବଂ ଏଲଏସଡିଜି ପ୍ରସଙ୍ଗ ଉପରେ ଗ୍ରାମସଭା ସଦସ୍ୟମାନଙ୍କୁ ପ୍ରୋତ୍ସାହିତ କରିବେ ଏବଂ ଉପଯୁକ୍ତ ହସ୍ତକ୍ଷେପ ଏବଂ ବିଷୟବସ୍ତୁ ଚୟନ କରିବାରେ ସାହାଯ୍ୟ କରିବେ ।

ପଞ୍ଚାୟତିରାଜ ମନ୍ତ୍ରଣାଳୟ ୨ ଅକ୍ଟୋବର ୨୦୨୪ରେ ଏକ ଐତିହାସିକ ପଦକ୍ଷେପ ଆରମ୍ଭ କରୁଛି, ଯାହା ଦେଶର ୭୫୦ ଟି ଗ୍ରାମ ପଞ୍ଚାୟତରେ ଏକ ସ୍ୱତନ୍ତ୍ର ଗ୍ରାମସଭା ତଥା ଓରିଏଣ୍ଟେସନ୍ / ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜନ କରୁଛି । ପଞ୍ଚାୟତିରାଜ ବ୍ୟବସ୍ଥାକୁ ସୁଦୃଢ଼ କରିବା ଏବଂ ସକ୍ରିୟ ଗୋଷ୍ଠୀ ଅଂଶଗ୍ରହଣ ମାଧ୍ୟମରେ ଉଚ୍ଚମାନର ପଞ୍ଚାୟତ ଉନ୍ନୟନ ଯୋଜନା (ପିଡିପି) ସୃଷ୍ଟିକୁ ସୁନିଶ୍ଚିତ କରିବା ପାଇଁ ମନ୍ତ୍ରଣାଳୟର ପ୍ରତିବଦ୍ଧତାର ଏକ ଅଂଶ ହେଉଛି ଏହି ପ୍ରକାରର ପ୍ରଥମ କାର୍ଯ୍ୟକ୍ରମ ।

ଭାରତୀୟ ଗଣତନ୍ତ୍ରର ୭୫ତମ ବର୍ଷ ଅନେକ ଦୃଷ୍ଟିରୁ ଦେଶର ଯାତ୍ରାରେ ଏକ ଐତିହାସିକ ମାଇଲଖୁଣ୍ଟ । ୭୫ ବର୍ଷରୁ ଅଧିକ ବୟସ୍କ ବରିଷ୍ଠ ନାଗରିକମାନଙ୍କୁ ସେମାନଙ୍କ ସ୍ୱରକୁ ବ୍ୟାପକ କରିବା ଏବଂ ଏକ ଶକ୍ତିଶାଳୀ ସମୁଦାୟ ଗଠନ କରିବା ଉଦ୍ଦେଶ୍ୟରେ ୭୫୦ଟି ଗ୍ରାମସଭାରେ ଅଂଶଗ୍ରହଣ କରିବାକୁ ଆମନ୍ତ୍ରଣ କରି ସେମାନଙ୍କୁ ସମ୍ମାନିତ କରିବା ଏବଂ ସେମାନଙ୍କୁ ନିୟୋଜିତ କରିବା, ଜନଭାଗିଦାରୀ ଶକ୍ତି ମାଧ୍ୟମରେ ଗ୍ରାମ ସ୍ୱରାଜ ସୁନିଶ୍ଚିତ କରିବାର ଏକ ମୁହୂର୍ତ୍ତ । ଜ୍ଞାନ ଓ ସହଯୋଗର ଏହି ଉତ୍ସବରେ ଏକାଠି ହୋଇ ସମସ୍ତଙ୍କ ପାଇଁ ଏକ ଉଜ୍ଜ୍ୱଳ ଏବଂ ଅଧିକ ସମାବେଶୀ ଭବିଷ୍ୟତ ପାଇଁ ମାର୍ଗ ପ୍ରଶସ୍ତ କରିବାକୁ ମନ୍ତ୍ରଣାଳୟ ନାଗରିକମାନଙ୍କୁ ଆହ୍ୱାନ ଦେଇଛି । ତୃଣମୂଳ ସ୍ତରରେ ବିକାଶ ଯୋଜନା ଯେପରି ସମାବେଶୀ, ସ୍ୱଚ୍ଛ ଏବଂ ଫଳପ୍ରଦ ହୁଏ ତାହା ସୁନିଶ୍ଚିତ କରିବା ପାଇଁ ପ୍ରସ୍ତୁତ ଏହି ପଦକ୍ଷେପ ପିପୁଲ୍ସ ପ୍ଲାନ୍ କ୍ୟାମ୍ପେନ୍ ର ଏକ ଅତ୍ୟାବଶ୍ୟକ ଉପାଦାନ ।

ଗ୍ରାମୀଣ ଭାରତର ନିରନ୍ତର ବିକାଶ ଦିଗରେ ମିଳିତ ଭାବେ କାର୍ଯ୍ୟ କରିବା ପାଇଁ ଉଭୟ ବୟସ୍କ ଓ ଯୁବପିଢ଼ିକୁ ନିୟୋଜିତ କରିବା ଉପରେ ଏହି ପଦକ୍ଷେପ ବିଶେଷ ଧ୍ୟାନ ଦେଉଛି । ଏକ ନିଆରା ଆଭିମୁଖ୍ୟରେ ବରିଷ୍ଠ ନାଗରିକମାନଙ୍କୁ ସମ୍ମାନିତ କରାଯିବା ସହ ସେମାନଙ୍କ ଅନୁଭୂତି ବାଣ୍ଟିବା ପାଇଁ ଆମନ୍ତ୍ରଣ କରାଯିବ । ଦଶନ୍ଧି ଧରି ଭାରତର ପରିବର୍ତ୍ତନକୁ ଦେଖି ସେମାନେ ଆକୃଷ୍ଟ ହୋଇ ପଞ୍ଚାୟତ ଗୁଡ଼ିକର ଭବିଷ୍ୟତ ଏବଂ ସ୍ଥାୟୀ ବିକାଶର ଦୃଷ୍ଟିକୋଣକୁ ମାର୍ଗଦର୍ଶନ କରିବାରେ ସହାୟକ ହେବେ। ଯୋଜନା ପ୍ରକ୍ରିୟାରେ ବୟସ୍କ ମାନଙ୍କର ସମ୍ପୃକ୍ତି ଗ୍ରାମୀଣ ଶାସନରେ ଥିବା ପାରମ୍ପରିକ ଜ୍ଞାନ ଏବଂ ମୂଲ୍ୟବୋଧକୁ ସୁଦୃଢ଼ କରିଥାଏ। ପଞ୍ଚାୟତିରାଜ ମନ୍ତ୍ରଣାଳୟର ଯୁବ ପ୍ରତିନିଧି, ଟିଆଇଆରଏଫ ଓ ପିରାମଲ ଫାଉଣ୍ଡେସନର ପ୍ରତିନିଧିମାନେ ସହାୟକ ଭାବେ କାର୍ଯ୍ୟ କରିବେ। ସେମାନେ ପଞ୍ଚାୟତ ପ୍ରତିନିଧି ଏବଂ ଅନ୍ୟ ଅଂଶୀଦାରମାନଙ୍କୁ ବିକାଶ ଯୋଜନାର ଗୁରୁତ୍ୱପୂର୍ଣ୍ଣ ଦିଗ ଯଥା ନିରନ୍ତର ବିକାଶ ଲକ୍ଷ୍ୟ (ଏଲଏସଡିଜି)ର ସ୍ଥାନୀୟକରଣ ଏବଂ ଶାସନରେ ଥିବା ବ୍ୟବଧାନକୁ ଚିହ୍ନଟ କରିବା ଉପରେ କେନ୍ଦ୍ରୀଭୂତ ପ୍ରଶିକ୍ଷଣ ପ୍ରଦାନ କରିବେ।

ଅକ୍ଟୋବର ୨ ତାରିଖ ସ୍ୱତନ୍ତ୍ର ଗ୍ରାମସଭା ତଥା ଓରିଏଣ୍ଟେସନ୍‌/ ପ୍ରଶିକ୍ଷଣ କାର୍ଯ୍ୟକ୍ରମରେ ଭାବ ବିନିମୟ ଅଧିବେଶନ ମଧ୍ୟ ଅନ୍ତର୍ଭୁକ୍ତ ହେବ ଯେଉଁଥିରେ ବରିଷ୍ଠ ନାଗରିକମାନେ ପ୍ରଥମ ପଞ୍ଚାୟତ ନିର୍ବାଚନଠାରୁ ଆରମ୍ଭ କରି ସାମ୍ପ୍ରତିକ ଶାସନ ଅଭ୍ୟାସ ପର୍ଯ୍ୟନ୍ତ ପଞ୍ଚାୟତର ବିକାଶର ସ୍ମୃତି ବାଣ୍ଟିବେ। ଏହାପରେ ସ୍ଥାନୀୟ ଶାସନରେ ଥିବା ବ୍ୟବଧାନ ଏବଂ ଭବିଷ୍ୟତ ଲକ୍ଷ୍ୟ ଉପରେ ଆଲୋଚନା ହେବ । ଏହି କାର୍ଯ୍ୟକ୍ରମରେ ବୃକ୍ଷରୋପଣ ଅଭିଯାନ (ଏକ ପେଡ ମା କେ ନାମ), ସ୍ୱଚ୍ଛତା, ଫିଟ୍ ନେସ୍ ଏବଂ ନିଶାମୁକ୍ତ ସମାଜ ପାଇଁ ସାମୂହିକ ପ୍ରତିଶ୍ରୁତି ଦେବା ସହିତ ଗୁଣାତ୍ମକ ପଞ୍ଚାୟତ ଉନ୍ନୟନ ଯୋଜନା ପ୍ରସ୍ତୁତ କରିବା ପାଇଁ ସାମୂହିକ ପ୍ରତିବଦ୍ଧତା ମଧ୍ୟ ପ୍ରଦାନ କରାଯିବ।

ଏହି ପଦକ୍ଷେପ ଶାସନ ପାଇଁ ଏକ ଆଗୁଆ ଚିନ୍ତାଧାରାର ପ୍ରତୀକ – ଯାହା ନିରନ୍ତର ବିକାଶ ଏବଂ ଗ୍ରାମୀଣ ଭାରତର ସଶକ୍ତୀକରଣ ଉପରେ ଧ୍ୟାନ ଦେବା ସହିତ ପରମ୍ପରାକୁ ଗୁରୁତ୍ୱ ଦିଏ। ଗଣତନ୍ତ୍ରର ୭୫ତମ ବାର୍ଷିକୀକୁ ୭୫୦ଟି ଗ୍ରାମସଭା ସହ ପାଳନ କରିବା ସହ ଲୋକଙ୍କ ଭାଗିଦାରୀ ମାଧ୍ୟମରେ ଗ୍ରାମ ସ୍ୱରାଜ ସୁନିଶ୍ଚିତ କରିବା ପାଇଁ ପଞ୍ଚାୟତିରାଜ ମନ୍ତ୍ରଣାଳୟ ସମସ୍ତ ଗ୍ରାମ ପଞ୍ଚାୟତ, ବ୍ଲକ ପଞ୍ଚାୟତ, ଜିଲ୍ଲା ପଞ୍ଚାୟତ ଏବଂ ସମ୍ପ୍ରଦାୟକୁ ଏହି କାର୍ଯ୍ୟକ୍ରମରେ ସକ୍ରିୟ ଭାବରେ କାର୍ଯ୍ୟ କରିବାକୁ ଆହ୍ୱାନ ଦେଇଛି।