Categories
ଆଜିର ଖବର ଜାତୀୟ ଖବର

ଛତିଶଗଡରେ ସୁରକ୍ଷା ବାହିନୀ ଏବଂ ନକ୍ସଲମାନଙ୍କ ମଧ୍ୟରେ ଗୁଳିବିନିମୟ, ୧୬ ନକ୍ସଲ ନିହତ, ୨ ଯବାନ ଆହତ

ନୂଆଦିଲ୍ଲୀ: ଛତିଶଗଡର ସୁକମା-ଦନ୍ତେୱାଡା ସୀମାରେ ଥିବା ଉପମପଲ୍ଲୀ କେରଳାପାଲ ଅଞ୍ଚଳର ଜଙ୍ଗଲରେ ସୁରକ୍ଷା ବାହିନୀ ସହ ହୋଇଥିବା ଏନକାଉଣ୍ଟରରେ ନକ୍ସଲଙ୍କ ମୃତ୍ୟୁ ଘଟିଛି। ସୁରକ୍ଷା ବାହିନୀ ସୁକମା ଜଙ୍ଗଲରୁ ନକ୍ସଲମାନଙ୍କ ମୃତଦେହ ଉଦ୍ଧାର କରିଛନ୍ତି। ଏହି ଏନକାଉଣ୍ଟରରେ ଦୁଇଜଣ ଯବାନ ମଧ୍ୟ ସାମାନ୍ୟ ଆହତ ହୋଇଥିଲେ।

ଛତିଶଗଡ ବସ୍ତର ଜୋନ୍ ଆଇଜି ପି ସୁନ୍ଦରରାଜଙ୍କ ଅନୁଯାୟୀ, ସୁକମା-ଦନ୍ତେୱାଡା ସୀମାରେ ଥିବା ଉପମ୍ପଲ୍ଲୀ କେରଳାପାଲ ଜଙ୍ଗଲରେ ସୁରକ୍ଷା ବାହିନୀ ସହ ଏନକାଉଣ୍ଟରରେ ୧୬ ଜଣ ନକ୍ସଲଙ୍କ ମୃତ୍ୟୁ ଘଟିଛି। ଏବେ ବି ଗୁଳି ବିନିମୟ ଜାରି ରହିଛି।

ଶୁକ୍ରବାର ଦିନ ଜିଲ୍ଲା ରିଜର୍ଭ ଗାର୍ଡ (DRG) ଏବଂ ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (CRPF) ଦ୍ୱାରା ମିଳିତ ନକ୍ସଲ ବିରୋଧୀ ଅପରେସନ ସମୟରେ ଏହି ଗୁଳି ବିନିମୟ ଆରମ୍ଭ ହୋଇଥିଲା। ଅଧିକାରୀଙ୍କ କହିବାନୁସାରେ, ସୁକମା ପୋଲିସ ଷ୍ଟେସନ ସୀମା ଅନ୍ତର୍ଗତ କେରଳାପାଲ ଅଞ୍ଚଳରେ ନକ୍ସଲମାନଙ୍କ ଉପସ୍ଥିତି ବିଷୟରେ ଗୁପ୍ତ ସୂଚନା ମିଳିବା ପରେ ଏହି ଅପରେସନ ଆରମ୍ଭ କରାଯାଇଥିଲା।

ମିଳିତ ଦଳ ମାର୍ଚ୍ଚ ୨୮ ତାରିଖରେ ସର୍ଚ୍ଚ ଅପରେସନ ପାଇଁ ବାହାରିଥିଲା। ଆଜି ସକାଳ ଠାରୁ ନକ୍ସଲ ଏବଂ ସୁରକ୍ଷା ବାହିନୀ ମଧ୍ୟରେ ଗୁଳି ବିନିମୟ ଚାଲିଛି। ସୁରକ୍ଷା ବାହିନୀ ବର୍ତ୍ତମାନ ଏନକାଉଣ୍ଟର ସ୍ଥାନ ଏବଂ ଏହାର ଆଖପାଖ ଜଙ୍ଗଲ ଅଞ୍ଚଳରେ ପୁଙ୍ଖାନୁପୁଙ୍ଖ ଅନୁସନ୍ଧାନ କରୁଛି।

Categories
ଆଜିର ଖବର ଜାତୀୟ ଖବର

ଛତିଶଗଡରେ ୨୯ ନକ୍ସଲଙ୍କ ମୃତ୍ୟୁ ପରେ ଅମିତ ଶାହାଙ୍କ ପ୍ରତିକ୍ରିୟା: ସୁରକ୍ଷା ବାହିନୀକୁ ଏହିପରି କଲେ ପ୍ରଶଂସା

ନୂଆଦିଲ୍ଲୀ: ଛତିଶଗଡର କାଙ୍କେର ଜିଲ୍ଲାର ମାଡ ଅଞ୍ଚଳରେ ସୁରକ୍ଷା ବାହିନୀ ଏବଂ ନକ୍ସଲମାନଙ୍କ ମଧ୍ୟରେ ହୋଇଥିବା ମୁକାବିଲାରେ ସୁରକ୍ଷା ବାହିନୀ ଦ୍ୱାରା ମିଳିଥିବା ବଡ ସଫଳତା ପାଇଁ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଖୁସି ବ୍ୟକ୍ତ କରିଛନ୍ତି। ସେ ସୁରକ୍ଷା ବାହିନୀର କାର୍ଯ୍ୟକଳାପକୁ ପ୍ରଶଂସା କରି କହିଛନ୍ତି ଯେ, ଖୁବ ଶୀଘ୍ର ଦେଶ ନକ୍ସଲବାଦରୁ ମୁକ୍ତ ହେବ।

ମଙ୍ଗଳବାର ଅପରାହ୍ନ ୨ ଟାରୁ ଏହି ଏନକାଉଣ୍ଟର ଆରମ୍ଭ ହୋଇଥିଲା। ଏହି ଅପରେସନରେ ସୁରକ୍ଷା ବାହିନୀ ୨୯ ଜଣ ନକ୍ସଲଙ୍କୁ ସଫା କରିଛନ୍ତି। ସମସ୍ତ ମୃତଦେହ ଉଦ୍ଧାର କରାଯାଇଛି। ନକ୍ସଲ ନେତା ଶଙ୍କର ରାଓ ମଧ୍ୟ ଏଥିରେ ଅନ୍ତର୍ଭୁକ୍ତ। ଏହି ଏନକାଉଣ୍ଟରରେ ବିଏସଏଫ ଇନ୍ସପେକ୍ଟର ରମେଶ ଚୌଧୁରୀଙ୍କ ସମେତ ତିନିଜଣ ସୈନିକ ଆହତ ହୋଇଛନ୍ତି।

ଗୃହମନ୍ତ୍ରୀ ଅମିତ ଶାହା କ’ଣ କହିଛନ୍ତି?:

ସୁରକ୍ଷା ବାହିନୀର କାର୍ଯ୍ୟକୁ ପ୍ରଶଂସା କରି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମାଇକ୍ରୋବ୍ଲଗିଂ ସାଇଟରେ ଲେଖିଛନ୍ତି ଯେ, ମୁଁ ଆହତ ସାହସୀ ପୋଲିସଙ୍କ ଶୀଘ୍ର ଆରୋଗ୍ୟ କାମନା କରୁଛି ଏବଂ ଏହି ଅପରେସନ ପାଇଁ ସମସ୍ତ ଯବାନଙ୍କୁ ଅଭିନନ୍ଦନ ଜଣାଉଛି।

ଅମିତ ଶାହା ଆହୁରି ଲେଖିଛନ୍ତି ଯେ, “ନକ୍ସଲବାଦ ହେଉଛି ବିକାଶ, ଶାନ୍ତି ଏବଂ ଯୁବମାନଙ୍କର ଉଜ୍ଜ୍ୱଳ ଭବିଷ୍ୟତର ସବୁଠାରୁ ବଡ ଶତ୍ରୁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆମେ ଦେଶକୁ ନକ୍ସଲବାଦରୁ ମୁକ୍ତ କରିବାକୁ ସଂକଳ୍ପବଦ୍ଧ। ସରକାରୀ ଏବଂ ସୁରକ୍ଷା ବାହିନୀଙ୍କ ଉଦ୍ୟମ ହେତୁ ଛତିଶଗଡରେ ନକ୍ସଲବାଦ ଏକ ଛୋଟ ଅଞ୍ଚଳରେ ସୀମିତ ରହିଛି ଏବଂ ଖୁବ୍ ଶୀଘ୍ର ସମଗ୍ର ଦେଶ ନକ୍ସଲବାଦରୁ ସମ୍ପୂର୍ଣ୍ଣ ମୁକ୍ତ ହେବ।